Allu Arjun ਦੀ ਹੋਵੇਗੀ ਦਿੱਗਜ਼ ਅਦਾਕਾਰ ਆਮਿਰ ਖਾਨ ਨਾਲ ਟੱਕਰ, ਆਖਰ ਅਜਿਹਾ ਕੀ ਹੋਇਆ?

ਫਿਲਮ ਪ੍ਰਤੀ ਦਰਸ਼ਕਾਂ ਦਾ ਉਤਸ਼ਾਹ ਦਿਨ ਪ੍ਰਤੀ ਦਿਨ ਵਧਦਾ ਜਾ ਰਿਹਾ ਹੈ ਕਿਉਂਕਿ ਇਸ 'ਚ ਆਇਕਨ ਸਟਾਰ ਅੱਲੂ ਅਰਜੁਨ ਤੇ ਰਸ਼ਿਮਕਾ ਮੰਦਾਨਾ ਤੇ ਫਹਦ ਫਾਸਿਲ ਨਜ਼ਰ ਆਉਣਗੇ।

ਮੁੰਬਈ: ਕ੍ਰਿਸਮਿਸ ਮੌਕੇ ਅਕਸਰ ਹਰ ਸਾਲ ਫਿਲਮਾਂ ਰਿਲੀਜ਼ ਹੁੰਦੀਆਂ ਹਨ। ਲੰਮੇ ਸਮੇਂ ਤੋਂ ਇੰਤਜ਼ਾਰ ਕੀਤੀ ਜਾਣ ਵਾਲੀ ਆਮਿਰ ਖਾਨ ਦੀ ਫਿਲਮ 'ਲਾਲ ਸਿੰਘ ਚੱਢਾ' ਫਿਲਮ ਕ੍ਰਿਸਮਿਸ ਮੌਕੇ ਰਿਲੀਜ਼ ਹੋਵੇਗੀ। ਇਸ ਦੇ ਨਾਲ ਹੀ ਅੱਜ ਅਦਾਕਾਰ ਅੱਲੂ ਅਰਜੁਨ ਦੀ ਮੋਸਟ ਅਵੇਟੇਡ ਫਿਲਮ 'ਪੁਸ਼ਪਾ: ਦ ਰਾਇਜ਼' ਦੀ ਰਿਲੀਜ਼ ਡੇਟ ਦਾ ਐਲਾਨ ਹੋ ਗਿਆ ਹੈ। ਮੇਕਰਸ ਨੇ ਦੱਸਿਆ ਹੈ ਕਿ ਇਸ ਫਿਲਮ ਦਾ ਫਰਸਟ ਪਾਰਟ ਕ੍ਰਿਸਮਿਸ 2021 'ਚ ਰਿਲੀਜ਼ ਕੀਤਾ ਜਾਵੇਗਾ। ਦੂਜਾ ਪਾਰਟ 2022 'ਚ ਰਿਲੀਜ਼ ਕੀਤੇ ਜਾਣ ਦੀ ਉਮੀਦ ਕੀਤੀ ਜਾ ਰਹੀ ਹੈ।

ਇਸ ਫਿਲਮ ਪ੍ਰਤੀ ਦਰਸ਼ਕਾਂ ਦਾ ਉਤਸ਼ਾਹ ਦਿਨ ਪ੍ਰਤੀ ਦਿਨ ਵਧਦਾ ਜਾ ਰਿਹਾ ਹੈ ਕਿਉਂਕਿ ਇਸ 'ਚ ਆਇਕਨ ਸਟਾਰ ਅੱਲੂ ਅਰਜੁਨ ਤੇ ਰਸ਼ਿਮਕਾ ਮੰਦਾਨਾ ਤੇ ਫਹਦ ਫਾਸਿਲ ਨਜ਼ਰ ਆਉਣਗੇ।

 

Pushpa - The Rise to release in five languages this Christmas.

