Google ਮੈਪ ਦਾ ਚੋਰੀ ਵਿੱਚ ਕਰਦੇ ਸੀ ਇਸਤੇਮਾਲ, ਸਿਰਫ ਮੰਦਰਾਂ ਨੂੰ ਬਣਾਉਂਦੇ ਸੀ ਨਿਸ਼ਾਨਾ
ਮੈਸੂਰ ਅਤੇ ਚਾਮਰਾਜਨਗਰ ਦੇ 11 ਮੰਦਰਾਂ ਵਿੱਚ ਲੁੱਟ ਦੀਆਂ ਵਾਰਦਾਤਾਂ ਨੂੰ ਅੰਜ਼ਾਮ ਦਿੱਤਾ ਅਤੇ ਪਿਛਲੇ ਪੰਜ ਮਹੀਨਿਆਂ ਵਿੱਚ ਕਰੀਬ 3 ਲੱਖ ਰੁਪਏ ਲੁੱਟੇ। ਉਸ ਦੀ ਮੁਹਿੰਮ ਦਾ ਸਭ ਤੋਂ ਵੱਧ ਮਦਦਗਾਰ ਗੂਗਲ ਮੈਪ ਸੀ।
ਨਵੀਂ ਦਿੱਲੀ : ਚੋਰੀ ਦੀਆਂ ਵਰਦਾਤਾਂ ਲਗਾਤਾਰ ਵਧਦੀਆਂ ਜਾ ਰਹੀਆਂ ਹਨ। ਚੋਰ ਇਹਨਾਂ ਵਰਦਾਤਾਂ ਨੂੰ ਅੰਜ਼ਾਮ ਦੇਣ ਲਈ ਵੱਖ-ਵੱਖ ਤਰ੍ਹਾਂ ਦੇ ਤਰੀਕੇ ਅਪਨਾ ਰਹੇ ਹਨ। ਇਸ ਦੌਰਾਨ ਯੂਪੀ ਦਾ ਇੱਕ ਹੈਰਾਨ ਕਰ ਦੇਣ ਵਾਲਾ ਮਾਮਲਾ ਸਾਹਮਣੇ ਆਇਆ ਹੈ ਜਿਸ ਵਿੱਚ ਪੰਜ ਮੈਂਬਰੀ ਗਰੋਹ ਨੇ ਮੈਸੂਰ ਅਤੇ ਚਾਮਰਾਜਨਗਰ ਦੇ 11 ਮੰਦਰਾਂ ਵਿੱਚ ਲੁੱਟ ਦੀਆਂ ਵਾਰਦਾਤਾਂ ਨੂੰ ਅੰਜ਼ਾਮ ਦਿੱਤਾ ਅਤੇ ਪਿਛਲੇ ਪੰਜ ਮਹੀਨਿਆਂ ਵਿੱਚ ਕਰੀਬ 3 ਲੱਖ ਰੁਪਏ ਲੁੱਟੇ। ਉਸ ਦੀ ਮੁਹਿੰਮ ਦਾ ਸਭ ਤੋਂ ਵੱਧ ਮਦਦਗਾਰ ਗੂਗਲ ਮੈਪ ਸੀ। ਗਰੋਹ ਵਿੱਚ ਸ਼ਾਮਲ ਸਾਰਿਆਂ ਦੀ ਉਮਰ 19 ਤੋਂ 26 ਸਾਲ ਦਰਮਿਆਨ ਹੈ।
ਇੱਕ ਪੁਲਿਸ ਅਧਿਕਾਰੀ ਨੇ ਦੱਸਿਆ ਕਿ ਉਹ ਪੂਰਾ ਸਮਾਂ ਚੋਰ ਨਹੀਂ ਹੈ। ਹਰ ਕੋਈ ਕਿਤੇ ਨਾ ਕਿਤੇ ਕੰਮ ਕਰਦਾ ਹੈ, ਬਸ ਵਿਹਲੇ ਸਮੇਂ ਵਿੱਚ ਇਹ ਚੋਰੀ ਦੀਆਂ ਵਾਰਦਾਤਾਂ ਨੂੰ ਅੰਜਾਮ ਦਿੰਦਾ ਹੈ। ਉਹ ਗੂਗਲ ਮੈਪ ਰਾਹੀਂ ਦੂਰ-ਦੁਰਾਡੇ ਸਥਿਤ ਮੰਦਰਾਂ ਦੀ ਖੋਜ ਕਰਦੇ ਸਨ ਅਤੇ ਫਿਰ ਚੋਰੀ ਦੀ ਯੋਜਨਾ ਬਣਾਉਂਦੇ ਸਨ।
