ਸ਼ੇਅਰ ਬਾਜ਼ਾਰ 'ਚ ਫਿਰ ਗਿਰਾਵਟ, ਸੈਂਸੈਕਸ 300 ਤੇ ਨਿਫਟੀ 100 ਅੰਕ ਹੇਠਾਂ ਖਿਸਕਿਆ

ਕਈ ਦਿਨਾਂ ਬਾਅਦ, ਅੱਜ ਬਾਜ਼ਾਰ ਹਰੇ ਚਿੰਨ ਦੇ ਵਾਧੇ ਨਾਲ ਸ਼ੁਰੂ ਹੋਇਆ, ਪਰ ਮਾਰਕੀਟ ਖੁੱਲ੍ਹਣ ਤੋਂ ਤੁਰੰਤ ਬਾਅਦ ਸਟਾਕ ਮਾਰਕੀਟ ਵਿੱਚ ਭਾਰੀ ਗਿਰਾਵਟ ਆ ਗਈ।

ਨਵੀਂ ਦਿੱਲੀ: ਕਈ ਦਿਨਾਂ ਬਾਅਦ, ਅੱਜ ਬਾਜ਼ਾਰ ਹਰੇ ਚਿੰਨ ਦੇ ਵਾਧੇ ਨਾਲ ਸ਼ੁਰੂ ਹੋਇਆ, ਪਰ ਮਾਰਕੀਟ ਖੁੱਲ੍ਹਣ ਤੋਂ ਤੁਰੰਤ ਬਾਅਦ ਸਟਾਕ ਮਾਰਕੀਟ ਵਿੱਚ ਭਾਰੀ ਗਿਰਾਵਟ ਆ ਗਈ। ਸੈਂਸੈਕਸ ਨੇ ਸ਼ੁਰੂਆਤੀ ਕਾਰੋਬਾਰ ਵਿੱਚ 200 ਅੰਕ ਦੀ ਤੇਜ਼ੀ ਤਾਂ ਵੇਖਾਈ ਪਰ ਤੁਰੰਤ 300 ਅੰਕਾਂ ਦੀ ਗਿਰਾਵਟ ਆ ਗਈ। ਕੱਲ ਦੇ ਕਾਰੋਬਾਰ ਵਿੱਚ, ਸਟਾਕ ਮਾਰਕੀਟ ਭਾਰੀ ਗਿਰਾਵਟ ਦੇ ਨਾਲ ਬੰਦ ਹੋਇਆ ਅਤੇ ਸੈਂਸੈਕਸ-ਨਿਫਟੀ ਲਗਭਗ 8 ਪ੍ਰਤੀਸ਼ਤ ਦੀ ਗਿਰਾਵਟ ਨਾਲ ਬੰਦ ਹੋਇਆ। ਸੈਂਸੈਕਸ 2700 ਅੰਕਾਂ ਤੋਂ ਤੇਜ਼ੀ ਨਾਲ ਹੇਠਾਂ ਆ ਗਿਆ ਅਤੇ ਨਿਫਟੀ 9200 ਦੇ ਨਾਜ਼ੁਕ ਪੱਧਰ ਤੋਂ ਹੇਠਾਂ ਖਿਸਕ ਗਿਆ। ਇੱਦਾਂ ਖੁੱਲਿਆ ਬਾਜ਼ਾਰ ਅੱਜ ਦੇ ਕਾਰੋਬਾਰ ਦੌਰਾਨ, ਬੀਐਸਈ ਦਾ 30 ਸ਼ੇਅਰਾਂ ਵਾਲਾ ਇੰਡੈਕਸ ਸੈਂਸੈਕਸ 226.89 ਅੰਕ ਯਾਨੀ 1.04 ਫੀਸਦੀ ਦੀ ਗਿਰਾਵਟ ਨਾਲ 31063.18 'ਤੇ ਕਾਰੋਬਾਰ ਕਰ ਰਿਹਾ ਹੈ। ਇਸ ਦੇ ਨਾਲ ਹੀ, ਐਨਐਸਈ ਦਾ 50 ਸ਼ੇਅਰਾਂ ਵਾਲਾ ਇੰਡੈਕਸ ਨਿਫਟੀ ਸ਼ੁਰੂਆਤੀ ਕਾਰੋਬਾਰ ਵਿੱਚ 100 ਅੰਕ ਭਾਵ 0.8% ਦੀ ਗਿਰਾਵਟ ਨਾਲ 9123.40 ਫੀਸਦੀ ਦੀ ਗਿਰਾਵਟ ਦੇ ਨਾਲ ਕਾਰੋਬਾਰ ਕਰ ਰਿਹਾ ਸੀ। ਰੁਪਏ ਵਿੱਚ ਦਿਖੀ ਅੱਜ ਮਜ਼ਬੂਤੀ ਰੁਪਿਆ ਅੱਜ ਡਾਲਰ ਦੇ ਮੁਕਾਬਲੇ 14 ਪੈਸੇ ਮਜ਼ਬੂਤ ਖੁੱਲ੍ਹਿਆ ਅਤੇ ਕੱਲ੍ਹ ਦੇ 74.27 ਦੇ ਬੰਦ ਹੋਣ ਦੇ ਮੁਕਾਬਲੇ 74.13 ਦੇ ਪੱਧਰ ਤੇ ਖੁੱਲ੍ਹਿਆ।