Free Aadhaar Update: ਮੁਫਤ 'ਚ ਆਧਾਰ ਅਪਡੇਟ ਕਰਨ ਦੀ Deadline ਹੋ ਰਹੀ ਖ਼ਤਮ , ਇਸ ਤਰੀਕ ਤੋਂ ਪਹਿਲਾਂ ਕਰੋ ਇਹ ਜ਼ਰੂਰੀ ਕੰਮ!
Aadhaar Card Update: ਜੇ ਤੁਸੀਂ ਬਿਨਾਂ ਇੱਕ ਰੁਪਏ ਖ਼ਰਚ ਕੀਤੇ ਆਧਾਰ ਅਪਡੇਟ ਕਰਨਾ ਚਾਹੁੰਦੇ ਹੋ ਤਾਂ 14 ਸਤੰਬਰ 2023 ਤੱਕ ਇਸ ਸਹੂਲਤ ਦਾ ਲਾਭ ਲੈ ਸਕਦੇ ਹੋ।
Free Aadhaar Card Update : ਭਾਰਤ ਵਿੱਚ ਆਧਾਰ ਕਾਰਡ ਇੱਕ ਮਹੱਤਵਪੂਰਨ ਦਸਤਾਵੇਜ਼ ਬਣ ਗਿਆ ਹੈ। ਕਿਸੇ ਵੀ ਸਰਕਾਰੀ ਯੋਜਨਾ ਦਾ ਲਾਭ ਲੈਣ ਲਈ ਆਧਾਰ ਕਾਰਡ ਜ਼ਰੂਰੀ ਹੈ। ਅਜਿਹੇ 'ਚ ਆਧਾਰ ਜਾਰੀ ਕਰਨ ਵਾਲੀ ਸੰਸਥਾ ਯੂਨੀਕ ਆਈਡੈਂਟੀਫਿਕੇਸ਼ਨ ਅਥਾਰਟੀ ਆਫ ਇੰਡੀਆ ਨੂੰ ਸਮੇਂ-ਸਮੇਂ 'ਤੇ ਆਧਾਰ 'ਚ ਦਰਜ ਜਾਣਕਾਰੀ ਨੂੰ ਅਪਡੇਟ ਕਰਨ ਲਈ ਕਹਿੰਦੀ ਰਹਿੰਦੀ ਹੈ। UIDAI ਨੇ ਕਰੋੜਾਂ ਆਧਾਰ ਉਪਭੋਗਤਾਵਾਂ ਵਿੱਚ ਆਧਾਰ ਅਪਡੇਟ ਨੂੰ ਉਤਸ਼ਾਹਿਤ ਕਰਨ ਲਈ ਮੁਫਤ ਆਧਾਰ ਅਪਡੇਟ ਦੀ ਸਹੂਲਤ ਸ਼ੁਰੂ ਕੀਤੀ ਹੈ। ਇਸ ਤੋਂ ਪਹਿਲਾਂ, UIDAI 14 ਜੂਨ ਤੱਕ ਆਧਾਰ ਨੂੰ ਮੁਫਤ ਅਪਡੇਟ ਕਰਨ ਦੀ ਸਹੂਲਤ ਪ੍ਰਦਾਨ ਕਰ ਰਿਹਾ ਸੀ, ਜਿਸ ਨੂੰ ਬਾਅਦ ਵਿੱਚ 3 ਮਹੀਨਿਆਂ ਲਈ 14 ਸਤੰਬਰ, 2023 ਤੱਕ ਵਧਾ ਦਿੱਤਾ ਗਿਆ ਸੀ। ਅਜਿਹੇ 'ਚ ਜੇਕਰ ਤੁਸੀਂ ਵੀ ਬਿਨਾਂ ਕਿਸੇ ਫੀਸ ਦੇ ਆਧਾਰ ਨੂੰ ਅਪਡੇਟ ਕਰਨਾ ਚਾਹੁੰਦੇ ਹੋ ਤਾਂ ਤੁਹਾਡੇ ਕੋਲ ਆਖਰੀ ਮੌਕਾ ਹੈ।
10 ਸਾਲ ਪੁਰਾਣਾ ਆਧਾਰ ਅਪਡੇਟ ਕਰੋ
ਆਧਾਰ ਜਾਰੀ ਕਰਨ ਵਾਲੀ ਸੰਸਥਾ UIDAI ਨੇ ਉਨ੍ਹਾਂ ਸਾਰੇ ਆਧਾਰ ਉਪਭੋਗਤਾਵਾਂ ਨੂੰ ਸੁਚੇਤ ਕੀਤਾ ਹੈ, ਜਿਨ੍ਹਾਂ ਦੇ ਆਧਾਰ ਨੂੰ 10 ਸਾਲ ਤੋਂ ਵੱਧ ਹੋ ਗਏ ਹਨ। ਸੰਸਥਾ ਮੁਤਾਬਕ ਜਿਨ੍ਹਾਂ ਲੋਕਾਂ ਨੇ 10 ਸਾਲ ਤੋਂ ਵੱਧ ਸਮੇਂ ਤੋਂ ਆਧਾਰ ਅਪਡੇਟ ਨਹੀਂ ਕਰਵਾਇਆ ਹੈ, ਉਨ੍ਹਾਂ ਨੂੰ ਇਹ ਕੰਮ ਪੂਰਾ ਕਰਨਾ ਚਾਹੀਦਾ ਹੈ। ਇਸ ਵਿੱਚ ਪਤਾ, ਮੋਬਾਈਲ ਨੰਬਰ ਆਦਿ ਵੇਰਵੇ ਬਿਨਾਂ ਕਿਸੇ ਚਾਰਜ ਦੇ ਬਦਲੇ ਜਾ ਸਕਦੇ ਹਨ।
