![ABP Premium](https://cdn.abplive.com/imagebank/Premium-ad-Icon.png)
Rakul Preet Singh: ਬਾਲੀਵੁੱਡ ਅਦਾਕਾਰਾ ਰਕੁਲ ਪ੍ਰੀਤ ਸਿੰਘ ਵਿਆਹ ਦੇ ਬੰਧਨ 'ਚ ਬੱਝੀ, ਗੋਆ 'ਚ ਜੈਕੀ ਭਗਨਾਨੀ ਨਾਲ ਹੋਏ ਆਨੰਦ ਕਾਰਜ
Rakul Preet Singh Jacky Bhagnani Wedding: ਵਿਆਹ 'ਚ ਸਿਰਫ ਪਰਿਵਾਰਕ ਮੈਂਬਰ ਅਤੇ ਕਰੀਬੀ ਦੋਸਤ ਹੀ ਸ਼ਾਮਲ ਹੋਏ। ਵਿਆਹ ਸਮਾਗਮ ਤੋਂ ਬਾਅਦ ਮਹਿਮਾਨਾਂ ਦੀ ਵੀ ਵਾਪਸੀ ਸ਼ੁਰੂ ਹੋ ਗਈ ਹੈ। ਹਵਾਈ ਅੱਡੇ 'ਤੇ ਪਹੁੰਚਣ ਦਾ ਸਿਲਸਿਲਾ ਜਾਰੀ ਹੈ।
![Rakul Preet Singh: ਬਾਲੀਵੁੱਡ ਅਦਾਕਾਰਾ ਰਕੁਲ ਪ੍ਰੀਤ ਸਿੰਘ ਵਿਆਹ ਦੇ ਬੰਧਨ 'ਚ ਬੱਝੀ, ਗੋਆ 'ਚ ਜੈਕੀ ਭਗਨਾਨੀ ਨਾਲ ਹੋਏ ਆਨੰਦ ਕਾਰਜ bollywood actress rakul preet singh ties knot with longtime boyfriend jacky bhagnani Rakul Preet Singh: ਬਾਲੀਵੁੱਡ ਅਦਾਕਾਰਾ ਰਕੁਲ ਪ੍ਰੀਤ ਸਿੰਘ ਵਿਆਹ ਦੇ ਬੰਧਨ 'ਚ ਬੱਝੀ, ਗੋਆ 'ਚ ਜੈਕੀ ਭਗਨਾਨੀ ਨਾਲ ਹੋਏ ਆਨੰਦ ਕਾਰਜ](https://feeds.abplive.com/onecms/images/uploaded-images/2024/02/21/c4de4163ab377a7b3c8a65b6a4730ce71708516849719469_original.png?impolicy=abp_cdn&imwidth=1200&height=675)
Rakul Preet Singh Jacky Bhagnani Wedding: ਬਾਲੀਵੁੱਡ ਦੀ ਮਸ਼ਹੂਰ ਜੋੜੀ ਰਕੁਲ ਪ੍ਰੀਤ ਸਿੰਘ ਅਤੇ ਜੈਕੀ ਭਗਨਾਨੀ ਅੱਜ ਬੁੱਧਵਾਰ ਨੂੰ ਵਿਆਹ ਦੇ ਬੰਧਨ ਵਿੱਚ ਬੱਝ ਗਏ। ਦੋਹਾਂ ਨੇ ਆਨੰਦ ਕਾਰਜ ਰੀਤੀ-ਰਿਵਾਜਾਂ ਮੁਤਾਬਕ ਗੋਆ 