Swiggy 'ਤੇ ਚੱਲ ਰਹੀਆਂ ਨਕਲੀ Dominos Pizza ਦੀਆਂ ਦੁਕਾਨਾਂ, ਗਾਹਕ ਨੇ ਸਕ੍ਰੀਨਸ਼ੌਟ ਸ਼ੇਅਰ ਕਰਕੇ ਕੀਤਾ ਪਰਦਾਫਾਸ਼

Fake Dominos Pizza Restaurant: ਇੱਕ ਗਾਹਕ ਨੇ Swiggy ਐਪ 'ਤੇ ਡੋਮਿਨੋ ਦੀਆਂ ਕਈ ਦੁਕਾਨਾਂ ਹੋਣ ਦਾ ਦਾਅਵਾ ਕੀਤਾ ਹੈ। ਹਾਲ ਹੀ ਵਿੱਚ, ਜਦੋਂ ਲੋਕਾਂ ਨੇ Swiggy 'ਤੇ Domino's ਨੂੰ ਸਰਚ ਕੀਤਾ, ਤਾਂ ਉਨ੍ਹਾਂ ਨੂੰ ਅਸਲੀ ਬ੍ਰਾਂਡ ਨਾਮ ਦੇ ਨਾਲ-ਨਾਲ ਕਈ ਹੋਰ ਗਲਤ ਸਪੈਲਿੰਗ ਨਾਮ ਵੀ ਦਿਖਣੇ ਸ਼ੁਰੂ ਹੋ ਗਏ।

Pizza shops

Fake Dominos Pizza: ਸਾਡੇ ਵਿੱਚੋਂ ਬਹੁਤਿਆਂ ਨੇ ਡੋਮੀਨੋਜ਼ ਪੀਜ਼ਾ ਜ਼ਰੂਰ ਖਾਧਾ ਹੋਵੇਗਾ। ਬਹੁਤ ਸਾਰੇ ਲੋਕ ਪੀਜ਼ਾ ਦੇ ਇਸ ਬ੍ਰਾਂਡ ਨੂੰ ਪਸੰਦ ਕਰਦੇ ਹਨ। ਇਹੀ ਕਾਰਨ ਹੈ ਕਿ ਲੋਕ ਆਪਣੇ ਘਰ ਤੋਂ ਆਰਡਰ ਕਰਨ ਲਈ ਫੂਡ ਡਿਲੀਵਰੀ ਐਪਸ Swiggy ਅਤੇ Zomato ਦਾ ਸਹਾਰਾ ਲੈਂਦੇ ਹਨ। ਹਾਲਾਂਕਿ, ਇੱਕ ਗਾਹਕ ਨੇ Swiggy ਐਪ 'ਤੇ ਕਈ ਡੋਮਿਨੋ ਦੀਆਂ ਦੁਕਾਨਾਂ ਹੋਣ ਦਾ ਦਾਅਵਾ ਕੀਤਾ ਹੈ। ਹਾਲ ਹੀ ਵਿੱਚ, ਜਦੋਂ ਲੋਕਾਂ ਨੇ Swiggy 'ਤੇ Domino's ਨੂੰ ਸਰਚ ਕੀਤਾ, ਤਾਂ ਉਨ੍ਹਾਂ ਨੂੰ ਅਸਲੀ ਬ੍ਰਾਂਡ ਨਾਮ ਦੇ ਨਾਲ-ਨਾਲ ਕਈ ਹੋਰ ਗਲਤ ਸਪੈਲਿੰਗ ਨਾਮ ਵੀ ਦਿਖਣੇ ਸ਼ੁਰੂ ਹੋ ਗਏ। ਇਸ ਦੀ ਦਿੱਖ ਤੋਂ, ਇਹ ਜਾਪਦਾ ਹੈ ਕਿ ਇਹ ਨਕਲੀ ਆਊਟਲੇਟ ਹਨ ਜੋ ਅਸਲ ਡੋਮਿਨੋਜ਼ ਨਾਲ ਜੁੜੇ ਨਹੀਂ ਹਨ।

