(Source: ECI/ABP News)
Google Big Loss: ਸਿਰਫ ਇੱਕ ਗਲਤੀ ਕਾਰਨ ਗੂਗਲ ਨੂੰ 100 ਅਰਬ ਡਾਲਰ ਦਾ ਨੁਕਸਾਨ, ਜਾਣੋ ਪੂਰਾ ਮਾਮਲਾ
ਇੰਟਰਨੈੱਟ ਸਰਚ ਫਰਮ ਗੂਗਲ ਦੀ ਪੈਰੇਂਟ ਕੰਪਨੀ Alfabeta Inc ਨੂੰ ਵੱਡਾ ਝਟਕਾ ਲੱਗਾ ਹੈ। ਬੁੱਧਵਾਰ ਨੂੰ ਕੰਪਨੀ ਦੇ 8 ਫੀਸਦੀ ਜਾਂ 8.59 ਡਾਲਰ ਪ੍ਰਤੀ ਸ਼ੇਅਰ ਡਿੱਗ ਕੇ 99.05 ਡਾਲਰ 'ਤੇ ਆ ਗਏ।
Google Loss 100 Billion Dollar: ਇੰਟਰਨੈੱਟ ਸਰਚ ਫਰਮ ਗੂਗਲ ਦੀ ਪੈਰੇਂਟ ਕੰਪਨੀ ਅਲਫਾਬੇਟ ਇੰਕ (Alfabeta Inc) ਨੂੰ ਵੱਡਾ ਝਟਕਾ ਲੱਗਾ ਹੈ। ਕੰਪਨੀ ਦੇ ਸ਼ੇਅਰਾਂ ਦੀ ਮਾਰਕੀਟ ਵੈਲਿਊ (Google Share Market Value) ਇੱਕ ਝਟਕੇ ਵਿੱਚ 100 ਅਰਬ ਡਾਲਰ ਘੱਟ ਗਈ। ਗੂਗਲ ਦੀ ਪੈਰੇਂਟ ਕੰਪਨੀ ਅਲਫਾਬੇਟ ਦੇ ਸ਼ੇਅਰ ਬੁੱਧਵਾਰ ਨੂੰ 8 ਫੀਸਦੀ ਜਾਂ 8.59 ਡਾਲਰ ਪ੍ਰਤੀ ਸ਼ੇਅਰ ਡਿੱਗ ਕੇ 99.05 ਡਾਲਰ 'ਤੇ ਆ ਗਏ।
ਬਲੂਮਬਰਗ ਦੀ ਰਿਪੋਰਟ ਮੁਤਾਬਕ ਇਸ ਤੋਂ ਪਹਿਲਾਂ 26 ਅਕਤੂਬਰ ਨੂੰ ਸ਼ੇਅਰਾਂ 'ਚ 8.9 ਫੀਸਦੀ ਦੀ ਗਿਰਾਵਟ ਆਈ ਸੀ। ਅਲਫਾਬੇਟ ਕੰਪਨੀ ਦੀ ਮਾਰਕੀਟ ਕੈਪ ਇੱਕ ਦਿਨ ਵਿੱਚ 100 ਬਿਲੀਅਨ ਡਾਲਰ ਘੱਟ ਗਈ ਹੈ ਅਤੇ ਹੁਣ ਇਹ 1.278 ਟ੍ਰਿਲੀਅਨ ਡਾਲਰ ਹੈ। ਹਾਲ ਹੀ 'ਚ ਭਾਰਤ ਦੇ ਅਰਬਪਤੀ ਗੌਤਮ ਅਡਾਨੀ (Gautam Adani) ਦੇ ਸਮੂਹ 'ਤੇ ਹਿੰਡਨਬਰਗ ਦੀ ਰਿਪੋਰਟ (Hindenburg Report) ਤੋਂ ਬਾਅਦ 10 ਦਿਨਾਂ 'ਚ ਮਾਰਕਿਟ ਕੈਪ 100 ਅਰਬ ਡਾਲਰ ਤੱਕ ਘੱਟ ਗਿਆ ਸੀ।
ਸਿਰਫ ਇੱਕ ਗਲਤੀ ਨਾਲ 100 ਬਿਲੀਅਨ ਡਾਲਰ ਦਾ ਨੁਕਸਾਨ ਹੋਇਆ
