ਲੁਧਿਆਣਾ ਜੇਲ੍ਹ 'ਚ ਮੱਚਿਆ ਹੜਕੰਪ, ਗਲਤ ਕੰਮ ਕਰਦੇ ਹੋਏ ਇਹ ਮੁਲਾਜ਼ਮ ਕੀਤਾ ਗ੍ਰਿਫ਼ਤਾਰ, ਹੋਇਆ ਪਰਚਾ, ਟਾਵਰ ’ਤੇ ਸੀ ਡਿਊਟੀ, ਬਾਹਰੋਂ ਸਮਾਨ ਫੜ ਕੇ ਅੰਦਰ ਸੁੱਟਦਾ...
ਲੁਧਿਆਣਾ ਸੈਂਟਰਲ ਜੇਲ੍ਹ ਦੀ ਸੁਰੱਖਿਆ ’ਚ ਤੈਨਾਤ ਕਰਮਚਾਰੀ ਹੀ ਗੜਬੜੀਆਂ ’ਚ ਸ਼ਾਮਲ ਨਿਕਲੇ ਹਨ। ਜੇਲ੍ਹ ਪ੍ਰਸ਼ਾਸਨ ਨੇ ਡਿਊਟੀ ਦੌਰਾਨ ਜੇਲ੍ਹ ਦੇ ਅੰਦਰ ਮੋਬਾਈਲ ਸੁੱਟਣ ਦੇ ਦੋਸ਼ ’ਚ ਇੱਕ ਹੋਮਗਾਰਡ ਨੂੰ ਕਾਬੂ ਕੀਤਾ ਹੈ।
ਲੁਧਿਆਣਾ ਸੈਂਟਰਲ ਜੇਲ੍ਹ ਦੀ ਸੁਰੱਖਿਆ ’ਚ ਤੈਨਾਤ ਕਰਮਚਾਰੀ ਹੀ ਗੜਬੜੀਆਂ ’ਚ ਸ਼ਾਮਲ ਨਿਕਲੇ ਹਨ। ਜੇਲ੍ਹ ਪ੍ਰਸ਼ਾਸਨ ਨੇ ਡਿਊਟੀ ਦੌਰਾਨ ਜੇਲ੍ਹ ਦੇ ਅੰਦਰ ਮੋਬਾਈਲ ਸੁੱਟਣ ਦੇ ਦੋਸ਼ ’ਚ ਇੱਕ ਹੋਮਗਾਰਡ ਨੂੰ ਕਾਬੂ ਕੀਤਾ ਹੈ। ਜੇਲ੍ਹ ਅਧਿਕਾਰੀਆਂ ਨੇ ਦੋਸ਼ੀ ਹੋਮਗਾਰਡ ਨੂੰ ਥਾਣਾ ਡਿਵੀਜ਼ਨ ਨੰਬਰ ਸੱਤ ਦੀ ਪੁਲਿਸ ਦੇ ਹਵਾਲੇ ਕਰ ਦਿੱਤਾ ਹੈ।
ਪੁਲਿਸ ਨੇ ਦੋਸ਼ੀ ਹੋਮਗਾਰਡ ਖ਼ਿਲਾਫ਼ ਥਾਣਾ ਡਿਵੀਜ਼ਨ ਨੰਬਰ ਸੱਤ ’ਚ ਜੇਲ੍ਹ ਐਕਟ ਤਹਿਤ ਪਰਚਾ ਦਰਜ ਕਰ ਲਿਆ ਹੈ। ਦੋਸ਼ੀ ਦਾ ਨਾਮ ਵਿਸ਼ਾਲ ਕੁਮਾਰ ਹੈ, ਜੋ ਮੂਲ ਤੌਰ ’ਤੇ ਜੰਮੂ ਕਸ਼ਮੀਰ ਦਾ ਰਹਿਣ ਵਾਲਾ ਹੈ। ਉਸ ਦੀ ਡਿਊਟੀ ਜੇਲ੍ਹ ਦੇ ਟਾਵਰ ’ਤੇ ਲੱਗੀ ਹੋਈ ਸੀ। ਇਹ ਮਾਮਲਾ ਡਿਪਟੀ ਸੁਪਰਿੰਟੈਂਡੈਂਟ ਜੇਲ੍ਹ ਸੁਰਜੀਤ ਸਿੰਘ ਦੀ ਸ਼ਿਕਾਇਤ ’ਤੇ ਦਰਜ ਕੀਤਾ ਗਿਆ ਹੈ।
