(Source: ECI/ABP News/ABP Majha)
Kangana ਨਾਲ ਰਿਲੇਸ਼ਨਸ਼ਿਪ 'ਚ ਸੀ Chirag Paswan? ਜਾਣੋ ਪਰਿਵਾਰ ਨਾਲ ਮਿਲਣ ਤੋਂ ਬਾਅਦ ਵੀ ਵਿਆਹ ਤੱਕ ਕਿਉਂ ਨਹੀਂ ਪੁੱਜੀ ਗੱਲ?
Chirag Paswan and Kangana Ranaut: ਬਾਲੀਵੁੱਡ 'ਚ ਆਪਣੀ ਕਿਸਮਤ ਅਜ਼ਮਾਉਣ ਤੋਂ ਬਾਅਦ ਕੰਗਨਾ ਰਣੌਤ ਅਤੇ ਚਿਰਾਗ ਪਾਸਵਾਨ ਨੇ ਸਿਆਸਤ ਵਿੱਚ ਕਦਮ ਰੱਖਿਆ। ਖਾਸ ਗੱਲ ਇਹ ਹੈ ਕਿ ਦੋਵਾਂ
Chirag Paswan and Kangana Ranaut: ਬਾਲੀਵੁੱਡ 'ਚ ਆਪਣੀ ਕਿਸਮਤ ਅਜ਼ਮਾਉਣ ਤੋਂ ਬਾਅਦ ਕੰਗਨਾ ਰਣੌਤ ਅਤੇ ਚਿਰਾਗ ਪਾਸਵਾਨ ਨੇ ਸਿਆਸਤ ਵਿੱਚ ਕਦਮ ਰੱਖਿਆ। ਖਾਸ ਗੱਲ ਇਹ ਹੈ ਕਿ ਦੋਵਾਂ ਦੀ ਸਿਆਸਤ ਵਿੱਚ ਸ਼ੁਰੂਆਤ ਧਮਾਕੇਦਾਰ ਰਹੀ। ਦੱਸ ਦੇਈਏ ਕਿ ਚਿਰਾਗ ਪਾਸਵਾਨ ਨੇ ਸਾਲ 2011 'ਚ ਆਪਣੇ ਐਕਟਿੰਗ ਕਰੀਅਰ ਦੀ ਸ਼ੁਰੂਆਤ ਕੰਗਨਾ ਰਣੌਤ ਨਾਲ ਫਿਲਮ 'ਮਿਲੇ ਨਾ, ਮਿਲੇ ਹਮ' ਨਾਲ ਕੀਤੀ ਸੀ, ਜੋ ਬਾਕਸ ਆਫਿਸ 'ਤੇ ਬੁਰੀ ਤਰ੍ਹਾਂ ਫਲਾਪ ਰਹੀ ਸੀ। ਇਸ ਦੇ ਨਾਲ ਹੀ ਉਨ੍ਹਾਂ ਦਾ ਐਕਟਿੰਗ ਕਰੀਅਰ ਵੀ ਖਤਮ ਹੋ ਗਿਆ ਸੀ।
ਹੈਂਡਸਮ ਅਤੇ ਸਮਾਰਟ ਲੀਡਰ ਚਿਰਾਗ ਪਾਸਵਾਨ
41 ਸਾਲ ਦੇ ਚਿਰਾਗ ਪਾਸਵਾਨ ਦੀ ਲੋਕਪ੍ਰਿਯਤਾ ਨਾ ਸਿਰਫ ਰਾਜਨੀਤੀ ਵਿੱਚ ਸਗੋਂ ਮਹਿਲਾ ਪ੍ਰਸ਼ੰਸਕਾਂ ਵਿੱਚ ਵੀ ਬਹੁਤ ਜ਼ਿਆਦਾ ਹੈ। ਜੇਕਰ ਲੋਕਾਂ ਦੀ ਮੰਨੀਏ ਤਾਂ ਚਿਰਾਗ ਪਾਸਵਾਨ ਬਹੁਤ ਹੈਂਡਸਮ ਅਤੇ ਸਮਾਰਟ ਨੇਤਾ ਹਨ। ਚਿਰਾਗ ਪਾਸਵਾਨ ਦੇ ਦਮਦਾਰ ਸਿਆਸੀ ਕਰੀਅਰ ਦੇ ਨਾਲ-ਨਾਲ ਔਰਤਾਂ ਉਨ੍ਹਾਂ ਦੀ ਲੁੱਕ ਨੂੰ ਲੈ ਕੇ ਵੀ ਦੀਵਾਨੀਆਂ ਹਨ।
