Wedding Insurance: ਕੀ ਤੁਸੀਂ ਵੀ ਕਰਵਾਇਆ ਵਿਆਹ ਦਾ ਬੀਮਾ? ਕਦੋਂ ਪੈਂਦੀ ਇਸ ਦੀ ਲੋੜ, ਪੂਰਾ ਵੇਰਵਾ ਪੜ੍ਹੋ
Wedding Insurance Companies In India: ਭਾਰਤ ਵਿੱਚ ਕੋਰੋਨਾ ਦੀ ਦੂਜੀ ਅਤੇ ਤੀਜੀ ਲਹਿਰ ਦੌਰਾਨ ਬਹੁਤ ਸਾਰੇ ਲੋਕਾਂ ਨੇ ਆਪਣੇ ਵਿਆਹ ਰੱਦ ਕਰ ਦਿੱਤੇ ਹਨ, ਜਿਸ ਦਾ ਅਸਰ ਲਾੜਾ-ਲਾੜੀ ਦੋਵਾਂ ਧਿਰਾਂ ਨੂੰ ਭੁਗਤਣਾ ਪੈਂਦਾ ਹੈ।
Wedding Insurance Companies In India: ਦੇਸ਼ ਅਤੇ ਦੁਨੀਆ ਵਿੱਚ ਕੋਰੋਨਾ ਮਹਾਂਮਾਰੀ (Corona Pandemic) ਦੇ ਬਾਅਦ ਵਿਆਹ ਦੇ ਬੀਮੇ (Wedding Insurance) ਦਾ ਰੁਝਾਨ ਵਧਿਆ ਹੈ। ਦੇਸ਼ 'ਚ ਵਿਆਹ ਕਰਵਾਉਣ ਦੇ ਤਰੀਕਿਆਂ 'ਚ ਕਾਫੀ ਬਦਲਾਅ ਆਇਆ ਹੈ। ਭਾਰਤ ਵਿੱਚ ਕੋਰੋਨਾ ਦੀ ਦੂਜੀ ਅਤੇ ਤੀਜੀ ਲਹਿਰ ਦੌਰਾਨ ਬਹੁਤ ਸਾਰੇ ਲੋਕਾਂ ਨੇ ਆਪਣੇ ਵਿਆਹ ਰੱਦ ਕਰ ਦਿੱਤੇ ਹਨ, ਜਿਸ ਦਾ ਅਸਰ ਲਾੜਾ-ਲਾੜੀ ਦੋਵਾਂ ਧਿਰਾਂ ਨੂੰ ਭੁਗਤਣਾ ਪੈਂਦਾ ਹੈ ਅਤੇ ਦੋਵਾਂ ਦਾ ਬਹੁਤ ਨੁਕਸਾਨ ਹੋ ਜਾਂਦਾ ਹੈ। ਹੁਣ ਅਜਿਹੇ ਨੁਕਸਾਨ ਤੋਂ ਬਚਣ ਲਈ ਬੀਮਾ ਕੰਪਨੀਆਂ ਨੇ ਵਿਆਹ ਦੇ ਬੀਮੇ (Wedding Insurance) ਦੀ ਸਹੂਲਤ ਸ਼ੁਰੂ ਕਰ ਦਿੱਤੀ ਹੈ। ਅਸੀਂ ਇਸ ਖਬਰ ਵਿੱਚ ਵਿਆਹ ਦੇ ਬੀਮੇ ਨਾਲ ਜੁੜੀ ਜਾਣਕਾਰੀ ਦੇਣ ਜਾ ਰਹੇ ਹਾਂ।
ਵਿਆਹਾਂ 'ਤੇ ਬਹੁਤ ਖਰਚ ਹੁੰਦਾ ਹੈ