ਹੋਮਗਾਰਡ ਨੇ ਜੇਲ੍ਹ ਦੇ ਅੰਦਰ ਸੁੱਟੇ 3 ਮੋਬਾਈਲ
ਡਿਪਟੀ ਸੁਪਰਿੰਟੈਂਡੈਂਟ ਜੇਲ੍ਹ ਸੁਰਜੀਤ ਸਿੰਘ ਨੇ ਪੁਲਿਸ ਨੂੰ ਦੱਸਿਆ ਕਿ 27 ਜਨਵਰੀ ਨੂੰ ਸਵੇਰੇ ਕਰੀਬ 7:40 ਵਜੇ ਵਾਰਡ ਨੰਬਰ-02 ਦੀ ਬੈਰਕ ਵੱਲ ਬਾਹਰੋਂ ਇੱਕ ਸੂਟ ਸੁੱਟਿਆ ਗਿਆ। ਜਾਂਚ ਕਰਨ ’ਤੇ ਉਸ ਸੂਟ ਦੇ ਅੰਦਰੋਂ ਤਿੰਨ ਮੋਬਾਈਲ ਫ਼ੋਨ ਬਰਾਮਦ ਹੋਏ।
ਮਾਮਲੇ ਦੀ ਜਾਂਚ ਤੋਂ ਬਾਅਦ ਇਹ ਸਾਹਮਣੇ ਆਇਆ ਕਿ ਇਹ ਤਿੰਨੇ ਮੋਬਾਈਲ ਜੇਲ੍ਹ ਦੇ ਅੰਦਰ ਹੋਮਗਾਰਡ ਕਰਮਚਾਰੀ ਵਿਸ਼ਾਲ ਕੁਮਾਰ ਵੱਲੋਂ ਸੁੱਟੇ ਗਏ ਸਨ। ਜਦੋਂ ਜੇਲ੍ਹ ਅਧਿਕਾਰੀਆਂ ਨੇ ਉਸ ਨਾਲ ਪੁੱਛਗਿੱਛ ਕੀਤੀ ਤਾਂ ਪਹਿਲਾਂ ਉਸ ਨੇ ਇਨਕਾਰ ਕਰ ਦਿੱਤਾ, ਪਰ ਬਾਅਦ ਵਿੱਚ ਉਸ ਨੇ ਕਬੂਲ ਕਰ ਲਿਆ ਕਿ ਇਹ ਤਿੰਨੇ ਮੋਬਾਈਲ ਉਸ ਨੇ ਹੀ ਜੇਲ੍ਹ ਦੇ ਅੰਦਰ ਸੁੱਟੇ ਸਨ।
ਜੇਲ੍ਹ ਟਾਵਰ ’ਤੇ ਤੈਨਾਤ ਕਰਮਚਾਰੀਆਂ ਨਾਲ ਕਰਦੇ ਹਨ ਸੰਪਰਕ
ਜਾਂਚ ਅਧਿਕਾਰੀ ਏਐਸਆਈ ਗੁਰਦਿਆਲ ਸਿੰਘ ਨੇ ਦੱਸਿਆ ਕਿ ਜੇਲ੍ਹ ਦੀ ਸੁਰੱਖਿਆ ਦੀਵਾਰਾਂ ’ਤੇ ਟਾਵਰ ਬਣੇ ਹੋਏ ਹਨ, ਜਿਨ੍ਹਾਂ ’ਤੇ ਹੋਮਗਾਰਡ ਦੇ ਕਰਮਚਾਰੀ ਤੈਨਾਤ ਰਹਿੰਦੇ ਹਨ। ਉਨ੍ਹਾਂ ਦੱਸਿਆ ਕਿ ਆਰੋਪੀ ਵਿਸ਼ਾਲ ਕੁਮਾਰ ਦੀ ਡਿਊਟੀ ਵੀ ਉਸੇ ਟਾਵਰ ’ਤੇ ਸੀ।
