![ABP Premium](https://cdn.abplive.com/imagebank/Premium-ad-Icon.png)
Bill Gates: ਕੇਂਦਰੀ ਮੰਤਰੀ ਸਮ੍ਰਿਤੀ ਈਰਾਨੀ ਨੇ ਬਿਲ ਗੇਟਸ ਨਾਲ ਬਣਾਈ ਖਿਚੜੀ, ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋਇਆ ਵੀਡੀਓ
Bill Gates Smriti Irani Video: ਹਾਲ ਹੀ 'ਚ ਭਾਰਤ ਪਹੁੰਚੇ 'ਮਾਈਕ੍ਰੋਸਾਫਟ' ਦੇ ਸਹਿ-ਸੰਸਥਾਪਕ ਬਿਲ ਗੇਟਸ ਨੂੰ ਟੀਵੀ ਅਦਾਕਾਰਾ-ਕੇਂਦਰੀ ਮੰਤਰੀ ਸਮ੍ਰਿਤੀ ਇਰਾਨੀ ਨਾਲ ਖਿਚੜੀ ਬਣਾਉਂਦੇ ਦੇਖਿਆ ਗਿਆ। ਵੀਡੀਓ ਦੇਖੋ।
![Bill Gates: ਕੇਂਦਰੀ ਮੰਤਰੀ ਸਮ੍ਰਿਤੀ ਈਰਾਨੀ ਨੇ ਬਿਲ ਗੇਟਸ ਨਾਲ ਬਣਾਈ ਖਿਚੜੀ, ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋਇਆ ਵੀਡੀਓ bill-gates-made-khichdi-with-tv-actress-politician-smriti-irani-in-an-event-watch-video Bill Gates: ਕੇਂਦਰੀ ਮੰਤਰੀ ਸਮ੍ਰਿਤੀ ਈਰਾਨੀ ਨੇ ਬਿਲ ਗੇਟਸ ਨਾਲ ਬਣਾਈ ਖਿਚੜੀ, ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋਇਆ ਵੀਡੀਓ](https://feeds.abplive.com/onecms/images/uploaded-images/2023/03/04/db1f33b874375f08c53dbe1e8f00a5211677905697558469_original.jpg?impolicy=abp_cdn&imwidth=1200&height=675)
Smriti Irani Bill Gates Video: ਭਾਜਪਾ ਨੇਤਾ ਤੋਂ ਪਹਿਲਾਂ ਸਮ੍ਰਿਤੀ ਇਰਾਨੀ ਟੀਵੀ ਦੀ 'ਤੁਲਸੀ' ਵਜੋਂ ਜਾਣੀ ਜਾਂਦੀ ਸੀ। 'ਕਿਉਂਕੀ ਸਾਸ ਭੀ ਕਭੀ ਬਹੂ ਥੀ' ਵਿਚ 'ਤੁਲਸੀ' ਦੇ ਕਿਰਦਾਰ ਨਾਲ ਸਮ੍ਰਿਤੀ ਇਰਾਨੀ ਘਰ-ਘਰ ਵਿਚ ਮਸ਼ਹੂਰ ਹੋ ਗਈ ਸੀ। ਬਾਅਦ ਵਿੱਚ ਉਹ ਟੀਵੀ ਤੋਂ ਦੂਰ ਹੋ ਗਈ ਅਤੇ ਰਾਜਨੀਤੀ ਵਿੱਚ ਆ ਗਈ ਅਤੇ ਹੁਣ ਉਹ ਮਹਿਲਾ ਅਤੇ ਬਾਲ ਵਿਕਾਸ ਮੰਤਰੀ ਹੈ। ਹਾਲ ਹੀ 'ਚ ਉਨ੍ਹਾਂ ਦਾ ਇਕ ਵੀਡੀਓ ਸੋਸ਼ਲ ਮੀਡੀਆ 'ਤੇ ਕਾਫੀ ਵਾਇਰਲ ਹੋ ਰਿਹਾ ਹੈ, ਜਿਸ 'ਚ ਉਹ ਬਿਲ ਗੇਟਸ ਨਾਲ ਖਿਚੜੀ ਬਣਾਉਂਦੀ ਨਜ਼ਰ ਆ ਰਹੀ ਹੈ।
ਇਹ ਵੀ ਪੜ੍ਹੋ: ਸਿੱਧੂ ਮੂਸੇਵਾਲਾ ਦੀ ਪਹਿਲੀ ਬਰਸੀ 19 ਮਾਰਚ ਨੂੰ ਮਨਾਈ ਜਾਵੇਗੀ, ਪਿਤਾ ਬਲਕੌਰ ਸਿੰਘ ਨੇ ਕੀਤਾ ਐਲਾਨ
