Meta Layoffs: ਫੇਸਬੁੱਕ-ਵਾਟਸਐਪ ਦੀ ਪੈਰੇਂਟ ਕੰਪਨੀ ਮੇਟਾ ਨੇ ਕੀਤਾ ਫੈਸਲਾ, ਮੁੜ 10,000 ਮੁਲਾਜ਼ਮਾਂ ਦੀ ਕਰੇਗੀ ਛੁੱਟੀ
Meta News: ਮੇਟਾ ਨੇ ਨਵੰਬਰ 2022 ਵਿੱਚ ਵੀ 11,000 ਮੁਲਾਜ਼ਮਾਂ ਨੂੰ ਨੌਕਰੀ ਤੋਂ ਕੱਢ ਦਿੱਤਾ ਸੀ। ਹੁਣ ਇੱਕ ਵਾਰ ਕੰਪਨੀ ਨੇ ਛਾਂਟੀ ਦਾ ਫੈਸਲਾ ਕੀਤਾ ਹੈ।
Meta Layoffs: ਫੇਸਬੁੱਕ ਅਤੇ ਵਟਸਐਪ ਦੀ ਪੈਰੇਂਟ ਕੰਪਨੀ ਮੇਟਾ ਨੇ ਨਵੇਂ ਸਿਰੇ ਤੋਂ ਛਾਂਟੀ ਦੀ ਪ੍ਰਕਿਰਿਆ ਸ਼ੁਰੂ ਕਰ ਦਿੱਤੀ ਹੈ। ਮੇਟਾ ਆਪਣੇ ਵੱਖ-ਵੱਖ ਸੋਸ਼ਲ ਮੀਡੀਆ ਪਲੇਟਫਾਰਮ ਫੇਸਬੁੱਕ, ਵਾਟਸਐਪ ਅਤੇ ਇੰਸਟਾਗ੍ਰਾਮ ਤੋਂ ਲਗਭਗ 10,000 ਲੋਕਾਂ ਦੀ ਛਾਂਟੀ ਕਰਨ ਜਾ ਰਿਹਾ ਹੈ। ਇਸ ਤੋਂ ਪਹਿਲਾਂ, ਕੰਪਨੀ ਨੇ ਨਵੰਬਰ 2022 ਵਿੱਚ ਵੀ 11,000 ਮੁਲਾਜ਼ਮਾਂ ਦੀ ਛਾਂਟੀ ਕੀਤੀ ਸੀ।
ਮੇਟਾ ਪਲੇਟਫਾਰਮਾਂ ਦੀ ਇਸ ਛਾਂਟੀ ਤੋਂ ਬਾਅਦ, ਕੰਪਨੀ ਵਿੱਚ ਕਰਮਚਾਰੀਆਂ ਦੀ ਗਿਣਤੀ 2021 ਦੇ ਮੱਧ ਦੇ ਬਰਾਬਰ ਹੋ ਜਾਵੇਗੀ। ਕੋਰੋਨਾ ਪੀਰੀਅਡ (ਕੋਵਿਡ-19) ਦੌਰਾਨ, ਕੰਪਨੀ ਨੇ 2020 ਤੋਂ ਲੈ ਕੇ ਜ਼ਬਰਦਸਤ ਭਰਤੀ ਕੀਤੀ ਸੀ। ਇਸ ਭਰਤੀ ਤੋਂ ਬਾਅਦ ਕੰਪਨੀ ਵਿੱਚ ਕਰਮਚਾਰੀਆਂ ਦੀ ਗਿਣਤੀ ਦੁੱਗਣੀ ਹੋ ਗਈ ਸੀ। ਲਿੰਕਡਇਨ ਦੇ ਜ਼ਰੀਏ, ਕੰਪਨੀ ਨੇ ਕਰਮਚਾਰੀਆਂ ਨੂੰ ਇਸ ਛਾਂਟੀ ਬਾਰੇ ਨਵੇਂ ਸਿਰੇ ਤੋਂ ਜਾਣਕਾਰੀ ਦਿੱਤੀ ਹੈ। ਇਸ ਛਾਂਟੀ ਵਿੱਚ, ਐਡ ਸੇਲਸ ਟੀਮ, ਮਾਰਕੀਟਿੰਗ ਅਤੇ ਪਾਰਟਨਰਸ਼ਿਪ ਟੀਮ ਦੀ ਛਾਂਟੀ ਹੋ ਸਕਦੀ ਹੈ।
ਇਹ ਵੀ ਪੜ੍ਹੋ: ਸਾਵਧਾਨ! ਆਪਣਾ ਵਾਹਨ 'ਚ ਚੇਤੇ ਨਾਲ ਰੱਖ ਲਵੋ ਇਹ ਸਰਟੀਫਿਕੇਟ, ਨਹੀਂ ਤਾਂ ਕੱਟਿਆ ਜਾ ਸਕਦਾ 10000 ਰੁਪਏ ਦਾ ਚਲਾਨ
