Google layoffs: Google 'ਚ ਛਾਂਟੀ ਜਾਰੀ, ਸਸਤੀ ਮਜ਼ਦੂਰੀ ਕਾਰਨ ਪੂਰੀ ਟੀਮ ਭੇਜੀ ਘਰ
Google Employees: ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਕੰਪਨੀ ਇਨ੍ਹਾਂ ਕਰਮਚਾਰੀਆਂ ਦੀ ਜਗ੍ਹਾ ਜਰਮਨੀ ਵਿੱਚ ਇੱਕ ਸਸਤੀ ਟੀਮ ਬਣਾਏਗੀ। ਵੱਧ ਤਨਖਾਹਾਂ ਮਿਲਣ ਕਾਰਨ ਉਨ੍ਹਾਂ ਦੀ ਛਾਂਟੀ ਕੀਤੀ ਗਈ ਹੈ।
Google Employees: ਗੂਗਲ ਕਰਮਚਾਰੀ ਲੰਬੇ ਸਮੇਂ ਤੋਂ ਲਗਾਤਾਰ ਮੁਸੀਬਤ ਵਿੱਚ ਹਨ। ਉਨ੍ਹਾਂ ਉੱਤੇ ਛਾਂਟੀ ਦੀ ਤਲਵਾਰ ਲਗਾਤਾਰ ਲਟਕ ਰਹੀ ਹੈ। ਇੱਕ ਤੋਂ ਬਾਅਦ ਇੱਕ ਲੋਕਾਂ ਨੂੰ ਕਈ ਮਹਿਕਮਿਆਂ ਤੋਂ ਲਾਗਤ ਵਿੱਚ ਕਟੌਤੀ ਵਰਗੇ ਕਈ ਕਾਰਨਾਂ ਦਾ ਹਵਾਲਾ ਦੇ ਕੇ ਨੌਕਰੀ ਤੋਂ ਕੱਢਿਆ ਜਾ ਰਿਹਾ ਹੈ। ਹੁਣ ਵੱਖ-ਵੱਖ ਮੀਡੀਆ ਰਿਪੋਰਟਾਂ ਵਿੱਚ ਦਾਅਵਾ ਕੀਤਾ ਗਿਆ ਹੈ ਕਿ ਸੁੰਦਰ ਪਿਚਾਈ(Sundar Pichai) ਦੀ ਅਗਵਾਈ ਵਾਲੀ ਅਲਫਾਬੇਟ(Alphabet) ਨੇ ਪੂਰੀ ਪਾਈਥਨ ਟੀਮ(Python Team) ਨੂੰ ਬਰਖਾਸਤ ਕਰ ਦਿੱਤਾ ਹੈ। ਇਸ ਦਾ ਕਾਰਨ ਸਸਤੀ ਮਜ਼ਦੂਰੀ ਦੱਸਿਆ ਜਾ ਰਿਹਾ ਹੈ।
ਅਮਰੀਕਾ ਤੋਂ ਬਾਹਰ ਬਣਾਈ ਜਾਵੇਗੀ ਸਸਤੀ ਟੀਮ
ਫ੍ਰੀ ਪ੍ਰੈੱਸ ਜਰਨਲ ਦੀ ਰਿਪੋਰਟ ਮੁਤਾਬਕ, ਗੂਗਲ ਨੇ ਆਪਣੀ ਪਾਈਥਨ ਟੀਮ ਨੂੰ ਸਿਰਫ ਇਸ ਲਈ ਕੱਢ ਦਿੱਤਾ ਹੈ ਕਿਉਂਕਿ ਉਨ੍ਹਾਂ ਦੀ ਤਨਖਾਹ ਜ਼ਿਆਦਾ ਸੀ। ਇਸ ਦੀ ਬਜਾਏ ਉਹ ਹੁਣ ਅਮਰੀਕਾ ਤੋਂ ਬਾਹਰ ਸਸਤੇ ਕਰਮਚਾਰੀਆਂ ਨਾਲ ਇਸ ਟੀਮ ਦਾ ਨਿਰਮਾਣ ਕਰੇਗਾ। ਮੰਨਿਆ ਜਾ ਰਿਹਾ ਹੈ ਕਿ ਨਵੀਂ ਟੀਮ ਜਰਮਨੀ ਦੇ ਮਿਊਨਿਖ 'ਚ ਬਣਾਈ ਜਾਵੇਗੀ। ਉੱਥੇ ਉਨ੍ਹਾਂ ਨੂੰ ਘੱਟ ਤਨਖਾਹ 'ਤੇ ਕਰਮਚਾਰੀ ਮਿਲਣਗੇ।
