Xiaomi Elelctric Car: ਇਸ ਮੋਬਾਈਲ ਬਣਾਉਣ ਵਾਲੀ ਕੰਪਨੀ ਨੇ ਆਪਣੀ ਪਹਿਲੀ ਇਲੈਕਟ੍ਰਿਕ ਕਾਰ ਤੋਂ ਹਟਾਇਆ ਪਰਦਾ, ਤੁਸੀਂ ਵੀ ਦੇਖੋ ਸ਼ਾਨਦਾਰ ਲੁੱਕ !

Xiaomi ਬ੍ਰਾਂਡਡ ਕਾਰਾਂ ਦਾ ਨਿਰਮਾਣ ਸਰਕਾਰੀ ਮਾਲਕੀ ਵਾਲੇ ਸਮੂਹ BAIC ਦੀ ਇਕਾਈ ਦੁਆਰਾ ਕੀਤਾ ਜਾਵੇਗਾ। ਜਿਸ ਦੀ ਸਾਲਾਨਾ ਸਮਰੱਥਾ 2,00,000 ਯੂਨਿਟ ਬਣਾਉਣ ਦੀ ਹੈ।

Xiaomi Elelctric Car

Xiaomi Electric Car Unveild: ਚੀਨੀ ਸਮਾਰਟਫੋਨ ਨਿਰਮਾਤਾ ਕੰਪਨੀ Xiomi ਨੇ ਆਪਣੀ ਪਹਿਲੀ ਇਲੈਕਟ੍ਰਿਕ ਕਾਰ ਪੇਸ਼ ਕੀਤੀ, ਅਤੇ ਦੁਨੀਆ ਦੇ ਚੋਟੀ ਦੇ ਪੰਜ ਵਾਹਨ ਨਿਰਮਾਤਾਵਾਂ ਦੀ ਸੂਚੀ ਵਿੱਚ ਸ਼ਾਮਲ ਹੋਣ ਦਾ ਆਪਣਾ ਇਰਾਦਾ ਵੀ ਪ੍ਰਗਟ ਕੀਤਾ।

SU7 ਸੇਡਾਨ ਕੰਪਨੀ ਦਾ ਸਭ ਤੋਂ ਜ਼ਿਆਦਾ ਉਡੀਕਿਆ ਜਾਣ ਵਾਲਾ ਮਾਡਲ ਹੈ, ਉਮੀਦ ਕੀਤੀ ਜਾ ਰਹੀ ਹੈ ਕਿ ਕੰਪਨੀ ਇਸ 'ਚ ਆਪਣੇ ਸਭ ਤੋਂ ਮਸ਼ਹੂਰ ਫੋਨ ਦੇ ਆਪਰੇਟਿੰਗ ਸਿਸਟਮ ਦੀ ਵਰਤੋਂ ਕਰ ਸਕਦੀ ਹੈ। ਹਾਲਾਂਕਿ ਕੰਪਨੀ ਨੇ ਅਜਿਹੇ ਸਮੇਂ 'ਚ ਸ਼ੁਰੂਆਤ ਕੀਤੀ ਹੈ ਜਦੋਂ ਦੁਨੀਆ ਦਾ ਸਭ ਤੋਂ ਵੱਡਾ ਆਟੋ ਬਾਜ਼ਾਰ ਮੰਗ ਦੀ ਕਮੀ ਨਾਲ ਜੂਝ ਰਿਹਾ ਹੈ, ਜਿਸ ਕਾਰਨ ਬਾਜ਼ਾਰ 'ਚ ਕੀਮਤ ਯੁੱਧ ਜਾਰੀ ਹੈ।

