![ABP Premium](https://cdn.abplive.com/imagebank/Premium-ad-Icon.png)
Rupee Against Dollar: ਡਾਲਰ ਦੇ ਮੁਕਾਬਲੇ ਰੁਪਇਆ ਢਹਿ-ਢੇਰੀ, ਰਿਕਾਰਡ ਗਿਰਾਵਟ
ਮੰਗਲਵਾਰ ਨੂੰ ਡਾਲਰ ਦੇ ਮੁਕਾਬਲੇ ਰੁਪਏ ਦੀ ਕੀਮਤ ਵਿੱਚ ਰਿਕਾਰਡ ਗਿਰਾਵਟ ਦਰਜ ਕੀਤੀ ਗਈ।ਡੀਲਰਾਂ ਮੁਤਾਬਕ ਡਾਲਰ ਇੰਡੈਕਸ 'ਚ ਤੇਜ਼ੀ ਤੇ ਤੇਲ ਦਰਾਮਦਕਾਰਾਂ 'ਚ ਗ੍ਰੀਨਬੈਕ ਦੀ ਵਧਦੀ ਮੰਗ ਦੇ ਮੱਦੇਨਜ਼ਰ ਰੁਪਿਆ ਹੇਠਲੇ ਪੱਧਰ 'ਤੇ ਬੰਦ ਹੋਇਆ।
![Rupee Against Dollar: ਡਾਲਰ ਦੇ ਮੁਕਾਬਲੇ ਰੁਪਇਆ ਢਹਿ-ਢੇਰੀ, ਰਿਕਾਰਡ ਗਿਰਾਵਟ Rupee Against Dollar rupee hits new low of 83-51 against us dollar Rupee Against Dollar: ਡਾਲਰ ਦੇ ਮੁਕਾਬਲੇ ਰੁਪਇਆ ਢਹਿ-ਢੇਰੀ, ਰਿਕਾਰਡ ਗਿਰਾਵਟ](https://feeds.abplive.com/onecms/images/uploaded-images/2024/06/12/9ded8179eac97aef1620b9fbf73e677a1718169515705995_original.jpg?impolicy=abp_cdn&imwidth=1200&height=675)
Rupee All Time Low: ਮੰਗਲਵਾਰ ਨੂੰ ਡਾਲਰ ਦੇ ਮੁਕਾਬਲੇ ਰੁਪਏ ਦੀ ਕੀਮਤ ਵਿੱਚ ਰਿਕਾਰਡ ਗਿਰਾਵਟ ਦਰਜ ਕੀਤੀ ਗਈ। ਡੀਲਰਾਂ ਮੁਤਾਬਕ ਡਾਲਰ ਇੰਡੈਕਸ 'ਚ ਤੇਜ਼ੀ ਤੇ ਤੇਲ ਦਰਾਮਦਕਾਰਾਂ 'ਚ ਗ੍ਰੀਨਬੈਕ ਦੀ ਵਧਦੀ ਮੰਗ ਦੇ ਮੱਦੇਨਜ਼ਰ ਰੁਪਿਆ ਮੰਗਲਵਾਰ ਨੂੰ ਅਮਰੀਕੀ ਡਾਲਰ ਦੇ ਮੁਕਾਬਲੇ 83.57 ਦੇ ਨਵੇਂ ਹੇਠਲੇ ਪੱਧਰ 'ਤੇ ਬੰਦ ਹੋਇਆ।
ਸੋਮਵਾਰ ਨੂੰ ਡਾਲਰ ਦੇ ਮੁਕਾਬਲੇ ਰੁਪਿਆ 83.51 ਦੇ ਪੱਧਰ 'ਤੇ ਬੰਦ ਹੋਇਆ ਸੀ। ਬਾਜ਼ਾਰ ਮਾਹਰਾਂ ਨੇ ਕਹਿਣਾ ਹੈ ਕਿ ਡਾਲਰ ਦੇ ਮੁਕਾਬਲੇ ਰੁਪਏ 'ਚ ਹੋਰ ਗਿਰਾਵਟ ਨੂੰ ਰੋਕਣ ਲਈ ਆਰਬੀਆਈ ਨੇ ਵਿਦੇਸ਼ੀ ਮੁਦਰਾ ਬਾਜ਼ਾਰ 'ਚ ਦਖਲ ਦਿੱਤਾ ਹੈ। ਇਸ ਕਾਰਨ ਹੀ ਰੁਪਏ ਨੂੰ ਹੋਰ ਗਿਰਾਵਟ ਤੋਂ ਬਚਾਇਆ ਜਾ ਸਕਿਆ ਹੈ।