ਕੁਝ ਸਮਾਂ ਪਹਿਲਾਂ ਮਾਈਕ੍ਰੋਸਾਫਟ (Microsoft) ਨੇ ਇੱਕ ChatGPT ਚੈਟਬੋਟ ਪੇਸ਼ ਕੀਤਾ ਸੀ। ਇਸ ਨੂੰ ਸਰਚ ਇੰਜਣ ਦੀ ਨਵੀਂ ਤਕਨੀਕ ਮੰਨਿਆ ਜਾ ਰਿਹਾ ਹੈ। ਅਜਿਹੇ 'ਚ ਗੂਗਲ ਦੀ ਪੇਰੈਂਟ ਕੰਪਨੀ ਨੇ ਚੈਟਜੀਪੀਟੀ (ChatGPT) ਦੇ ਜਵਾਬ 'ਚ ਚੈਟਬੋਟ ਬਾਰਡ (Bard) ਪੇਸ਼ ਕੀਤਾ ਹੈ। ਕੰਪਨੀ ਨੇ ਇਸ ਦੇ ਪ੍ਰਚਾਰ ਲਈ ਟਵਿੱਟਰ 'ਤੇ ਇੱਕ ਛੋਟਾ ਵੀਡੀਓ ਪੋਸਟ ਕੀਤਾ, ਜਿਸ 'ਚ Bard ਨੇ ਗਲਤ ਜਾਣਕਾਰੀ ਦਿੱਤੀ ਹੈ।
Bard ਚੈਟਬੋਟ ਨੇ ਗਲਤ ਜਾਣਕਾਰੀ ਦਿੱਤੀ
ਗੂਗਲ ਤੋਂ ਇਸ ਨਵੀਂ ਤਕਨੀਕ ਬਾਰੇ ਪੁੱਛਿਆ ਗਿਆ ਕਿ ਜੇਮਸ ਵੈਬ ਸਪੇਸ ਟੈਲੀਸਕੋਪ ਨੇ ਕੀ ਖੋਜ ਕੀਤੀ ਹੈ, ਜਿਸ ਨੂੰ 9 ਸਾਲ ਦੇ ਲੜਕੇ ਨੂੰ ਦੱਸਿਆ ਜਾ ਸਕਦਾ ਹੋਵੇ। ਬਾਰਡ ਨੇ ਇਸ ਬਾਰੇ ਬਹੁਤ ਸਾਰੀ ਜਾਣਕਾਰੀ ਸਾਂਝੀ ਕੀਤੀ, ਪਰ ਉਸਨੇ ਇੱਕ ਗਲਤ ਜਾਣਕਾਰੀ ਵੀ ਦਿੱਤੀ। ਉਨ੍ਹਾਂ ਕਿਹਾ ਕਿ ਪਹਿਲੀ ਵਾਰ ਧਰਤੀ ਦੇ ਸੂਰਜੀ ਮੰਡਲ ਤੋਂ ਬਾਹਰ ਕਿਸੇ ਗ੍ਰਹਿ ਦੀ ਤਸਵੀਰ ਲਈ ਗਈ ਹੈ, ਜਦਕਿ ਨਾਸਾ ਵੱਲੋਂ ਦੱਸਿਆ ਗਿਆ ਹੈ ਕਿ ਇਸ ਦੀ ਖੋਜ ਬਹੁਤ ਵੱਡੇ ਟੈਲੀਸਕੋਪ (very large telescop) ਨਾਲ ਕੀਤੀ ਗਈ ਹੈ।
ਜਦੋਂ ਤੋਂ ਮਾਈਕ੍ਰੋਸਾਫਟ ਕਾਰਪੋਰੇਸ਼ਨ (Microsoft Corp) ਨੇ ਚੈਟਜੀਪੀਟੀ (ChatGPT) ਨੂੰ ਪੇਸ਼ ਕੀਤਾ ਹੈ, ਉਦੋਂ ਤੋਂ ਗੂਗਲ ਦਬਾਅ ਹੇਠ ਹੈ, ਜਿਸ ਨੂੰ ਤਕਨੀਕੀ ਉਦਯੋਗ ਵਿੱਚ ਬਹੁਤ ਸਾਰੇ ਖੋਜ ਦੀ ਅਗਲੀ ਪੀੜ੍ਹੀ ਦੇ ਰੂਪ ਵਿੱਚ ਵੇਖਿਆ ਜਾ ਰਿਹ ਹੈ। ਮੰਗਲਵਾਰ ਨੂੰ, Microsoft Corp ChatGPT 'ਤੇ ਅਰਬਾਂ ਦਾ ਨਿਵੇਸ਼ ਕਰ ਰਹੀ ਹੈ। ਦੂਜੇ ਪਾਸੇ Google ਨੇ ਵੀ ਇਸ ਨਵੀਂ ਤਕਨੀਕ ਨੂੰ ਲਿਆਉਣ ਦੀ ਤਿਆਰੀ ਸ਼ੁਰੂ ਕਰ ਦਿੱਤੀ ਹੈ। ਗੂਗਲ ਦਾ ਕਹਿਣਾ ਹੈ ਕਿ ਜਲਦੀ ਹੀ ਇਸ ਦੀਆਂ ਖਾਮੀਆਂ ਨੂੰ ਦੂਰ ਕਰਕੇ ਲਾਂਚ ਕੀਤਾ ਜਾਵੇਗਾ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
