ਅਯਾਨ ਮੁਖਰਜੀ ਦੀ ਫ਼ਿਲਮ 'ਬ੍ਰਹਮਾਸਤਰ' ਦਾ ਸੀਕਵਲ ਕਦੋਂ ਆਵੇਗਾ? ਡਾਇਰੈਕਟਰ ਨੇ ਕੀਤਾ ਖੁਲਾਸਾ
Ayan Mukerji On Brahmastra:ਰਣਬੀਰ ਕਪੂਰ ਅਤੇ ਆਲੀਆ ਭੱਟ ਦੀ 'ਬ੍ਰਹਮਾਸਤਰ ਪਹਿਲਾ ਭਾਗ - ਸ਼ਿਵ' ਨੂੰ ਦਰਸ਼ਕਾਂ ਵੱਲੋਂ ਖੂਬ ਪਿਆਰ ਮਿਲਿਆ ਸੀ, ਜਿਸ ਕਰਕੇ ਫੈਨਜ਼ ਦੂਜੇ ਭਾਗ ਦੀ ਉਡੀਕ ਕਰ ਰਹੇ ਹਨ।
Brahmastra 2: ਰਣਬੀਰ ਕਪੂਰ ਅਤੇ ਆਲੀਆ ਭੱਟ ਦੀ 'ਬ੍ਰਹਮਾਸਤਰ ਪਹਿਲਾ ਭਾਗ - ਸ਼ਿਵ' ਜੋ ਕਿ 9 ਸਤੰਬਰ, 2022 ਨੂੰ ਰਿਲੀਜ਼ ਹੋਈ ਸੀ, ਜਿਸ ਨੂੰ ਸਿਨੇਮਾਘਰਾਂ ਵਿੱਚ ਬਹੁਤ ਪਿਆਰ ਮਿਲਿਆ ਸੀ। ਜਿਸ ਤੋਂ ਬਾਅਦ ਦਰਸ਼ਕਾਂ ਬਹੁਤ ਹੀ ਬੇਸਬਰੀ ਦੇ ਨਾਲ ਇਸ ਦੇ ਸੀਕਵਲ ਦਾ ਇੰਤਜ਼ਾਰ ਕਰ ਰਹੇ ਹਨ।
ਅਯਾਨ ਮੁਖਰਜੀ ਨੇ 'ਬ੍ਰਹਮਾਸਤਰ' ਦੇ ਸੀਕਵਲ ਨੂੰ ਲੈ ਕੇ ਦਿੱਤੀ ਅਹਿਮ ਜਾਣਕਾਰੀ
ਅਯਾਨ ਨੇ ਦੱਸਿਆ ਕਿ ਉਹ 'ਬ੍ਰਹਮਾਸਤਰ 2' ਅਤੇ 'ਬ੍ਰਹਮਾਸਤਰ 3' ਦੀ ਸ਼ੂਟਿੰਗ ਇੱਕੋ ਸਮੇਂ ਕਰਣਗੇ ਅਤੇ ਇਸ 'ਚ ਉਨ੍ਹਾਂ ਨੂੰ ਸਮਾਂ ਲੱਗੇਗਾ। 'ਬ੍ਰਹਮਾਸਤਰ 2' ਨੂੰ ਰਿਲੀਜ਼ ਹੋਣ 'ਚ ਕਰੀਬ 3 ਸਾਲ ਲੱਗ ਸਕਦੇ ਹਨ।
ਰਣਬੀਰ ਕਪੂਰ ਅਤੇ ਆਲੀਆ ਭੱਟ ਸਟਾਰਰ ਫ਼ਿਲਮ 'ਬ੍ਰਹਮਾਸਤਰ' ਸਾਲ 2022 ਦੀਆਂ ਵੱਡੀਆਂ ਫਿਲਮਾਂ ਵਿੱਚੋਂ ਇੱਕ ਸੀ। ਫ਼ਿਲਮ ਦਾ ਨਿਰਦੇਸ਼ਨ ਅਯਾਨ ਮੁਖਰਜੀ ਨੇ ਕੀਤਾ ਹੈ। ਅਯਾਨ ਨੇ ਇਸ ਫਿਲਮ ਰਾਹੀਂ ਐਸਟ੍ਰਾਵਰਸ ਨਾਂ ਦੀ ਨਵੀਂ ਫਿਲਮ ਬ੍ਰਹਿਮੰਡ ਦੀ ਸ਼ੁਰੂਆਤ ਕਰਨ ਦੀ ਕੋਸ਼ਿਸ਼ ਕੀਤੀ।