ਦੋ ਔਰਤਾਂ ਨਾਲ ਜੁੜਿਆ ਚਿਰਾਗ ਪਾਸਵਾਨ ਦਾ ਨਾਂਅ
ਤੁਹਾਨੂੰ ਦੱਸ ਦੇਈਏ ਕਿ ਹੁਣ ਤੱਕ ਚਿਰਾਗ ਪਾਸਵਾਨ ਦਾ ਨਾਂ ਦੋ ਔਰਤਾਂ ਨਾਲ ਜੁੜ ਚੁੱਕਾ ਹੈ। ਹਾਲਾਂਕਿ ਇਸ ਸਬੰਧੀ ਕੋਈ ਅਧਿਕਾਰਤ ਜਾਣਕਾਰੀ ਸਾਹਮਣੇ ਨਹੀਂ ਆਈ ਹੈ। ਮੀਡੀਆ ਰਿਪੋਰਟਾਂ ਮੁਤਾਬਕ ਹਾਲ ਹੀ 'ਚ ਚਿਰਾਗ ਪਾਸਵਾਨ ਨੂੰ ਵਿਰਾਟ ਕੋਹਲੀ, ਦੀਪਿਕਾ ਪਾਦੂਕੋਣ ਅਤੇ ਸਾਨੀਆ ਮਿਰਜ਼ਾ ਦੇ ਨਾਲ ਦੇਸ਼ ਦੀਆਂ 8 ਸਭ ਤੋਂ ਪ੍ਰਭਾਵਸ਼ਾਲੀ ਨੌਜਵਾਨ ਹਸਤੀਆਂ 'ਚ ਸ਼ਾਮਲ ਕੀਤਾ ਗਿਆ ਹੈ।
ਰੰਜਨਾ ਸਿਨਹਾ ਨੂੰ ਪਸੰਦ ਕਰਦੇ ਸੀ ਚਿਰਾਗ ਪਾਸਵਾਨ
ਕਈ ਮੀਡੀਆ ਰਿਪੋਰਟਾਂ ਵਿੱਚ ਦਾਅਵਾ ਕੀਤਾ ਗਿਆ ਹੈ ਕਿ ਦਿੱਲੀ ਵਿੱਚ ਪੜ੍ਹਦਿਆਂ ਚਿਰਾਗ ਪਾਸਵਾਨ ਆਪਣੀ ਕਲਾਸਮੇਟ ਰੰਜਨਾ ਸਿਨਹਾ ਨੂੰ ਪਸੰਦ ਕਰਨ ਲੱਗ ਪਏ ਸੀ। ਹਾਲਾਂਕਿ ਇਸ ਸਬੰਧ 'ਚ ਕੋਈ ਠੋਸ ਗੱਲ ਸਾਹਮਣੇ ਨਹੀਂ ਆਈ ਹੈ ਪਰ ਕਈ ਚਰਚਾਵਾਂ 'ਚ ਰੰਜਨਾ ਨੂੰ ਚਿਰਾਗ ਦੀ ਗਰਲਫਰੈਂਡ ਦੱਸਿਆ ਗਿਆ ਹੈ। ਕਿਹਾ ਜਾਂਦਾ ਹੈ ਕਿ ਦੋਵੇਂ ਇੱਕ ਸਮੇਂ ਰਿਲੇਸ਼ਨਸ਼ਿਪ ਵਿੱਚ ਸਨ।
ਰੰਜਨਾ ਦੇ ਪਰਿਵਾਰ ਕਾਰਨ ਬ੍ਰੇਕਅੱਪ ਹੋਇਆ
