ਹੋਮ ਲੋਨ ਦੀਆਂ ਵਿਆਜ ਦਰਾਂ ਅੱਗੇ ਵੀ ਰਹਿਣਗੀਆਂ ਸਸਤੀਆਂ , RBI ਦੇ ਫੈਸਲੇ ਕਾਰਨ ਦੂਰ ਹੋਈ EMI ਦੀ ਟੈਨਸ਼ਨ 

ਹੋਮ ਲੋਨ (Home Loan) ਦੀਆਂ ਵਿਆਜ ਦਰਾਂ ਹੋਰ ਵੀ ਸਸਤੀਆਂ ਰਹਿਣਗੀਆਂ।

Home loans

ਹੋਮ ਲੋਨ (Home Loan) ਦੀਆਂ ਵਿਆਜ ਦਰਾਂ ਹੋਰ ਵੀ ਸਸਤੀਆਂ ਰਹਿਣਗੀਆਂ। ਹੋਮ ਲੋਨ ਦੀਆਂ ਵਿਆਜ ਦਰਾਂ (Home Loan Interest Rate) ਪਿਛਲੇ 10 ਸਾਲਾਂ ਤੋਂ ਹੇਠਲੇ ਪੱਧਰ 'ਤੇ ਹਨ ਅਤੇ ਇਹ ਰੁਝਾਨ ਅੱਗੇ ਵੀ ਜਾਰੀ ਰਹਿਣ ਦੀ ਉਮੀਦ ਹੈ। ਇਹੀ ਕਾਰਨ ਹੈ ਕਿ ਹੋਮ ਲੋਨ ਦੇ ਖੇਤਰ 'ਚ ਤੇਜ਼ੀ ਦੇਖਣ ਨੂੰ ਮਿਲ ਰਹੀ ਹੈ ਅਤੇ ਲੋਕ ਬੈਂਕਾਂ ਜਾਂ ਫਾਈਨਾਂਸ ਕੰਪਨੀਆਂ ਤੋਂ ਲੋਨ ਲੈ ਕੇ ਘਰ ਖਰੀਦ ਰਹੇ ਹਨ।

 

ਇਸ ਦੇ ਨਤੀਜੇ ਵਜੋਂ ਹਾਲ ਹੀ ਦੇ ਸਮੇਂ ਵਿੱਚ ਹਾਊਸਿੰਗ ਕੰਪਨੀਆਂ ਦੇ ਸਟਾਕ ਵਿੱਚ ਵੱਡਾ ਵਾਧਾ ਹੋਇਆ ਹੈ। ਕੰਪਨੀਆਂ ਨੂੰ ਭਰੋਸਾ ਹੈ ਕਿ ਭਵਿੱਖ ਵਿੱਚ ਵੀ ਅਜਿਹੀ ਗਤੀ ਜਾਰੀ ਰਹੇਗੀ। ਰਿਜ਼ਰਵ ਬੈਂਕ ਨੇ ਬੁੱਧਵਾਰ ਨੂੰ ਰੈਪੋ ਰੇਟ 'ਚ ਕੋਈ ਬਦਲਾਅ ਨਾ ਕਰਨ ਦਾ ਐਲਾਨ ਕੀਤਾ ਹੈ। ਇਸ ਕਾਰਨ ਰੀਅਲ ਅਸਟੇਟ ਵਿੱਚ ਖੁਸ਼ੀ ਦੀ ਲਹਿਰ ਪਾਈ ਜਾ ਰਹੀ ਹੈ। ਰੈਪੋ ਰੇਟ ਸਥਿਰ ਰਹਿਣ ਨਾਲ ਹੋਮ ਲੋਨ ਸਸਤੇ ਹੋਣ ਦੀ ਉਮੀਦ ਹੈ ਅਤੇ ਇਸ ਕਾਰਨ ਰੀਅਲ ਅਸਟੇਟ ਨੇ ਰਿਜ਼ਰਵ ਬੈਂਕ ਦੇ ਫੈਸਲੇ ਦੀ ਸ਼ਲਾਘਾ ਕੀਤੀ ਹੈ।

 

ਸਸਤੇ ਹੋਮ ਲੋਨ ਕਾਰਨ ਗਾਹਕਾਂ 'ਤੇ EMI ਦਾ ਬੋਝ ਘੱਟ ਜਾਵੇਗਾ ਅਤੇ ਉਹ ਸਸਤੇ 'ਚ ਘਰ ਦੇ ਮਾਲਕ ਬਣ ਜਾਣਗੇ। ਰਿਜ਼ਰਵ ਬੈਂਕ ਨੇ ਵੀਰਵਾਰ ਨੂੰ ਆਪਣੀ ਮੁਦਰਾ ਸਮੀਖਿਆ 'ਚ ਰੈਪੋ ਦਰ ਨੂੰ ਪਹਿਲਾਂ ਦੀ ਤਰ੍ਹਾਂ 4 ਫੀਸਦੀ 'ਤੇ ਬਰਕਰਾਰ ਰੱਖਣ ਦਾ ਫੈਸਲਾ ਕੀਤਾ ਹੈ। ਰਿਜ਼ਰਵ ਬੈਂਕ ਨੇ ਬੈਂਕਾਂ ਲਈ ਵਿਆਜ ਦਰ ਪਹਿਲਾਂ ਦੀ ਤਰ੍ਹਾਂ 4 ਫੀਸਦੀ 'ਤੇ ਬਰਕਰਾਰ ਰੱਖਣ ਦਾ ਐਲਾਨ ਕੀਤਾ ਹੈ।