ਪਿਛਲੇ ਹਫਤੇ ਜਾਰੀ ਕੀਤੇ ਗਏ ਅੰਕੜਿਆਂ ਮੁਤਾਬਕ ਅਮਰੀਕਾ 'ਚ ਨੌਕਰੀਆਂ ਦੀ ਗਿਣਤੀ ਉਮੀਦ ਤੋਂ ਜ਼ਿਆਦਾ ਵਧੀ ਹੈ। ਇਸ ਨਾਲ ਡਾਲਰ ਇੰਡੈਕਸ (Dollar Index) ਮਜ਼ਬੂਤ ਹੋਇਆ ਤੇ 105.25 'ਤੇ ਪਹੁੰਚ ਗਿਆ। ਮੰਨਿਆ ਜਾ ਰਿਹਾ ਹੈ ਕਿ ਅਮਰੀਕੀ ਫੈਡਰਲ ਰਿਜ਼ਰਵ (US Federal Reserve) ਵਿਆਜ ਦਰਾਂ 'ਚ ਕਟੌਤੀ ਦਾ ਫੈਸਲਾ ਲੈ ਸਕਦਾ ਹੈ। ਬੁੱਧਵਾਰ ਨੂੰ ਅਮਰੀਕੀ ਫੈਡਰਲ ਰਿਜ਼ਰਵ ਦੀ ਬੈਠਕ ਦੇ ਨਤੀਜੇ ਤੋਂ ਪਹਿਲਾਂ ਸਾਵਧਾਨੀ ਵਰਤਣ ਕਾਰਨ ਡਾਲਰ ਸੂਚਕਾਂਕ ਉੱਪਰ ਸੀ। ਉਮੀਦ ਹੈ ਕਿ ਰੁਪਿਆ ਡਾਲਰ ਦੇ ਮੁਕਾਬਲੇ 83.6 ਦੇ ਅੰਕੜੇ ਤੋਂ ਹੇਠਾਂ ਨਹੀਂ ਜਾਵੇਗਾ।
ਬਾਜ਼ਾਰ ਮਾਹਰਾਂ ਦਾ ਅੰਦਾਜ਼ਾ ਹੈ ਕਿ ਭਾਰਤੀ ਰਿਜ਼ਰਵ ਬੈਂਕ ਨੇ ਡਾਲਰ ਵੇਚ ਕੇ ਵਿਦੇਸ਼ੀ ਮੁਦਰਾ ਬਾਜ਼ਾਰ 'ਚ ਗਿਰਾਵਟ ਨੂੰ ਰੋਕਿਆ ਹੈ। ਇਸ ਕਾਰਨ ਰੁਪਿਆ ਹੋਰ ਨਹੀਂ ਡਿੱਗਿਆ। ਚਾਲੂ ਸਾਲ ਦੀ 19 ਅਪ੍ਰੈਲ ਨੂੰ ਰੁਪਿਆ ਡਾਲਰ ਦੇ ਮੁਕਾਬਲੇ 83.58 ਦੇ ਰਿਕਾਰਡ ਹੇਠਲੇ ਪੱਧਰ ਨੂੰ ਛੂਹ ਗਿਆ ਸੀ। ਮਾਹਿਰਾਂ ਮੁਤਾਬਕ ਆਰਬੀਆਈ ਨੇ 83.5 ਤੇ 83.55 ਰੁਪਏ ਦੇ ਪੱਧਰ 'ਤੇ ਡਾਲਰ ਵੇਚੇ। ਮੰਨਿਆ ਜਾ ਰਿਹਾ ਹੈ ਕਿ ਬੁੱਧਵਾਰ ਨੂੰ ਰੁਪਿਆ 83.45 ਪ੍ਰਤੀ ਡਾਲਰ ਤੋਂ 83.7 ਪ੍ਰਤੀ ਡਾਲਰ ਦੇ ਦਾਇਰੇ 'ਚ ਰਹਿ ਸਕਦਾ ਹੈ। ਕਾਰੋਬਾਰੀ ਹੁਣ ਅਮਰੀਕਾ ਦੇ ਮਹਿੰਗਾਈ ਅੰਕੜਿਆਂ 'ਤੇ ਵੀ ਨਜ਼ਰ ਰੱਖ ਰਹੇ ਹਨ।
ਜੂਨ 'ਚ ਹੁਣ ਤੱਕ ਡਾਲਰ ਦੇ ਮੁਕਾਬਲੇ ਰੁਪਏ 'ਚ 0.1 ਫੀਸਦੀ ਦੀ ਗਿਰਾਵਟ ਆਈ ਹੈ। ਚਾਲੂ ਵਿੱਤੀ ਸਾਲ 2024-25 'ਚ 0.2 ਫੀਸਦੀ ਦੀ ਗਿਰਾਵਟ ਦਰਜ ਕੀਤੀ ਗਈ। ਇਸ ਦੌਰਾਨ ਮੌਜੂਦਾ ਕੈਲੰਡਰ ਸਾਲ 2024 'ਚ ਰੁਪਏ 'ਚ 0.4 ਫੀਸਦੀ ਦੀ ਗਿਰਾਵਟ ਆਈ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
![ABP Premium](https://cdn.abplive.com/imagebank/metaverse-mid.png)