(Source: ECI/ABP News/ABP Majha)
Forbes List : ਇਨ੍ਹਾਂ ਤਿੰਨ ਔਰਤਾਂ ਨੇ ਹਾਸਲ ਕੀਤਾ ਵੱਡਾ ਮੁਕਾਮ, ਫੋਰਬਸ ਦੀ 20 ਏਸ਼ੀਆਈ ਮਹਿਲਾ ਕਾਰੋਬਾਰੀਆਂ ਦੀ ਲਿਸਟ 'ਚ ਆਇਆ ਨਾਮ
ਸੂਚੀ 'ਚ ਸਟੀਲ ਅਥਾਰਟੀ ਆਫ਼ ਇੰਡੀਆ ਲਿਮਟਿਡ (SAIL) ਦੀ ਚੇਅਰਪਰਸਨ ਸੋਮਾ ਮੰਡਲ ਐਮਕਿਊਰ ਫਾਰਮਾ ਦੇ ਕਾਰਜਕਾਰੀ ਨਿਰਦੇਸ਼ਕ ਨਮਿਤਾ ਥਾਪਰ ਅਤੇ ਹੋਨਾਸਾ ਕੰਜਿਊਮਰ ਦੀ ਸਹਿ-ਸੰਸਥਾਪਕ ਅਤੇ ਮੁੱਖ ਇਨੋਵੇਸ਼ਨ ਅਧਿਕਾਰੀ ਗਜ਼ਲ ਅਲਘ ਦੇ ਨਾਮ ਸ਼ਾਮਲ ਹਨ।
Forbes List of Asia Power Businesswomen: ਫੋਰਬਸ ਸਮੇਂ-ਸਮੇਂ 'ਤੇ ਦੇਸ਼ ਅਤੇ ਦੁਨੀਆ ਦੇ ਸਭ ਤੋਂ ਅਮੀਰ ਜਾਂ ਸਭ ਤੋਂ ਅਮੀਰ ਤੇ ਸ਼ਕਤੀਸ਼ਾਲੀ ਲੋਕਾਂ ਦੀ ਸੂਚੀ ਜਾਰੀ ਕਰਦਾ ਰਹਿੰਦਾ ਹੈ, ਜਿਸ 'ਚ ਜਗ੍ਹਾ ਬਣਾਉਣਾ ਬਹੁਤ ਵੱਡੀ ਗੱਲ ਹੈ। ਹੁਣ ਫੋਰਬਸ ਦੀ 20 ਏਸ਼ੀਆਈ ਮਹਿਲਾ ਉੱਦਮੀਆਂ ਦੀ ਸੂਚੀ 'ਚ ਤਿੰਨ ਭਾਰਤੀਆਂ ਨੂੰ ਸ਼ਾਮਲ ਕੀਤਾ ਗਿਆ ਹੈ। ਫੋਰਬਸ ਦੇ ਨਵੰਬਰ ਅੰਕ 'ਚ ਪ੍ਰਕਾਸ਼ਿਤ ਇਸ ਲਿਸਟ 'ਚ ਉਹ ਔਰਤਾਂ ਸ਼ਾਮਲ ਹਨ, ਜਿਨ੍ਹਾਂ ਨੇ ਕੋਵਿਡ-19 ਮਹਾਂਮਾਰੀ ਰਾਹੀਂ ਪੈਦਾ ਹੋਈ ਅਨਿਸ਼ਚਿਤਤਾ ਦੇ ਵਿਚਕਾਰ ਆਪਣੇ ਕਾਰੋਬਾਰ ਨੂੰ ਵਧਾਉਣ 'ਚ ਸ਼ਾਨਦਾਰ ਸਫ਼ਲਤਾ ਪ੍ਰਾਪਤ ਕੀਤੀ ਹੈ।
ਕੌਣ-ਕੌਣ ਸ਼ਾਮਲ ਹੈ ਇਸ ਲਿਸਟ 'ਚ?