ਇਹ ਸਭ ਜਾਣਦੇ ਹਨ ਕਿ ਲੋਕ ਵਿਆਹਾਂ ਵਿੱਚ ਬਹੁਤ ਸਾਰਾ ਪੈਸਾ ਖਰਚ ਕਰਦੇ ਹਨ, ਕੁਝ ਲੋਕ ਦਿਖਾਵੇ ਲਈ ਵੀ ਆਪਣੀ ਸਾਰੀ ਜ਼ਿੰਦਗੀ ਦੀ ਬਚਤ ਖਰਚਣ ਤੋਂ ਪਿੱਛੇ ਨਹੀਂ ਹਟਦੇ। ਦੇਸ਼ 'ਚ ਵਿਆਹਾਂ ਦਾ ਸੀਜ਼ਨ ਸ਼ੁਰੂ ਹੋ ਗਿਆ ਹੈ। ਮੀਡੀਆ ਰਿਪੋਰਟਾਂ ਮੁਤਾਬਕ ਫਰਵਰੀ 2023 ਤੱਕ ਭਾਰਤ 'ਚ ਵਿਆਹਾਂ 'ਤੇ ਲਗਭਗ 3.75 ਲੱਖ ਕਰੋੜ ਰੁਪਏ ਖਰਚ ਹੋਣ ਦੀ ਉਮੀਦ ਹੈ।
ਵਿਆਹ ਤੋਂ ਠੀਕ ਪਹਿਲਾਂ ਹੀ ਵਿਆਹ ਕੈਂਸਿਲ ਹੋਣ ਕਾਰਨ ਲੋਕਾਂ ਨੂੰ ਲੱਖਾਂ ਰੁਪਏ ਦਾ ਨੁਕਸਾਨ ਝੱਲਣਾ ਪੈਂਦਾ ਹੈ। ਅਜਿਹੇ 'ਚ ਲੋਕਾਂ ਦੀਆਂ ਮੁਸ਼ਕਿਲਾਂ ਨੂੰ ਦੂਰ ਕਰਨ ਲਈ ਬੀਮਾ ਕੰਪਨੀਆਂ ਨੇ ਵਿਆਹ ਦਾ ਬੀਮਾ ਦੇਣਾ ਸ਼ੁਰੂ ਕਰ ਦਿੱਤਾ ਹੈ। ਇਸ ਵਿੱਚ ਬੀਮਾ ਕੰਪਨੀ ਵਿਆਹ ਵਿੱਚ ਹੋਏ ਨੁਕਸਾਨ, ਵਿਆਹ ਰੱਦ ਹੋਣ, ਸਾਮਾਨ ਦੀ ਚੋਰੀ, ਕਿਸੇ ਵੀ ਤਰ੍ਹਾਂ ਦੀ ਦੁਰਘਟਨਾ ਦੇ ਮਾਮਲੇ ਵਿੱਚ ਪਾਲਿਸੀਧਾਰਕ ਦੇ ਨੁਕਸਾਨ ਦੀ ਭਰਪਾਈ ਕਰਦੀ ਹੈ।
ਕੀ ਹੈ ਵਿਆਹ ਦਾ ਬੀਮਾ
ਇੱਕ ਰਿਪੋਰਟ ਮੁਤਾਬਕ ਭਾਰਤ ਵਿੱਚ ਹਰ ਸਾਲ 1 ਤੋਂ 1.5 ਕਰੋੜ ਵਿਆਹ ਹੁੰਦੇ ਹਨ। ਇਸ ਦੇ ਨਾਲ ਹੀ ਇਨ੍ਹਾਂ ਵਿਆਹਾਂ 'ਤੇ ਦੇਸ਼ 'ਚ ਹਰ ਸਾਲ 3 ਤੋਂ 4 ਲੱਖ ਕਰੋੜ ਰੁਪਏ ਖਰਚ ਹੁੰਦੇ ਹਨ। ਲੋਕ ਵਿਆਹਾਂ 'ਤੇ ਬੇਸ਼ੁਮਾਰ ਖਰਚ ਕਰਦੇ ਹਨ। ਕਈ ਮਹੀਨੇ ਪਹਿਲਾਂ ਬੈਂਡ ਸਾਜ਼, ਵਿਆਹ ਦਾ ਸਥਾਨ, ਖਰੀਦਦਾਰੀ ਆਦਿ ਦੀਆਂ ਸਾਰੀਆਂ ਤਿਆਰੀਆਂ ਸ਼ੁਰੂ ਹੋ ਜਾਂਦੀਆਂ ਹਨ। ਅਜਿਹੇ 'ਚ ਜੇਕਰ ਵਿਆਹ ਕੈਂਸਿਲ ਹੋ ਜਾਂਦਾ ਹੈ ਤਾਂ ਲੋਕਾਂ ਦਾ ਲੱਖਾਂ ਅਤੇ ਕਦੇ ਕਰੋੜਾਂ ਰੁਪਏ ਦਾ ਨੁਕਸਾਨ ਹੁੰਦਾ ਹੈ। ਮੁਸੀਬਤ ਅਤੇ ਐਮਰਜੈਂਸੀ ਦੀਆਂ ਅਜਿਹੀਆਂ ਸਥਿਤੀਆਂ ਵਿੱਚ ਵਿਆਹ ਦਾ ਬੀਮਾ ਬਹੁਤ ਮਦਦ ਕਰਦਾ ਹੈ।