ਨੌਕਰੀ ਤੋਂ ਕੱਢੇ ਗਏ ਮੁਲਾਜ਼ਮ ਬੇਹੱਦ ਨਿਰਾਸ਼
ਗੂਗਲ ਪਾਈਥਨ ਟੀਮ ਦੇ ਇੱਕ ਸਾਬਕਾ ਮੈਂਬਰ ਨੇ ਲਿਖਿਆ ਕਿ ਉਸਨੇ ਦੋ ਦਹਾਕਿਆਂ ਤੱਕ ਗੂਗਲ ਵਿੱਚ ਕੰਮ ਕੀਤਾ। ਇਹ ਉਸਦਾ ਸਭ ਤੋਂ ਵਧੀਆ ਕੰਮ ਸੀ। ਹੁਣ ਉਹ ਛਾਂਟੀ ਕਾਰਨ ਬਹੁਤ ਨਿਰਾਸ਼ ਹੈ। ਇੱਕ ਹੋਰ ਕਰਮਚਾਰੀ ਨੇ ਲਿਖਿਆ ਕਿ ਉਸ ਨੂੰ ਬਹੁਤ ਦੁੱਖ ਹੈ ਕਿ ਸਾਡੇ ਮੈਨੇਜਰ ਸਮੇਤ ਸਾਡੀ ਪੂਰੀ ਟੀਮ ਨੂੰ ਨੌਕਰੀ ਤੋਂ ਕੱਢ ਦਿੱਤਾ ਗਿਆ ਹੈ। ਹੁਣ ਸਾਡੀ ਥਾਂ ਵਿਦੇਸ਼ ਬੈਠੀ ਟੀਮ ਵੱਲੋਂ ਕੰਮ ਕੀਤਾ ਜਾਵੇਗਾ। ਇਹ ਪੂੰਜੀਵਾਦ ਦਾ ਮਾੜਾ ਪ੍ਰਭਾਵ ਹੈ। ਇਹ ਛੋਟੀ ਟੀਮ ਪਾਈਥਨ ਨਾਲ ਸਬੰਧਤ ਗੂਗਲ ਦੇ ਜ਼ਿਆਦਾਤਰ ਕੰਮ ਨੂੰ ਦੇਖਦੀ ਸੀ। ਇਸ ਦੇ ਬਾਵਜੂਦ ਉਨ੍ਹਾਂ ਨੂੰ ਸਸਤੀ ਮਜ਼ਦੂਰੀ ਕਾਰਨ ਨੌਕਰੀ ਤੋਂ ਕੱਢ ਦਿੱਤਾ ਗਿਆ ਹੈ।
ਕਈ ਵਿਭਾਗਾਂ ਵਿੱਚ ਹੋ ਚੁੱਕੀ ਛਾਂਟੀ
ਬਿਜ਼ਨਸ ਇਨਸਾਈਡਰ ਦੀ ਇੱਕ ਰਿਪੋਰਟ ਦੇ ਅਨੁਸਾਰ, ਗੂਗਲ ਨੇ ਰੀਅਲ ਅਸਟੇਟ ਅਤੇ ਵਿੱਤ ਵਿਭਾਗਾਂ ਵਿੱਚ ਵੀ ਛਾਂਟੀ ਕੀਤੀ ਹੈ। ਗੂਗਲ ਦੇ ਵਿੱਤ ਮੁਖੀ ਰੂਥ ਪੋਰਾਟ ਨੇ ਇੱਕ ਈਮੇਲ ਰਾਹੀਂ ਕਰਮਚਾਰੀਆਂ ਨੂੰ ਸੂਚਿਤ ਕੀਤਾ ਕਿ ਕੰਪਨੀ ਪੁਨਰਗਠਨ ਕਰ ਰਹੀ ਹੈ। ਅਸੀਂ ਬੈਂਗਲੁਰੂ, ਮੈਕਸੀਕੋ ਸਿਟੀ ਅਤੇ ਡਬਲਿਨ ਵਿੱਚ ਵਿਕਾਸ 'ਤੇ ਧਿਆਨ ਕੇਂਦਰਿਤ ਕਰਨਾ ਚਾਹੁੰਦੇ ਹਾਂ। ਇਸ ਤੋਂ ਪਹਿਲਾਂ, ਗੂਗਲ ਨੇ ਹਜ਼ਾਰਾਂ ਕਰਮਚਾਰੀਆਂ ਨੂੰ ਇੰਜੀਨੀਅਰਿੰਗ, ਹਾਰਡਵੇਅਰ ਅਤੇ ਸਹਾਇਕ ਟੀਮਾਂ ਤੋਂ ਕੱਢ ਦਿੱਤਾ ਸੀ। ਕੰਪਨੀ ਨੇ ਆਰਟੀਫੀਸ਼ੀਅਲ ਇੰਟੈਲੀਜੈਂਸ ਤਕਨੀਕ 'ਤੇ ਨਿਵੇਸ਼ ਵਧਾਉਣ ਲਈ ਇਹ ਛਾਂਟੀ ਕੀਤੀ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
