Drishyam 3: 'ਦ੍ਰਿਸ਼ਯਮ 3' ਦਾ ਹੋਇਆ ਐਲਾਨ, ਅਜੇ ਦੇਵਗਨ 2024 'ਚ ਸ਼ੁਰੂ ਕਰਨਗੇ ਫਿਲਮ ਦੀ ਸ਼ੂਟਿੰਗ, ਜਾਣੋ ਰਿਲੀਜ਼ ਡੇਟ
Ajay Devgan Drishyam 3: ਦ੍ਰਿਸ਼ਯਮ 3 ਦੀ ਮਲਿਆਲਮ ਅਤੇ ਹਿੰਦੀ ਸੰਸਕਰਣ ਨਾਲ ਸ਼ੂਟਿੰਗ ਹੋਣ ਦੀਆਂ ਖਬਰਾਂ ਸਾਹਮਣੇ ਆ ਰਹੀਆਂ ਹਨ। ਨਾਲ ਹੀ ਕਿਹਾ ਜਾ ਰਿਹਾ ਹੈ ਕਿ ਦੋਵੇਂ ਫਿਲਮਾਂ ਇੱਕੋ ਦਿਨ ਰਿਲੀਜ਼ ਹੋਣਗੀਆਂ।
Drishyam 3: ਸੁਪਰਸਟਾਰ ਮੋਹਨ ਲਾਲ ਅਤੇ ਨਿਰਦੇਸ਼ਕ ਜੀਤੂ ਜੋਸੇਫ ਨੇ ਸਾਲ 2013 'ਚ ਕ੍ਰਾਈਮ-ਥ੍ਰਿਲਰ ਫਿਲਮ 'ਦ੍ਰਿਸ਼ਯਮ' ਬਣਾਉਣ ਬਾਰੇ ਸੋਚਿਆ ਸੀ। ਇਹ ਫਿਲਮ ਮਲਿਆਲਮ ਵਿੱਚ ਇੰਨੀ ਹਿੱਟ ਹੋਈ ਕਿ ਇਸਨੂੰ ਹਿੰਦੀ ਵਿੱਚ ਅਜੇ ਦੇਵਗਨ, ਤਾਮਿਲ ਵਿੱਚ ਕਮਲ ਹਾਸਨ ਅਤੇ ਤੇਲਗੂ ਵਿੱਚ ਵੈਂਕਟੇਸ਼ ਨੇ ਰੀਮੇਕ ਕੀਤਾ। ਹੁਣ ਮੋਹਨ ਲਾਲ ਅਤੇ ਜੀਤੂ ਜੋਸੇਫ ਨੇ 'ਦ੍ਰਿਸ਼ਯਮ 3' ਦੀ ਤਿਆਰੀ ਸ਼ੁਰੂ ਕਰ ਦਿੱਤੀ ਹੈ।
ਇਹ ਵੀ ਪੜ੍ਹੋ: ਕਰਨ ਦਿਓਲ ਦੀ ਪ੍ਰੀ-ਵੈਡਿੰਗ ਸੈਰਾਮਨੀ 'ਚ ਰੱਜ ਕੇ ਨੱਚੇ ਸੰਨੀ ਦਿਓਲ, ਵੀਡੀਓ ਹੋਇਆ ਵਾਇਰਲ
ਅਜੇ ਦੇਵਗਨ ਵੀ ਇਸ ਫਿਲਮ ਦੇ ਦੋਵੇਂ ਭਾਗਾਂ ਦੀ ਸਫਲਤਾ ਤੋਂ ਕਾਫੀ ਖੁਸ਼ ਹਨ। ਫਿਲਮ ਦੇ ਦੂਜੇ ਭਾਗ ਨੇ ਬਾਕਸ-ਆਫਿਸ 'ਤੇ ਲਗਭਗ 350 ਕਰੋੜ ਰੁਪਏ ਦੀ ਕਮਾਈ ਕੀਤੀ, ਜਿਸ ਨੂੰ ਹਿੰਦੀ ਸਿਨੇਮਾ ਦੀਆਂ ਸਫਲ ਫਿਲਮਾਂ ਵਿੱਚੋਂ ਇੱਕ ਮੰਨਿਆ ਜਾਂਦਾ ਹੈ। 'ਦ੍ਰਿਸ਼ਯਮ 2' ਦਾ ਹਿੰਦੀ ਸੰਸਕਰਣ ਅਭਿਸ਼ੇਕ ਪਾਠਕ ਦੁਆਰਾ ਨਿਰਦੇਸ਼ਿਤ ਕੀਤਾ ਗਿਆ ਸੀ।
