Anupamaa: ਰਾਖੀ ਦਵੇ ਦੀ ਲੰਬੇ ਸਮੇਂ ਬਾਅਦ 'ਅਨੁਪਮਾ' 'ਚ ਹੋਣ ਜਾ ਰਹੀ ਵਾਪਸੀ, ਆਉਂਦੇ ਹੀ ਕਰੇਗੀ ਵੱਡਾ ਹੰਗਾਮਾ

Tassnim Nerurkar On Anupamaa: ਲੰਬੇ ਸਮੇਂ ਤੋਂ ਇਹ ਚਰਚਾ ਚੱਲ ਰਹੀ ਸੀ ਕਿ ਰਾਖੀ ਦਵੇ ਉਰਫ਼ ਤਸਨੀਮ ਨੇਰੂਰਕਰ ਟੀਵੀ ਸ਼ੋਅ 'ਅਨੁਪਮਾ' ਛੱਡਣ ਦੀ ਯੋਜਨਾ ਬਣਾ ਰਹੀ ਹੈ। ਹੁਣ ਅਦਾਕਾਰਾ ਨੇ ਸ਼ੋਅ ਤੋਂ ਗਾਇਬ ਹੋਣ ਦਾ ਅਸਲ ਕਾਰਨ ਦੱਸਿਆ ਹੈ।

ਤਸਨੀਮ ਨੇਰੂਰਕਰ, ਰੂਪਾਲੀ ਗਾਂਗੁਲੀ

Rakhi Dave Tassnim Nerurkar On Anupamaa: ਟੀਵੀ ਸ਼ੋਅ 'ਅਨੁਪਮਾ' ਜਦੋਂ ਤੋਂ ਸ਼ੁਰੂ ਹੋਇਆ ਹੈ, ਉਦੋਂ ਤੋਂ ਹੀ ਦਰਸ਼ਕਾਂ ਦੀ ਪਸੰਦ ਬਣਿਆ ਹੋਇਆ ਹੈ। ਇਸ ਕਹਾਣੀ ਨੇ ਨਾ ਸਿਰਫ਼ ਲੋਕਾਂ ਦੇ ਦਿਲਾਂ ਨੂੰ ਛੂਹਿਆ, ਸਗੋਂ ਇਸ ਦੇ ਪਾਤਰ ਵੀ ਬਹੁਤ ਮਸ਼ਹੂਰ ਹੋਏ। ਕਈ ਸਿਤਾਰੇ ਇਸ ਸ਼ੋਅ ਨੂੰ ਛੱਡ ਕੇ ਗਏ, ਪਰ ਇਸ ਦੀ ਟੀਆਰਪੀ 'ਤੇ ਕੋਈ ਅਸਰ ਨਹੀਂ ਹੋਇਆ। ਹਾਲ ਹੀ 'ਚ ਖਬਰ ਆਈ ਸੀ ਕਿ ਰਾਖੀ ਦਵੇ ਉਰਫ ਤਸਨੀਮ ਸ਼ੇਖ ਨੇਰੂਕਰ, ਜੋ ਕਿ ਵੈਂਪ ਦਾ ਕਿਰਦਾਰ ਨਿਭਾਅ ਰਹੀ ਹੈ, ਨੇ ਸ਼ੋਅ ਨੂੰ ਅਲਵਿਦਾ ਕਹਿਣ ਦੀ ਯੋਜਨਾ ਬਣਾ ਲਈ ਹੈ। ਉਹ ਕੁਝ ਦਿਨਾਂ ਤੋਂ ਸ਼ੋਅ 'ਤੇ ਨਜ਼ਰ ਵੀ ਨਹੀਂ ਆਈ, ਪਰ ਹੁਣ ਅਦਾਕਾਰਾ ਨੇ ਆਪਣੀ ਗੈਰਹਾਜ਼ਰੀ ਦਾ ਅਸਲ ਕਾਰਨ ਦੱਸਿਆ ਹੈ।

'ਅਨੁਪਮਾ' ਤੋਂ ਕਿਉਂ ਗਾਇਬ ਰਹੀ ਰਾਖੀ ਦਵੇ
ਤਸਨੀਮ ਨੇ ETimes ਨੂੰ ਦਿੱਤੇ ਇੱਕ ਤਾਜ਼ਾ ਇੰਟਰਵਿਊ ਵਿੱਚ ਦੱਸਿਆ ਕਿ ਉਹ ਅਨੁਪਮਾ ਵਿੱਚ ਦਿਖਾਈ ਨਹੀਂ ਦੇ ਰਹੀ ਸੀ, ਕਿਉਂਕਿ ਉਸਦੇ ਸਹੁਰੇ ਦਾ ਹਾਲ ਹੀ ਵਿੱਚ 82 ਸਾਲ ਦੀ ਉਮਰ ਵਿੱਚ ਦਿਹਾਂਤ ਹੋ ਗਿਆ ਸੀ। ਰਾਜਨ ਸ਼ਾਹੀ ਨੇ ਉਸ ਨੂੰ ਥੋੜ੍ਹਾ ਬਰੇਕ ਲੈਣ ਲਈ ਕਿਹਾ ਸੀ। ਸ਼ੋਅ 'ਚ ਉਨ੍ਹਾਂ ਦਾ ਕਿਰਦਾਰ ਵੀ ਕੁਝ ਖਾਸ ਨਹੀਂ ਕਰ ਰਿਹਾ ਸੀ। ਹਾਲਾਂਕਿ ਹੁਣ ਅਦਾਕਾਰਾ ਸ਼ੋਅ 'ਚ ਟਵਿਸਟ ਨਾਲ ਨਜ਼ਰ ਆਵੇਗੀ।