ਬਿਲ ਗੇਟਸ ਦੁਨੀਆ ਦੇ ਸਭ ਤੋਂ ਅਮੀਰ ਆਦਮੀਆਂ ਵਿੱਚੋਂ ਇੱਕ ਹਨ। ਮਾਈਕ੍ਰੋਸਾਫਟ ਦੇ ਮਾਲਕ ਅਤੇ 'ਗੇਟਸ ਫਾਊਂਡੇਸ਼ਨ ਇੰਡੀਆ' ਦੇ ਕੋ-ਚੇਅਰਮੈਨ ਅਤੇ ਟਰੱਸਟੀ ਬਿਲ ਗੇਟਸ ਨੂੰ ਸਮ੍ਰਿਤੀ ਇਰਾਨੀ ਨਾਲ ਖਿਚੜੀ ਬਣਾਉਂਦੇ ਹੋਏ ਦੇਖ ਕੇ ਸੋਸ਼ਲ ਮੀਡੀਆ 'ਤੇ ਚਰਚਾ ਹੋ ਰਹੀ ਹੈ। ਹਾਲ ਹੀ 'ਚ ਬਿਲ ਗੇਟਸ ਮੁੰਬਈ 'ਚ ਇਕ ਈਵੈਂਟ 'ਚ ਆਏ ਅਤੇ 'ਪੋਸ਼ਣ ਮੁਹਿੰਮ' 'ਚ ਹਿੱਸਾ ਲਿਆ।
ਬਿਲ ਗੇਟਸ ਨੇ ਖਿਚੜੀ ਨੂੰ ਲਾਇਆ ਤੜਕਾ
ਸਮ੍ਰਿਤੀ ਇਰਾਨੀ ਨੇ ਆਪਣੇ ਟਵਿੱਟਰ ਹੈਂਡਲ 'ਤੇ ਬਿਲ ਗੇਟਸ ਨਾਲ ਇਸ ਮੁਹਿੰਮ ਦਾ ਇੱਕ ਵੀਡੀਓ ਸਾਂਝਾ ਕੀਤਾ ਹੈ। ਵੀਡੀਓ 'ਚ ਦੇਖਿਆ ਜਾ ਸਕਦਾ ਹੈ ਕਿ ਬਿਲ ਗੇਟਸ ਸਮ੍ਰਿਤੀ ਇਰਾਨੀ ਨਾਲ ਖਿਚੜੀ ਬਣਾ ਰਹੇ ਹਨ। ਬਿਲ ਗੇਟਸ ਨੇ ਖਿਚੜੀ ਵਿੱਚ ਤੜਕਾ ਵੀ ਜੋੜਿਆ। ਇਸ ਵੀਡੀਓ ਨੂੰ ਪੋਸਟ ਕਰਦੇ ਹੋਏ ਸਮ੍ਰਿਤੀ ਨੇ ਕੈਪਸ਼ਨ 'ਚ ਲਿਖਿਆ, ''ਭਾਰਤ ਦੇ ਸੁਪਰ ਫੂਡ ਅਤੇ ਇਸ ਦੇ 'ਪੋਸ਼ਣ ਤੱਤਾਂ' ਨੂੰ ਪਛਾਣ ਰਹੇ ਹਾਂ, ਬਿਲ ਗੇਟਸ ਨੇ ਖਿਚੜੀ ਨੂੰ ਤੜਕਾ ਲਗਾਇਆ। ਬਿਲ ਗੇਟਸ ਦੀ ਇਸ ਵੀਡੀਓ ਨੂੰ ਦੇਖਣ ਤੋਂ ਬਾਅਦ ਸੋਸ਼ਲ ਮੀਡੀਆ 'ਤੇ ਇਸ ਦੀ ਚਰਚਾ ਜ਼ੋਰਾਂ 'ਤੇ ਹੋ ਗਈ ਹੈ। ਲੋਕ ਇਸ ਦੀ ਖੂਬ ਤਾਰੀਫ ਕਰ ਰਹੇ ਹਨ। ਇਹ ਵੀਡੀਓ ਸੋਸ਼ਲ ਮੀਡੀਆ 'ਤੇ ਖੂਬ ਵਾਇਰਲ ਹੋ ਰਿਹਾ ਹੈ।
Recognising the Super Food of India and its POSHAN component..
— Smriti Z Irani (@smritiirani) March 2, 2023
When @BillGates gave tadka to Shree Ann Khichdi! pic.twitter.com/CYibFi01mi
ਸਮ੍ਰਿਤੀ ਇਰਾਨੀ ਦਾ ਕਰੀਅਰ
ਸਮ੍ਰਿਤੀ ਨੇ ਲੰਬੇ ਸਮੇਂ ਤੱਕ ਸ਼ੋਅਬਿਜ਼ 'ਤੇ ਰਾਜ ਕੀਤਾ। ਉਹ 1998 ਵਿੱਚ ਮਿਸ ਇੰਡੀਆ ਦੀ ਪ੍ਰਤੀਯੋਗੀ ਵੀ ਰਹਿ ਚੁੱਕੀ ਹੈ। ਉਸ ਨੇ 'ਕਿਉਂਕੀ ਸਾਸ ਭੀ ਕਭੀ ਬਹੂ ਥੀ' ਨਾਲ ਪ੍ਰਸਿੱਧੀ ਹਾਸਲ ਕੀਤੀ। ਇਸ ਤੋਂ ਇਲਾਵਾ ਉਹ 'ਆਤਿਸ਼', 'ਹਮ ਹੈ ਕਲ ਆਜ ਔਰ ਕਲ', 'ਰਾਮਾਇਣ', 'ਵਿਰੁਧ', 'ਥੋਡੀ ਸੀ ਜ਼ਮੀਨ ਥੋਡਾ ਸਾ ਆਸਮਨਾ' ਵਰਗੇ ਟੀਵੀ ਸ਼ੋਅਜ਼ 'ਚ ਕੰਮ ਕਰ ਚੁੱਕੀ ਹੈ।
ਇਹ ਵੀ ਪੜ੍ਹੋ: ਸੈਫ ਅਲੀ ਖਾਨ-ਕਰੀਨਾ ਕਪੂਰ ਦਾ ਪਿੱਛਾ ਕਰ ਰਹੇ ਸੀ ਪੱਤਰਕਾਰ, ਭੜਕੇ ਸੈਫ ਬੋਲੇ- ਸਾਰੇ ਬੈੱਡਰੂਮ 'ਚ ਆ ਜਾ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
![ABP Premium](https://cdn.abplive.com/imagebank/metaverse-mid.png)