86 ਸਾਲਾ ਧਰਿਮੰਦਰ ਨੇ ਪਹਾੜਾਂ 'ਚ ਦੌੜਾਈ ਆਪਣੀ ਪੁਰਾਣੀ FIAT ਕਾਰ, ਵੇਖੋ ਸ਼ਾਨਦਾਰ ਵੀਡੀਓ
86 ਸਾਲ ਦੀ ਉਮਰ 'ਚ ਵੀ ਬਾਲੀਵੁੱਡ ਦੇ ਦਿੱਗਜ ਅਭਿਨੇਤਾ ਧਰਮਿੰਦਰ ਨਾ ਸਿਰਫ ਫਿਲਮਾਂ 'ਚ ਸਗੋਂ ਸੋਸ਼ਲ ਮੀਡੀਆ 'ਤੇ ਵੀ ਕਾਫੀ ਐਕਟਿਵ ਰਹਿੰਦੇ ਹਨ। ਉਹ ਜ਼ਿੰਦਾਦਿਲ ਜੀਵਨ ਜਿਊਣਾ ਪਸੰਦ ਕਰਦੇ ਹਨ।
ਚੰਡੀਗੜ੍ਹ: 86 ਸਾਲ ਦੀ ਉਮਰ 'ਚ ਵੀ ਬਾਲੀਵੁੱਡ ਦੇ ਦਿੱਗਜ ਅਭਿਨੇਤਾ ਧਰਮਿੰਦਰ ਨਾ ਸਿਰਫ ਫਿਲਮਾਂ 'ਚ ਸਗੋਂ ਸੋਸ਼ਲ ਮੀਡੀਆ 'ਤੇ ਵੀ ਕਾਫੀ ਐਕਟਿਵ ਰਹਿੰਦੇ ਹਨ। ਉਹ ਜ਼ਿੰਦਾਦਿਲ ਜੀਵਨ ਜਿਊਣਾ ਪਸੰਦ ਕਰਦੇ ਹਨ। ਅਕਸਰ ਪੁਰਾਣੇ ਪਲਾਂ ਨੂੰ ਯਾਦ ਕਰਦੇ ਹੋਏ ਉਹ ਕੁਝ ਖਾਸ ਵੀਡੀਓਜ਼ ਅਤੇ ਤਸਵੀਰਾਂ ਪ੍ਰਸ਼ੰਸਕਾਂ ਨਾਲ ਸ਼ੇਅਰ ਕਰਦੇ ਰਹਿੰਦੇ ਹਨ।ਇਕ ਵਾਰ ਫਿਰ ਕੁਝ ਅਜਿਹਾ ਹੀ ਦੇਖਣ ਨੂੰ ਮਿਲਿਆ ਹੈ।
ਦਰਅਸਲ, ਬੀਤੇ ਦਿਨ ਹੋਲੀ ਦੇ ਖਾਸ ਮੌਕੇ 'ਤੇ ਬਾਲੀਵੁੱਡ ਦੇ ਹੀਮੈਨ ਧਰਮਿੰਦਰ ਨੇ ਇਕ ਵੀਡੀਓ ਸ਼ੇਅਰ ਕੀਤੀ ਸੀ। ਇਸ ਵੀਡੀਓ 'ਚ ਉਹ ਪਹਾੜਾਂ 'ਤੇ ਆਪਣੀ ਪਹਿਲੀ ਫਿਏਟ ਕਾਰ ਚਲਾਉਂਦੇ ਹੋਏ ਨਜ਼ਰ ਆ ਰਹੇ ਹਨ। ਵੀਡੀਓ 'ਚ ਤੁਸੀਂ ਦੇਖ ਸਕਦੇ ਹੋ ਕਿ ਇਕ ਕਾਰ ਪਹਾੜਾਂ ਦੇ ਵਿਚਕਾਰ ਕੱਚੀ ਸੜਕ 'ਤੇ ਜਾਂਦੀ ਦਿਖਾਈ ਦੇ ਰਹੀ ਹੈ। ਫਿਰ ਅਗਲੀ ਵੀਡੀਓ ਕਲਿੱਪ 'ਚ ਧਰਮਿੰਦਰ ਕਾਰ ਚਲਾਉਂਦੇ ਹੋਏ ਨਜ਼ਰ ਆ ਰਹੇ ਹਨ। ਅੰਤ ਵਿੱਚ ਧਰਮਿੰਦਰ ਕਾਰ ਦੇ ਕੋਲ ਖੜ੍ਹੇ ਹੋ ਜਾਂਦੇ ਹਨ ਅਤੇ ਦੱਸਦੇ ਹਨ ਕਿ ਇਹ ਉਨ੍ਹਾਂ ਦੀ ਪੁਰਾਣੀ ਫਿਏਟ ਕਾਰ ਹੈ।
My most loving, my first FAIT. I bought it in 1960. Today, i drove it on the rough road to my Hill. HAPPY HOLi 🥳 Need your Good Wishes 🙏. Love 💕 you all. pic.twitter.com/UfMcs0tyrg