ਰਾਖੀ ਦਵੇ ਉਰਫ਼ ਤਸਨੀਮ ਨੇ ਕਿਹਾ, “ਈਮਾਨਦਾਰੀ ਨਾਲ ਕਹਾਂ ਤਾਂ ਸ਼ੋਅ ਦਾ ਟ੍ਰੈਕ ਅਜਿਹਾ ਸੀ, ਜਿਸ ਵਿੱਚ ਮੇਰੀ ਲੋੜ ਨਹੀਂ ਸੀ। ਮੈਂ ਇਹ ਜਾਣਨ ਲਈ ਵੀ ਉਤਸੁਕ ਸੀ ਕਿ ਮੈਂ ਸ਼ੋਅ ਵਿੱਚ ਕਦੋਂ ਵਾਪਸ ਆਵਾਂਗੀ। ਰਾਜਨ (ਅਨੁਪਮਾ ਦੇ ਨਿਰਮਾਤਾ) ਨੇ ਵਾਅਦਾ ਕੀਤਾ ਸੀ ਕਿ ਜਦੋਂ ਵੀ ਰਾਖੀ ਦਵੇ ਵਾਪਸ ਆਵੇਗੀ, ਸ਼ੋਅ ਵਿੱਚ ਇੱਕ ਨਵਾਂ ਮੋੜ ਆਵੇਗਾ ਅਤੇ ਮੈਨੂੰ ਕੋਈ ਸਮੱਸਿਆ ਨਹੀਂ ਹੈ, ਕਿਉਂਕਿ ਮੈਂ ਕੰਮ ਤੋਂ ਵੱਧ ਪਰਿਵਾਰ ਦੇ ਸਮੇਂ ਵਿੱਚ ਵਿਸ਼ਵਾਸ ਕਰਦੀ ਹਾਂ। ਇਹ ਇੱਕ ਚੰਗਾ ਬ੍ਰੇਕ ਸੀ ਕਿਉਂਕਿ ਮੇਰੇ ਪਤੀ (ਮਰਚੈਂਟ ਨੇਵੀ ਅਫਸਰ ਸਮੀਰ ਨੇਰੂਰਕਰ) ਵੀ ਜਹਾਜ਼ ਤੋਂ ਵਾਪਸ ਆ ਗਏ ਸਨ ਅਤੇ ਮੈਂ ਵੀ ਆਪਣੇ ਸਹੁਰੇ ਨਾਲ ਸਮਾਂ ਬਿਤਾਇਆ ਸੀ।"

ਰਾਖੀ 'ਅਨੁਪਮਾ' ਵਿੱਚ ਇੱਕ ਨਵੇਂ ਮੋੜ ਦੇ ਨਾਲ ਕਰੇਗੀ ਵਾਪਸੀ
'ਅਨੁਪਮਾ' 'ਚ ਇਸ ਸਮੇਂ ਕਾਫੀ ਡਰਾਮਾ ਦੇਖਣ ਨੂੰ ਮਿਲ ਰਿਹਾ ਹੈ। ਤੋਸ਼ੂ ਨੂੰ ਅਧਰੰਗ ਹੋ ਗਿਆ ਹੈ, ਜਿਸ ਕਾਰਨ ਬਾ ਵਾਰ-ਵਾਰ ਕਿੰਜਲ ਨੂੰ ਤਾਅਨੇ ਮਾਰਦੀ ਹੈ ਕਿ ਉਹ ਤੋਸ਼ੂ ਦੀ ਸਹੀ ਤਰ੍ਹਾਂ ਦੇਖਭਾਲ ਨਹੀਂ ਕਰ ਰਹੀ ਹੈ। ਰਾਖੀ ਬਾ ਨੂੰ ਢੁੱਕਵਾਂ ਜਵਾਬ ਦੇ ਕੇ ਕਿੰਜਲ ਦੀ ਸਾਈਡ ਲਵੇਗੀ ਅਤੇ ਉਸ ਨੂੰ ਕੰਮ ਕਰਨ ਅਤੇ ਪੈਸਾ ਕਮਾਉਣ ਲਈ ਪ੍ਰੇਰਿਤ ਕਰੇਗੀ, ਤਾਂ ਜੋ ਉਹ ਪੈਸੇ ਦੇ ਆਧਾਰ 'ਤੇ ਸ਼ਾਹ ਪਰਿਵਾਰ ਤੋਂ ਵੱਖ ਹੋ ਕੇ ਵੀ ਇਕੱਲੇ ਆਪਣੇ ਪਤੀ ਦੀ ਸੇਵਾ ਕਰ ਸਕੇ। ਲੱਗਦਾ ਹੈ ਕਿ ਜਲਦ ਹੀ ਰਾਖੀ ਦਵੇ ਕਿੰਜਲ ਅਤੇ ਤੋਸ਼ੂ ਨੂੰ ਸ਼ਾਹ ਪਰਿਵਾਰ ਤੋਂ ਵੱਖ ਕਰ ਦੇਵੇਗੀ। ਖੈਰ, ਰਾਖੀ ਦੇ ਆਉਣ ਨਾਲ ਦਰਸ਼ਕ ਬਹੁਤ ਖੁਸ਼ ਹੋਣਗੇ।