ਅਮਰੀਕਾ ਦੀਆਂ 100 ਸਭ ਤੋਂ ਅਮੀਰ ਸੈਲਫ ਮੇਡ ਔਰਤਾਂ 'ਚ ਚਾਰ ਭਾਰਤੀ: ਕੁੱਲ ਜਾਇਦਾਦ 36 ਹਜ਼ਾਰ ਕਰੋੜ ਰੁਪਏ
Four Indians in America's 100 richest self-made women: ਭਾਰਤੀ ਮੂਲ ਦੀਆਂ ਚਾਰ ਔਰਤਾਂ ਨੇ ਅਮਰੀਕਾ ਦੀਆਂ 100 ਸਭ ਤੋਂ ਅਮੀਰ ਸੈਲਫ ਮੇਡ ਔਰਤਾਂ ਦੀ ਸੂਚੀ ਵਿੱਚ ਥਾਂ ਬਣਾਈ ਹੈ।
Four Indians in America's 100 richest self-made women: ਭਾਰਤੀ ਮੂਲ ਦੀਆਂ ਚਾਰ ਔਰਤਾਂ ਨੇ ਅਮਰੀਕਾ ਦੀਆਂ 100 ਸਭ ਤੋਂ ਅਮੀਰ ਸੈਲਫ ਮੇਡ ਔਰਤਾਂ ਦੀ ਸੂਚੀ ਵਿੱਚ ਥਾਂ ਬਣਾਈ ਹੈ। ਭਾਰਤੀ ਮੂਲ ਦੀਆਂ ਇਨ੍ਹਾਂ ਚਾਰ ਔਰਤਾਂ ਦੀ ਕੁੱਲ ਸੰਪਤੀ 36,000 ਕਰੋੜ ਰੁਪਏ ਹੈ।
ਪਿਛਲੇ ਸਾਲ ਉਨ੍ਹਾਂ ਦੀ ਜਾਇਦਾਦ ਕਰੀਬ 34 ਹਜ਼ਾਰ ਕਰੋੜ ਰੁਪਏ ਸੀ ਜਿਸ 'ਚ ਕਰੀਬ 6 ਫੀਸਦੀ ਦਾ ਵਾਧਾ ਹੋਇਆ ਹੈ। ਫੋਰਬਸ ਦੀ ਇਸ ਸੂਚੀ ਵਿੱਚ ਅਰਿਸਟਾ ਨੈੱਟਵਰਕ ਦੀ ਸੀਈਓ ਜੈਸ਼੍ਰੀ ਉੱਲਾਲ, ਸਿੰਟੇਲ ਦੀ ਸੀਈਓ ਨੀਰਜਾ ਸੇਠੀ, ਕੋਨਫਲੂਐਂਟ ਦੀ ਸੀਈਓ ਨੇਹਾ ਨਰਖੇੜੇ ਅਤੇ ਪੈਪਸੀਕੋ ਦੀ ਸਾਬਕਾ ਸੀਈਓ ਇੰਦਰਾ ਨੂਯੀ ਸ਼ਾਮਲ ਹਨ। ਇਸ ਦੇ ਨਾਲ ਹੀ ਇਸ ਸੂਚੀ 'ਚ ਅਮਰੀਕਾ ਦੀ ਡਾਇਨੇ ਹੈਂਡ੍ਰਿਕਸ ਟਾਪ 'ਤੇ ਹਨ। ਉਨ੍ਹਾਂ ਦੀ ਕੁੱਲ ਜਾਇਦਾਦ 12.3 ਲੱਖ ਕਰੋੜ ਰੁਪਏ ($15 ਬਿਲੀਅਨ) ਹੈ।
ਜੈਸ਼੍ਰੀ ਉੱਲਾਲ: 4 ਲੱਖ ਕਰੋੜ ਰੁਪਏ ਦੀ ਜ਼ੀਰੋ ਰੈਵੇਨਿਊ ਵਾਲੀ ਬਣਾਈ ਕੰਪਨੀ
