Rupee 2000 note: ਆਖਰ ਕੌਣ ਦਬਾ ਕੇ ਬੈਠਾ 2000 ਰੁਪਏ ਦੇ ਨੋਟ? ਸਰਕਾਰ ਵੱਲੋਂ ਬੰਦ ਕਰਨ ਦੇ ਬਾਵਜੂਦ 87 ਫੀਸਦੀ ਹੀ ਆਏ ਵਾਪਸ
ਨਵੀਂ ਦਿੱਲੀ: ਬੈਂਕਾਂ 'ਚ 2000 ਰੁਪਏ ਦੇ ਨੋਟ ਜਮ੍ਹਾ ਕਰਵਾਉਣ ਜਾਂ ਬਦਲਣ ਦੀ ਤਰੀਕ ਭਾਵੇਂ ਲੰਘ ਗਈ ਹੈ ਪਰ ਅਜੇ ਵੀ 2000 ਰੁਪਏ ਦੇ ਸਾਰੇ ਨੋਟ ਬੈਂਕਾਂ 'ਚ ਵਾਪਸ ਨਹੀਂ ਆਏ। ਇਹ ਜਾਣ ਕੇ ਹੈਰਾਨੀ ਹੋਵੇਗੀ ਕਿ ਇਹ ਨੋਟ ਅਜੇ ਵੀ ਬਾਜ਼ਾਰ 'ਚ ਮੌਜੂਦ ਹੈ।
ਨਵੀਂ ਦਿੱਲੀ: ਬੈਂਕਾਂ 'ਚ 2000 ਰੁਪਏ ਦੇ ਨੋਟ ਜਮ੍ਹਾ ਕਰਵਾਉਣ ਜਾਂ ਬਦਲਣ ਦੀ ਤਰੀਕ ਭਾਵੇਂ ਲੰਘ ਗਈ ਹੈ ਪਰ ਅਜੇ ਵੀ 2000 ਰੁਪਏ ਦੇ ਸਾਰੇ ਨੋਟ ਬੈਂਕਾਂ 'ਚ ਵਾਪਸ ਨਹੀਂ ਆਏ। ਇਹ ਜਾਣ ਕੇ ਹੈਰਾਨੀ ਹੋਵੇਗੀ ਕਿ ਇਹ ਨੋਟ ਅਜੇ ਵੀ ਬਾਜ਼ਾਰ 'ਚ ਮੌਜੂਦ ਹੈ। ਭਾਰਤੀ ਰਿਜ਼ਰਵ ਬੈਂਕ ਦਾ ਇਹ ਵੀ ਮੰਨਣਾ ਹੈ ਕਿ 2000 ਰੁਪਏ ਦੇ ਨੋਟਾਂ ਦੇ ਰੂਪ ਵਿੱਚ 10 ਹਜ਼ਾਰ ਕਰੋੜ ਰੁਪਏ ਅਜੇ ਵੀ ਲੋਕਾਂ ਕੋਲ ਹਨ।
ਦੱਸ ਦਈਏ ਕਿ 2,000 ਰੁਪਏ ਦੇ ਨੋਟ ਨੂੰ ਬਦਲਣ ਜਾਂ ਜਮ੍ਹਾ ਕਰਨ ਦੀ ਆਖਰੀ ਮਿਤੀ ਪਹਿਲਾਂ 30 ਸਤੰਬਰ ਸੀ। ਇਸ ਨੂੰ ਬਾਅਦ ਵਿੱਚ ਵਧਾ ਕੇ 7 ਅਕਤੂਬਰ ਕਰ ਦਿੱਤਾ ਗਿਆ ਸੀ। 30 ਸਤੰਬਰ ਤੱਕ ਕੁੱਲ ਨੋਟਾਂ ਵਿੱਚੋਂ 87 ਫੀਸਦੀ ਬੈਂਕਾਂ ਵਿੱਚ ਵਾਪਸ ਆ ਚੁੱਕੇ ਸਨ। ਮੀਡੀਆ ਰਿਪੋਰਟ ਮੁਤਾਬਕ ਭਾਰਤੀ ਰਿਜ਼ਰਵ ਬੈਂਕ ਦੇ ਗਵਰਨਰ ਸ਼ਕਤੀਕਾਂਤ ਦਾਸ ਨੇ ਕਿਹਾ ਹੈ ਕਿ ਲੋਕਾਂ ਕੋਲ ਅਜੇ ਵੀ 2,000 ਰੁਪਏ ਦੇ ਨੋਟਾਂ ਦੇ ਰੂਪ 'ਚ 10,000 ਕਰੋੜ ਰੁਪਏ ਹਨ।
ਇਹ ਵੀ ਪੜ੍ਹੋ: Nawaz Sharif: ਭਰਾ ਸ਼ਹਿਬਾਜ਼ ਸ਼ਰੀਫ ਨਹੀਂ ਹੋਣਗੇ ਨਵਾਜ਼ ਦੇ ਉੱਤਰਾਧਿਕਾਰੀ, ਸਾਬਕਾ ਪ੍ਰਧਾਨ ਮੰਤਰੀ ਨੇ ਖੁਦ ਭਾਵੁਕ ਹੋ ਕੇ ਕੀਤਾ ਐਲਾ
