(Source: Dainik Bhaskar)
UPI Payment Charge: NPCI ਨੇ UPI ਭੁਗਤਾਨ 'ਤੇ ਫੀਸ ਬਾਰੇ ਸਪੱਸ਼ਟੀਕਰਨ ਕੀਤਾ ਜਾਰੀ, ਇਕ ਬੈਂਕ ਤੋਂ ਦੂਜੇ ਬੈਂਕ ਵਿਚਕਾਰ ਲੈਣ-ਦੇਣ 'ਤੇ ਨਹੀਂ ਦਿੱਤੀ ਜਾਵੇਗੀ ਕੋਈ ਫੀਸ
UPI Payment: NPCI ਦੇ ਅਨੁਸਾਰ, ਦੇਸ਼ ਵਿੱਚ UPI ਲੈਣ-ਦੇਣ ਦਾ 99.9 ਪ੍ਰਤੀਸ਼ਤ ਸਿਰਫ ਬੈਂਕ ਖਾਤਿਆਂ ਦੁਆਰਾ ਕੀਤਾ ਜਾਂਦੈ।
UPI Payment : ਨੈਸ਼ਨਲ ਪੇਮੈਂਟਸ ਕਾਰਪੋਰੇਸ਼ਨ ਆਫ ਇੰਡੀਆ (NPCI) ਨੇ UPI ਰਾਹੀਂ ਕੀਤੇ ਲੈਣ-ਦੇਣ 'ਤੇ 1 ਅਪ੍ਰੈਲ, 2023 ਤੋਂ ਲਏ ਜਾਣ ਵਾਲੇ ਲੈਣ-ਦੇਣ ਦੇ ਖਰਚਿਆਂ ਬਾਰੇ ਸਪੱਸ਼ਟੀਕਰਨ ਜਾਰੀ ਕੀਤਾ ਹੈ। NPCI ਨੇ UPI ਭੁਗਤਾਨਾਂ 'ਤੇ ਚਾਰਜ ਲਗਾਉਣ ਦੀਆਂ ਰਿਪੋਰਟਾਂ ਦਾ ਖੰਡਨ ਕੀਤਾ ਹੈ। NPCI ਨੇ ਕਿਹਾ ਕਿ ਗਾਹਕਾਂ ਨੂੰ UPI ਰਾਹੀਂ ਬੈਂਕ ਖਾਤੇ ਤੋਂ ਦੂਜੇ ਬੈਂਕ ਖਾਤੇ ਵਿੱਚ ਲੈਣ-ਦੇਣ ਲਈ ਕੋਈ ਫੀਸ ਨਹੀਂ ਦੇਣੀ ਪਵੇਗੀ। NPCI ਨੇ ਆਪਣੇ ਬਿਆਨ 'ਚ ਕਿਹਾ ਕਿ ਦੇਸ਼ 'ਚ ਸਭ ਤੋਂ ਵੱਧ 99.9 ਫੀਸਦੀ UPI ਲੈਣ-ਦੇਣ ਬੈਂਕ ਖਾਤਿਆਂ ਰਾਹੀਂ ਹੀ ਹੁੰਦੇ ਹਨ।
NPCI ਨੇ ਕਿਹਾ ਕਿ UPI ਭੁਗਤਾਨ ਲਈ ਬੈਂਕ ਜਾਂ ਗਾਹਕ ਨੂੰ ਕੋਈ ਚਾਰਜ ਨਹੀਂ ਦੇਣਾ ਪਵੇਗਾ। ਨਾਲ ਹੀ, ਇੱਕ ਬੈਂਕ ਤੋਂ ਦੂਜੇ ਬੈਂਕ ਵਿੱਚ UPI ਲੈਣ-ਦੇਣ ਕਰਨ 'ਤੇ ਵੀ ਕੋਈ ਚਾਰਜ ਨਹੀਂ ਦੇਣਾ ਪਵੇਗਾ। NPCI ਨੇ ਕਿਹਾ ਕਿ ਰੈਗੂਲੇਟਰੀ ਦਿਸ਼ਾ-ਨਿਰਦੇਸ਼ਾਂ ਦੇ ਅਨੁਸਾਰ, ਪ੍ਰੀਪੇਡ ਭੁਗਤਾਨ ਯੰਤਰ (PPI ਵਾਲਿਟ) ਹੁਣ ਇੰਟਰਓਪਰੇਬਲ UPI ਈਕੋਸਿਸਟਮ ਦਾ ਹਿੱਸਾ ਹਨ। ਇਸ ਦੇ ਮੱਦੇਨਜ਼ਰ, NPCI ਨੇ PPI ਵਾਲਿਟ ਨੂੰ ਇੰਟਰਓਪਰੇਬਲ UPI ਈਕੋਸਿਸਟਮ ਦਾ ਹਿੱਸਾ ਬਣਨ ਦੀ ਇਜਾਜ਼ਤ ਦਿੱਤੀ ਹੈ। ਇੰਟਰਚੇਂਜ ਚਾਰਜ ਸਿਰਫ਼ ਪੀਪੀਆਈ ਮਰਚੈਂਟ ਟ੍ਰਾਂਜੈਕਸ਼ਨਾਂ ( Prepaid Payment Instruments Merchant Transactions) 'ਤੇ ਲਾਗੂ ਹੋਵੇਗਾ। ਅਤੇ ਇਸ ਦੇ ਲਈ ਗਾਹਕ ਨੂੰ ਕੋਈ ਫੀਸ ਨਹੀਂ ਦੇਣੀ ਪਵੇਗੀ।
NPCI ਸਰਕੂਲਰ ਦੇ ਅਨੁਸਾਰ, Google Pay, Paytm, PhonePe ਜਾਂ ਹੋਰ ਐਪਸ ਦੁਆਰਾ ਕੀਤੇ ਗਏ ਭੁਗਤਾਨਾਂ 'ਤੇ 1.1 ਪ੍ਰਤੀਸ਼ਤ ਤੱਕ ਦੀ ਇੰਟਰਚੇਂਜ ਦਰ ਦਾ ਭੁਗਤਾਨ ਕਰਨਾ ਹੋਵੇਗਾ। ਪੇਟੀਐਮ ਨੇ ਵੀ ਇਸ ਬਾਰੇ ਸਪੱਸ਼ਟੀਕਰਨ ਦਿੱਤਾ ਹੈ।
NPCI ਨੇ ਆਪਣੇ ਸਪੱਸ਼ਟੀਕਰਨ ਵਿੱਚ ਕਿਹਾ ਹੈ ਕਿ UPI ਰਾਹੀਂ ਇੱਕ ਬੈਂਕ ਖਾਤੇ ਤੋਂ ਦੂਜੇ ਬੈਂਕ ਖਾਤੇ ਵਿੱਚ ਭੁਗਤਾਨ ਕਰਨ 'ਤੇ ਵੀ ਕੋਈ ਚਾਰਜ ਨਹੀਂ ਦੇਣਾ ਪਵੇਗਾ। ਇਸ ਦੇ ਨਾਲ, ਗਾਹਕ ਕੋਲ UPI ਆਧਾਰਿਤ ਐਪਸ 'ਤੇ ਬੈਂਕ ਖਾਤਾ, ਰੁਪੇ ਕ੍ਰੈਡਿਟ ਕਾਰਡ ਖੋਲ੍ਹਣ ਦਾ ਵਿਕਲਪ ਹੋਵੇਗਾ। ਤੁਸੀਂ ਪ੍ਰੀਪੇਡ ਵਾਲਿਟ ਦੀ ਵਰਤੋਂ ਕਰ ਸਕਦੇ ਹੋ। UPI ਦੇ ਅਨੁਸਾਰ, ਦੇਸ਼ ਵਿੱਚ ਗਾਹਕਾਂ ਅਤੇ ਵਪਾਰੀਆਂ ਲਈ ਹਰ ਮਹੀਨੇ 8 ਬਿਲੀਅਨ UPI ਲੈਣ-ਦੇਣ ਦੀ ਪ੍ਰਕਿਰਿਆ ਬਿਲਕੁਲ ਮੁਫਤ ਕੀਤੀ ਜਾਂਦੀ ਹੈ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ।ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ। ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ, ਕੂ, ਸ਼ੇਅਰਚੈੱਟ ਅਤੇ ਡੇਲੀਹੰਟ 'ਤੇ ਵੀ ਫੋਲੋ ਕਰ ਸਕਦੇ ਹੋ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
