Important Rule changes in August: ਕ੍ਰੈਡਿਟ ਕਾਰਡ ਤੋਂ ਲੈ ਕੇ ITR ਤੱਕ, ਅਗਸਤ ਤੋਂ ਬਦਲਣ ਵਾਲੇ ਇਹ ਨਿਯਮ ਤੁਹਾਡੀ ਜੇਬ 'ਤੇ ਪਾਉਣਗੇ ਸਿੱਧਾ ਅਸਰ

New Rule From August: ਅਗਸਤ ਵਿੱਚ ਆਈਟੀਆਰ ਫਾਈਲਿੰਗ ਤੋਂ ਲੈ ਕੇ ਸਪੈਸ਼ਲ ਐੱਫਡੀ ਵਿੱਚ ਨਿਵੇਸ਼ ਤੱਕ ਕਈ ਚੀਜ਼ਾਂ ਵਿੱਚ ਬਦਲਾਅ ਹੋਣ ਵਾਲਾ ਹੈ, ਜਿਸ ਦਾ ਅਸਰ ਤੁਹਾਡੀ ਜੇਬ ਉੱਤੇ ਪੈ ਸਕਦਾ ਹੈ।

ਅਗਸਤ ਤੋਂ ਬਦਲਣ ਵਾਲੇ ਇਹ ਨਿਯਮ ਤੁਹਾਡੀ ਜੇਬ 'ਤੇ ਪਾਉਣਗੇ ਸਿੱਧਾ ਅਸਰ

Rule Change From August 2023: ਅਗਸਤ 'ਚ ਪੈਸਿਆਂ ਨਾਲ ਜੁੜੇ ਕਈ ਵੱਡੇ ਬਦਲਾਅ ਹੋਣ ਵਾਲੇ ਹਨ। ਇਹ ਤੁਹਾਡੀ ਬਚਤ ਤੇ ਨਿਵੇਸ਼ ਨੂੰ ਪ੍ਰਭਾਵਿਤ ਕਰ ਸਕਦਾ ਹੈ। ਇੱਥੇ ਅਜਿਹੇ ਹੀ ਪੰਜ ਬਦਲਾਵਾਂ ਬਾਰੇ ਜਾਣਕਾਰੀ ਦਿੱਤੀ ਗਈ ਹੈ, ਜਿਸ ਵਿੱਚ ਸਪੈਸ਼ਲ ਫਿਕਸਡ ਡਿਪਾਜ਼ਿਟ ਤੋਂ ਲੈ ਕੇ, ਆਈਟੀਆਰ ਫਾਈਲਿੰਗ ਤੇ ਕ੍ਰੈਡਿਟ ਕਾਰਡ ਨਾਲ ਸਬੰਧਤ ਚੀਜ਼ਾਂ ਹਨ। ਇਹਨਾਂ ਬਾਰੇ ਤੁਹਾਨੂੰ ਜ਼ਰੂਰ ਜਾਣ ਲੈਣਾ ਚਾਹੀਦਾ ਹੈ।

ਕ੍ਰੈਡਿਟ ਕਾਰਡ ਦਾ ਨਿਯਮ 

ਜੇ ਤੁਸੀਂ ਐਕਸਿਸ ਬੈਂਕ ਦੇ ਕ੍ਰੈਡਿਟ ਕਾਰਡ ਦੀ ਵਰਤੋਂ ਕਰਦੇ ਹੋ ਤੇ ਫਲਿੱਪਕਾਰਟ ਤੋਂ ਖਰੀਦਦਾਰੀ ਕਰਦੇ ਹੋ, ਤਾਂ ਹੁਣ ਤੁਹਾਨੂੰ ਕੁਝ ਕੈਸ਼ਬੈਕ ਅਤੇ less incentive points ਘੱਟ ਮਿਲਣਗੇ। ਇਸ ਨਿੱਜੀ ਖੇਤਰ ਦੇ ਬੈਂਕ ਨੇ 12 ਅਗਸਤ 2023 ਤੱਕ ਕਟੌਤੀ ਕਰ ਦਿੱਤੀ ਹੈ। ਬੈਂਕ ਦੀ ਵੈੱਬਸਾਈਟ ਦੇ ਅਨੁਸਾਰ, 12 ਅਗਸਤ, 2023 ਤੋਂ, ਤੁਸੀਂ ਫਲਿੱਪਕਾਰਟ 'ਤੇ ਯਾਤਰਾ ਨਾਲ ਸਬੰਧਤ ਖਰਚਿਆਂ ਦਾ ਭੁਗਤਾਨ ਕਰਨ ਲਈ ਆਪਣੇ ਕ੍ਰੈਡਿਟ ਕਾਰਡ ਦੀ ਵਰਤੋਂ ਕਰਨ 'ਤੇ 1.5 ਪ੍ਰਤੀਸ਼ਤ ਕੈਸ਼ਬੈਕ ਦੇ ਲਈ ਯੋਗ ਹੋਵੋਗੇ।