ਇਸ ਸੂਚੀ 'ਚ ਸਟੀਲ ਅਥਾਰਟੀ ਆਫ਼ ਇੰਡੀਆ ਲਿਮਟਿਡ (SAIL) ਦੀ ਚੇਅਰਪਰਸਨ ਸੋਮਾ ਮੰਡਲ ਐਮਕਿਊਰ ਫਾਰਮਾ ਦੇ ਕਾਰਜਕਾਰੀ ਨਿਰਦੇਸ਼ਕ ਨਮਿਤਾ ਥਾਪਰ ਅਤੇ ਹੋਨਾਸਾ ਕੰਜਿਊਮਰ ਦੀ ਸਹਿ-ਸੰਸਥਾਪਕ ਅਤੇ ਮੁੱਖ ਇਨੋਵੇਸ਼ਨ ਅਧਿਕਾਰੀ ਗਜ਼ਲ ਅਲਘ ਦੇ ਨਾਮ ਸ਼ਾਮਲ ਹਨ।
ਜਾਣੋ ਤਿੰਨ ਭਾਰਤੀ ਔਰਤਾਂ ਬਾਰੇ, ਜਿਨ੍ਹਾਂ ਨੇ ਫੋਰਬਸ ਲਿਸਟ 'ਚ ਬਣਾਈ ਥਾਂ
ਕੌਣ ਹੈ ਸੋਮਾ ਮੰਡਲ?
ਸੋਮਾ ਮੰਡਲ ਸਟੀਲ ਅਥਾਰਟੀ ਆਫ਼ ਇੰਡੀਆ ਲਿਮਟਿਡ (SAIL) ਦੀ ਮੌਜੂਦਾ ਚੇਅਰਪਰਸਨ ਹਨ ਅਤੇ ਉਨ੍ਹਾਂ ਨੇ 1 ਜਨਵਰੀ 2021 ਨੂੰ ਆਪਣਾ ਅਹੁਦਾ ਸੰਭਾਲਿਆ ਸੀ। ਸੋਮਾ ਮੰਡਲ SAIL ਦੀ ਪਹਿਲੀ ਮਹਿਲਾ ਫੰਕਸ਼ਨਲ ਡਾਇਰੈਕਟਰ ਹੋਣ ਦੇ ਨਾਲ-ਨਾਲ ਪਹਿਲੀ ਮਹਿਲਾ ਚੇਅਰਪਰਸਨ ਵੀ ਹਨ। ਕੋਵਿਡ-19 ਮਹਾਮਾਰੀ 'ਚ ਆਰਥਿਕ ਮੰਦੀ ਦੇ ਬਾਵਜੂਦ ਕੰਪਨੀ 'ਚ ਨਿਰੰਤਰਤਾ ਬਰਕਰਾਰ ਰਹੀ। ਸੋਮਾ ਮੰਡਲ ਕੰਪਨੀ ਦੇ ਕਈ ਉਤਪਾਦਾਂ ਦੀ ਬ੍ਰਾਂਡਿੰਗ ਨੂੰ ਉਤਸ਼ਾਹਿਤ ਕਰਨ ਦਾ ਧਿਆਨ ਰੱਖਦਾ ਹੈ।
ਕੌਣ ਹੈ ਨਮਿਤਾ ਥਾਪਰ?