ਕਈ ਰਿਪੋਰਟਾਂ 'ਚ ਦਾਅਵਾ ਕੀਤਾ ਗਿਆ ਹੈ ਕਿ ਰੰਜਨਾ ਸਿਨਹਾ ਦਾ ਪਰਿਵਾਰ ਚਿਰਾਗ ਪਾਸਵਾਨ ਨੂੰ ਬਿਲਕੁਲ ਵੀ ਪਸੰਦ ਨਹੀਂ ਕਰਦਾ ਸੀ। ਰੰਜਨਾ ਦਾ ਪਰਿਵਾਰ ਨਹੀਂ ਚਾਹੁੰਦਾ ਸੀ ਕਿ ਉਨ੍ਹਾਂ ਦੀ ਧੀ ਦਾ ਚਿਰਾਗ ਪਾਸਵਾਨ ਨਾਲ ਕੋਈ ਰਿਸ਼ਤਾ ਰੱਖੇ ਅਤੇ ਇਹੀ ਕਾਰਨ ਸੀ ਕਿ ਕੁਝ ਸਮੇਂ ਬਾਅਦ ਦੋਹਾਂ ਦਾ ਬ੍ਰੇਕਅੱਪ ਹੋ ਗਿਆ।
ਕੰਗਨਾ ਰਣੌਤ ਨਾਲ ਚਿਰਾਗ ਦਾ ਰਿਲੇਸ਼ਨ
ਇਸ ਤੋਂ ਬਾਅਦ ਚਿਰਾਗ ਪਾਸਵਾਨ ਦਾ ਨਾਂ ਬਾਲੀਵੁੱਡ ਅਦਾਕਾਰਾ ਕੰਗਨਾ ਰਣੌਤ ਨਾਲ ਜੁੜਿਆ। ਦੋਹਾਂ ਨੇ 2011 'ਚ ਰਿਲੀਜ਼ ਹੋਈ ਫਿਲਮ ਮਿਲੇ ਨਾ ਮਿਲੇ ਹਮ 'ਚ ਇਕੱਠੇ ਕੰਮ ਕੀਤਾ ਸੀ। ਹਾਲਾਂਕਿ ਇਹ ਫਿਲਮ ਬਾਕਸ ਆਫਿਸ 'ਤੇ ਬੁਰੀ ਤਰ੍ਹਾਂ ਫਲਾਪ ਹੋ ਗਈ ਸੀ ਪਰ ਲੋਕਾਂ ਨੇ ਇਸ ਜੋੜੀ ਦੇ ਬਾਰੇ 'ਚ ਚਰਚਾ ਸ਼ੁਰੂ ਕਰ ਦਿੱਤੀ ਸੀ।
ਕੰਗਨਾ ਨੂੰ ਆਪਣੇ ਪਰਿਵਾਰ ਨਾਲ ਮਿਲਵਾ ਚੁੱਕੇ ਸੀ ਚਿਰਾਗ
ਕਈ ਰਿਪੋਰਟਾਂ ਵਿੱਚ ਕਿਹਾ ਗਿਆ ਸੀ ਕਿ ਕੰਗਨਾ ਰਣੌਤ ਅਤੇ ਚਿਰਾਗ ਪਾਸਵਾਨ ਫਿਲਮ ਦੀ ਸ਼ੂਟਿੰਗ ਤੋਂ ਬਾਅਦ ਇੱਕ ਦੂਜੇ ਦੇ ਨੇੜੇ ਆਉਣ ਲੱਗੇ ਸਨ। ਦੋਵਾਂ ਨੂੰ ਕਈ ਵਾਰ ਇਕੱਠੇ ਕੁਆਲਿਟੀ ਟਾਈਮ ਬਿਤਾਉਂਦੇ ਵੀ ਦੇਖਿਆ ਗਿਆ। ਦੋਵਾਂ ਨੂੰ ਐਮਸਟਰਡਮ 'ਚ ਘੁੰਮਦੇ ਵੀ ਦੇਖਿਆ ਗਿਆ। ਇੰਨਾ ਹੀ ਨਹੀਂ ਚਿਰਾਗ ਪਾਸਵਾਨ ਨੇ ਕਈ ਵਾਰ ਆਪਣੀ ਖਾਸ ਦੋਸਤ ਕੰਗਨਾ ਰਣੌਤ ਨੂੰ ਵੀ ਆਪਣੇ ਮਾਤਾ-ਪਿਤਾ ਨਾਲ ਮਿਲਾਇਆ ਸੀ।
ਚਿਰਾਗ ਰਾਜਨੀਤੀ ਵਿੱਚ ਆਉਣਾ ਚਾਹੁੰਦੇ ਸੀ
