BALCO GST Notice: ਵੇਦਾਂਤਾ ਦੀ ਇਸ ਸਹਾਇਕ ਕੰਪਨੀ ਨੂੰ ਮਿਲਿਆ GST ਨੋਟਿਸ, ਲੱਗ ਸਕਦੈ ਮੋਟਾ ਜੁਰਮਾਨਾ!

GST Notice to BALCO: ਵੇਦਾਂਤਾ ਦੀ ਸਹਾਇਕ ਕੰਪਨੀ ਬਾਲਕੋ ਨੂੰ ਜੀਐਸਟੀ ਵਿਭਾਗ ਤੋਂ ਨੋਟਿਸ ਮਿਲਿਆ ਹੈ। ਆਓ ਜਾਣਦੇ ਹਾਂ ਇਸ ਦੇ ਪਿੱਛੇ ਕੀ ਕਾਰਨ ਹੈ...

GST Notice to BALCO

GST Notice: ਵੇਦਾਂਤਾ ਦੀ ਸਹਾਇਕ ਕੰਪਨੀ ਬਾਲਕੋ (BALCO) ਭਾਵ ਭਾਰਤ ਐਲੂਮੀਨੀਅਮ ਕੰਪਨੀ ਲਿਮਟਿਡ (Bharat Aluminum Company Limited) ਨੂੰ ਜੀਐਸਟੀ ਵਿਭਾਗ (GST Department) ਤੋਂ ਨੋਟਿਸ ਮਿਲਿਆ ਹੈ। ਕੰਪਨੀ ਨੂੰ ਗੁਡਸ ਐਂਡ ਸਰਵਿਸਿਜ਼ ਟੈਕਸ (GST) ਵੱਲੋਂ ਕੁੱਲ 84.70 ਕਰੋੜ ਰੁਪਏ ਦਾ ਭੁਗਤਾਨ ਕਰਨ ਦਾ ਨੋਟਿਸ ਦਿੱਤਾ ਗਿਆ ਹੈ। ਸਟਾਕ ਮਾਰਕੀਟ (stock market) ਨੂੰ ਦਿੱਤੀ ਗਈ ਜਾਣਕਾਰੀ ਦੇ ਅਨੁਸਾਰ, ਇਹ ਨੋਟਿਸ ਕੰਪਨੀ ਨੂੰ ਵਿੱਤੀ ਸਾਲ 2017-18 ਲਈ ਬਿਲਾਸਪੁਰ, ਛੱਤੀਸਗੜ੍ਹ (Chhattisgarh) ਦੇ ਰਾਜ ਟੈਕਸ ਵਿਭਾਗ (Commissioner State Tax Department) ਦੇ ਕਮਿਸ਼ਨਰ ਦੇ ਦਫਤਰ ਵੱਲੋਂ ਜਾਰੀ ਕੀਤਾ ਗਿਆ ਹੈ।

ਦੇਣਾ ਪਵੇਗਾ ਇੰਨਾ ਜੁਰਮਾਨਾ 

ਜੀਐਸਟੀ ਵਿਭਾਗ ਤੋਂ ਬਾਲਕੋ (BALCO) ਨੂੰ ਮਿਲੇ ਨੋਟਿਸ ਵਿੱਚ ਕੁੱਲ 84,70,09,977 ਰੁਪਏ ਅਦਾ ਕਰਨ ਲਈ ਕਿਹਾ ਗਿਆ ਹੈ। ਇਸ ਦੇ ਨਾਲ ਹੀ ਕਿਹਾ ਗਿਆ ਹੈ ਕਿ ਇਸ ਰਕਮ 'ਤੇ 10 ਫੀਸਦੀ ਵਿਆਜ ਦੇ ਨਾਲ-ਨਾਲ ਜੁਰਮਾਨਾ ਵੀ ਲਾਇਆ ਜਾਵੇਗਾ। ਬਾਲਕੋ ਇਸ ਮਾਮਲੇ 'ਤੇ ਵੱਖ-ਵੱਖ ਕਾਨੂੰਨੀ ਵਿਕਲਪਾਂ ਦੀ ਖੋਜ ਕਰ ਰਹੀ ਹੈ, ਪਰ ਕੰਪਨੀ ਨੂੰ ਉਮੀਦ ਹੈ ਕਿ ਇਸ ਨੋਟਿਸ ਦਾ ਉਸ 'ਤੇ ਕੋਈ ਵੱਡਾ ਵਿੱਤੀ ਪ੍ਰਭਾਵ ਨਹੀਂ ਪਵੇਗਾ।

 

ਕੀ ਕਰਦੀ ਹੈ ਕੰਪਨੀ?

ਬਾਲਕੋ ਇੱਕ ਸਰਕਾਰੀ ਕੰਪਨੀ ਸੀ, ਜਿਸਦੀ ਸਥਾਪਨਾ ਸਾਲ 1965 ਵਿੱਚ ਹੋਈ ਸੀ। ਸਾਲ 2001 ਵਿੱਚ ਸਰਕਾਰ ਨੇ ਇਸ ਕੰਪਨੀ ਦਾ 51 ਫੀਸਦੀ ਹਿੱਸਾ ਵੇਚ ਦਿੱਤਾ ਸੀ, ਜਿਸ ਨੂੰ ਵੇਦਾਂਤਾ ਨੇ ਖਰੀਦ ਕੇ ਆਪਣੀ ਮਲਕੀਅਤ ਹਾਸਲ ਕਰ ਲਈ ਸੀ। ਇਹ ਕੰਪਨੀ ਮੁੱਖ ਤੌਰ 'ਤੇ ਛੱਤੀਸਗੜ੍ਹ ਦੇ ਕੋਰਬਾ ਦੇ ਆਲੇ-ਦੁਆਲੇ ਦੀਆਂ ਖਾਣਾਂ ਤੋਂ ਬਾਕਸਾਈਟ ਦੀ ਮਾਈਨਿੰਗ ਕਰਦੀ ਹੈ।

ਵਿੱਤੀ ਸਾਲ 2021-22 ਵਿੱਚ ਬਾਲਕੋ ਦੀ ਕੁੱਲ ਆਮਦਨ 2,720 ਕਰੋੜ ਰੁਪਏ ਸੀ, ਜੋ ਵਿੱਤੀ ਸਾਲ 2023 ਵਿੱਚ ਘਟ ਕੇ ਸਿਰਫ਼ 75 ਕਰੋੜ ਰੁਪਏ ਰਹਿ ਗਈ। ਵਿੱਤੀ ਸਾਲ 2022-23 'ਚ ਕੰਪਨੀ ਦਾ ਮੁਨਾਫਾ 42 ਕਰੋੜ ਰੁਪਏ ਸੀ। ਜਦੋਂ ਕਿ ਇਸ ਤੋਂ ਪਹਿਲਾਂ ਇਹ 2,736 ਕਰੋੜ ਰੁਪਏ ਸੀ। ਪਿਛਲੇ ਇਕ ਸਾਲ 'ਚ ਕੰਪਨੀ ਦੇ ਮੁਨਾਫੇ 'ਚ ਭਾਰੀ ਗਿਰਾਵਟ ਆਈ ਹੈ।