పుష్ప പുഷ്പ புஷ்பா ಪುಷ್ಪ पुष्पा pic.twitter.com/bSSF9qfGGY

— Allu Arjun (@alluarjun) August 3, 2021

ਜਿਵੇਂ ਹੀ ਫਿਲਮ ਦਾ ਪਹਿਲਾ ਲੁਕ ਰਿਲੀਜ਼ ਕੀਤਾ ਗਿਆ ਉਵੇਂ ਹੀ ਅੱਲੂ ਅਰਜੁਨ ਦੇ ਫੈਨਜ਼ ਦੇ ਵਿਚ ਉਤਸ਼ਾਹ ਦੀ ਲਹਿਰ ਦੌੜ ਗਈ। ਆਇਕੌਨ ਸਟਾਰ ਇਸ ਪੈਨ ਇੰਡੀਆ ਫਿਲਮ ਜ਼ਰੀਏ ਸੁਕੁਮਾਰ ਤੇ ਮਿਊਜ਼ਿਕ ਮੇਸਟ੍ਰੋ ਦੇਵੀ ਸ੍ਰੀ ਪ੍ਰਸਾਦ ਦੇ ਨਾਲ ਇਕ ਵਾਰ ਫਿਰ ਕੰਮ ਕਰਨਗੇ।ਇਸ ਨੂੰ ਲੈਕੇ ਮੂਵੀ ਮੇਕਰਸ ਦੇ ਨਿਰਮਾਤਾ ਨਵੀਨ ਯਰਨੇਨੀ ਤੇ ਵਾਈ ਰਵੀਸ਼ੰਕਰ ਕਹਿੰਦੇ ਹਨ, 'ਪੁਸ਼ਪਾ ਦੀ ਕਹਾਣੀ ਐਕਸ਼ਨ ਨਾਲ ਭਰਪੂਰ ਹੈ ਜਿਸ 'ਚ ਅਜਿਹੇ ਪਲ ਹਨ ਜੋ ਦਿਲ ਨੂੰ ਛੂਹ ਜਾਂਦੇ ਹਨ ਤੇ ਇਸ ਫਿਲਮ ਨੂੰ ਬਣਾਉਣਾ ਸਾਡੇ ਲਈ ਬਹੁਤ ਹੀ ਮਜ਼ੇਦਾਰ ਰਿਹਾ। ਇਸ ਫਿਲਮ ਨੇ ਪਹਿਲਾਂ ਤੋਂ ਹੀ ਦਰਸ਼ਕਾਂ ਦੇ ਵਿਚ ਕਾਫੀ ਉਤਸੁਕਤਾ ਪੈਦਾ ਕਰ ਦਿੱਤੀ ਹੈ।'

ਉਨ੍ਹਾਂ ਕਿਹਾ, 'ਅਸੀਂ ਇਹ ਐਲਾਨ ਕਰਦਿਆਂ ਬੇਹੱਦ ਉਤਸ਼ਾਹਿਤ ਹਾਂ ਕਿ ਫਿਲਮ ਦੇ ਪਹਿਲੇ ਭਾਗ ਨੂੰ ਇਸ ਸਾਲ ਕ੍ਰਿਸਮਿਸ 'ਤੇ ਰਿਲੀਜ਼ ਕੀਤਾ ਜਾਵੇਗਾ। ਸਾਨੂੰ ਇਸ ਗੱਲ ਦਾ ਬੇਸਬਰੀ ਨਾਲ ਇੰਤਜ਼ਾਰ ਹੈ ਕਿ ਫੈਨਜ਼ ਇਸ ਫਿਲਮ ਨੂੰ ਦੇਖਕੇ ਇਸਦੀ ਪੂਰੀ ਟੀਮ ਤੇ ਪਿਆਰ ਵਰ੍ਹਾਉਣ। ਅਸੀਂ ਫੈਸਲਾ ਲਿਆ ਹੈ ਕਿ ਅਸੀਂ ਇਸ ਸਾਲ ਫਿਲਮ ਦਾ ਦੂਜਾ ਹਿੱਸਾ 2022 'ਚ ਰਿਲੀਜ਼ ਕਰਾਂਗੇ।'

ਇਸ ਫਿਲਮ ਦੇ ਨਾਲ ਦਰਸ਼ਕ ਅੱਲੂ ਅਰਜੁਨ ਤੇ ਰਸ਼ਿਮਕਾ ਮੰਦਾਨਾ ਨੂੰ ਪਹਿਲੀ ਵਾਰ ਬਿੱਗ ਸਕ੍ਰੀਨ 'ਤੇ ਸਪੇਸ ਸ਼ੇਅਰ ਕਰਦਿਆਂ ਦੇਖਣਗੇ। ਇਸ ਫਿਲਮ ਦਾ ਪਹਿਲਾ ਹਿੱਸਾ ਕ੍ਰਿਸਮਿਸ 2021 ਤੇ ਦੂਜਾ ਹਿੱਸਾ 2022 'ਚ ਰਿਲੀਜ਼ ਕੀਤਾ ਜਾਵੇਗਾ।

ਇਸ ਸਾਲ ਕ੍ਰਿਸਮਿਸ ਤੇ ਆਮਿਰ ਖਾਨ ਦੀ ਫਿਲਮ ਲਾਲ ਸਿੰਘ ਚੱਢਾ ਵੀ ਰਿਲੀਜ਼ ਹੋਵੇਗੀ। ਯਾਨੀ ਬੌਕਸ ਆਫਿਸ 'ਤੇ ਇਸ ਕ੍ਰਿਸਮਿਸ ਤੇ ਦੋਵੇਂ ਸਿਤਾਰਿਆਂ ਦੀ ਟੱਕਰ ਹੋਣ ਵਾਲੀ ਹੈ।