2008 ਵਿੱਚ ਉੱਲਾਲ ਨੇ ਅਰਿਸਟਾ ਨੈਟਵਰਕਸ ਜੁਆਇਨ ਕੀਤਾ, ਉਦੋਂ ਰੈਵੇਨਿਊ ਨਹੀਂ ਸੀ ਅਤੇ 50 ਕਰਮਚਾਰੀ ਸਨ। 2014 ਵਿੱਚ ਉਨ੍ਹਾਂ ਨੇ ਕੰਪਨੀ ਦਾ ਆਈਪੀਓ ਲਿਆਂਦਾ, ਜੋ ਇਤਿਹਾਸਕ ਰਿਹਾ। ਅੱਜ ਕੰਪਨੀ ਦੀ ਕੀਮਤ 4 ਲੱਖ ਕਰੋੜ ਰੁਪਏ ਹੈ। ਉੱਲਾਲ ਦਾ ਜਨਮ ਲੰਡਨ ਵਿੱਚ ਹੋਇਆ ਅਤੇ ਪਾਲਣ-ਪੋਸ਼ਣ ਦਿੱਲੀ ਵਿੱਚ ਹੋਇਆ। ਉਨ੍ਹਾਂ ਨੇ ਇੰਜੀਨੀਅਰਿੰਗ ਅਤੇ ਮੈਨੇਜਮੈਂਟ ਦੀ ਪੜ੍ਹਾਈ ਅਮਰੀਕੀ ਯੂਨੀਵਰਸਿਟੀ ਤੋਂ ਕੀਤੀ।
ਇਹ ਵੀ ਪੜ੍ਹੋ: ਬੈਂਕ 'ਚ ਪੈਸੇ ਜਮ੍ਹਾ ਕਰਵਾਉਣ ਗਏ ਸ਼ਖਸ਼ ਨੇ ਰਕਮ ਦੀ ਥਾਂ ਲਿਖੀ ਅਜਿਹੀ ਗੱਲ, ਡਿਪਾਜ਼ਿਟ ਸਲਿੱਪ ਦੇਖ ਨਿਕਲ ਜਾਵੇਗਾ ਹਾਸਾ
ਨੀਰਜਾ ਸੇਠੀ: ਡੀਯੂ ਦੀ ਵਿਦਿਆਰਥਣ ਨੇ ਅਮਰੀਕਾ ਦੇ ਫਲੈਟ ਵਿੱਚ ਕੰਪਨੀ ਸ਼ੁਰੂ ਕੀਤੀ
ਸਿੰਟੇਲ ਦੀ ਸ਼ੁਰੂਆਤ ਨੀਰਜਾ ਨੇ ਆਪਣੇ ਪਤੀ ਭਰਤ ਦੇਸਾਈ ਨਾਲ ਮਿਲ ਕੇ ਕੀਤੀ ਸੀ। ਸਿਰਫ $2000 ਦੇ ਫਲੈਟ ਤੋਂ ਸ਼ੁਰੂ ਕਰਕੇ, ਇਹ IT ਸਟਾਫਿੰਗ ਕੰਪਨੀ ਜਲਦੀ ਹੀ ਇੱਕ IT ਐਪਲੀਕੇਸ਼ਨ ਸੇਵਾ ਫਰਮ ਬਣ ਗਈ। 2018 ਵਿੱਚ ਫ੍ਰੈਂਚ ਆਈਟੀ ਫਰਮ Atos SE ਨੇ ਇਸ ਨੂੰ 28,000 ਕਰੋੜ ਰੁਪਏ ਵਿੱਚ ਖਰੀਦ ਲਿਆ। ਇਸ ਤੋਂ ਉਨ੍ਹਾਂ ਨੂੰ 4212 ਕਰੋੜ ਰੁਪਏ ਮਿਲੇ ਸੀ। ਨੀਰਜਾ ਡੀਯੂ ਦੀ ਵਿਦਿਆਰਥਣ ਰਹਿ ਚੁੱਕੀ ਹੈ।
ਨੇਹਾ ਨਰਖੇੜੇ: ਲਿੰਕਡਇਨ-ਓਰੇਕਲ ਵਿੱਚ ਕੰਮ ਕੀਤਾ, ਹੁਣ ਖ਼ੁਦ ਦੀ ਕੰਪਨੀ