Swiggy 'ਤੇ ਕਈ ਨਕਲੀ ਡੋਮਿਨੋ ਦੀਆਂ ਦੁਕਾਨਾਂ

ਇਕ ਗਾਹਕ ਨੇ ਟਵਿੱਟਰ 'ਤੇ ਕਿਹਾ ਕਿ ਉਸ ਨੇ ਆਪਣੇ ਇਲਾਕੇ 'ਚ Swiggy 'ਤੇ ਕਈ ਨਕਲੀ ਡੋਮਿਨੋ ਦੇ ਆਊਟਲੇਟ ਦੇਖੇ। ਉਨ੍ਹਾਂ ਨੇ ਸਕਰੀਨਸ਼ਾਟ ਵੀ ਸ਼ੇਅਰ ਕੀਤੇ ਹਨ। ਪਰ ਇਹ ਨਕਲੀ ਆਉਟਲੇਟ ਇਸ ਨੂੰ ਥੋੜਾ ਮੋੜ ਕੇ ਡੋਮਿਨੋ ਲਿਖ ਰਹੇ ਸਨ ਤਾਂ ਜੋ ਲੋਕ ਉਨ੍ਹਾਂ ਨੂੰ ਅਸਲੀ ਸਮਝਣ। ਰਵੀ ਹਾਂਡਾ ਨੇ 12 ਫਰਵਰੀ ਨੂੰ ਟਵਿੱਟਰ 'ਤੇ ਇਸ ਬਾਰੇ ਪੋਸਟ ਕੀਤਾ ਸੀ। ਸਵਿਗੀ ਨੂੰ ਟੈਗ ਕਰਦੇ ਹੋਏ ਉਨ੍ਹਾਂ ਨੇ ਲਿਖਿਆ, " ਇਹ ਤਾਂ ਸਾਫ਼-ਸਾਫ਼ ਧੋਖਾਧੜੀ ਹੈ। ਇਨ੍ਹਾਂ ਵਿੱਚੋਂ ਸਿਰਫ਼ ਇੱਕ ਅਸਲੀ ਹੈ। ਤੁਸੀਂ ਇਸ ਨੂੰ ਕਿਵੇਂ ਹੋਣ ਦੇ ਰਹੇ ਹੋ? ਡੋਮੀਨੋਜ਼ ਨੂੰ ਆਪਣਾ ਨਾਮ ਗ਼ਲਤ ਇਸਤੇਮਾਲ ਕਰਨ ਉੱਤੇ ਇਤਰਾਜ਼ ਕਿਉਂ ਨਹੀਂ ਹੈ?"

 

Hey @Swiggy

This is clearly a fraud. Only one of these is genuine. Why are you letting this happen?

Why isn't @dominos objecting to blatant violation of trademark. pic.twitter.com/Gv8Lt2rRU8

— Ravi Handa (@ravihanda) February 12, 2024

 

ਜਦੋਂ ਸਕਰੀਨਸ਼ਾਟ ਵਾਇਰਲ ਹੋਇਆ ਤਾਂ ਲੋਕਾਂ ਨੇ ਚੁੱਕੇ ਸਵਾਲ

ਇੱਕ ਹੋਰ ਟਵੀਟ ਵਿੱਚ, ਰਵੀ ਹਾਂਡਾ ਨੇ ਪਿਛਲੇ ਆਰਡਰ ਦਾ ਇੱਕ ਸਕ੍ਰੀਨਸ਼ੌਟ ਸਾਂਝਾ ਕੀਤਾ, ਜਿਸ ਵਿੱਚ ਬਹੁਤ ਮਾੜੀਆਂ ਸਮੀਖਿਆਵਾਂ ਸਨ। ਉਨ੍ਹਾਂ ਲਿਖਿਆ, "ਇਹ ਕੋਈ ਮਜ਼ਾਕ ਨਹੀਂ ਹੈ। ਮੇਰੇ ਕਰੀਬੀ ਦੋਸਤ ਨਾਲ ਧੋਖਾ ਹੋਇਆ ਹੈ। ਉਸ ਨੂੰ ਪੈਕੇਟ ਦੇਖ ਕੇ ਹੀ ਪਤਾ ਲੱਗਾ।" ਸਵਿਗੀ ਨੇ ਤੁਰੰਤ ਜਵਾਬ ਦਿੱਤਾ ਅਤੇ ਉਸਨੂੰ ਇੱਕ ਡਾਇਰੈਕਟ ਮੈਸੇਜ ਵਿੱਚ ਆਪਣਾ ਪਿੰਨ ਕੋਡ ਭੇਜਣ ਲਈ ਕਿਹਾ। ਇਹ ਟਵੀਟ ਕਾਫੀ ਵਾਇਰਲ ਹੋਇਆ ਸੀ। ਇਸ ਨੂੰ ਦੋ ਲੱਖ ਤੋਂ ਵੱਧ ਲੋਕਾਂ ਨੇ ਦੇਖਿਆ। ਬਹੁਤ ਸਾਰੇ ਲੋਕਾਂ ਨੇ ਆਪਣੇ ਸ਼ਹਿਰਾਂ ਵਿੱਚ ਇਸੇ ਤਰ੍ਹਾਂ ਦੇ ਤਜ਼ਰਬਿਆਂ ਦੇ ਸਕ੍ਰੀਨਸ਼ਾਟ ਸਾਂਝੇ ਕੀਤੇ। ਹਰ ਕਿਸੇ ਦੀਆਂ ਆਪਣੀਆਂ ਕਹਾਣੀਆਂ ਅਤੇ ਅਨੁਭਵ ਸਨ, ਜੋ ਬਹੁਤ ਹੈਰਾਨ ਕਰਨ ਵਾਲੇ ਸਨ। ਪੋਸਟ 'ਤੇ ਕਈ ਲੋਕਾਂ ਨੇ ਸਵਿਗੀ 'ਤੇ ਇਸ 'ਤੇ ਕਾਰਵਾਈ ਕਰਨ ਦੀ ਮੰਗ ਵੀ ਚੁੱਕੀ ਹੈ।