LPG Cylinder Price Hike: ਬਜਟ ਤੋਂ ਪਹਿਲਾਂ ਵੱਡਾ ਝਟਕਾ, 10-20, 30 ਨਹੀਂ, ਸਿੱਧਾ ਇੰਨੇ ਰੁਪਏ ਮਹਿੰਗਾ ਹੋਇਆ ਗੈਸ ਸਿਲੰਡਰ
ਸਰਕਾਰ ਨੇ ਆਮ ਲੋਕਾਂ ਅਤੇ ਕਾਰੋਬਾਰੀਆਂ ਨੂੰ ਝਟਕਾ ਦਿੱਤਾ ਹੈ। ਜਿੱਥੇ ਅੱਜ ਬਜਟ ਆਉਣਾ ਹੈ, ਉੱਥੇ ਹੀ ਕਮਰਸ਼ੀਅਲ LPG ਸਿਲੰਡਰ ਦੀ ਕੀਮਤ 50 ਰੁਪਏ ਵਧਾ ਦਿੱਤੀ ਹੈ। ਜਿਸ ਨਾਲ ਕਾਰੋਬਾਰ ਕਰਨ ਵਾਲੇ ਲੋਕਾਂ ਨੂੰ ਵੱਡਾ ਝਟਕਾ ਲੱਗਿਆ ਹੈ।
Commercial LPG Cylinder Price Hike: ਬਜਟ 2026 ਪੇਸ਼ ਹੋਣ ਤੋਂ ਪਹਿਲਾਂ ਹੀ ਸਰਕਾਰ ਨੇ ਆਮ ਲੋਕਾਂ ਅਤੇ ਕਾਰੋਬਾਰੀਆਂ ਲਈ ਵੱਡਾ ਝਟਕਾ ਦੇ ਦਿੱਤਾ ਹੈ। ਸਰਕਾਰ ਨੇ 19 ਕਿੱਲੋ ਵਾਲੇ ਕਮਰਸ਼ੀਅਲ LPG ਸਿਲੰਡਰ ਦੀ ਕੀਮਤ 50 ਰੁਪਏ ਵਧਾ ਦਿੱਤੀ ਹੈ। ਹਾਲਾਂਕਿ, 14 ਕਿੱਲੋ ਵਾਲੇ ਘਰੇਲੂ ਰਸੋਈ ਗੈਸ ਸਿਲੰਡਰ ਦੀ ਕੀਮਤਾਂ ਵਿੱਚ ਕੋਈ ਬਦਲਾਅ ਨਹੀਂ ਕੀਤਾ ਗਿਆ। ਘਰੇਲੂ ਸਿਲੰਡਰ ਅਜੇ ਵੀ 8 ਅਪਰੈਲ 2025 ਨੂੰ ਨਿਰਧਾਰਿਤ ਪੁਰਾਣੇ ਰੇਟ ਤੇ ਹੀ ਮਿਲ ਰਹੇ ਹਨ।
ਦੇਸ਼ ਦੇ ਵੱਖ-ਵੱਖ ਸ਼ਹਿਰਾਂ ਵਿੱਚ ਕਮਰਸ਼ੀਅਲ ਸਿਲੰਡਰ ਮਹਿੰਗੇ ਹੋਏ
ਦਿੱਲੀ: 19 ਕਿੱਲੋ ਵਾਲਾ LPG ਸਿਲੰਡਰ 1740.50 ਰੁਪਏ
ਕੋਲਕਾਤਾ: 1844.50 ਰੁਪਏ
ਮੁੰਬਈ: ਪਹਿਲਾਂ 1642.50 ਰੁਪਏ ਸੀ, ਹੁਣ 1692.00 ਰੁਪਏ
ਚੇਨਈ: 1899.50 ਰੁਪਏ
ਸਰਕਾਰ ਨੇ ਸਪਸ਼ਟ ਕੀਤਾ ਹੈ ਕਿ ਇਹ 50 ਰੁਪਏ ਵਾਧਾ ਸਿਰਫ ਕਮਰਸ਼ੀਅਲ ਸਿਲੰਡਰ ਲਈ ਹੈ, ਜੋ ਹੋਟਲ, ਰੈਸਟੋਰੈਂਟ, ਢਾਬਾ ਅਤੇ ਹੋਰ ਵਿਆਪਾਰਕ ਕੰਮਾਂ ਵਿੱਚ ਵਰਤੇ ਜਾਂਦੇ ਹਨ।
ਸ਼ਹਿਰਾਂ ਵਿੱਚ ਕਮਰਸ਼ੀਅਲ LPG ਸਿਲੰਡਰ ਦੀ ਕੀਮਤ ਵਧੀ
