Dream11 'ਤੇ ਆਨਲਾਈਨ ਗੇਮਿੰਗ ਬਿੱਲ ਦੀ ਮਾਰ, ਕੰਪਨੀ ਕਾਰੋਬਾਰ ਸਮੇਟਣ ਦੀ ਤਿਆਰੀ ਵਿੱਚ!
ਆਨਲਾਈਨ ਗੇਮਿੰਗ ਬਿੱਲ ਲੋਕ ਸਭਾ ਤੋਂ ਬਾਅਦ ਕੱਲ੍ਹ ਰਾਜ ਸਭਾ ਵਿੱਚ ਵੀ ਪਾਸ ਹੋ ਗਿਆ ਹੈ। ਇਸ ਬਿੱਲ ਦੇ ਪਾਸ ਹੋਣ ਨਾਲ ਹੀ ਫੈਂਟਸੀ ਗੇਮਿੰਗ ਕੰਪਨੀ ਡ੍ਰੀਮ 11 ਆਪਣਾ ਕਾਰੋਬਾਰ ਸਮੇਟਣ ਦੀ ਤਿਆਰੀ ਕਰ ਰਹੀ ਹੈ।...
Dream 11: ਆਨਲਾਈਨ ਗੇਮਿੰਗ ਬਿੱਲ ਲੋਕ ਸਭਾ ਤੋਂ ਬਾਅਦ ਕੱਲ੍ਹ ਰਾਜ ਸਭਾ ਵਿੱਚ ਵੀ ਪਾਸ ਹੋ ਗਿਆ ਹੈ। ਇਸ ਬਿੱਲ ਅਧੀਨ ਈ-ਸਪੋਰਟਸ ਨੂੰ ਤਾਂ ਵਧਾਵਾ ਦਿੱਤਾ ਜਾਵੇਗਾ, ਪਰ ਰੀਅਲ ਮਨੀ ਗੇਮਜ਼ 'ਤੇ ਪਾਬੰਦੀ ਲੱਗੇਗੀ। ਇਸ ਬਿੱਲ ਦੇ ਪਾਸ ਹੋਣ ਨਾਲ ਦੇਸ਼ ਦੀ 3.8 ਅਰਬ ਡਾਲਰ ਦੀ ਗੇਮਿੰਗ ਇੰਡਸਟਰੀ 'ਤੇ ਵੱਡਾ ਅਸਰ ਪਵੇਗਾ। ਹੁਣ ਸੂਤਰਾਂ ਮੁਤਾਬਕ, ਇਸ ਬਿੱਲ ਦੇ ਪਾਸ ਹੋਣ ਨਾਲ ਹੀ ਫੈਂਟਸੀ ਗੇਮਿੰਗ ਕੰਪਨੀ ਡ੍ਰੀਮ 11 ਆਪਣਾ ਕਾਰੋਬਾਰ ਸਮੇਟਣ ਦੀ ਤਿਆਰੀ ਕਰ ਰਹੀ ਹੈ।
ਕੰਪਨੀ ਲਈ ਕਾਫ਼ੀ ਵੱਡਾ ਝਟਕਾ
ਸੂਤਰਾਂ ਦੇ ਮੁਤਾਬਕ, 20 ਅਗਸਤ ਨੂੰ ਕੰਪਨੀ ਨੇ ਆਪਣੇ ਕਰਮਚਾਰੀਆਂ ਨੂੰ ਇੱਕ ਅੰਦਰੂਨੀ ਟਾਊਨ ਹਾਲ ਮੀਟਿੰਗ ਰਾਹੀਂ ਇਹ ਜਾਣਕਾਰੀ ਦਿੱਤੀ ਸੀ ਕਿ ਉਹ ਰੀਅਲ ਮਨੀ ਗੇਮਿੰਗ ਦਾ ਆਪਣਾ ਓਪਰੇਸ਼ਨ ਬੰਦ ਕਰ ਰਹੀ ਹੈ। ਰੀਅਲ ਮਨੀ ਗੇਮਜ਼ ਤੋਂ ਆਉਣ ਵਾਲੀ ਸਾਲਾਨਾ ਆਮਦਨ ਦਾ ਕਰੀਬ 67 ਪ੍ਰਤੀਸ਼ਤ ਹਿੱਸਾ ਕੇਵਲ ਡ੍ਰੀਮ 11 ਤੋਂ ਹੀ ਆਉਂਦਾ ਸੀ, ਜਿਸ ਕਰਕੇ ਇਹ ਫ਼ੈਸਲਾ ਕੰਪਨੀ ਲਈ ਕਾਫ਼ੀ ਵੱਡਾ ਝਟਕਾ ਹੈ।
