Job Market: ਪੈਸੇ ਨਾਲ ਨਹੀ, ਨੌਕਰੀਆਂ ਦੀ ਤਲਾਸ਼ ਕਰ ਰਹੇ ਭਾਰਤੀ ਵਿਦਿਆਰਥੀ ਨੂੰ ਇਸ ਚੀਜ਼ ਨਾਲ ਹੈ ਪਿਆਰ
Indian Freshers Job Preference: ਮੂਜੌਦਾ ਸਮੇਂ ਵਿੱਚ, ਕੰਪਨੀਆਂ ਪੂਰੀ ਦੁਨੀਆ ਵਿੱਚ ਛਾਂਟੀ ਕਰ ਰਹੀਆਂ ਹਨ, ਜਿਸ ਕਾਰਨ ਨੌਕਰੀ ਦੀ ਮਾਰਕੀਟ ਦੀ ਸਥਿਤੀ ਅਸੁਰੱਖਿਅਤ ਤੇ ਅਨਿਸ਼ਚਿਤ ਹੋ ਗਈ ਹੈ। ਇਸ ਦਾ ਵਿਆਪਕ ਅਸਰ ਵੇਖਣ ਨੂੰ ਮਿਲ ਰਿਹਾ ਹੈ...
ਨੌਕਰੀਆਂ ਦੇ ਬਾਜ਼ਾਰ (Job Market) ਦੀਆਂ ਬਦਲਦੀਆਂ ਸਥਿਤੀਆਂ ਵਿੱਚ, ਨੌਕਰੀ ਲੱਭਣ ਵਾਲਿਆਂ ਦੀਆਂ ਤਰਜੀਹਾਂ ਵੀ ਬਦਲ ਰਹੀਆਂ ਹਨ। ਇੱਕ ਤਾਜ਼ਾ ਰਿਪੋਰਟ ਦਰਸਾਉਂਦੀ ਹੈ ਕਿ ਇਸ ਸਮੇਂ ਨੌਕਰੀਆਂ ਦੀ ਭਾਲ ਕਰ ਰਹੇ ਜ਼ਿਆਦਾਤਰ ਭਾਰਤੀ ਨੌਜਵਾਨ (ਫਰੈਸ਼ਰ) ਪੈਸੇ ਨਾਲੋਂ ਨੌਕਰੀ ਦੀ ਸੁਰੱਖਿਆ ਨੂੰ ਜ਼ਿਆਦਾ ਮਹੱਤਵ ਦੇ ਰਹੇ ਹਨ। ਉਨ੍ਹਾਂ ਲਈ ਤਨਖ਼ਾਹ ਵਾਧੇ ਨਾਲੋਂ ਨੌਕਰੀ (job security) ਦੀ ਸੁਰੱਖਿਆ ਜ਼ਿਆਦਾ ਜ਼ਰੂਰੀ ਹੋ ਗਈ ਹੈ।
ਇਸ ਸਰਵੇ ਵਿੱਚ ਸਾਹਮਣੇ ਆਈ ਗੱਲ
ਇਹ ਗੱਲ ਅਨਸਟੌਪ 2024 ਟੈਲੇਂਟ ਰਿਪੋਰਟ (Unstop 2024 Talent Report) ਵਿੱਚ ਸਾਹਮਣੇ ਆਈ ਹੈ। ਇਸ ਤਹਿਤ 11 ਹਜ਼ਾਰ ਤੋਂ ਵੱਧ ਲੋਕਾਂ ਦਾ ਸਰਵੇਖਣ ਕੀਤਾ ਗਿਆ, ਜਿਸ ਵਿੱਚ ਵਿਦਿਆਰਥੀ, ਯੂਨੀਵਰਸਿਟੀ ਦੇ ਭਾਈਵਾਲ ਅਤੇ ਐਚਆਰ ਪੇਸ਼ੇਵਰ ਸ਼ਾਮਲ ਸਨ। ਸਰਵੇਖਣ 'ਚ ਕਈ ਦਿਲਚਸਪ ਗੱਲਾਂ ਸਾਹਮਣੇ ਆਈਆਂ ਹਨ। ਉਦਾਹਰਨ ਲਈ, ਜ਼ਿਆਦਾਤਰ ਫਰੈਸ਼ਰ ਹੁਣ ਨੌਕਰੀ ਦੀ ਸੁਰੱਖਿਆ ਨੂੰ ਪਹਿਲ ਦੇ ਤੌਰ 'ਤੇ ਰੱਖ ਰਹੇ ਹਨ, ਭਾਰਤ ਵਿੱਚ ਬਹੁਤ ਘੱਟ ਕਾਲਜ ਹਨ ਜਿਨ੍ਹਾਂ ਕੋਲ 100 ਫੀਸਦੀ ਪਲੇਸਮੈਂਟ ਸਹੂਲਤ ਹੈ...