ਹਾਲਾਂਕਿ, ਉਨ੍ਹਾਂ ਦੇ ਮਨਸੂਬਿਆਂ ਨੂੰ ਉਦੋਂ ਨਾਕਾਮ ਕਰ ਦਿੱਤਾ ਗਿਆ ਜਦੋਂ ਚਾਮਰਾਜਨਗਰ ਪੁਲਿਸ ਨੇ 11 ਚੋਰੀਆਂ ਦੇ ਬਾਅਦ ਇਨ੍ਹਾਂ ਸਾਰਿਆਂ ਨੂੰ ਗ੍ਰਿਫਤਾਰ ਕਰ ਲਿਆ। ਐਸਪੀ ਧਰਮਿੰਦਰ ਕੁਮਾਰ ਮੀਨਾ ਨੇ ਦੱਸਿਆ ਕਿ ਸਾਨੂੰ ਪਿਛਲੇ ਕੁਝ ਸਮੇਂ ਤੋਂ ਮੰਦਰਾਂ ਵਿੱਚ ਚੋਰੀ ਦੀਆਂ ਘਟਨਾਵਾਂ ਦੀ ਜਾਣਕਾਰੀ ਮਿਲ ਰਹੀ ਸੀ, ਹਾਲਾਂਕਿ ਇੱਕ ਗੱਲ ਸਾਂਝੀ ਸੀ ਕਿ ਇਹ ਚੋਰੀਆਂ ਸ਼ਹਿਰ ਦੇ ਬਾਹਰੀ ਇਲਾਕੇ ਵਿੱਚ ਹੁੰਦੀਆਂ ਹਨ। ਉਹਨਾਂ ਅੱਗੇ ਕਿਹਾ “ਅਸੀਂ ਇੱਕ ਐਸਆਈਟੀ ਬਣਾਈ ਅਤੇ ਇਸ ਗਿਰੋਹ ਤੱਕ ਪਹੁੰਚ ਕੀਤੀ।”
ਐਸਪੀ ਨੇ ਦੱਸਿਆ ਕਿ ਇਸ ਗਰੋਹ ਨੇ ਚਾਮਰਾਜਨਗਰ ਵਿੱਚ ਨੌਂ ਮੰਦਰਾਂ ਅਤੇ ਮੈਸੂਰ ਵਿੱਚ ਦੋ ਮੰਦਰਾਂ ਨੂੰ ਨਿਸ਼ਾਨਾ ਬਣਾਇਆ ਸੀ। ਇਹ ਲੋਕ ਬੀਤੇ ਪੰਜ ਮਹੀਨਿਆਂ ਤੋਂ ਸਰਗਰਮ ਸਨ। ਉਹਨਾਂ ਦੱਸਿਆ, 'ਇਹ ਲੋਕ ਨਕਸ਼ੇ ਰਾਹੀਂ ਮੰਦਰ ਦੀ ਸਥਿਤੀ ਹੀ ਨਹੀਂ ਸਗੋਂ ਆਲੇ-ਦੁਆਲੇ ਦੇ ਰਿਹਾਇਸ਼ੀ ਖੇਤਰ ਦਾ ਵੀ ਪਤਾ ਲਾਉਂਦੇ ਸੀ। ਇਹ ਉਨ੍ਹਾਂ ਲਈ ਪੂਰੀ ਤਰ੍ਹਾਂ ਖ਼ਤਰਾ ਰਹਿਤ ਕਾਰੋਬਾਰ ਸੀ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