— Dharmendra Deol (@aapkadharam) March 18, 2022
ਉਨ੍ਹਾਂ ਨੇ ਇਸਨੂੰ 1960 ਵਿੱਚ ਖਰੀਦਿਆ ਸੀ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਕਾਰ ਬਹੁਤ ਤੇਜ਼ ਚਲਾਈ ਗਈ ਹੈ। ਵੀਡੀਓ ਸ਼ੇਅਰ ਕਰਦੇ ਹੋਏ ਧਰਮਿੰਦਰ ਨੇ ਲਿਖਿਆ, 'ਇਹ ਮੇਰੀ ਸਭ ਤੋਂ ਪਿਆਰੀ, ਮੇਰੀ ਪਹਿਲੀ FIAT ਹੈ। ਮੈਂ ਇਸਨੂੰ 1960 ਵਿੱਚ ਖਰੀਦਿਆ ਸੀ।ਅੱਜ ਮੈਂ ਇਸ ਨੂੰ ਪਹਾੜਾਂ ਦੀ ਟੁੱਟੀ ਭੱਜੀ ਸੜਕ 'ਤੇ ਚਲਾਇਆ। ਹੋਲੀ ਮੁਬਾਰਕ! ਤੁਹਾਨੂੰ ਸਾਰਿਆਂ ਨੂੰ ਪਿਆਰ ਕਰਦਾ ਹਾਂ'।
ਧਰਮਿੰਦਰ ਦਾ ਇਹ ਵੀਡੀਓ ਸੋਸ਼ਲ ਮੀਡੀਆ 'ਤੇ ਕਾਫੀ ਵਾਇਰਲ ਹੋ ਰਿਹਾ ਹੈ। ਇਸ ਉਮਰ 'ਚ ਵੀ ਧਰਮਿੰਦਰ ਦੀ ਅਜਿਹੀ ਫਿਟਨੈੱਸ ਨੂੰ ਦੇਖ ਕੇ ਪ੍ਰਸ਼ੰਸਕ ਉਨ੍ਹਾਂ ਦੀ ਤਾਰੀਫ ਕਰ ਰਹੇ ਹਨ।
ਬੇਟੇ ਸੰਨੀ ਨਾਲ ਛੁੱਟੀਆਂ ਮਨਾ ਰਹੇ ਹਨ
ਇਸ ਤੋਂ ਪਹਿਲਾਂ ਧਰਮਿੰਦਰ ਨੇ ਇਕ ਤਸਵੀਰ ਸ਼ੇਅਰ ਕੀਤੀ ਸੀ। ਇਸ 'ਚ ਉਹ ਅਤੇ ਸੰਨੀ ਦਿਓਲ ਇਕੱਠੇ ਖੜ੍ਹੇ ਪੋਜ਼ ਦੇ ਰਹੇ ਹਨ। ਧਰਮਿੰਦਰ ਪੁੱਤਰ ਦੇ ਮੋਢੇ 'ਤੇ ਹੱਥ ਰੱਖ ਰਹੇ ਹਨ। ਦੋਵਾਂ ਨੇ ਟਰਾਊਜ਼ਰ ਅਤੇ ਜੈਕਟ ਪਹਿਨੇ ਹੋਏ ਹਨ। ਤਸਵੀਰ ਦੀ ਪਿੱਠਭੂਮੀ ਵਿੱਚ ਬਰਫ਼ ਨਾਲ ਢਕੇ ਪਹਾੜ ਅਤੇ ਦੂਰ ਨੀਲੇ ਅਸਮਾਨ ਨੂੰ ਦੇਖਿਆ ਜਾ ਸਕਦਾ ਹੈ। ਇਸ ਨੂੰ ਸ਼ੇਅਰ ਕਰਦੇ ਹੋਏ ਧਰਮਿੰਦਰ ਨੇ ਲਿਖਿਆ, 'ਮੈਂ ਸੰਨੀ ਦਾ ਸਮਰਥਨ ਪਾ ਕੇ ਬਹੁਤ ਖੁਸ਼ ਹਾਂ। ਇਹ ਇੱਕ ਸ਼ਾਨਦਾਰ ਮੌਕਾ ਹੁੰਦਾ ਹੈ ਜਦੋਂ ਅਸੀਂ ਇੱਕ ਦੂਜੇ ਦੇ ਨਾਲ ਹੁੰਦੇ ਹਾਂ। ਵਰਕ ਫਰੰਟ ਦੀ ਗੱਲ ਕਰੀਏ ਤਾਂ ਧਰਮਿੰਦਰ ਜਲਦ ਹੀ ਫਿਲਮ 'ਰੌਕੀ ਔਰ ਰਾਣੀ ਕੀ ਪ੍ਰੇਮ ਕਹਾਣੀ' 'ਚ ਨਜ਼ਰ ਆਉਣਗੇ। ਇਸ ਫਿਲਮ 'ਚ ਉਨ੍ਹਾਂ ਦੇ ਨਾਲ ਰਣਵੀਰ ਸਿੰਘ, ਆਲੀਆ ਭੱਟ, ਜਯਾ ਬੱਚਨ ਅਤੇ ਸ਼ਬਾਨਾ ਆਜ਼ਮੀ ਹਨ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