ਸੂਤਰਾਂ ਅਨੁਸਾਰ, ਡ੍ਰੀਮ ਸਪੋਰਟਸ ਦੇ ਸੀਈਓ ਹਰਸ਼ ਜੈਨ ਨੇ ਆਪਣੇ ਕਰਮਚਾਰੀਆਂ ਨੂੰ ਇਹ ਸਾਫ਼ ਦੱਸ ਦਿੱਤਾ ਕਿ ਨਵੇਂ ਕਾਨੂੰਨ ਦੇ ਲਾਗੂ ਹੋਣ ਤੋਂ ਬਾਅਦ ਹੁਣ ਓਪਰੇਸ਼ਨ ਜਾਰੀ ਰੱਖਣ ਦਾ ਕੋਈ ਰਸਤਾ ਨਹੀਂ ਬਚਿਆ। ਕੰਪਨੀ ਨੇ ਆਪਣੇ ਸਾਰੇ ਆਨ-ਰੋਲ ਅਤੇ ਕਾਨਟ੍ਰੈਕਟ 'ਤੇ ਕੰਮ ਕਰ ਰਹੇ ਕਰਮਚਾਰੀਆਂ ਨੂੰ ਇਸ ਬਾਰੇ ਸੂਚਿਤ ਕਰ ਦਿੱਤਾ ਹੈ। ਹੁਣ ਡ੍ਰੀਮ 11 ਆਪਣੇ ਕਾਰੋਬਾਰ ਦਾ ਧਿਆਨ ਹੋਰ ਖੇਤਰਾਂ ਵੱਲ ਮੋੜੇਗੀ, ਜਿਸ ਵਿੱਚ FanCode, DreamSetGo ਅਤੇ Dream Game Studios ਵਰਗੇ ਹੋਰ ਵੈਰਟੀਕਲ ਸ਼ਾਮਲ ਹਨ, ਤਾਂ ਜੋ ਕੰਪਨੀ ਗੇਮਿੰਗ ਅਤੇ ਖੇਡਾਂ ਦੀ ਦੁਨੀਆ ਵਿੱਚ ਕਿਸੇ ਨਾ ਕਿਸੇ ਰੂਪ ਵਿੱਚ ਆਪਣਾ ਅਸਰ ਕਾਇਮ ਰੱਖ ਸਕੇ।
ਇਹ ਕੰਪਨੀ ਲਈ ਕਿਸੇ ਵੱਡੇ ਝਟਕੇ ਤੋਂ ਘੱਟ ਨਹੀਂ ਹੈ ਕਿਉਂਕਿ ਆਮ ਤੌਰ 'ਤੇ ਇਸਦਾ 90 ਫੀਸਦੀ ਤੋਂ ਵੱਧ ਰੇਵੈਨਿਊ ਡ੍ਰੀਮ-11 ਦੇ ਪੇਡ ਫੈਂਟਸੀ ਕਾਂਟੈਸਟ ਤੋਂ ਹੀ ਆਉਂਦਾ ਸੀ। ਹਰਸ਼ ਜੈਨ ਅਤੇ ਭਾਵਿਤ ਸ਼ੇਠ ਨੇ 2008 ਵਿੱਚ ਇਸ ਕੰਪਨੀ ਦੀ ਸਥਾਪਨਾ ਕੀਤੀ ਸੀ, ਜਿਸ ਨੇ ਅੱਜ ਤੱਕ 28 ਕਰੋੜ ਤੋਂ ਵੱਧ ਰਜਿਸਟ੍ਰਡ ਯੂਜ਼ਰਾਂ ਦੇ ਨਾਲ ਭਾਰਤ ਦੇ ਫੈਂਟਸੀ ਖੇਡ ਬਾਜ਼ਾਰ ਵਿੱਚ ਆਪਣਾ ਦਬਦਬਾ ਬਣਾਇਆ ਰੱਖਿਆ।