ਅਯਾਨ ਦੀ ਇਸ ਐਸਟ੍ਰਾਵਰਸ 'ਚ ਪਹਿਲੀ ਫ਼ਿਲਮ 'ਬ੍ਰਹਮਾਸਤਰ' ਸੀ। ਬ੍ਰਹਮਾਸਤਰ ਦਾ ਦੂਜਾ ਅਤੇ ਤੀਜਾ ਭਾਗ ਅਜੇ ਆਉਣਾ ਬਾਕੀ ਹੈ। ਅਯਾਨ ਨੇ ਜਦੋਂ ਇਸ ਫਿਲਮ ਦਾ ਪ੍ਰਮੋਸ਼ਨ ਸ਼ੁਰੂ ਕੀਤਾ ਤਾਂ ਉਸ ਨੇ ਦੱਸਿਆ ਕਿ ਉਹ ਐਸਟ੍ਰਾਵਰਸ ਬਣਾਉਣ ਦੀ ਕੋਸ਼ਿਸ਼ ਕਰ ਰਿਹਾ ਹੈ। ਇਸ ਫ਼ਿਲਮ ਨੂੰ ਬਣਾਉਣ 'ਚ ਕਾਫੀ ਬਜਟ ਖਰਚ ਕੀਤਾ ਗਿਆ ਹੈ ਅਤੇ ਹੁਣ ਅਯਾਨ ਨੇ 'ਬ੍ਰਹਮਾਸਤਰ ਦੇ ਦੂਜੇ' ਅਤੇ 'ਬ੍ਰਹਮਾਸਤਰ ਦੇ ਤੀਜੇ' ਦੀ ਰਿਲੀਜ਼ ਬਾਰੇ ਅਹਿਮ ਜਾਣਕਾਰੀ ਦਿੱਤੀ ਹੈ।
ਬ੍ਰਹਮਾਸਤਰ ਵਿੱਚ ਦੇਵ ਦੇ ਕਿਰਦਾਰ ਨੇ ਹਰ ਕਿਸੇ ਦੇ ਦਿਲ ਵਿੱਚ ਉਤਸੁਕਤਾ ਨੂੰ ਪੈਦਾ ਕਰ ਦਿੱਤਾ ਸੀ ਅਤੇ ਲੋਕ ਬ੍ਰਹਮਾਸਤਰ ਦੇ ਦੂਜੇ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਸਨ। ਜਦੋਂ ਲੋਕਾਂ ਨੂੰ ਲੱਗਦਾ ਸੀ ਕਿ ਜਲਦ ਹੀ 'ਬ੍ਰਹਮਾਸਤਰ ਪਾਰਟ 2' ਵੀ ਸਿਨੇਮਾਘਰਾਂ 'ਚ ਦਸਤਕ ਦੇ ਸਕਦੀ ਹੈ, ਹੁਣ ਅਯਾਨ ਨੇ ਇਸ ਬਾਰੇ 'ਚ ਅਹਿਮ ਖੁਲਾਸਾ ਕਰਦੇ ਹੋਏ ਬ੍ਰਹਮਾਸਤਰ ਪਾਰਟ 2 ਅਤੇ 3 ਦੀ ਰਿਲੀਜ਼ ਡੇਟ ਦਾ ਖੁਲਾਸਾ ਕੀਤਾ ਹੈ।
