Vande Bharat Train : ਦੇਸ਼ 'ਚ ਛੇਵੀਂ ਵੰਦੇ ਭਾਰਤ ਟਰੇਨ ਹੋ ਰਹੀ ਹੈ ਸ਼ੁਰੂ! ਪੀਐਮ ਮੋਦੀ 11 ਦਸੰਬਰ ਨੂੰ ਦਿਖਾਉਣਗੇ ਹਰੀ ਝੰਡੀ

6th Vande Bharat Train: ਈਸਟ ਸੈਂਟਰਲ ਰੇਲਵੇ ਬਿਲਾਸਪੁਰ-ਨਾਗਪੁਰ ਵਿਚਕਾਰ ਚੱਲਣ ਵਾਲੀ ਵੰਦੇ ਭਾਰਤ ਟਰੇਨ ਦਾ ਸੰਚਾਲਨ ਕਰੇਗਾ। ਅਜਿਹੇ 'ਚ ਇਹ ਟਰੇਨ ਰਾਏਪੁਰ, ਦੁਰਗ ਅਤੇ ਗੋਂਦੀਆ ਵਰਗੇ ਸਟੇਸ਼ਨਾਂ 'ਤੇ ਰੁਕੇਗੀ।

ਵੰਦੇ ਭਾਰਤ ਟਰੇਨ

Sixth Vande Bharat Express Train : ਭਾਰਤੀ ਰੇਲਵੇ (Indian Railway) ਨੇ ਹੁਣ ਤੱਕ ਦੇਸ਼ ਦੇ ਵੱਖ-ਵੱਖ ਹਿੱਸਿਆਂ ਵਿੱਚ 5 ਵੰਦੇ ਭਾਰਤ ਟਰੇਨਾਂ (6th Vande Bharat Train) ਚਲਾਈਆਂ ਹਨ। ਵੰਦੇ ਭਾਰਤ ਟਰੇਨ 100 ਫੀਸਦੀ ਸਵਦੇਸ਼ੀ ਤਕਨੀਕ ਨਾਲ ਬਣੀ ਅਰਧ ਹਾਈ ਸਪੀਡ ਟਰੇਨ ਹੈ। ਹੁਣ ਤੱਕ ਰੇਲਵੇ ਕੁੱਲ 5 ਵੰਦੇ ਭਾਰਤ ਟਰੇਨਾਂ ਦਾ ਸੰਚਾਲਨ ਕਰ ਰਿਹਾ ਹੈ ਅਤੇ ਜਲਦੀ ਹੀ 6ਵੀਂ ਵੰਦੇ ਭਾਰਤ ਟਰੇਨ ਟ੍ਰੈਕ 'ਤੇ ਚੱਲਣੀ ਸ਼ੁਰੂ ਹੋ ਜਾਵੇਗੀ। ਇਹ ਟਰੇਨ ਛੱਤੀਸਗੜ੍ਹ ਦੇ ਬਿਲਾਸਪੁਰ ਤੋਂ ਮਹਾਰਾਸ਼ਟਰ ਦੇ ਨਾਗਪੁਰ ਤੱਕ ਚੱਲੇਗੀ। ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ 11 ਦਸੰਬਰ 2022 ਨੂੰ ਇਸ ਟਰੇਨ ਦਾ ਉਦਘਾਟਨ ਕਰਨਗੇ। ਇਸ ਟਰੇਨ ਰਾਹੀਂ ਦੋਵਾਂ ਸ਼ਹਿਰਾਂ ਦੇ ਵਿਚਕਾਰ ਦਾ ਸਫਰ ਘੱਟ ਸਮੇਂ 'ਚ ਪੂਰਾ ਕੀਤਾ ਜਾ ਸਕਦਾ ਹੈ।

ਜਾਣੋ ਟਰੇਨ ਦਾ ਪੂਰਾ ਸਮਾਂ-ਸਾਰਣੀ

ਪਹਿਲਾਂ ਬਿਲਾਸਪੁਰ-ਨਾਗਪੁਰ (Bilaspur-Nagpur Vande Bharat Train) ਦੇ ਵਿਚਕਾਰ ਸਫ਼ਰ ਨੂੰ ਪੂਰਾ ਕਰਨ ਲਈ 7 ਘੰਟੇ ਲੱਗਦੇ ਸਨ, ਜੋ ਹੁਣ ਸਿਰਫ਼ ਸਾਢੇ ਪੰਜ ਘੰਟਿਆਂ ਵਿੱਚ ਪੂਰਾ ਹੋਵੇਗਾ। ਇਹ ਟਰੇਨ ਬਿਲਾਸਪੁਰ ਤੋਂ ਸਵੇਰੇ 6.45 ਵਜੇ ਸ਼ੁਰੂ ਹੋਵੇਗੀ ਅਤੇ 12.15 ਵਜੇ ਨਾਗਪੁਰ ਪਹੁੰਚੇਗੀ। ਇਸ ਤੋਂ ਬਾਅਦ ਇਹ ਦੁਪਹਿਰ 2 ਵਜੇ ਨਾਗਪੁਰ ਤੋਂ ਰਵਾਨਾ ਹੋਵੇਗੀ ਅਤੇ ਸ਼ਾਮ 7.35 ਵਜੇ ਬਿਲਾਸਪੁਰ ਪਹੁੰਚੇਗੀ। ਅਜਿਹੇ 'ਚ ਇਸ ਟਰੇਨ ਨਾਲ ਯਾਤਰੀਆਂ ਨੂੰ ਚੰਗੀਆਂ ਸੁਵਿਧਾਵਾਂ ਮਿਲ ਸਕਣਗੀਆਂ।