ਨੌਕਰੀ ਦੀ ਸੁਰੱਖਿਆ ਵਧੇਰੇ ਮਹੱਤਵਪੂਰਨ
ਸਰਵੇਖਣ ਦਾ ਹਵਾਲਾ ਦਿੰਦੇ ਹੋਏ ET ਦੀ ਇੱਕ ਰਿਪੋਰਟ ਵਿੱਚ ਕਿਹਾ ਗਿਆ ਹੈ ਕਿ 60 ਫੀਸਦੀ ਵਿਦਿਆਰਥੀਆਂ ਲਈ, ਨੌਕਰੀ ਦੀ ਸੁਰੱਖਿਆ ਤਨਖਾਹ ਵਾਧੇ ਨਾਲੋਂ ਜ਼ਿਆਦਾ ਮਹੱਤਵਪੂਰਨ ਹੈ। ਇਸ ਦੇ ਨਾਲ ਹੀ 53 ਫੀਸਦੀ ਭਾਰਤੀ ਵਿਦਿਆਰਥੀ ਡਰਦੇ ਹਨ ਕਿ ਕਿਤੇ ਉਨ੍ਹਾਂ ਨੂੰ ਆਪਣੇ ਪਸੰਦੀਦਾ ਖੇਤਰ ਵਿੱਚ ਨੌਕਰੀ ਨਾ ਮਿਲ ਸਕੇ। ਇਸ ਦੇ ਨਾਲ ਹੀ, ਸਿਰਫ 7 ਪ੍ਰਤੀਸ਼ਤ ਭਾਰਤੀ ਕਾਲਜਾਂ ਵਿੱਚ 100 ਪ੍ਰਤੀਸ਼ਤ ਪਲੇਸਮੈਂਟ ਦਾ ਰਿਕਾਰਡ ਪਾਇਆ ਗਿਆ।
ਲਿੰਗ ਦੇ ਅਨੁਸਾਰ ਪੇਸ਼ਕਸ਼ਾਂ ਵਿੱਚ ਅੰਤਰ
ਸਰਵੇਖਣ ਵਿੱਚ ਲਿੰਗਕ ਤਨਖ਼ਾਹ ਅਸਮਾਨਤਾ ਦੀ ਚਿੰਤਾਜਨਕ ਤਸਵੀਰ ਵੀ ਸਾਹਮਣੇ ਆਈ ਹੈ, ਭਾਵ ਮਰਦਾਂ ਦੇ ਮੁਕਾਬਲੇ ਔਰਤਾਂ ਦੀ ਕਮਾਈ ਘੱਟ ਹੈ। ਸਰਵੇਖਣ ਅਨੁਸਾਰ, ਆਰਟਸ, ਸਾਇੰਸ ਅਤੇ ਕਾਮਰਸ ਸਟ੍ਰੀਮ ਵਿੱਚ ਪੁਰਸ਼ਾਂ ਲਈ ਸਭ ਤੋਂ ਆਮ ਪੇਸ਼ਕਸ਼ 6 ਤੋਂ 10 ਲੱਖ ਰੁਪਏ ਹੈ, ਜਦੋਂ ਕਿ ਔਰਤਾਂ ਦੇ ਮਾਮਲੇ ਵਿੱਚ ਇਹ ਘੱਟ ਕੇ 2 ਤੋਂ 5 ਲੱਖ ਰੁਪਏ ਤੱਕ ਆਉਂਦੀ ਹੈ। ਇਸ ਦਾ ਮਤਲਬ ਹੈ ਕਿ ਔਰਤਾਂ ਨੂੰ ਮਿਲਣ ਵਾਲੀਆਂ ਪੇਸ਼ਕਸ਼ਾਂ ਮਰਦਾਂ ਦੇ ਮੁਕਾਬਲੇ 50 ਫੀਸਦੀ ਘੱਟ ਹਨ।
ਇੰਜਨੀਅਰਿੰਗ ਵਿੱਚ ਨਹੀਂ ਹੈ ਲਿੰਗ ਅੰਤਰ
ਹਾਲਾਂਕਿ, ਇਹ ਇੰਜੀਨੀਅਰਿੰਗ ਦੇ ਮਾਮਲਿਆਂ ਵਿੱਚ ਕੋਈ ਅੰਤਰ ਨਹੀਂ ਹੈ। ਸਰਵੇਖਣ ਮੁਤਾਬਕ ਇੰਜਨੀਅਰਿੰਗ ਸਟਰੀਮ ਵਿੱਚ ਔਰਤਾਂ ਅਤੇ ਮਰਦਾਂ ਨੂੰ ਲਗਭਗ ਬਰਾਬਰ ਆਫਰ ਮਿਲ ਰਹੇ ਹਨ। ਇੱਥੋਂ ਤੱਕ ਕਿ ਬੀ ਸਕੂਲਾਂ (Colleges offering business degrees) ਵਿੱਚ ਵੀ ਮਰਦਾਂ ਅਤੇ ਔਰਤਾਂ ਵਿੱਚ ਕੁਝ ਪਾੜਾ ਹੈ। ਬੀ-ਸਕੂਲ ਵਿੱਚ 55 ਫੀਸਦੀ ਪੁਰਸ਼ਾਂ ਨੂੰ 16 ਲੱਖ ਰੁਪਏ ਤੋਂ ਵੱਧ ਦੇ ਆਫਰ ਮਿਲ ਰਹੇ ਹਨ, ਔਰਤਾਂ ਦੇ ਮਾਮਲੇ ਵਿੱਚ ਇਹ ਘਟ ਕੇ 45 ਫੀਸਦੀ ਰਹਿ ਗਏ ਹਨ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