1 ਫਰਵਰੀ 2026 ਤੋਂ ਕੁਝ ਮੁੱਖ ਸ਼ਹਿਰਾਂ ਵਿੱਚ 19 ਕਿੱਲੋ ਵਾਲੇ ਕਮਰਸ਼ੀਅਲ LPG ਸਿਲੰਡਰ ਦੀ ਕੀਮਤਾਂ ਵਿੱਚ ਵਾਧਾ ਹੋਇਆ ਹੈ। ਦਿੱਲੀ ਵਿੱਚ ਸਿਲੰਡਰ ਦੀ ਕੀਮਤ 1740.50 ਰੁਪਏ ਹੋ ਗਈ, ਜੋ 1 ਜਨਵਰੀ 2026 ਨੂੰ 1691.50 ਰੁਪਏ ਸੀ, ਇਸ ਤਰ੍ਹਾਂ 49 ਰੁਪਏ ਵਾਧਾ ਹੋਇਆ। ਕੋਲਕਾਤਾ ਵਿੱਚ ਕੀਮਤ 1795.00 ਤੋਂ ਵੱਧ ਕੇ 1844.50 ਰੁਪਏ ਹੋਈ, ਵਾਧਾ 49.50 ਰੁਪਏ। ਮੁੰਬਈ ਵਿੱਚ ਕੀਮਤ 1642.50 ਤੋਂ ਬੱਧ ਕੇ 1692.00 ਰੁਪਏ ਹੋਈ, ਵਾਧਾ 49.50 ਰੁਪਏ। ਚੇਨਈ ਵਿੱਚ ਕੀਮਤ 1849.50 ਤੋਂ ਵੱਧ ਕੇ 1899.50 ਰੁਪਏ ਹੋਈ, ਵਾਧਾ 50 ਰੁਪਏ।
ਘਰੇਲੂ LPG ਸਿਲੰਡਰ ਦੀਆਂ ਕੀਮਤਾਂ ਵਿੱਚ ਕੋਈ ਬਦਲਾਅ ਨਹੀਂ
ਘਰਾਂ ਵਿੱਚ ਵਰਤੇ ਜਾਣ ਵਾਲੇ 14.2 ਕਿੱਲੋ ਵਾਲੇ ਘਰੇਲੂ LPG ਸਿਲੰਡਰ ਦੀ ਕੀਮਤ ਵਿੱਚ ਕੋਈ ਬਦਲਾਅ ਨਹੀਂ ਕੀਤਾ ਗਿਆ। ਇਸਦੀ ਆਖਰੀ ਵਾਰ 8 ਅਪਰੈਲ 2025 ਨੂੰ ਕੀਮਤ ਤੈਅ ਕੀਤੀ ਗਈ ਸੀ। ਵਰਤਮਾਨ ਵਿੱਚ ਵੱਖ-ਵੱਖ ਸ਼ਹਿਰਾਂ ਵਿੱਚ 14 ਕਿੱਲੋ ਵਾਲੇ ਘਰੇਲੂ ਸਿਲੰਡਰ ਦੀਆਂ ਕੀਮਤਾਂ ਇਸ ਪ੍ਰਕਾਰ ਹਨ:
ਦਿੱਲੀ: 853 ਰੁਪਏ
ਕੋਲਕਾਤਾ: 879 ਰੁਪਏ
ਮੁੰਬਈ: 852.50 ਰੁਪਏ
ਚੇਨਈ: 868.50 ਰੁਪਏ
ਲਖਨਊ: 890.50 ਰੁਪਏ
ਅਹਿਮਦਾਬਾਦ: 860 ਰੁਪਏ
ਹੈਦਰਾਬਾਦ: 905 ਰੁਪਏ
ਵਾਰਾਣਸੀ: 916.50 ਰੁਪਏ
ਪਟਨਾ: 951 ਰੁਪਏ
ਹਰ ਮਹੀਨੇ ਦੀ ਪਹਿਲੀ ਤਾਰੀਖ ਨੂੰ ਕੀਮਤਾਂ ਦੀ ਸਮੀਖਿਆ
ਪੈਟਰੋਲਿਯਮ ਮਾਰਕੇਟਿੰਗ ਨਾਲ ਜੁੜੀਆਂ ਸਰਕਾਰੀ ਕੰਪਨੀਆਂ ਹਰ ਮਹੀਨੇ ਦੀ ਪਹਿਲੀ ਤਾਰੀਖ ਨੂੰ LPG ਸਿਲੰਡਰਾਂ ਦੀਆਂ ਕੀਮਤਾਂ ਦੀ ਸਮੀਖਿਆ ਕਰਦੀਆਂ ਹਨ। ਇਸ ਤੋਂ ਪਹਿਲਾਂ ਜਨਵਰੀ ਵਿੱਚ 19 ਕਿੱਲੋ ਵਾਲੇ ਕਮਰਸ਼ੀਅਲ ਗੈਸ ਸਿਲੰਡਰ ਦੀਆਂ ਕੀਮਤਾਂ ਵਿੱਚ ਵਾਧਾ ਕੀਤਾ ਗਿਆ ਸੀ। ਇਸਦੇ ਇਲਾਵਾ, ਪਿਛਲੇ ਸਾਲ ਨਵੰਬਰ ਅਤੇ ਦਸੰਬਰ ਵਿੱਚ ਇਹਨਾਂ ਸਿਲੰਡਰਾਂ ਦੀਆਂ ਕੀਮਤਾਂ ਵਿੱਚ ਕ੍ਰਮਵਾਰ 5 ਅਤੇ 10 ਰੁਪਏ ਦੀ ਕਟੌਤੀ ਕੀਤੀ ਗਈ ਸੀ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