ਜਾਣੋ ਟਰੇਨ ਦੇ ਇਸ ਰੂਟ 'ਚ ਕਿੰਨੇ ਹੋਣਗੇ ਸਟਾਪੇਜ 

ਦੱਸ ਦੇਈਏ ਕਿ ਮੀਡੀਆ ਰਿਪੋਰਟਾਂ ਮੁਤਾਬਕ ਈਸਟ ਸੈਂਟਰਲ ਰੇਲਵੇ (East Central Railway) ਬਿਲਾਸਪੁਰ-ਨਾਗਪੁਰ ਵਿਚਕਾਰ ਚੱਲਣ ਵਾਲੀ ਵੰਦੇ ਭਾਰਤ ਟਰੇਨ ਦਾ ਸੰਚਾਲਨ ਕਰੇਗੀ। ਅਜਿਹੇ 'ਚ ਇਹ ਟਰੇਨ ਰਾਏਪੁਰ, ਦੁਰਗ ਅਤੇ ਗੋਂਦੀਆ ਵਰਗੇ ਸਟੇਸ਼ਨਾਂ 'ਤੇ ਰੁਕੇਗੀ। ਇਸ ਟਰੇਨ ਦੀ ਖਾਸ ਗੱਲ ਇਹ ਹੈ ਕਿ ਇਹ ਵੱਧ ਤੋਂ ਵੱਧ 160 ਕਿਲੋਮੀਟਰ ਪ੍ਰਤੀ ਘੰਟੇ ਦੀ ਰਫਤਾਰ ਨਾਲ ਦੌੜ ਸਕਦੀ ਹੈ। ਇਸ ਟਰੇਨ ਨੂੰ ਭਾਰਤ 'ਚ ਬਣਾਇਆ ਗਿਆ ਹੈ ਅਤੇ ਇਸ 'ਚ ਯਾਤਰੀਆਂ ਨੂੰ ਕਈ ਸਹੂਲਤਾਂ ਮਿਲਦੀਆਂ ਹਨ। ਹੁਣ ਤੱਕ ਦੇਸ਼ ਵਿੱਚ ਕੁੱਲ ਪੰਜ ਵੰਦੇ ਭਾਰਤ ਟਰੇਨਾਂ ਚੱਲ ਰਹੀਆਂ ਹਨ। ਇਹ ਵੰਦੇ ਭਾਰਤ ਰੇਲ ਗੱਡੀਆਂ ਹਨ ਜੋ ਦਿੱਲੀ-ਵਾਰਾਨਸੀ, ਦਿੱਲੀ-ਸ਼੍ਰੀ ਵੈਸ਼ਨੋ ਦੇਵੀ ਮਾਤਾ ਕਟੜਾ, ਗਾਂਧੀਨਗਰ ਤੋਂ ਮੁੰਬਈ, ਨਵੀਂ ਦਿੱਲੀ ਤੋਂ ਅੰਦੌਰਾ ਸਟੇਸ਼ਨ ਅਤੇ ਚੇਨਈ-ਮੈਸੂਰ ਵਿਚਕਾਰ ਚੱਲਦੀਆਂ ਹਨ।

ਵੰਦੇ ਭਾਰਤ ਟਰੇਨ 'ਚ ਯਾਤਰੀਆਂ ਨੂੰ ਮਿਲ ਰਹੀਆਂ ਹਨ ਖਾਸ ਸੁਵਿਧਾਵਾਂ-

ਵੰਦੇ ਭਾਰਤ ਟ੍ਰੇਨ ਦੀ ਸਭ ਤੋਂ ਖਾਸ ਗੱਲ ਇਹ ਹੈ ਕਿ ਇਹ ਪੂਰੀ ਤਰ੍ਹਾਂ ਨਾਲ ਸਵਦੇਸ਼ੀ ਤਕਨੀਕ ਨਾਲ ਬਣੀ ਅਰਧ ਹਾਈ ਸਪੀਡ ਟ੍ਰੇਨ ਹੈ। ਇਸ ਟਰੇਨ ਦੇ ਸਾਰੇ ਡੱਬਿਆਂ ਵਿੱਚ ਆਟੋਮੈਟਿਕ ਦਰਵਾਜ਼ੇ (Automatic Doors), ਜੀਪੀਐਸ ਸਿਸਟਮ  (GPS System) ਅਤੇ ਵਾਈਫਾਈ ਹੈ। ਇਸ ਦੇ ਨਾਲ ਹੀ ਟਰੇਨ ਦੀ ਐਗਜ਼ੀਕਿਊਟਿਵ ਕਲਾਸ (Executive Class) 'ਚ ਯਾਤਰੀਆਂ ਲਈ 360 ਡਿਗਰੀ ਘੁੰਮਣ ਵਾਲੀਆਂ ਕੁਰਸੀਆਂ ਹਨ।