(Source: ECI/ABP News)
Starbucks ਨੇ ਲਿਆ ਨਵਾਂ ਫੈਸਲਾ, ਕੱਪੜਿਆਂ ਨੂੰ ਲੈਕੇ ਲਾਗੂ ਕਰ'ਤੀ ਨਵੀਂ ਪਾਲਿਸੀ
ਪਿਛਲੀ ਚਾਰ ਤਿਮਾਹੀਆਂ ਤੋਂ ਸਟਾਰਬੱਕਸ ਦੀ ਵਿਕਰੀ ਘੱਟ ਰਹੀ ਹੈ। ਇਸ ਦਾ ਕਾਰਨ ਮਹਿੰਗੇ ਡ੍ਰਿੰਕਸ, ਲੰਮਾ ਸਮਾਂ ਇੰਤਜ਼ਾਰ ਅਤੇ ਬਿਹਤਰ ਸਹੂਲਤਾਂ ਲਈ ਕਰਮਚਾਰੀਆਂ ਦੀ ਯੂਨੀਅਨੀਕਰਨ ਦੀ ਮੰਗ ਹੈ।
ਭਾਰਤ ਸਮੇਤ ਦੁਨੀਆ ਭਰ ਵਿੱਚ ਬਹੁਤ ਸਾਰੇ ਲੋਕ ਸਟਾਰਬਕਸ ਦੀ ਕੌਫੀ ਪਸੰਦ ਕਰਦੇ ਹਨ। ਬਹੁਤ ਸਾਰੇ ਲੋਕਾਂ ਲਈ ਇਸ ਕੌਫੀ ਬਾਰ ਵਿੱਚ ਕੌਫੀ ਪੀਣਾ ਇੱਕ ਸਟੇਟਸ ਸਿੰਬਲ ਹੈ। ਹੁਣ ਅਜਿਹੇ ਲੋਕਾਂ ਲਈ ਇਸ ਕੌਫੀ ਬਾਰ ਨਾਲ ਜੁੜੀ ਇੱਕ ਵੱਡੀ ਖ਼ਬਰ ਸਾਹਮਣੇ ਆਈ ਹੈ।
ਦਰਅਸਲ, ਸਟਾਰਬਕਸ ਹੁਣ ਆਪਣੀ ਪਛਾਣ ਨੂੰ ਹੋਰ ਮਜ਼ਬੂਤ ਕਰਨ ਅਤੇ ਡਿੱਗਦੀ ਵਿਕਰੀ ਨੂੰ ਸੰਭਾਲਣ ਲਈ ਆਪਣੀ ਯੂਨੀਫਾਰਮ ਪਾਲਿਸੀ ਵਿੱਚ ਵੱਡਾ ਬਦਲਾਅ ਕਰਨ ਜਾ ਰਿਹਾ ਹੈ। ਆਓ, ਜਾਣਦੇ ਹਾਂ ਕੀ ਹੈ ਪੂਰਾ ਮਾਮਲਾ?
ਸਟਾਰਬਕਸ ਦੀ ਯੂਨੀਫਾਰਮ ਪਾਲਿਸੀ
ਸੀਐਨਐਨ ਦੀ ਇੱਕ ਰਿਪੋਰਟ ਦੇ ਅਨੁਸਾਰ, 12 ਮਈ ਤੋਂ ਪੂਰੇ ਉੱਤਰੀ ਅਮਰੀਕਾ ਬਰੀਸਟਾ (ਉਹ ਲੋਕ ਜੋ ਇੱਕ ਕੌਫੀ ਬਾਰ ਵਿੱਚ ਕੰਮ ਕਰਦੇ ਹਨ) ਸਿਰਫ ਸੋਲਿਡ ਬਲੈਕ ਟੀ-ਸ਼ਰਟ ਪਾ ਸਕਣਗੇ ਤਾਂ ਜੋ ਉਨ੍ਹਾਂ ਦਾ "ਆਈਕੋਨਿਕ ਗ੍ਰੀਨ ਐਪਰਨ" ਹੋਰ ਵੱਖਰਾ ਨਜ਼ਰਾ ਆਵੇ। ਕੰਪਨੀ ਦਾ ਕਹਿਣਾ ਹੈ ਕਿ ਇਹ ਗਾਹਕਾਂ ਨੂੰ ਇੱਕ ਫੈਮੀਲੀਅਰ ਅਤੇ ਕੰਸੀਸਟੈਂਟ ਐਕਸਪੀਰੀਅੰਸ ਦੇਵੇਗਾ। ਇਸ ਨਾਲ ਹੁਣ ਕਰਮਚਾਰੀ ਸਿਰਫ਼ ਖਾਕੀ, ਕਾਲੀ ਜਾਂ ਨੀਲੀ ਡੈਨਿਮ ਪੈਂਟ ਹੀ ਪਾ ਸਕਣਗੇ।