'ਚ ਹਮੇਸ਼ਾ ਲਈ ਇਕ-ਦੂਜੇ ਦੇ ਹੋ ਗਏ। ਕਈ ਸਾਲਾਂ ਤੋਂ ਇਕ-ਦੂਜੇ ਨੂੰ ਡੇਟ ਕਰ ਰਹੇ ਰਾਕੁਲ ਅਤੇ ਜੈਕੀ ਦੀ ਪ੍ਰੀ-ਵੈਡਿੰਗ ਸੈਰੇਮਨੀ ਵੀ ਗੋਆ 'ਚ ਹੋਈ ਸੀ, ਜਿਸ ਲਈ ਦੋਵੇਂ ਤਿੰਨ ਦਿਨ ਪਹਿਲਾਂ ਹੀ ਗੋਆ ਪਹੁੰਚ ਗਏ ਸਨ।
ਇਸ ਵਿਆਹ ਸਮਾਰੋਹ 'ਚ ਸਿਰਫ ਪਰਿਵਾਰਕ ਮੈਂਬਰ ਅਤੇ ਕਰੀਬੀ ਦੋਸਤ ਹੀ ਸ਼ਾਮਲ ਹੋਏ। ਵਿਆਹ ਸਮਾਗਮ ਤੋਂ ਬਾਅਦ ਮਹਿਮਾਨਾਂ ਦੀ ਵੀ ਵਾਪਸੀ ਸ਼ੁਰੂ ਹੋ ਗਈ ਹੈ। ਹਵਾਈ ਅੱਡੇ 'ਤੇ ਪਹੁੰਚਣ ਦਾ ਸਿਲਸਿਲਾ ਜਾਰੀ ਹੈ। ਦੱਸ ਦਈਏ ਕਿ ਇਸ ਤੋਂ ਪਹਿਲਾਂ ਜੋੜੇ ਨੇ ਆਪਣੀ ਸੰਗੀਤ ਨਾਈਟ 'ਚ ਵੀ ਰੱਜ ਕੇ ਮਸਤੀ ਕੀਤੀ ਸੀ। ਰਿਤੇਸ਼ ਦੇਸ਼ਮੁਖ ਅਤੇ ਅਭਿਨੇਤਰੀ ਭੂਮੀ ਪੇਡਨੇਕਰ ਨੇ ਵੀ ਉਨ੍ਹਾਂ ਦੇ ਸੰਗੀਤ 'ਚ ਸ਼ਿਰਕਤ ਕੀਤੀ। ਇਸ ਤੋਂ ਇਲਾਵਾ ਵਰੁਣ ਧਵਨ ਨੇ ਵੀ 'ਕੁਲੀ ਨੰਬਰ 1' ਦੇ ਗੀਤ 'ਹੁਸਨ ਹੈ ਸੁਹਾਨਾ' 'ਤੇ ਡਾਂਸ ਕਰਕੇ ਮਿਊਜ਼ਿਕ ਨਾਈਟ 'ਚ ਖੂਬ ਰੰਗ ਭਰਿਆ।
View this post on Instagram
ਕਾਬਿਲੇਗ਼ੌਰ ਹੈ ਕਿ ਅੱਜ ਰਕੁਲ ਪ੍ਰੀਤ ਸਿੰਘ ਆਖਿਰਕਾਰ ਜੈਕੀ ਭਗਨਾਨੀ ਦੀ ਅਧਿਕਾਰਤ ਪਤਨੀ ਬਣ ਗਈ ਹੈ। ਗੋਆ 'ਚ ਦੋ ਰੀਤੀ-ਰਿਵਾਜ਼ਾਂ ਮੁਤਾਬਕ ਦੋਹਾਂ ਦਾ ਵਿਆਹ ਹੋਇਆ। ਵਰੁਣ ਧਵਨ ਆਪਣੀ ਗਰਭਵਤੀ ਪਤਨੀ ਨਤਾਸ਼ਾ ਦਲਾਲ ਨਾਲ ਵਿਆਹ ਵਿੱਚ ਸ਼ਾਮਲ ਹੋਏ ਸਨ। ਵਿਆਹ 'ਚ ਸ਼ਾਮਲ ਹੋਣ ਤੋਂ ਬਾਅਦ ਵਰੁਣ ਅਤੇ ਨਤਾਸ਼ਾ ਨੂੰ ਗੋਆ ਤੋਂ ਰਵਾਨਾ ਹੁੰਦੇ ਹੋਏ ਏਅਰਪੋਰਟ 'ਤੇ ਦੇਖਿਆ ਗਿਆ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
![ABP Premium](https://cdn.abplive.com/imagebank/metaverse-mid.png)