ਮੇਟਾ ਦੇ ਚੀਫ ਐਗਜ਼ੀਕਿਊਟਿਵ ਮਾਰਕ ਜ਼ੁਕਰਬਰਗ ਨੇ ਮਾਰਚ ਵਿੱਚ ਕਿਹਾ ਸੀ ਕਿ ਅਗਲੇ ਕੁਝ ਮਹੀਨਿਆਂ ਵਿੱਚ ਛਾਂਟੀ ਦਾ ਦੂਜਾ ਦੌਰ ਤਿੰਨ ਪੜਾਵਾਂ ਵਿੱਚ ਪੂਰਾ ਕੀਤਾ ਜਾਵੇਗਾ। ਜ਼ਿਆਦਾਤਰ ਇਹ ਛਾਂਟੀ ਨਾਨ-ਇੰਜੀਨੀਅਰਿੰਗ ਅਹੁਦਿਆਂ ਲਈ ਹੈ। ਹਾਲ ਹੀ 'ਚ ਕੰਪਨੀ ਦੇ ਟਾਊਨਹਾਲ 'ਚ ਮਾਰਕ ਜ਼ੁਕਰਬਰਗ ਨੇ ਕਿਹਾ ਸੀ ਕਿ ਅਪ੍ਰੈਲ ਮਹੀਨੇ 'ਚ 4000 ਕਰਮਚਾਰੀਆਂ ਨੂੰ ਨੌਕਰੀ ਤੋਂ ਕੱਢ ਦਿੱਤਾ ਗਿਆ ਸੀ।
ਮੈਟਾ ਨੇ ਇਹ ਛਾਂਟੀ ਪਿਛਲੇ ਕੁਝ ਮਹੀਨਿਆਂ ਵਿੱਚ ਮਾਲੀਏ ਵਿੱਚ ਗਿਰਾਵਟ, ਮਹਿੰਗਾਈ ਅਤੇ ਡਿਜੀਟਲ ਵਿਗਿਆਪਨ ਵਿੱਚ ਗਿਰਾਵਟ ਦਾ ਨਤੀਜਾ ਹੈ। ਜਿਸ 'ਚ ਕੋਰੋਨਾ ਕਾਲ ਦੇ ਦੌਰਾਨ ਉਛਾਲ ਦੇਖਣ ਨੂੰ ਮਿਲਿਆ। ਮੈਟਾ ਨੇ ਰੀਅਲਟੀ ਲੈਬਜ਼ ਡਿਵੀਜ਼ਨ ਵਿੱਚ ਅਰਬਾਂ ਡਾਲਰਾਂ ਦਾ ਨਿਵੇਸ਼ ਕੀਤਾ ਹੈ ਜੋ ਮੇਟਾਵਰਸ ਵਿਕਸਿਤ ਕਰਦਾ ਹੈ। ਹਾਲਾਂਕਿ ਇਸ ਯੂਨਿਟ ਨੂੰ 13.7 ਬਿਲੀਅਨ ਡਾਲਰ ਦਾ ਨੁਕਸਾਨ ਹੋਇਆ ਹੈ। ਇਸ ਤੋਂ ਪਹਿਲਾਂ ਨਵੰਬਰ 2022 ਵਿੱਚ, ਮੇਟਾ ਨੇ ਆਪਣੇ 11,000 ਕਰਮਚਾਰੀਆਂ ਨੂੰ ਬਾਹਰ ਦਾ ਰਸਤਾ ਦਿਖਾਇਆ ਸੀ।
ਗਲੋਬਲ ਆਰਥਿਕ ਸੰਕਟ, ਵਧਦੀਆਂ ਵਿਆਜ ਦਰਾਂ ਅਤੇ ਰੈਗੂਲੇਟਰੀ ਚੁਣੌਤੀਆਂ ਦੇ ਕਾਰਨ, ਅਲਫਾਬੇਟ ਅਤੇ ਐਮਾਜ਼ਾਨ ਵਰਗੀਆਂ ਕੰਪਨੀਆਂ ਨੇ ਵੀ ਹਾਲ ਦੇ ਸਮੇਂ ਵਿੱਚ ਮੁਲਾਜ਼ਮਾਂ ਦੀ ਛੁੱਟੀ ਕਰ ਦਿੱਤੀ ਹੈ। ਮਾਈਕ੍ਰੋਸਾਫਟ ਅਤੇ ਟਵਿੱਟਰ ਨੇ ਵੀ ਵੱਡੇ ਪੱਧਰ 'ਤੇ ਛਾਂਟੀ ਕੀਤੀ ਹੈ।
ਇਹ ਵੀ ਪੜ੍ਹੋ: Google Pay 'ਚ ਹੁਣ RuPay ਕ੍ਰੈਡਿਟ ਕਾਰਡ ਨਾਲ UPI ਭੁਗਤਾਨ ਹੋਵੇਗਾ ਸੰਭਵ, ਸਿਰਫ ਇਨ੍ਹਾਂ ਬੈਂਕਾਂ ਦੇ ਹੀ ਚੱਲਣਗੇ ਕਾਰਡ
Before You Go
10 ਲੱਖ ਯੋਜਨਾ ‘ਤੇ ਨਵਾਂ ਅਪਡੇਟ! CM ਮਾਨ ਦੀ ਵੱਡੀ ਗੱਲ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