ਵੇਰਵੇ ਆਨਲਾਈਨ ਕਰੋ ਅੱਪਡੇਟ
ਮਹੱਤਵਪੂਰਨ ਗੱਲ ਇਹ ਹੈ ਕਿ ਜੇ ਤੁਸੀਂ ਵੀ ਆਧਾਰ ਅਪਡੇਟ ਦੀ ਸੁਵਿਧਾ ਦਾ ਮੁਫਤ ਫਾਇਦਾ ਲੈਣਾ ਚਾਹੁੰਦੇ ਹੋ ਤਾਂ ਇਹ ਕੰਮ ਆਨਲਾਈਨ ਕਰੋ। ਤੁਹਾਨੂੰ ਔਫਲਾਈਨ ਆਧਾਰ ਕੇਂਦਰ 'ਤੇ ਜਾ ਕੇ ਆਧਾਰ ਵੇਰਵਿਆਂ ਨੂੰ ਅਪਡੇਟ ਕਰਨ ਲਈ ਫੀਸ ਅਦਾ ਕਰਨੀ ਪਵੇਗੀ। ਮੁਫਤ ਸਹੂਲਤ ਦਾ ਲਾਭ ਲੈਣ ਲਈ, ਤੁਸੀਂ MyAadhaar ਪੋਰਟਲ 'ਤੇ ਜਾਓ। ਇਸ ਪੋਰਟਲ ਰਾਹੀਂ ਆਧਾਰ ਨੂੰ ਅੱਪਡੇਟ ਕਰਨ 'ਤੇ ਤੁਹਾਨੂੰ ਆਧਾਰ ਨੂੰ ਅਪਡੇਟ ਕਰਨ ਦੀ ਸਹੂਲਤ ਮੁਫ਼ਤ ਮਿਲੇਗੀ।
ਜਾਣੋ ਕਿਵੇਂ ਮੁਫ਼ਤ ਵਿੱਚ ਆਧਾਰ ਨੂੰ ਕਰਨਾ ਹੈ ਅਪਡੇਟ -
1. ਇਸ ਲਈ ਤੁਸੀਂ MyAadhaar ਪੋਰਟਲ ਜਾਂ ਆਧਾਰ ਦੀ ਅਧਿਕਾਰਤ ਵੈੱਬਸਾਈਟ https://myaadhaar.uidai.gov.in/ 'ਤੇ ਜਾਓ।
2. ਜੇ ਤੁਸੀਂ ਐਡਰੈੱਸ ਨੂੰ ਅਪਡੇਟ ਕਰਨਾ ਚਾਹੁੰਦੇ ਹੋ ਤਾਂ ਅਪਡੇਟ ਐਡਰੈੱਸ ਦਾ ਵਿਕਲਪ ਚੁਣੋ।
3. ਇਸ ਤੋਂ ਬਾਅਦ, ਆਪਣਾ ਰਜਿਸਟਰਡ ਮੋਬਾਈਲ ਨੰਬਰ ਦਰਜ ਕਰੋ, OTP ਦਰਜ ਕਰੋ ਅਤੇ ਅੱਗੇ ਵਧੋ।
4. ਇਸ ਤੋਂ ਬਾਅਦ ਤੁਹਾਨੂੰ Update your Documents ਦੇ ਆਪਸ਼ਨ 'ਤੇ ਕਲਿੱਕ ਕਰਨਾ ਹੋਵੇਗਾ। ਇਸ ਤੋਂ ਬਾਅਦ, ਆਧਾਰ ਵਿੱਚ ਦਰਜ ਮੌਜੂਦਾ ਵੇਰਵੇ ਤੁਹਾਡੇ ਸਾਹਮਣੇ ਦਿਖਾਈ ਦੇਣਗੇ।
5. ਇਹਨਾਂ ਵੇਰਵਿਆਂ ਦੀ ਪੁਸ਼ਟੀ ਕਰੋ ਅਤੇ ਅੱਗੇ ਵਧੋ।
6. ਇਸ ਤੋਂ ਬਾਅਦ ਤੁਹਾਨੂੰ ਐਡਰੈੱਸ ਪਰੂਫ ਲਈ ਐਡਰੈੱਸ ਸਰਟੀਫਿਕੇਟ ਅਪਲੋਡ ਕਰਨਾ ਹੋਵੇਗਾ।
7. ਇਸ ਤੋਂ ਬਾਅਦ ਅੰਤ ਵਿੱਚ ਤੁਹਾਡਾ ਆਧਾਰ ਅਪਡੇਟ ਸਵੀਕਾਰ ਕੀਤਾ ਜਾਵੇਗਾ।
8. ਆਧਾਰ ਅੱਪਡੇਟ ਸਵੀਕਾਰ ਹੋਣ ਤੋਂ ਬਾਅਦ, ਤੁਹਾਡੇ ਲਈ 14 ਅੰਕਾਂ ਦਾ ਅੱਪਡੇਟ ਬੇਨਤੀ ਨੰਬਰ (URN) ਤਿਆਰ ਕੀਤਾ ਜਾਵੇਗਾ।
9. ਇਸ ਦੇ ਜ਼ਰੀਏ ਤੁਸੀਂ ਆਧਾਰ ਅਪਡੇਟ ਨੂੰ ਟ੍ਰੈਕ ਕਰ ਸਕਦੇ ਹੋ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
