Lal Singh Chaddha: ਆਮਿਰ ਖਾਨ ਦੀ ਲਾਲ ਸਿੰਘ ਚੱਢਾ 'ਤੇ ਕੇਆਰਕੇ ਨੇ ਕਸਿਆ ਤੰਜ, ਸੋਸ਼ਲ ਮੀਡੀਆ 'ਤੇ ਫੈਨਜ਼ ਨੇ ਇੰਝ ਲਾਈ ਕਲਾਸ
Lal Singh Chaddha trailer review: ਬਾਲੀਵੁੱਡ ਸੁਪਰਸਟਾਰ ਅਦਾਕਾਰ ਆਮਿਰ ਖਾਨ (Aamir Khan) ਦੀ ਮੋਸਟ ਵਾਂਟੇਡ ਫਿਲਮ ਲਾਲ ਸਿੰਘ ਚੱਢਾ (Lal Singh Chaddha) ਦਾ ਟ੍ਰੇਲਰ 29 ਮਈ ਨੂੰ ਰਿਲੀਜ਼ ਹੋ ਗਿਆ ਹੈ।
Lal Singh Chaddha trailer review: ਬਾਲੀਵੁੱਡ ਸੁਪਰਸਟਾਰ ਅਦਾਕਾਰ ਆਮਿਰ ਖਾਨ (Aamir Khan) ਦੀ ਮੋਸਟ ਵਾਂਟੇਡ ਫਿਲਮ ਲਾਲ ਸਿੰਘ ਚੱਢਾ (Lal Singh Chaddha) ਦਾ ਟ੍ਰੇਲਰ 29 ਮਈ ਨੂੰ ਰਿਲੀਜ਼ ਹੋ ਗਿਆ ਹੈ। ਇਸ ਫਿਲਮ ਦੇ ਟ੍ਰੇਲਰ ਦਾ ਫੈਨਜ਼ ਕਾਫੀ ਸਮੇਂ ਤੋਂ ਇੰਤਜ਼ਾਰ ਕਰ ਰਹੇ ਸਨ। ਅਜਿਹੇ 'ਚ ਖੁਦ ਨੂੰ ਫਿਲਮ ਆਲੋਚਕ ਦੱਸਣ ਵਾਲੇ ਬਾਲੀਵੁੱਡ ਅਦਾਕਾਰ ਕਮਾਲ ਆਰ ਖਾਨ (Kamaal R Khan) ਆਮਿਰ ਅਤੇ ਕਰੀਨਾ ਕਪੂਰ ਖਾਨ ਦੀ ਇਸ ਫਿਲਮ 'ਤੇ ਆਪਣੀ ਪ੍ਰਤੀਕਿਰਿਆ ਦੇਣ ਤੋਂ ਕਿਵੇਂ ਪਿੱਛੇ ਹਟ ਸਕਦੇ ਹਨ। ਹਾਲਾਂਕਿ ਆਪਣੀ ਇਸ ਪ੍ਰਤੀਕਿਰਿਆ ਕਾਰਨ ਉਹ ਫੈਨਜ਼ ਦੇ ਨਿਸ਼ਾਨੇ 'ਤੇ ਹਨ।
ਲਾਲ ਸਿੰਘ ਚੱਢਾ ਦੇ ਟ੍ਰੇਲਰ 'ਤੇ ਕਮਾਲ ਆਰ ਖਾਨ ਦਾ ਰੀਵਿਊ
ਆਈਪੀਐਲ 2022 ਦੇ ਫਾਈਨਲ ਦੌਰਾਨ ਐਤਵਾਰ ਦੇਰ ਰਾਤ ਜਦੋਂ ਲਾਲ ਸਿੰਘ ਚੱਢਾ ਦਾ ਟ੍ਰੇਲਰ ਰਿਲੀਜ਼ ਹੋਇਆ, ਤਾਂ ਇਸ ਦੇ ਤੁਰੰਤ ਬਾਅਦ ਹੀ ਇਹ ਸੋਸ਼ਲ ਮੀਡੀਆ 'ਤੇ ਟ੍ਰੈਂਡ ਕਰਨ ਲੱਗਾ। ਅਜਿਹੇ 'ਚ ਟਰੇਲਰ ਨੂੰ ਦੇਖ ਕੇ ਲੋਕਾਂ ਨੇ ਇਸ 'ਤੇ ਪ੍ਰਤੀਕਿਰਿਆਵਾਂ ਦੇਣੀਆਂ ਸ਼ੁਰੂ ਕਰ ਦਿੱਤੀਆਂ ਹਨ। ਇਸ ਦੌਰਾਨ ਕਮਾਲ ਆਰ ਖਾਨ ਨੇ ਆਮਿਰ ਅਤੇ ਕਰੀਨਾ ਦੀ ਇਸ ਫਿਲਮ ਦੇ ਟ੍ਰੇਲਰ ਦੀ ਸਮੀਖਿਆ ਕਰਦੇ ਹੋਏ ਟਵੀਟ ਕੀਤਾ ਹੈ। ਕਮਾਲ ਆਰ ਖਾਨ ਨੇ ਫਿਲਮ 'ਤੇ ਤੰਜ ਕਸਦੇ ਹੋਏ ਲਿਖਿਆ ਕਿ ਆਮਿਰ ਖਾਨ ਅਤੇ ਕਰੀਨਾ ਖਾਨ ਬੁੱਢੇ ਹੋ ਗਏ ਹਨ। ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਦੱਸਿਆ ਹੈ ਕਿ ਉਹਨਾਂ ਨੂੰ 18 ਸਾਲ ਦੇ ਬੱਚਿਆਂ ਦੀ ਭੂਮਿਕਾ ਨਿਭਾਉਂਦੇ ਕਿਸ ਤਰ੍ਹਾਂ ਦੇਖਿਆ ਜਾ ਸਕਦਾ ਹੈ। ਉਨ੍ਹਾਂ ਨੂੰ ਫੈਨਜ਼ ਨਾਲ ਇਹ ਮਜ਼ਾਕ ਕਰਨ ਤੋਂ ਪਹਿਲਾਂ ਯਾਦ ਰੱਖਣਾ ਚਾਹੀਦਾ ਹੈ ਕਿ ਦੋਵਾਂ ਅਦਾਕਾਰਾਂ ਦੇ ਬੱਚੇ ਵਿਆਹ ਦੇ ਯੋਗ ਹੋ ਗਏ ਹਨ। ਇਸ ਤਰ੍ਹਾਂ ਦੇ ਕਮੈਂਟ ਕਰਨ 'ਤੇ, ਕਮਾਲ ਆਰ ਖਾਨ ਨੂੰ ਫੈਨਜ਼ ਨੇ ਘੇਰਿਆ।
How can Buddha #AamirKhan And Buddhi #KareenaKapoorKhan can play 18 years old in #LalSinghChaddha! Aamir should remember before doing this Mazaak Ki Uske Bacche Shaadi Ke Layak Ho Gaye hain. He should be ashamed to play such role even in the film. People are not going to accept.
— KRK (@kamaalrkhan) May 29, 2022
ਫੈਨਜ਼ ਨੇ ਕਮਾਲ ਆਰ ਖਾਨ ਨੂੰ ਕੀਤਾ ਟ੍ਰੋਲ
ਬਾਲੀਵੁੱਡ ਸੁਪਰਸਟਾਰ ਆਮਿਰ ਖਾਨ ਅਤੇ ਕਰੀਨਾ ਕਪੂਰ 'ਤੇ ਅਜਿਹੀਆਂ ਕਮੈਂਟਸ ਨੂੰ ਫੈਨਜ਼ ਨੇ ਬਰਦਾਸ਼ਤ ਨਹੀਂ ਕੀਤਾ ਅਤੇ ਕਮਾਲ ਆਰ ਖਾਨ ਦੀ ਜੰਮ ਕੇ ਕਲਾਸ ਲਾਈ। ਕਮਾਲ ਆਰ ਖਾਨ ਨੂੰ ਟ੍ਰੋਲ ਕਰਦੇ ਹੋਏ ਇੱਕ ਟਵਿੱਟਰ ਯੂਜ਼ਰ ਨੇ ਲਿਖਿਆ ਕਿ ਪੈਸੇ ਦੇ ਲਾਲਚ ਤੋਂ ਬਿਨਾਂ ਤੁਸੀਂ ਕਦੇ ਕਿਸੇ ਚੰਗੀ ਫਿਲਮ ਦਾ ਰਿਵਿਊ ਕੀਤਾ ਹੈ? ਦੂਜੇ ਪਾਸੇ ਇਕ ਹੋਰ ਯੂਜ਼ਰ ਨੇ ਲਿਖਿਆ ਹੈ ਕਿ ਆਮਿਰ ਅਤੇ ਕਰੀਨਾ ਬੁੱਢੇ ਨਹੀਂ ਹਨ ਸਗੋਂ ਤੁਸੀਂ ਹੋ, ਜਿਨ੍ਹਾਂ ਦੇ ਕਮੈਂਟ ਅਤੇ ਰਿਵਿਊਜ਼ ਨੂੰ ਲੋਕ ਝੇਲਦੇ ਹਨ । ਦੱਸ ਦੇਈਏ ਕਿ ਫਿਲਮ ਲਾਲ ਸਿੰਘ ਚੱਢਾ 11 ਅਗਸਤ ਨੂੰ ਰਿਲੀਜ਼ ਹੋਵੇਗੀ। ਇਸ ਫਿਲਮ ਰਾਹੀਂ ਆਮਿਰ ਖਾਨ ਲੰਬੇ ਸਮੇਂ ਬਾਅਦ ਵੱਡੇ ਪਰਦੇ 'ਤੇ ਵਾਪਸੀ ਕਰ ਰਹੇ ਹਨ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