ਉਨ੍ਹਾਂ ਮੁਤਾਬਕ, ਬਾਹਰੋਂ ਮੋਬਾਈਲ ਸੁੱਟਣ ਵਾਲੇ ਵਿਅਕਤੀ ਨੇ ਵਿਸ਼ਾਲ ਕੁਮਾਰ ਨਾਲ ਸੰਪਰਕ ਕੀਤਾ ਅਤੇ ਉਸਨੂੰ ਤਿੰਨ ਮੋਬਾਈਲ ਦਿੱਤੇ। ਵਿਸ਼ਾਲ ਕੁਮਾਰ ਨੇ ਉਹ ਮੋਬਾਈਲ ਕੱਪੜੇ ਵਿੱਚ ਲਪੇਟ ਕੇ ਜੇਲ੍ਹ ਦੇ ਅੰਦਰ ਸੁੱਟ ਦਿੱਤੇ, ਪਰ ਜੇਲ੍ਹ ਪ੍ਰਸ਼ਾਸਨ ਨੇ ਉਨ੍ਹਾਂ ਨੂੰ ਕਾਬੂ ਕਰ ਲਿਆ। ਜਾਂਚ ਅਧਿਕਾਰੀ ਨੇ ਕਿਹਾ ਕਿ ਇਹ ਮੋਬਾਈਲ ਕਿਸ ਕੈਦੀ ਤੱਕ ਪਹੁੰਚਾਉਣੇ ਸਨ, ਇਸ ਬਾਰੇ ਹਾਲੇ ਪੁੱਛਗਿੱਛ ਜਾਰੀ ਹੈ।
ਜੇਲ੍ਹ ਦੀ ਡਿਉੜੀ ’ਤੇ ਲੱਗੇ ਹਨ ਸਕੈਨਰ
ਜੇਲ੍ਹ ਦੀ ਡਿਉੜੀ ਰਾਹੀਂ ਮੋਬਾਈਲ ਜਾਂ ਹੋਰ ਸਮਾਨ ਅੰਦਰ ਲੈ ਜਾਣਾ ਕਾਫ਼ੀ ਮੁਸ਼ਕਲ ਹੁੰਦਾ ਹੈ। ਜੇਲ੍ਹ ਦੀ ਡਿਉੜੀ ’ਤੇ ਸਕੈਨਰ ਲੱਗੇ ਹੋਏ ਹਨ ਅਤੇ ਉੱਥੇ ਹਰ ਸਮਾਨ ਅਤੇ ਹਰ ਵਿਅਕਤੀ ਦੀ ਪੂਰੀ ਤਰ੍ਹਾਂ ਜਾਂਚ ਕੀਤੀ ਜਾਂਦੀ ਹੈ। ਇਸ ਲਈ ਜੇਲ੍ਹ ਅੰਦਰ ਬੈਠੇ ਕੈਦੀਆਂ ਦੇ ਰਿਸ਼ਤੇਦਾਰ ਗਾਰਡਾਂ ਨਾਲ ਸੰਪਰਕ ਕਰਕੇ ਸਾਮਾਨ ਅੰਦਰ ਭੇਜ ਦਿੰਦੇ ਹਨ।
ਕੈਦੀਆਂ ਕੋਲੋਂ 2 ਮੋਬਾਈਲ ਬਰਾਮਦ
ਉੱਧਰ, ਜੇਲ੍ਹ ਵਿੱਚ ਦੋ ਹੋਰ ਕੈਦੀਆਂ ਕੋਲੋਂ ਵੀ ਮੋਬਾਈਲ ਫੋਨ ਬਰਾਮਦ ਹੋਏ ਹਨ। ਇਹ ਮੋਬਾਈਲ ਕਰੀਬ ਇੱਕ ਮਹੀਨਾ ਪਹਿਲਾਂ ਮਿਲੇ ਸਨ। ਜਾਂਚ ਤੋਂ ਬਾਅਦ ਜੇਲ੍ਹ ਪ੍ਰਸ਼ਾਸਨ ਨੇ ਹੁਣ ਥਾਣਾ ਡਿਵੀਜ਼ਨ ਨੰਬਰ ਸੱਤ ਨੂੰ ਸ਼ਿਕਾਇਤ ਦਿੱਤੀ ਹੈ। ਇਸ ’ਤੇ ਪੁਲਿਸ ਨੇ ਲਵ ਗਿੱਲ ਅਤੇ ਕਰਨਵੀਰ ਸਿੰਘ ਦੇ ਖ਼ਿਲਾਫ਼ ਮਾਮਲਾ ਦਰਜ ਕਰ ਲਿਆ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