ਕਾਰੋਬਾਰੀ ਸਾਲ 2024 ਵਿੱਚ ਪੁਰਸ਼ ਕ੍ਰਿਕਟ ਵਿਸ਼ਵ ਕੱਪ ਦੌਰਾਨ ਕੰਪਨੀ ਨੂੰ ਕੇਵਲ ਇਸ ਪਲੇਟਫਾਰਮ ਤੋਂ ਹੀ 9,600 ਕਰੋੜ ਰੁਪਏ ਤੋਂ ਵੱਧ ਦੀ ਕਮਾਈ ਹੋਈ। ਹਾਲਾਂਕਿ ਫੈਨਕੋਡ ਅਤੇ ਡ੍ਰੀਮਸੈਟਗੋ ਵਰਗੇ ਹੋਰ ਵਰਟਿਕਲਜ਼ ਦਾ ਯੋਗਦਾਨ ਅਜੇ ਵੀ ਜ਼ਿਆਦਾ ਨਹੀਂ ਹੈ। ਇਹ ਗੱਲ ਸਾਫ਼ ਦਰਸਾਉਂਦੀ ਹੈ ਕਿ ਪਾਬੰਦੀ ਲੱਗਣ ਨਾਲ ਡ੍ਰੀਮ ਸਪੋਰਟਸ ਦੇ ਮੁੱਖ ਕਾਰੋਬਾਰ 'ਤੇ ਕਿੰਨਾ ਵੱਡਾ ਅਸਰ ਪੈਣ ਵਾਲਾ ਹੈ।
ਹੁਣ ਬਣੇਗਾ ਨਵਾਂ ਕਾਨੂੰਨ
ਰਾਜਸਭਾ ਨੇ 21 ਅਗਸਤ ਨੂੰ ਆਨਲਾਈਨ ਗੇਮਿੰਗ ਬਿੱਲ, 2025 ਨੂੰ ਮਨਜ਼ੂਰੀ ਦੇ ਦਿੱਤੀ। ਇਸ ਨਾਲ ਆਨਲਾਈਨ ਮਨੀ ਗੇਮਾਂ 'ਤੇ ਪਾਬੰਦੀ ਲਗਾਉਣ ਦਾ ਰਸਤਾ ਵੀ ਸਾਫ ਹੋ ਗਿਆ ਹੈ। ਇਸ ਬਿੱਲ ਨੂੰ ਲੋਕਸਭਾ ਨੇ 20 ਅਗਸਤ ਨੂੰ ਹੀ ਮਨਜ਼ੂਰੀ ਦਿੱਤੀ ਸੀ।
ਕੇਂਦਰੀ ਇਲੈਕਟ੍ਰਾਨਿਕਸ ਅਤੇ ਸੂਚਨਾ ਤਕਨਾਲੋਜੀ ਮੰਤਰੀ ਅਸ਼ਵਿਨੀ ਵੈਸ਼ਨਵ ਨੇ ਉਚ ਸਦਨ ਵਿੱਚ ‘ਆਨਲਾਈਨ ਗੇਮਿੰਗ ਸੰਵਰਧਨ ਅਤੇ ਨਿਯਮਨ ਬਿੱਲ, 2025’ ਪੇਸ਼ ਕੀਤਾ। ਉਨ੍ਹਾਂ ਕਿਹਾ ਕਿ ਇਹ ਬਿੱਲ ਦੋ-ਤਿਹਾਈ ਆਨਲਾਈਨ ਗੇਮਿੰਗ ਨੂੰ ਉਤਸ਼ਾਹਿਤ ਕਰੇਗਾ, ਪਰ ਆਨਲਾਈਨ ਪੈਸੇ ਵਾਲੀਆਂ ਖੇਡਾਂ ’ਤੇ ਪਾਬੰਦੀ ਲਗਾਏਗਾ, ਜੋ ਸਮਾਜ, ਖਾਸਕਰ ਮੱਧ ਵਰਗ ਦੇ ਨੌਜਵਾਨਾਂ ਲਈ ਵੱਡੀ ਸਮੱਸਿਆ ਬਣ ਗਈਆਂ ਹਨ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