ਐਸਬੀਆਈ ਅੰਮ੍ਰਿਤ ਕਲਸ਼

SBI ਦੀ ਵਿਸ਼ੇਸ਼ FD ਸਕੀਮ ਅੰਮ੍ਰਿਤ ਕਲਸ਼ ਵਿੱਚ ਨਿਵੇਸ਼ ਕਰਨ ਦਾ ਆਖਰੀ ਸਮਾਂ 15 ਅਗਸਤ ਹੈ। ਇਹ 400 ਦਿਨਾਂ ਦੀ ਮਿਆਦੀ ਜਮ੍ਹਾਂ ਯੋਜਨਾ ਹੈ, ਜਿਸ ਦੀ ਵਿਆਜ ਦਰ ਨਿਯਮਤ ਗਾਹਕਾਂ ਲਈ 7.1 ਪ੍ਰਤੀਸ਼ਤ ਅਤੇ ਸੀਨੀਅਰ ਨਾਗਰਿਕਾਂ ਲਈ 7.6 ਪ੍ਰਤੀਸ਼ਤ ਹੋਵੇਗੀ। ਇਸ ਵਿਸ਼ੇਸ਼ ਐਫਡੀ ਦੇ ਤਹਿਤ ਸਮੇਂ ਤੋਂ ਪਹਿਲਾਂ ਕਢਵਾਉਣ ਤੇ ਕਰਜ਼ੇ ਦੀ ਸਹੂਲਤ ਵੀ ਪ੍ਰਾਪਤ ਕੀਤੀ ਜਾ ਸਕਦੀ ਹੈ।

ਇੰਡੀਅਨ ਬੈਂਕ  IND SUPER 400 ਦਿਨ ਦੀ ਸਪੈਸ਼ਲ ਐਡਫੀ 

ਇੰਡੀਅਨ ਬੈਂਕ ਦੁਆਰਾ ਸਪੈਸ਼ਲ FD ਪੇਸ਼ ਕੀਤੀ ਗਈ ਹੈ, ਜਿਸ ਦਾ ਨਾਮ "IND SUPER 400 DAYS" ਹੈ। ਇਹ 400 ਦਿਨਾਂ ਦੀ ਫਿਕਸਡ ਡਿਪਾਜ਼ਿਟ ਸਕੀਮ ਤਹਿਤ 10,000 ਤੋਂ 2 ਕਰੋੜ ਰੁਪਏ ਤੱਕ ਦਾ ਨਿਵੇਸ਼ ਕੀਤਾ ਜਾ ਸਕਦਾ ਹੈ। ਇਸ ਵਿੱਚ ਨਿਵੇਸ਼ ਕਰਨ ਦਾ ਆਖਰੀ ਮੌਕਾ 31 ਅਗਸਤ 2023 ਹੈ। 400 ਦਿਨਾਂ ਦੀ ਵਿਸ਼ੇਸ਼ ਐਫਡੀ ਤਹਿਤ ਆਮ ਲੋਕਾਂ ਨੂੰ 7.25 ਫੀਸਦੀ ਤੇ ਸੀਨੀਅਰ ਨਾਗਰਿਕਾਂ ਨੂੰ 7.75 ਫੀਸਦੀ ਵਿਆਜ ਦਿੱਤਾ ਜਾ ਰਿਹਾ ਹੈ।

ਇਸ ਦੇ ਨਾਲ ਹੀ ਇੰਡੀਅਨ ਬੈਂਕ ਦੀ 300 ਦਿਨਾਂ ਦੀ FD ਵੀ ਹੈ, ਜਿਸ ਦੇ ਤਹਿਤ 5 ਹਜ਼ਾਰ ਤੋਂ 2 ਕਰੋੜ ਰੁਪਏ ਤੱਕ ਦਾ ਨਿਵੇਸ਼ ਕੀਤਾ ਜਾ ਸਕਦਾ ਹੈ ਤੇ ਇਸ 'ਚ ਨਿਵੇਸ਼ ਕਰਨ ਦੀ ਆਖਰੀ ਸਮਾਂ 31 ਅਗਸਤ ਹੈ। ਇਹ ਆਮ ਲੋਕਾਂ ਨੂੰ 7.05 ਫੀਸਦੀ ਤੇ ਬਜ਼ੁਰਗਾਂ ਨੂੰ 7.55 ਫੀਸਦੀ ਵਿਆਜ ਦੇ ਰਿਹਾ ਹੈ।