ਪ੍ਰੀਮੀਅਮ ਦਾ ਭੁਗਤਾਨ ਇੰਝ ਕਰਨਾ ਹੁੰਦਾ ਹੈ
ਵਿਆਹ ਦੀ ਬੀਮਾ ਪਾਲਿਸੀ ਦੇ ਖਰੀਦਦਾਰ ਨੂੰ ਵਿਆਹ ਦੇ ਕੁੱਲ ਬਜਟ ਦੇ ਆਧਾਰ 'ਤੇ ਪ੍ਰੀਮੀਅਮ ਦਾ ਭੁਗਤਾਨ ਕਰਨਾ ਪੈਂਦਾ ਹੈ। ਇਸ ਸਬੰਧ ਵਿਚ ਵਿੱਤੀ ਮਾਹਿਰਾਂ ਦਾ ਮੰਨਣਾ ਹੈ ਕਿ ਭਾਰਤ ਵਿੱਚ ਵਿਆਹ ਦੇ ਬੀਮੇ ਦਾ ਰੁਝਾਨ ਫਿਲਹਾਲ ਬਹੁਤਾ ਨਹੀਂ ਹੈ ਪਰ ਆਉਣ ਵਾਲੇ ਸਮੇਂ ਵਿੱਚ ਇਹ ਬਹੁਤ ਮਸ਼ਹੂਰ ਹੋ ਜਾਵੇਗਾ। ਵਿਆਹ ਦੇ ਬੀਮੇ ਵਿੱਚ, ਪਾਲਿਸੀ ਖਰੀਦਣ ਵਾਲੇ ਨੂੰ ਵਿਆਹ ਦੇ ਕੁੱਲ ਬਜਟ ਦਾ 1 ਤੋਂ 1.5 ਪ੍ਰਤੀਸ਼ਤ ਭੁਗਤਾਨ ਕਰਨਾ ਪੈਂਦਾ ਹੈ। ਜੇਕਰ ਤੁਹਾਡੇ ਵਿਆਹ ਦੀ ਕੀਮਤ 20 ਲੱਖ ਰੁਪਏ ਹੈ, ਤਾਂ ਤੁਹਾਨੂੰ 30,000 ਰੁਪਏ ਬੀਮੇ ਦੇ ਪ੍ਰੀਮੀਅਮ ਵਜੋਂ ਅਦਾ ਕਰਨੇ ਪੈਣਗੇ। ਬਾਅਦ ਵਿੱਚ, ਕਿਸੇ ਵੀ ਤਰ੍ਹਾਂ ਦੀ ਐਮਰਜੈਂਸੀ ਦੀ ਸਥਿਤੀ ਵਿੱਚ, ਤੁਸੀਂ ਆਪਣੇ ਨੁਕਸਾਨ ਲਈ ਮੁਆਵਜ਼ਾ ਪ੍ਰਾਪਤ ਕਰ ਸਕਦੇ ਹੋ।
ਕੰਪਨੀ ਇਹ ਸਹੂਲਤ ਪ੍ਰਦਾਨ ਕਰ ਰਹੀ ਹੈ
ਦੇਸ਼ ਦੀਆਂ ਕਈ ਬੀਮਾ ਕੰਪਨੀਆਂ ਤੁਹਾਨੂੰ ਵਿਆਹ ਦੀ ਬੀਮਾ ਪਾਲਿਸੀ ਦੀ ਸਹੂਲਤ ਪ੍ਰਦਾਨ ਕਰ ਰਹੀਆਂ ਹਨ। ਕਈ ਬੀਮਾ ਕੰਪਨੀਆਂ ਜਿਵੇਂ ਬਜਾਜ ਅਲਾਇੰਸ ਜਨਰਲ ਇੰਸ਼ੋਰੈਂਸ (Bajaj Allianz General Insurance), ਫਿਊਚਰ ਜਨਰਲੀ (Future Generali), ਐਚਡੀਐਫਸੀ ਅਰਗੋ (HDFC Ergo), ਆਈਸੀਆਈਸੀਆਈ ਲੋਮਬਾਰਡ (ICICI Lombard) ਗਾਹਕਾਂ ਨੂੰ ਵਿਆਹ ਦੇ ਬੀਮੇ ਦੀ ਸਹੂਲਤ ਪ੍ਰਦਾਨ ਕਰ ਰਹੀਆਂ ਹਨ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