ਵਿਆਜ ਦਰਾਂ ਨਾ ਵਧਾਉਣ ਨਾਲ ਹੋਮ ਲੋਨ ਲਾਭਦਾਇਕ ਹੋਵੇਗਾ ਕਿਉਂਕਿ ਬੈਂਕ ਜਾਂ ਹਾਊਸਿੰਗ ਫਾਇਨਾਂਸ ਕੰਪਨੀਆਂ ਇਸ ਦਰ ਦੇ ਆਧਾਰ 'ਤੇ ਆਪਣੇ ਗਾਹਕਾਂ ਨੂੰ ਹੋਮ ਲੋਨ ਦਿੰਦੀਆਂ ਹਨ। ਜੇਕਰ ਰੇਪੋ ਰੇਟ ਸਸਤੀ ਰਹਿੰਦੀ ਹੈ ਤਾਂ ਹੋਮ ਲੋਨ ਵੀ ਸਸਤੀ ਦਰ 'ਤੇ ਮਿਲੇਗਾ। ਹੋਮ ਲੋਨ ਦੀਆਂ ਦਰਾਂ ਸਿੱਧੇ ਤੌਰ 'ਤੇ ਰਿਜ਼ਰਵ ਬੈਂਕ ਦੀਆਂ ਵਿਆਜ ਦਰਾਂ ਤੋਂ ਪ੍ਰਭਾਵਿਤ ਹੁੰਦੀਆਂ ਹਨ।

 

ਕਿਹੜੀ ਬੈਂਕ ਦਾ ਕਿੰਨਾ ਰੇਟ 

ਇਸ ਦਾ ਮਤਲਬ ਹੈ ਕਿ ਜੇਕਰ ਰਿਜ਼ਰਵ ਬੈਂਕ ਵਿਆਜ ਦਰਾਂ ਨਹੀਂ ਵਧਾਉਂਦਾ ਤਾਂ ਹੋਮ ਲੋਨ ਦੀਆਂ ਦਰਾਂ ਵੀ ਨਹੀਂ ਵਧਣਗੀਆਂ ਅਤੇ ਬੈਂਕ ਗਾਹਕਾਂ ਨੂੰ ਸਸਤੀ ਰੇਟ 'ਤੇ ਹੋਮ ਲੋਨ ਦੇਣਗੇ। ਦੇਸ਼ ਦੇ ਜ਼ਿਆਦਾਤਰ ਬੈਂਕ ਇਸ ਸਮੇਂ 6.5% ਦੀ ਸ਼ੁਰੂਆਤੀ ਦਰ 'ਤੇ ਹੋਮ ਲੋਨ ਦੀ ਪੇਸ਼ਕਸ਼ ਕਰ ਰਹੇ ਹਨ। ਜਿੱਥੇ ਯੂਨੀਅਨ ਬੈਂਕ 6.40 ਫੀਸਦੀ 'ਤੇ ਸਭ ਤੋਂ ਸਸਤਾ ਕਰਜ਼ਾ ਦੇ ਰਿਹਾ ਹੈ, ਉਥੇ ਬੈਂਕ ਆਫ ਬੜੌਦਾ ਦੂਜੇ ਨੰਬਰ 'ਤੇ ਹੈ, ਜਿਸ ਦੀ ਦਰ 6.50 ਫੀਸਦੀ ਹੈ। ਉਸ ਤੋਂ ਬਾਅਦ ਕੋਟਕ ਮਹਿੰਦਰਾ 6.55, ਐਚਡੀਐਫਸੀ 6.70, ਆਈਸੀਆਈਸੀਆਈ ਬੈਂਕ 6.70, ਸਿਟੀ ਬੈਂਕ 6.75, ਸਟੇਟ ਬੈਂਕ 6.75, ਐਲਆਈਸੀ ਹਾਊਸਿੰਗ 6.90 ਅਤੇ ਐਕਸਿਸ ਬੈਂਕ 6.90 ਫੀਸਦੀ ਦੀ ਦਰ ਨਾਲ ਹੋਮ ਲੋਨ ਦੇ ਰਹੇ ਹਨ।