ਇਨਕਮ ਟੈਕਸ ਰਿਟਰਨ ਫਾਈਲਿੰਗ

ਜੇ ਤੁਸੀਂ 31 ਜੁਲਾਈ ਤੱਕ ITR ਨਹੀਂ ਭਰੀ ਹੈ ਤਾਂ ਤੁਹਾਨੂੰ ਇਨਕਮ ਟੈਕਸ ਰਿਟਰਨ ਭਰਨ 'ਤੇ ਜੁਰਮਾਨਾ ਭਰਨਾ ਪਵੇਗਾ। 5 ਹਜ਼ਾਰ ਰੁਪਏ ਦਾ ਇਹ ਜੁਰਮਾਨਾ 1 ਅਗਸਤ 2023 ਤੋਂ ਲਾਗੂ ਹੋਵੇਗਾ। ਜੇ ਤੁਸੀਂ ਅੰਤਮ ਤਰੀਕ ਤੱਕ ਆਪਣਾ ITR ਫਾਈਲ ਕਰਨ ਵਿੱਚ ਅਸਫਲ ਰਹਿੰਦੇ ਹੋ, ਤਾਂ ਤੁਹਾਡੇ ਕੋਲ 31 ਦਸੰਬਰ, 2023 ਤੱਕ ਦਾ ਸਮਾਂ ਹੈ, ਦੇਰੀ ਨਾਲ ਰਿਟਰਨ ਫਾਈਲ ਕਰਨ ਲਈ। 31 ਜੁਲਾਈ ਤੋਂ ਬਾਅਦ ITR ਫਾਈਲ ਕਰਨ 'ਤੇ ਇਨਕਮ ਟੈਕਸ ਐਕਟ 1961 ਦੀ ਧਾਰਾ 234F ਦੇ ਤਹਿਤ 5,000 ਰੁਪਏ ਦਾ ਜੁਰਮਾਨਾ ਅਦਾ ਕਰਨਾ ਹੋਵੇਗਾ। ਹਾਲਾਂਕਿ ਜਿਨ੍ਹਾਂ ਦੀ ਸਾਲਾਨਾ ਆਮਦਨ ਪੰਜ ਲੱਖ ਤੋਂ ਘੱਟ ਹੈ, ਉਨ੍ਹਾਂ ਨੂੰ 1000 ਰੁਪਏ ਜਮ੍ਹਾ ਕਰਵਾਉਣੇ ਹੋਣਗੇ।

IDFC ਬੈਂਕ FD

IDFC ਬੈਂਕ ਨੇ 375 ਦਿਨਾਂ ਅਤੇ 444 ਦਿਨਾਂ ਲਈ ਅੰਮ੍ਰਿਤ ਮਹੋਤਸਵ ਫਿਕਸਡ ਡਿਪਾਜ਼ਿਟ ਸਕੀਮ ਲਾਂਚ ਕੀਤੀ ਹੈ, ਜਿਸ ਵਿੱਚ ਨਿਵੇਸ਼ ਕਰਨ ਦਾ ਆਖਰੀ ਮੌਕਾ 15 ਅਗਸਤ ਹੈ। 375 ਦਿਨਾਂ ਦੀ FD 'ਤੇ ਵੱਧ ਤੋਂ ਵੱਧ ਵਿਆਜ 7.60 ਫੀਸਦੀ ਹੈ। ਇਸ ਦੇ ਨਾਲ ਹੀ 444 ਦਿਨਾਂ ਦੀ FD 'ਤੇ ਵੱਧ ਤੋਂ ਵੱਧ ਵਿਆਜ 7.75 ਫੀਸਦੀ ਹੈ।

ਬੈਂਕ ਦੀਆਂ ਛੁੱਟੀਆਂ

ਜੇ ਤੁਹਾਡੇ ਕੋਲ ਬੈਂਕ ਨਾਲ ਜੁੜਿਆ ਕੋਈ ਕੰਮ ਹੈ, ਜੋ ਬ੍ਰਾਂਚ 'ਚ ਜਾਣ ਤੋਂ ਬਿਨਾਂ ਪੂਰਾ ਨਹੀਂ ਹੋ ਪਵੇਗਾ, ਤਾਂ ਉਸ ਨੂੰ ਜਲਦੀ ਨਿਪਟਾਓ, ਕਿਉਂਕਿ ਅਗਸਤ 'ਚ ਬੈਂਕ ਕੁੱਲ 14 ਦਿਨ ਬੰਦ ਰਹਿਣ ਵਾਲੇ ਹਨ।