Copper Price Hike : AC, ਫ੍ਰਿਜ, ਪੱਖੇ ਅਤੇ ਗੀਜ਼ਰ ਦੇ ਵਧੇ ਰੇਟ , ਮਹਿੰਗਾ ਹੋਇਆ ਇਹ ਜ਼ਰੂਰੀ ਸਮਾਨ
Copper Price Hike : ਮਾਨਸੂਨ ਦੌਰਾਨ ਵਧ ਰਹੀ ਹੁੰਮਸ ਦੇ ਵਿਚਕਾਰ ਜੇਕਰ ਤੁਸੀਂ ਵੀ AC, ਫ੍ਰਿਜ, ਪੱਖਾ, ਗੀਜ਼ਰ ਜਾਂ ਹੋਰ ਇਲੈਕਟ੍ਰਿਕ ਸਮਾਨ ਖਰੀਦਣ ਬਾਰੇ ਸੋਚ ਰਹੇ ਹੋ ਤਾਂ ਹੁਣ ਤੁਹਾਡੀ ਜੇਬ ਪਹਿਲਾਂ ਦੇ ਮੁਕਾਬਲੇ ਜ਼ਿਆਦਾ ਢਿੱਲੀ ਹੋ ਸਕਦੀ ਹੈ।
Copper Price Hike : ਮਾਨਸੂਨ ਦੌਰਾਨ ਵਧ ਰਹੀ ਹੁੰਮਸ ਦੇ ਵਿਚਕਾਰ ਜੇਕਰ ਤੁਸੀਂ ਵੀ AC, ਫ੍ਰਿਜ, ਪੱਖਾ, ਗੀਜ਼ਰ ਜਾਂ ਹੋਰ ਇਲੈਕਟ੍ਰਿਕ ਸਮਾਨ ਖਰੀਦਣ ਬਾਰੇ ਸੋਚ ਰਹੇ ਹੋ ਤਾਂ ਹੁਣ ਤੁਹਾਡੀ ਜੇਬ ਪਹਿਲਾਂ ਦੇ ਮੁਕਾਬਲੇ ਜ਼ਿਆਦਾ ਢਿੱਲੀ ਹੋ ਸਕਦੀ ਹੈ। ਇਨ੍ਹਾਂ ਇਲੈਕਟ੍ਰਾਨਿਕ ਅਤੇ ਇਲੈਕਟ੍ਰਿਕ ਉਤਪਾਦਾਂ ਵਿੱਚ ਵੱਡੇ ਪੱਧਰ ’ਤੇ ਵਰਤੀ ਜਾਣ ਵਾਲੀ ਇੱਕ ਅਹਿਮ ਧਾਤ ਤਾਂਬਾ (Copper) ਲਗਾਤਾਰ ਮਹਿੰਗਾ ਹੋ ਰਿਹਾ ਹੈ। ਇਸ ਦੀ ਕੀਮਤ ਵਧਣ ਕਾਰਨ ਕੰਪਨੀਆਂ ਦੀ ਉਤਪਾਦਨ ਲਾਗਤ ਵੀ ਵਧ ਸਕਦੀ ਹੈ, ਜਿਸ ਦਾ ਅਸਰ ਅੱਗੇ ਚੱਲ ਕੇ ਇਨ੍ਹਾਂ ਸਮਾਨ ਦੀਆਂ ਕੀਮਤਾਂ ’ਤੇ ਪੈ ਸਕਦਾ ਹੈ।
ਭਾਰਤ ਵਿੱਚ ਇਨ੍ਹੀਂ ਦਿਨੀਂ ਤਾਂਬੇ ਦੀਆਂ ਕੀਮਤਾਂ ਵਿੱਚ ਤੇਜ਼ ਉਛਾਲ ਦੇਖਣ ਨੂੰ ਮਿਲ ਰਿਹਾ ਹੈ। ਅਗਸਤ ਵਿੱਚ MCX ’ਤੇ ਤਾਂਬੇ ਦੀ ਕੀਮਤ ਕਰੀਬ 1,400 ਰੁਪਏ ਪ੍ਰਤੀ ਕਿਲੋਗ੍ਰਾਮ ਤੱਕ ਪਹੁੰਚ ਗਈ। ਤਾਂਬੇ ਦੀ ਕੀਮਤ ਵਧਣ ਪਿੱਛੇ ਵਧਦੀ ਮੰਗ ਅਤੇ ਸੀਮਤ ਸਪਲਾਈ ਵੱਡੇ ਕਾਰਨ ਹਨ।
ਕਿਉਂ ਵਧ ਰਹੀ ਹੈ ਤਾਂਬੇ ਦੀ ਕੀਮਤ?