ਇਕੱਠੇ ਫਿਲਮ ਸ਼ੂਟ ਕਰਨਗੇ ਦੋਵੇਂ ਸਟਾਰ
indiatoday.in ਦੀ ਰਿਪੋਰਟ ਮੁਤਾਬਕ ਪਾਰਟ 1 ਅਤੇ 2 ਦੀ ਸਫਲਤਾ ਨੂੰ ਦੇਖਦੇ ਹੋਏ ਅਜੇ ਦੇਵਗਨ ਹੁਣ ਸੋਚ ਰਹੇ ਹਨ ਕਿ ਫਿਲਮ ਦੇ ਤੀਜੇ ਪਾਰਟ ਦੀ ਸ਼ੂਟਿੰਗ ਮਲਿਆਲਮ ਵਰਜ਼ਨ ਦੇ ਪਾਰਟ 3 ਦੀ ਸ਼ੂਟਿੰਗ ਦੇ ਨਾਲ ਹੀ ਕੀਤੀ ਜਾਵੇ। ਰਿਪੋਰਟ ਮੁਤਾਬਕ ਇਸ ਵਾਰ ਮੋਹਨ ਲਾਲ ਦੇ ਮਲਿਆਲਮ ਵਰਜ਼ਨ ਦੀ ਰਿਲੀਜ਼ ਦਾ ਇੰਤਜ਼ਾਰ ਨਹੀਂ ਕੀਤਾ ਜਾਵੇਗਾ। ਇਸ ਦਾ ਕਾਰਨ ਇਹ ਦੱਸਿਆ ਜਾ ਰਿਹਾ ਹੈ ਕਿ ਮਲਿਆਲਮ ਸੰਸਕਰਣ ਪਹਿਲਾਂ ਰਿਲੀਜ਼ ਹੋਣ ਕਾਰਨ ਹਿੰਦੀ ਦਰਸ਼ਕਾਂ ਲਈ ਕਹਾਣੀ ਨਵੀਂ ਨਹੀਂ ਰਹਿੰਦੀ। ਬਹੁਤ ਸਾਰੇ ਲੋਕ ਪਹਿਲਾਂ ਹੀ ਫਿਲਮ ਦੇਖ ਚੁੱਕੇ ਹਨ।
ਫਿਲਮ ਨੂੰ ਲੈ ਕੇ ਕਾਫੀ ਉਤਸ਼ਾਹਿਤ ਹਨ ਅਜੇ ਦੇਵਗਨ
ਦ੍ਰਿਸ਼ਮ ਦੇ ਹਿੰਦੀ ਸੰਸਕਰਣ ਦੇ ਦੋਵੇਂ ਭਾਗ ਪਹਿਲਾਂ ਹੀ ਅਜਿਹੇ ਹਿੱਟ ਹੋ ਚੁੱਕੇ ਹਨ ਕਿ ਨਿਰਮਾਤਾ ਇਹ ਨਹੀਂ ਦੇਖਣਾ ਚਾਹੁੰਦੇ ਹਨ ਕਿ ਮਲਿਆਲਮ ਸੰਸਕਰਣ ਦਾ ਭਾਗ 3 ਹਿੱਟ ਹੋਵੇਗਾ ਜਾਂ ਨਹੀਂ। ਪੋਰਟਲ ਨੇ ਸੂਤਰ ਦੇ ਹਵਾਲੇ ਨਾਲ ਲਿਖਿਆ ਹੈ ਕਿ ਅਜੇ ਦੇਵਨ ਦ੍ਰਿਸ਼ਯਮ ਫ੍ਰੈਂਚਾਇਜ਼ੀ ਤੋਂ ਬਹੁਤ ਖੁਸ਼ ਹਨ ਅਤੇ 'ਦ੍ਰਿਸ਼ਯਮ 3' ਲਈ ਵੀ ਬਹੁਤ ਉਤਸ਼ਾਹਿਤ ਹਨ।
ਕਦੋਂ ਰਿਲੀਜ਼ ਹੋਵੇਗੀ ਫਿਲਮ
ਖਬਰਾਂ ਮੁਤਾਬਕ ਫਿਲਮ ਦੀ ਸ਼ੂਟਿੰਗ 2024 'ਚ ਸ਼ੁਰੂ ਹੋਵੇਗੀ ਅਤੇ ਮਲਿਆਲਮ ਅਤੇ ਹਿੰਦੀ ਵਰਜਨ ਵੀ ਉਸੇ ਦਿਨ ਰਿਲੀਜ਼ ਹੋਣਗੇ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