ਮੀਡੀਆ ਰਿਪੋਰਟਾਂ ਮੁਤਾਬਕ ਕੰਗਨਾ ਰਣੌਤ ਕਈ ਵਾਰ ਚਿਰਾਗ ਪਾਸਵਾਨ ਦੇ ਘਰ ਜਾ ਚੁੱਕੀ ਹੈ ਅਤੇ ਉਨ੍ਹਾਂ ਦੇ ਮਾਤਾ-ਪਿਤਾ ਨਾਲ ਸਮਾਂ ਬਿਤਾਇਆ ਹੈ। ਹਾਲਾਂਕਿ ਬਾਅਦ 'ਚ ਅਚਾਨਕ ਦੋਹਾਂ ਵਿਚਾਲੇ ਦੂਰੀ ਵਧਣ ਲੱਗੀ। ਜਦੋਂ ਕੰਗਨਾ ਬਾਲੀਵੁੱਡ ਵਿੱਚ ਆਪਣੀ ਸ਼ੁਰੂਆਤ ਕਰ ਰਹੀ ਸੀ, ਚਿਰਾਗ ਆਪਣੇ ਪਿਤਾ ਦੇ ਨਾਲ ਰਾਜਨੀਤੀ ਵਿੱਚ ਆਉਣ ਦੀ ਤਿਆਰੀ ਕਰ ਰਹੇ ਸੀ।
ਚਿਰਾਗ ਪਾਸਵਾਨ ਅਤੇ ਕੰਗਨਾ ਰਣੌਤ ਦੀ ਜਿੱਤ
ਤੁਹਾਨੂੰ ਦੱਸ ਦੇਈਏ ਕਿ ਲੋਕ ਸਭਾ ਚੋਣਾਂ 2024 ਜਿੱਤਣ ਤੋਂ ਬਾਅਦ ਹੁਣ ਚਿਰਾਗ ਪਾਸਵਾਨ ਅਤੇ ਕੰਗਨਾ ਰਣੌਤ ਕਈ ਸਾਲਾਂ ਬਾਅਦ ਸੰਸਦ ਦੇ ਬਾਹਰ ਇੱਕ ਵਾਰ ਫਿਰ ਆਹਮੋ-ਸਾਹਮਣੇ ਸਨ। ਦੋਵਾਂ ਨੇ ਇੱਕ ਦੂਜੇ ਨੂੰ ਚੋਣ ਜਿੱਤਣ ਦੀ ਵਧਾਈ ਦਿੱਤੀ ਅਤੇ ਇੱਕ ਦੂਜੇ ਨੂੰ ਜੱਫੀ ਵੀ ਪਾਈ।
ਹੁਣ ਕੈਬਨਿਟ ਮੰਤਰੀ ਬਣੇ ਚਿਰਾਗ ਪਾਸਵਾਨ ਸੋਸ਼ਲ ਮੀਡੀਆ 'ਤੇ ਹਾਵੀ ਹਨ। ਚਿਰਾਗ ਪਾਸਵਾਨ ਬਿਹਾਰ ਦੇ ਹੋਨਹਾਰ ਨੌਜਵਾਨ ਨੇਤਾਵਾਂ ਵਿੱਚ ਗਿਣੇ ਜਾਂਦੇ ਹਨ। ਲੋਕ ਜਨਸ਼ਕਤੀ ਪਾਰਟੀ (ਐਲਜੇਪੀ) ਦੇ ਪ੍ਰਧਾਨ ਚਿਰਾਗ ਪਾਸਵਾਨ ਲੋਕਾਂ ਵਿੱਚ ਕਾਫ਼ੀ ਮਸ਼ਹੂਰ ਹਨ। ਜਦੋਂ ਤੋਂ ਚਿਰਾਗ ਪਾਸਵਾਨ 2024 ਦੀਆਂ ਲੋਕ ਸਭਾ ਚੋਣਾਂ ਜਿੱਤੇ ਹਨ, ਉਦੋਂ ਤੋਂ ਹੀ ਉਹ ਸੁਰਖੀਆਂ ਵਿੱਚ ਹਨ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