ਉਨ੍ਹਾਂ ਸਪਸ਼ਟ ਕੀਤਾ ਹੈ ਕਿ ਡਿਪਾਜ਼ਿਟ ਜਾਂ ਐਕਸਚੇਂਜ ਦੀ ਆਖਰੀ ਮਿਤੀ ਤੋਂ ਲੈ ਕੇ 7 ਅਕਤੂਬਰ ਤੱਕ ਰਿਜ਼ਰਵ ਬੈਂਕ ਦੇ ਦਫਤਰਾਂ 'ਚ ਸਿਰਫ 2 ਹਜ਼ਾਰ ਕਰੋੜ ਰੁਪਏ ਹੀ ਜਮ੍ਹਾ ਹੋਏ ਹਨ। ਸਰਕਾਰ ਨੇ ਇਸ ਸਾਲ 19 ਮਈ ਨੂੰ 2000 ਰੁਪਏ ਦੇ ਨੋਟ ਬੰਦ ਕਰ ਦਿੱਤੇ ਸਨ। ਲੋਕਾਂ ਨੂੰ ਇਹ ਨੋਟ ਬੈਂਕਾਂ ਵਿੱਚ ਜਮ੍ਹਾ ਕਰਵਾਉਣ ਜਾਂ ਬਦਲਵਾਉਣ ਲਈ ਕਿਹਾ ਗਿਆ।
ਆਰਬੀਆਈ ਗਵਰਨਰ ਨੂੰ ਉਮੀਦ ਹੈ ਕਿ ਬਾਜ਼ਾਰ ਵਿੱਚ ਮੌਜੂਦ ਸਾਰੇ 2,000 ਰੁਪਏ ਦੇ ਨੋਟ ਉਨ੍ਹਾਂ ਨੂੰ ਵਾਪਸ ਕਰ ਦਿੱਤੇ ਜਾਣਗੇ। ਅਕਤੂਬਰ ਦੇ ਸ਼ੁਰੂ ਵਿੱਚ ਗਵਰਨਰ ਸ਼ਕਤੀਕਾਂਤ ਦਾਸ ਨੇ ਕਿਹਾ ਸੀ ਕਿ ਵਾਪਸ ਲਏ ਗਏ 2,000 ਰੁਪਏ ਦੇ ਨੋਟਾਂ ਵਿੱਚੋਂ 87 ਪ੍ਰਤੀਸ਼ਤ ਜਮ੍ਹਾ ਵਜੋਂ ਬੈਂਕਾਂ ਵਿੱਚ ਵਾਪਸ ਆ ਗਏ ਹਨ।
ਦੱਸ ਦਈਏ ਕਿ ਜੇਕਰ ਤੁਹਾਡੇ ਕੋਲ ਅਜੇ ਵੀ 2,000 ਰੁਪਏ ਦੇ ਨੋਟ ਹਨ, ਤਾਂ ਵੀ ਤੁਸੀਂ ਉਨ੍ਹਾਂ ਨੂੰ ਦੇਸ਼ ਭਰ ਵਿੱਚ ਫੈਲੇ 19 ਆਰਬੀਆਈ ਜਾਰੀ ਦਫ਼ਤਰਾਂ ਵਿੱਚ ਜਮ੍ਹਾਂ ਕਰਵਾ ਸਕਦੇ ਹੋ ਜਾਂ ਤੁਸੀਂ ਡਾਕ ਵਿਭਾਗ ਰਾਹੀਂ ਨੋਟਾਂ ਨੂੰ ਆਰਬੀਆਈ ਦਫ਼ਤਰ ਵਿੱਚ ਭੇਜ ਸਕਦੇ ਹੋ। ਤੁਸੀਂ ਨਾ ਸਿਰਫ ਨੋਟ ਜਮ੍ਹਾ ਕਰ ਸਕਦੇ ਹੋ, ਸਗੋਂ ਉਨ੍ਹਾਂ ਨੂੰ ਹੋਰ ਮੁੱਲਾਂ ਦੇ ਨੋਟਾਂ ਨਾਲ ਵੀ ਬਦਲ ਸਕਦੇ ਹੋ। ਇਹ ਸਹੂਲਤ ਕੇਂਦਰੀ ਬੈਂਕ ਦੇ ਅਗਲੇ ਹੁਕਮਾਂ ਤੱਕ ਜਾਰੀ ਰਹੇਗੀ। ਨੋਟਾਂ ਨੂੰ ਜਮ੍ਹਾ ਕਰਾ ਕੇ, ਬੈਂਕ ਖਾਤੇ 'ਚ ਉਹੀ ਰਕਮ ਜਮ੍ਹਾ ਕਰਵਾਈ ਜਾ ਸਕਦੀ ਹੈ।
ਇਹ ਵੀ ਪੜ੍ਹੋ: Israel-Palestine Conflict: ਮਿਡਲ ਈਸਟ 'ਚ ਆਉਣ ਵਾਲੀ ਤਬਾਹੀ? ਅਮਰੀਕਾ ਨੇ ਦੋ ਘਾਤਕ ਮਿਜ਼ਾਈਲ ਸਿਸਟਮ ਕਰ ਦਿੱਤੇ ਤਾਇਨਾਤ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