ਨਮਿਤਾ ਥਾਪਰ ਇੱਕ ਭਾਰਤੀ ਉਦਯੋਗਪਤੀ ਹੈ ਜੋ ਭਾਰਤ 'ਚ ਇੱਕ ਬਹੁ-ਰਾਸ਼ਟਰੀ ਫਾਰਮੇਸੀ ਕੰਪਨੀ ਐਮਿਕਿਊਰ ਫਾਰਮਾਸਿਊਟੀਕਲ ਦੀ ਮੁੱਖ ਕਾਰਜਕਾਰੀ ਅਧਿਕਾਰੀ ਹੈ। ਇਸ ਤੋਂ ਇਲਾਵਾ ਉਹ ਮਸ਼ਹੂਰ ਟੈਲੀਵਿਜ਼ਨ ਬਿਜ਼ਨਸ ਰਿਐਲਿਟੀ ਸ਼ੋਅ 'ਸ਼ਾਰਕ ਟੈਂਕ ਇੰਡੀਆ ਸੀਜ਼ਨ 1' ਦੀ ਜੱਜ ਵੀ ਰਹਿ ਚੁੱਕੀ ਹੈ। ਨਮਿਤਾ ਥਾਪਰ ਕਾਰਪੋਰੇਟ ਜਗਤ ਦੀ ਵੱਡੀ ਹਸਤੀ ਹੈ।
ਕੌਣ ਹੈ ਗ਼ਜ਼ਲ ਅਲਘ?
ਗ਼ਜ਼ਲ ਅਲਘ ਇੱਕ ਭਾਰਤੀ ਉਦਯੋਗਪਤੀ, ਕਾਰੋਬਾਰੀ ਅਤੇ ਕਾਰਪੋਰੇਟ ਹੈ। ਉਹ ਮਸ਼ਹੂਰ ਸੁੰਦਰਤਾ ਬ੍ਰਾਂਡ ਮਾਮਾ ਅਰਥ ਦੀ ਸਹਿ-ਸੰਸਥਾਪਕ ਹੈ। ਉਨ੍ਹਾਂ ਨੇ ਮਸ਼ਹੂਰ ਟੈਲੀਵਿਜ਼ਨ ਵਪਾਰਕ ਰਿਐਲਿਟੀ ਸ਼ੋਅ 'ਸ਼ਾਰਕ ਟੈਂਕ ਇੰਡੀਆ ਸੀਜ਼ਨ-1' ਦੀ ਜੱਜ ਵਜੋਂ ਵੀ ਆਪਣਾ ਹੁਨਰ ਦਿਖਾਇਆ ਹੈ।
ਜਾਣੋ ਕਿਹੜੇ-ਕਿਹੜੇ ਦੇਸ਼ਾਂ ਦੀਆਂ ਔਰਤਾਂ ਦਾ ਲਿਸਟ 'ਚ ਹੈ ਨਾਂਅ?
ਫੋਰਬਸ ਨੇ ਮੰਗਲਵਾਰ ਨੂੰ ਇੱਕ ਬਿਆਨ 'ਚ ਕਿਹਾ ਕਿ ਲਿਸਟ 'ਚ ਸ਼ਾਮਲ ਕੁਝ ਔਰਤਾਂ ਸ਼ਿਪਿੰਗ, ਰੀਅਲ ਅਸਟੇਟ ਅਤੇ ਨਿਰਮਾਣ ਵਰਗੇ ਖੇਤਰਾਂ 'ਚ ਕੰਮ ਕਰ ਰਹੀਆਂ ਹਨ, ਜਦਕਿ ਹੋਰ ਤਕਨਾਲੋਜੀ, ਦਵਾਈ ਅਤੇ ਵਸਤੂਆਂ ਵਰਗੇ ਖੇਤਰਾਂ 'ਚ ਇਨੋਵੇਸ਼ਨ ਕਰ ਰਹੀਆਂ ਹਨ। ਲਿਸਟ 'ਚ ਹੋਰ ਔਰਤਾਂ ਆਸਟ੍ਰੇਲੀਆ, ਚੀਨ, ਦੱਖਣੀ ਕੋਰੀਆ, ਇੰਡੋਨੇਸ਼ੀਆ, ਜਾਪਾਨ, ਸਿੰਗਾਪੁਰ, ਦੱਖਣੀ ਕੋਰੀਆ, ਤਾਈਵਾਨ ਅਤੇ ਥਾਈਲੈਂਡ ਤੋਂ ਹਨ।
ਇਨਪੁਟ - ਭਾਸ਼ਾ ਤੋਂ ਵੀ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