38 ਸਾਲਾ ਨੇਹਾ ਇੱਕ ਸਾਫਟਵੇਅਰ ਇੰਜੀਨੀਅਰ ਤੋਂ ਉੱਦਮੀ ਬਣੀ। ਉਨ੍ਹਾਂ ਨੇ ਆਪਣੀ ਸ਼ੁਰੂਆਤੀ ਸਕੂਲੀ ਪੜ੍ਹਾਈ ਪੁਣੇ ਵਿੱਚ ਕੀਤੀ। ਓਰੇਕਲ ਅਤੇ ਲਿੰਕਡਇਨ ਤੋਂ ਐਕਸਪੀਰੀਅੰਸ ਲੈ ਕੇ ਸਾਫਟਵੇਅਰ ਕੰਪਨੀ ਕੋਨਫਲੂਐਂਟ ਸ਼ੁਰੂ ਕੀਤੀ। ਹਾਲ ਹੀ ਵਿੱਚ ਉਨ੍ਹਾਂ ਨੇ $20 ਮਿਲੀਅਨ ਫੰਡਿੰਗ ਨਾਲ ਧੋਖਾਧੜੀ ਦਾ ਪਤਾ ਲਗਾਉਣ ਵਾਲੀ ਕੰਪਨੀ ਔਸਿਲੇਟਰ ਦਾ ਨੀਂਹ ਪੱਥਰ ਰੱਖਿਆ। ਨੇਹਾ ਤਕਨੀਕੀ ਵਿਸ਼ਿਆਂ 'ਤੇ ਕਿਤਾਬਾਂ ਵੀ ਲਿਖਦੀ ਹੈ।
ਇੰਦਰਾ ਨੂਈ: ਮਾਸਟਰਾਂ ਦੀ ਫੀਸ ਇਕੱਠੀ ਕਰਨ ਲਈ ਰਿਸੈਪਸ਼ਨਿਸਟ ਵਜੋਂ ਕੰਮ ਕੀਤਾ
ਉਨ੍ਹਾਂ ਨੇ ਪੈਪਸੀਕੋ ਨਾਲ 24 ਸਾਲ ਬਿਤਾਏ, ਜੋ ਕਿ 50 ਸਭ ਤੋਂ ਵੱਡੀਆਂ ਅਮਰੀਕੀ ਕੰਪਨੀਆਂ ਵਿੱਚੋਂ ਇੱਕ ਹੈ। ਇੰਦਰਾ ਇਸ ਅਹੁਦੇ 'ਤੇ ਬਣੀ ਪਹਿਲੀ ਗੈਰ-ਗੋਰੀ ਅਤੇ ਪਰਵਾਸੀ ਔਰਤ ਹੈ। ਆਈਆਈਐਮ ਕਲਕੱਤਾ ਤੋਂ ਡਿਪਲੋਮਾ ਕਰਨ ਤੋਂ ਬਾਅਦ ਨੌਕਰੀ ਮਿਲੀ। ਇਸ ਤੋਂ ਬਾਅਦ ਉਨ੍ਹਾਂ ਨੇ ਮਾਸਟਰਸ ਯੇਲ ਯੂਨੀਵਰਸਿਟੀ ਤੋਂ ਕੀਤੀ। ਫੀਸ ਇਕੱਠੀ ਕਰਨ ਲਈ ਰਿਸੈਪਸ਼ਨਿਸਟ ਵਜੋਂ ਕੰਮ ਕਰਦੀ ਸੀ। ਉਨ੍ਹਾਂ ਨੇ ਆਟੋਬਾਇਓਗ੍ਰਾਫ਼ੀ ‘ਮਾਈ ਲਾਈਫ ਇਨ ਫੁਲ’ ਵੀ ਲਿਖੀ ਹੈ।
ਇਹ ਵੀ ਪੜ੍ਹੋ: Gangster Lawrence Bishnoi: ਗੈਂਗਸਟਰ ਲਾਰੈਂਸ ਬਿਸ਼ਨੋਈ ਦੀ ਵਿਗੜੀ ਹਾਲਤ, ਜੇਲ੍ਹ 'ਚੋਂ ਫਰੀਦਕੋਟ ਹਸਪਤਾਲ ਰੈਫਰ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