ਇਸ ਤੋਂ ਬਾਅਦ ਵੀ, ਕੰਪਨੀ ਦੇ ਵੱਡੇ ਇਰਾਦੇ ਹਨ ਅਤੇ ਪੋਰਸ਼ੇ ਅਤੇ ਟੇਸਲਾ ਵਰਗੀਆਂ ਕਾਰਾਂ ਨਾਲ ਮੁਕਾਬਲਾ ਕਰਨ ਲਈ ਭਵਿੱਖ ਵਿੱਚ ਇੱਕ ਡਰੀਮ ਕਾਰ ਬਣਾਉਣਾ ਚਾਹੁੰਦੀ ਹੈ। ਜਿਸ ਲਈ ਅਗਲੇ 15-20 ਸਾਲ ਸਖ਼ਤ ਮਿਹਨਤ ਨਾਲ ਭਰੇ ਹੋਣਗੇ। ਚੋਟੀ ਦੇ 5 ਵਾਹਨ ਨਿਰਮਾਤਾਵਾਂ ਵਿੱਚ ਕੰਪਨੀ ਦੇ ਸ਼ਾਮਲ ਹੋਣ ਨਾਲ ਚੀਨ ਦੇ ਆਟੋਮੋਬਾਈਲ ਸੈਕਟਰ ਨੂੰ ਹੋਰ ਮਜ਼ਬੂਤੀ ਮਿਲੇਗੀ।

ਕਈ ਹੋਰ ਕੰਪਨੀਆਂ ਵਾਂਗ, Xiaomi ਵੀ ਆਪਣੇ ਮੁੱਖ ਕੰਮ ਤੋਂ ਇਲਾਵਾ EV ਸੈਕਟਰ ਵਿੱਚ ਕੁਝ ਨਵਾਂ ਕਰਨ ਦੀ ਕੋਸ਼ਿਸ਼ ਕਰ ਰਹੀ ਹੈ। ਅਤੇ ਕੰਪਨੀ ਨੇ ਇਸ ਦਾ ਐਲਾਨ 2021 ਵਿੱਚ ਹੀ ਕੀਤਾ ਹੈ। ਕੰਪਨੀ ਨੇ ਅਗਲੇ ਦਹਾਕੇ ਵਿੱਚ ਆਟੋ ਉਦਯੋਗ ਵਿੱਚ $10 ਬਿਲੀਅਨ ਨਿਵੇਸ਼ ਕਰਨ ਦੀ ਗੱਲ ਵੀ ਕੀਤੀ ਹੈ।

ਬੀਜਿੰਗ 'ਚ ਚੱਲ ਰਹੇ ਈਵੈਂਟ 'ਚ ਕੰਪਨੀ ਨੇ ਕਿਹਾ ਹੈ ਕਿ Xiaomi ਦੇ ਵਾਹਨਾਂ 'ਚ ਮੌਜੂਦ ਆਟੋਨੋਮਸ ਸਮਰੱਥਾ ਇਸ ਸੈਗਮੈਂਟ 'ਚ ਪਾਏ ਜਾਣ ਵਾਲੇ ਹੋਰ ਵਾਹਨਾਂ ਤੋਂ ਵੱਖਰੀ ਹੈ। Xiaomi ਬ੍ਰਾਂਡਡ ਕਾਰਾਂ ਦਾ ਨਿਰਮਾਣ ਸਰਕਾਰੀ ਮਾਲਕੀ ਵਾਲੇ ਸਮੂਹ BAIC ਦੀ ਇਕਾਈ ਦੁਆਰਾ ਕੀਤਾ ਜਾਵੇਗਾ। ਜਿਸ ਦੀ ਸਾਲਾਨਾ ਸਮਰੱਥਾ 2,00,000 ਯੂਨਿਟ ਬਣਾਉਣ ਦੀ ਹੈ।

ਨੋਟ  : -  ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ। ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ, ਕੂ, ਸ਼ੇਅਰਚੈੱਟ ਅਤੇ ਡੇਲੀਹੰਟ 'ਤੇ ਵੀ ਫੋਲੋ ਕਰ ਸਕਦੇ ਹੋ। ਸਾਡੀ ABP ਸਾਂਝਾ ਦੀ ਵੈੱਬਸਾਈਟ https://punjabi.abplive.com/ 'ਤੇ ਜਾ ਕੇ ਵੀ ਖ਼ਬਰਾਂ ਨੂੰ ਤਫ਼ਸੀਲ ਨਾਲ ਪੜ੍ਹ ਸਕਦੇ ਹੋ ।