ਪਟਿਆਲਾ 'ਚ ਸਰਪੰਚ ਦਾ ਸਰੇਆਮ ਕਤਲ, ਪੈਰੋਲ 'ਤੇ ਆਏ ਕੈਦੀ ਦੱਸੇ ਜਾ ਰਹੇ ਕਾਤਲ

ਪਸਿਆਣਾ ਪਿੰਡ ਦੇ ਸਰਪੰਚ ਦਾ ਮੰਗਲਵਾਰ ਰਾਤ ਕਤਲ ਕਰ ਦਿੱਤਾ ਗਿਆ। ਕਥਿਤ ਤੌਰ ਤੇ ਕਤਲ ਪੈਰੋਲ ਤੇ ਆਏ ਹੋਏ ਦੋ ਕਦੀਆਂ ਨੇ ਕੀਤਾ ਹੈ, ਜੋ ਉਸੇ ਪਿੰਡ ਦੇ ਵਸਨੀਕ ਹਨ।

ਸੰਕੇਤਕ ਤਸਵੀਰ

ਪਟਿਆਲਾ: ਜ਼ਿਲ੍ਹਾ ਪਟਿਆਲਾ ਦੇ ਪਿੰਡ ਪਸਿਆਣਾ ਦੇ ਸਰਪੰਚ ਦੀ ਮੰਗਲਵਾਰ ਰਾਤ ਨੂੰ ਹੱਤਿਆ ਕਰ ਦਿੱਤੀ ਗਈ। 32 ਸਾਲਾ ਸਰਪੰਚ ਤੇ ਤਲਵਾਰਾਂ ਨਾਲ ਹਮਲਾ ਕਰ ਉਸ ਨੂੰ ਕਤਲ ਕਰ ਦਿੱਤਾ ਗਿਆ। ਜ਼ਖਮੀ ਹਾਲਤ 'ਚ ਸਰਪੰਚ ਨੂੰ ਰਾਜਿੰਦਰਾ ਹਸਪਤਾਲ ਲਿਆਂਦਾ ਗਿਆ ਜਿੱਥੇ ਉਸ ਦੀ ਗੰਭੀਰ ਹਾਲਤ ਵੇਖਦੇ ਹੋਏ ਉਸਨੂੰ ਪੀਜੀਆਈ ਚੰਡੀਗੜ੍ਹ ਰੈਫਰ ਕਰ ਦਿੱਤਾ ਗਿਆ। ਪੀਜੀਆਈ ਡਾਕਟਰਾਂ ਨੇ ਉਸ ਨੂੰ ਮ੍ਰਿਤਕ ਐਲਾਨ ਦਿੱਤਾ। ਮ੍ਰਿਤਕ ਭੁਪਿੰਦਰ ਸਿੰਘ, 32 ਪਿੰਡ ਦਾ ਸਰਪੰਚ ਸੀ ਤੇ ਕਾਂਗਰਸੀ ਪਾਰਟੀ ਨਾਲ ਸਬੰਧ ਰੱਖਦਾ ਸੀ।ਸੂਤਰਾਂ ਤੋਂ ਮਿਲੀ ਜਾਣਕਾਰੀ ਮੁਤਾਬਕ ਸਰਪੰਚ ਦਾ ਕਤਲ ਪੈਰੋਲ ਤੇ ਆਏ ਹੋਏ ਦੋ ਕਦੀਆਂ ਨੇ ਕੀਤਾ ਹੈ, ਜੋ ਉਸੇ ਪਿੰਡ ਦੇ ਵਸਨੀਕ ਹਨ। ਪੁਲਿਸ ਮੁਤਾਬਕ ਇਹ ਮਾਮਲਾ ਪੂਰਾਣੀ ਰੰਜਿਸ਼ ਹੋ ਸਕਦਾ ਹੈ। ਪੁਲਿਸ ਨੇ ਇਸ ਮਾਮਲੇ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।

ਇਹ ਵੀ ਪੜ੍ਹੋ: ਬੇਮੌਸਮੇ ਮੀਂਹ ਦਾ ਕਿਸਾਨਾਂ 'ਤੇ ਕਹਿਰ, ਫਸਲ ਦਾ ਝਾੜ 20 ਤੋਂ 25 ਫੀਸਦ ਘਟਿਆ

ਪੰਜਾਬੀ 'ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ABP News ਦਾ ਐਪ ਡਾਊਨਲੋਡ ਕਰੋ- Click Here