ਅਯਾਨ ਦੇ ਤੌਰ 'ਤੇ, ਉਹ ਭਾਗ 2 ਅਤੇ ਭਾਗ 3 ਦੋਵਾਂ ਨੂੰ ਇਕੱਠੇ ਸ਼ੂਟ ਕਰਨ ਜਾ ਰਿਹਾ ਹੈ ਅਤੇ ਦੋਵਾਂ ਫ਼ਿਲਮਾਂ ਨੂੰ ਬਣਾਉਣ ਲਈ ਉਸਨੂੰ ਲਗਭਗ 3 ਸਾਲ ਲੱਗਣਗੇ। ਨਿਊਜ਼18 ਦੇ ਰਾਈਜ਼ਿੰਗ ਇੰਡੀਆ ਸਮਿਟ ਵਿੱਚ ਬੋਲਦਿਆਂ, ਅਯਾਨ ਨੇ ਕਿਹਾ, “ਅਸੀਂ ਬ੍ਰਹਮਾਸਤਰ ਭਾਗ 2 ਅਤੇ 3 ਇਕੱਠੇ ਬਣਾਵਾਂਗੇ। ਸੱਚ ਤਾਂ ਇਹ ਹੈ ਕਿ ਅਸੀਂ ਫ਼ਿਲਮ ਦੀ ਲਿਖਤ ਨੂੰ ਕੁਝ ਹੋਰ ਸਮਾਂ ਦੇਣਾ ਚਾਹੁੰਦੇ ਹਾਂ। ਮੈਨੂੰ ਪਤਾ ਹੈ ਕਿ ਫ਼ਿਲਮ ਨੂੰ ਲੈ ਕੇ ਲੋਕਾਂ ਦੇ ਦਿਲਾਂ 'ਚ ਪਹਿਲਾਂ ਹੀ ਕਈ ਕਹਾਣੀਆਂ ਚੱਲ ਰਹੀਆਂ ਹਨ। ਲੋਕ ਚਾਹੁੰਦੇ ਹਨ ਕਿ ਫ਼ਿਲਮ ਦਾ ਦੂਜਾ ਭਾਗ ਜਲਦੀ ਆਵੇ। ਪਰ ਪਹਿਲਾਂ ਅਸੀਂ ਬਿਨਾਂ ਕਿਸੇ ਸਮਝੌਤਾ ਦੇ ਫ਼ਿਲਮ ਨੂੰ ਚੰਗੀ ਤਰ੍ਹਾਂ ਲਿਖਾਂਗੇ। ਅਤੇ ਮੈਨੂੰ ਲੱਗਦਾ ਹੈ ਕਿ ਬ੍ਰਹਮਾਸਤਰ ਨੂੰ ਵੱਡੇ ਪਰਦੇ 'ਤੇ ਲਿਆਉਣ ਲਈ ਸਾਨੂੰ ਤਿੰਨ ਸਾਲ ਲੱਗਣਗੇ।''
ਦੱਸ ਦਈਏ ਇਹ ਸਾਲ 2022 ਦੀ ਸਭ ਤੋਂ ਵੱਧ ਕਮਾਈ ਕਰਨ ਵਾਲੀ ਫ਼ਿਲਮ ਦੀ ਸੂਚੀ ਵਿੱਚ ਰਹੀ ਹੈ ਅਤੇ ਫ਼ਿਲਮ ਨੂੰ ਓਟੀਟੀ 'ਤੇ ਵੀ ਦਰਸ਼ਕਾਂ ਦਾ ਬਹੁਤ ਪਿਆਰ ਮਿਲਿਆ ਹੈ।
Before You Go
ਇੰਟਰਵਿਊ ਇਮਤਿਆਜ਼ ਅਲੀ : "ਦਿਲਜੀਤ, ਪੰਜਾਬ ਤੇ ਪਿਆਰ ਇਮਤਿਆਜ਼ ਨੇ ਖੋਲ੍ਹੇ ਦਿਲ ਦੇ ਰਾਜ!
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