ਪਹਿਲਾਂ ਉਨ੍ਹਾਂ ਨੂੰ ਨੇਵੀ ਬਲੂ, ਸਲੇਟੀ ਜਾਂ ਭੂਰਾ ਰੰਗ ਪਹਿਨਣ ਦੀ ਵੀ ਇਜਾਜ਼ਤ ਸੀ। ਇਸ ਬਦਲਾਅ ਦਾ ਉਦੇਸ਼ ਗਾਹਕਾਂ ਨੂੰ ਕੈਫੇ ਵਿੱਚ ਇੱਕ ਸੋਹਣਾ ਅਤੇ ਪੇਸ਼ੇਵਰ ਮਾਹੌਲ ਪ੍ਰਦਾਨ ਕਰਨਾ ਹੈ। ਹਾਲਾਂਕਿ, ਅਜੇ ਤੱਕ ਇਸ ਬਾਰੇ ਕੋਈ ਸਪੱਸ਼ਟ ਜਾਣਕਾਰੀ ਨਹੀਂ ਹੈ ਕਿ ਕੀ ਇਹ ਫੈਸਲਾ ਸਿਰਫ਼ ਉੱਤਰੀ ਅਮਰੀਕਾ ਵਿੱਚ ਲਾਗੂ ਹੋਵੇਗਾ ਜਾਂ ਦੁਨੀਆ ਭਰ ਦੇ ਸਟਾਰਬਕਸ ਸਟੋਰਾਂ ਨੂੰ ਇਸਦੀ ਪਾਲਣਾ ਕਰਨੀ ਪਵੇਗੀ।
ਸਟਾਰਬਕਸ ਦੀ ਵਿਕਰੀ ਵਿੱਚ ਗਿਰਾਵਟ
ਰਿਪੋਰਟਾਂ ਦੇ ਅਨੁਸਾਰ, ਸਟਾਰਬਕਸ ਦੀ ਵਿਕਰੀ ਪਿਛਲੇ ਚਾਰ ਤਿਮਾਹੀਆਂ ਤੋਂ ਘੱਟ ਰਹੀ ਹੈ। ਇਸ ਦਾ ਕਾਰਨ ਮਹਿੰਗੇ ਡ੍ਰਿੰਕਸ, ਲੰਮਾ ਸਮਾਂ ਇੰਤਜ਼ਾਰ ਅਤੇ ਬਿਹਤਰ ਸਹੂਲਤਾਂ ਲਈ ਕਰਮਚਾਰੀਆਂ ਦੀ ਯੂਨੀਅਨੀਕਰਨ ਦੀ ਮੰਗ ਹੈ। ਇਸ ਸਭ ਦੇ ਵਿਚਕਾਰ, ਕੰਪਨੀ ਹੁਣ ਲਗਾਤਾਰ ਕੁਝ ਵੱਡੇ ਫੈਸਲੇ ਲੈ ਰਹੀ ਹੈ।
ਸਟਾਰਬਕਸ ਵਿੱਚ ਕਈ ਜ਼ਰੂਰੀ ਬਦਲਾਅ
ਸੀਈਓ ਬ੍ਰਾਇਨ ਨਿਕੋਲ ਦੀ ਅਗਵਾਈ ਹੇਠ ਕਈ ਮਹੱਤਵਪੂਰਨ ਬਦਲਾਅ ਹੋਏ ਹਨ। ਸੀਐਨਐਨ ਦੀ ਰਿਪੋਰਟ ਅਨੁਸਾਰ, ਸਰਵਿਸ ਟਾਈਮ ਨੂੰ ਘਟਾਉਣ ਲਈ ਮੀਨੂ ਵਿੱਚ ਲਗਭਗ 30 ਪ੍ਰਤੀਸ਼ਤ ਦੀ ਕਟੌਤੀ ਕੀਤੀ ਗਈ ਹੈ, 1,000 ਕਾਰਪੋਰੇਟ ਨੌਕਰੀਆਂ ਖਤਮ ਕਰ ਦਿੱਤੀਆਂ ਗਈਆਂ ਹਨ ਅਤੇ ਸਟੋਰ ਦੀਆਂ ਟਾਇਲਟ ਸਹੂਲਤਾਂ ਹੁਣ ਸਿਰਫ਼ ਭੁਗਤਾਨ ਕਰਨ ਵਾਲੇ ਗਾਹਕਾਂ ਤੱਕ ਸੀਮਤ ਹਨ। ਇਸ ਤੋਂ ਇਲਾਵਾ, ਸਟਾਰਬਕਸ ਹੁਣ ਬ੍ਰਾਂਡ ਦੀ ਮੁੱਖ ਪਛਾਣ: ਕੌਫੀ 'ਤੇ ਜ਼ੋਰ ਦੇਣ ਲਈ ਆਪਣੇ ਆਪ ਨੂੰ "ਸਟਾਰਬਕਸ ਕੌਫੀ ਕੰਪਨੀ" ਦੇ ਰੂਪ ਵਿੱਚ ਰੀਬ੍ਰਾਂਡ ਕਰ ਰਿਹਾ ਹੈ। ਇੱਕ ਹੋਰ ਦਿਲਚਸਪ ਤਬਦੀਲੀ ਇਹ ਹੈ ਕਿ ਪੁਰਾਣੇ ਦਿਨਾਂ ਵਾਂਗ, ਹੁਣ ਬਰੀਸਟਾ ਦੁਬਾਰਾ ਕੱਪਾਂ 'ਤੇ ਕ੍ਰਿਏਟਿਵ ਡੂਡਲ ਬਣਾਉਣ ਦੇ ਯੋਗ ਹੋਣਗੇ ਅਤੇ ਸੈਲਫ ਸਰਵਿਸ ਮਿਲਕ ਸ਼ੂਗਰ ਸਟੇਸ਼ਨ ਵੀ ਵਾਪਸ ਆ ਰਹੇ ਹਨ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