ਤਾਂਬਾ ਬਿਜਲੀ ਦਾ ਵਧੀਆ ਸੁਚਾਲਕ ਹੈ। ਇਸੇ ਕਾਰਨ ਇਸ ਦੀ ਵਰਤੋਂ ਬਿਜਲੀ ਦੀਆਂ ਤਾਰਾਂ, ਟ੍ਰਾਂਸਫਾਰਮਰ, ਮੋਟਰ, ਇਲੈਕਟ੍ਰਿਕ ਵਾਹਨਾਂ ਅਤੇ ਕਈ ਤਰ੍ਹਾਂ ਦੇ ਉਪਕਰਨਾਂ ਵਿੱਚ ਹੁੰਦੀ ਹੈ। ਨਵੀਂ ਤਾਂਬੇ ਦੀ ਖਾਣ ਸ਼ੁਰੂ ਕਰਨ ਵਿੱਚ ਕਈ ਸਾਲ ਲੱਗ ਸਕਦੇ ਹਨ। ਇਲੈਕਟ੍ਰਿਕ ਵਾਹਨਾਂ ਅਤੇ ਰਿਨਿਊਏਬਲ ਐਨਰਜੀ ਦੀ ਵਧਦੀ ਵਰਤੋਂ ਨਾਲ ਤਾਂਬੇ ਦੀ ਮੰਗ ਤੇਜ਼ੀ ਨਾਲ ਵਧ ਰਹੀ ਹੈ। AI ਡਾਟਾ ਸੈਂਟਰ ਅਤੇ ਨਵੇਂ ਬਿਜਲੀ ਇਨਫ੍ਰਾਸਟ੍ਰਕਚਰ ਵਿੱਚ ਵੀ ਤਾਂਬੇ ਦੀ ਖਪਤ ਵਧ ਰਹੀ ਹੈ।
ਭਾਰਤ ਵਿੱਚ ਕਿਉਂ ਵਧ ਰਹੀ ਹੈ ਤਾਂਬੇ ਦੀ ਮੰਗ?
ਭਾਰਤ ਵਿੱਚ ਬਿਜਲੀ, ਨਿਰਮਾਣ, ਇਨਫ੍ਰਾਸਟ੍ਰਕਚਰ ਅਤੇ ਇਲੈਕਟ੍ਰਿਕ ਵਾਹਨਾਂ ਦੇ ਵਿਸਥਾਰ ਨਾਲ ਤਾਂਬੇ ਦੀ ਲੋੜ ਵੀ ਵਧ ਰਹੀ ਹੈ। ਇੰਟਰਨੈਸ਼ਨਲ ਕਾਪਰ ਐਸੋਸੀਏਸ਼ਨ ਇੰਡੀਆ ਮੁਤਾਬਕ ਵਿੱਤੀ ਸਾਲ 2025 ਦੌਰਾਨ ਦੇਸ਼ ਵਿੱਚ ਤਾਂਬੇ ਦੀ ਮੰਗ ਸਾਲਾਨਾ ਆਧਾਰ ’ਤੇ 9.3% ਵਧ ਕੇ ਕਰੀਬ 1.878 ਮਿਲੀਅਨ ਟਨ ਹੋ ਗਈ। ਸੋਲਰ, ਵਿੰਡ ਐਨਰਜੀ, ਇਲੈਕਟ੍ਰਿਕ ਵਾਹਨ ਅਤੇ ਬੈਟਰੀ ਸਟੋਰੇਜ ਵਰਗੇ ਖੇਤਰਾਂ ਵਿੱਚ ਵੀ ਇਸ ਦੀ ਮੰਗ ਤੇਜ਼ੀ ਨਾਲ ਵਧ ਰਹੀ ਹੈ।
ਮਹਿੰਗਾ ਤਾਂਬਾ ਕਿਹੜੀਆਂ ਚੀਜ਼ਾਂ ’ਤੇ ਪਾ ਸਕਦਾ ਹੈ ਅਸਰ?
ਜੇਕਰ ਲੰਬੇ ਸਮੇਂ ਤੱਕ ਤਾਂਬੇ ਦੀ ਕੀਮਤ ਵਧਦੀ ਰਹਿੰਦੀ ਹੈ ਤਾਂ ਕੰਪਨੀਆਂ ਦੀ ਉਤਪਾਦਨ ਲਾਗਤ ਵਧ ਸਕਦੀ ਹੈ। ਇਸ ਦਾ ਅਸਰ ਇਨ੍ਹਾਂ ਉਤਪਾਦਾਂ ਦੀਆਂ ਕੀਮਤਾਂ ’ਤੇ ਪੈਣ ਦੀ ਸੰਭਾਵਨਾ ਹੈ।
AC ਅਤੇ ਰੈਫ੍ਰਿਜਰੇਟਰ
ਪੱਖੇ ਅਤੇ ਗੀਜ਼ਰ
ਇਲੈਕਟ੍ਰਿਕ ਮੋਟਰ
ਬਿਜਲੀ ਦੀਆਂ ਤਾਰਾਂ ਅਤੇ ਕੇਬਲ
ਟ੍ਰਾਂਸਫਾਰਮਰ ਅਤੇ ਹੋਰ ਇਲੈਕਟ੍ਰਿਕ ਉਪਕਰਨ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
