Pathaan Box Office Collection Day 4: 'ਪਠਾਨ' ਦੀ 200 ਕਰੋੜ ਦੇ ਕਲੱਬ 'ਚ ਐਂਟਰੀ, ਚੌਥੇ ਦਿਨ ਬਾਕਸ ਆਫਿਸ 'ਤੇ ਕਮਾਏ ਇੰਨੇ ਕਰੋੜ

ਸੁਪਰਸਟਾਰ ਸ਼ਾਹਰੁਖ ਖਾਨ ਦੀ ਫਿਲਮ 'ਪਠਾਨ' ਨੇ ਨਵੇਂ ਸਾਲ 'ਚ ਕਮਾਈ ਦੇ ਨਵੇਂ ਰਿਕਾਰਡ ਬਣਾਏ ਹਨ। ਵੀਕੈਂਡ ਤੋਂ ਠੀਕ ਇੱਕ ਦਿਨ ਪਹਿਲਾਂ 'ਪਠਾਨ' ਨੇ ਬਾਕਸ ਆਫਿਸ 'ਤੇ ਡਬਲ ਸੈਂਚੁਰੀ ਲੱਗਾ ਦਿੱਤੀ ਹੈ। 

'ਪਠਾਨ' ਦੀ 200 ਕਰੋੜ ਦੇ ਕਲੱਬ 'ਚ ਐਂਟਰੀ

Shah Rukh Khan Pathan Box Office Collection: ਹਿੰਦੀ ਸਿਨੇਮਾ ਦੇ ਦਿੱਗਜ ਅਭਿਨੇਤਾ ਸ਼ਾਹਰੁਖ ਖਾਨ (Shah Rukh Khan) ਦੀ ਮੋਸਟ ਅਵੇਟਿਡ ਫਿਲਮ 'ਪਠਾਨ' ਸਿਨੇਮਾਘਰਾਂ ਤੋਂ ਬਾਕਸ ਆਫਿਸ 'ਤੇ ਲਗਾਤਾਰ ਧਮਾਲਾਂ ਪਾ ਰਹੀ ਹੈ। ਰਿਲੀਜ਼ ਦੇ 4 ਦਿਨ ਬਾਅਦ ਵੀ 'ਪਠਾਨ' ਦਾ ਕ੍ਰੇਜ਼ ਰੁਕਣ ਦਾ ਨਾਂ ਨਹੀਂ ਲੈ ਰਿਹਾ ਹੈ, ਜਿਸ ਕਾਰਨ 'ਪਠਾਨ' ਦਾ ਬਾਕਸ ਆਫਿਸ ਕਲੈਕਸ਼ਨ ਵੀ ਤੇਜ਼ੀ ਨਾਲ ਵਧ ਰਿਹਾ ਹੈ। ਸ਼ਾਹਰੁਖ ਖਾਨ ਦੀ ਫਿਲਮ 'ਪਠਾਨ' ਦੇ ਚੌਥੇ ਦਿਨ ਦੇ ਬਾਕਸ ਆਫਿਸ ਕਲੈਕਸ਼ਨ ਦੇ ਅੰਕੜੇ ਸਾਹਮਣੇ ਆਏ ਹਨ, ਜਿਸ 'ਚ ਸਾਫ ਹੈ ਕਿ 'ਪਠਾਨ' ਨੇ 200 ਕਰੋੜ ਦੇ ਕਲੱਬ 'ਚ ਧਮਾਕੇਦਾਰ ਐਂਟਰੀ ਕਰ ਲਈ ਹੈ।  

200 ਕਰੋੜ ਦੇ ਕਲੱਬ 'ਚ 'ਪਠਾਨ'

'ਪਠਾਨ' ਨੇ ਆਪਣੀ ਰਿਲੀਜ਼ ਦੇ ਪਹਿਲੇ ਦਿਨ 55 ਕਰੋੜ ਦੀ ਸ਼ਾਨਦਾਰ ਓਪਨਿੰਗ ਹਾਸਲ ਕੀਤੀ, ਉਮੀਦ ਕੀਤੀ ਜਾ ਰਹੀ ਸੀ ਕਿ ਸ਼ਾਹਰੁਖ ਖਾਨ ਦੀ ਫਿਲਮ ਆਪਣੇ ਪਹਿਲੇ ਵੀਕੈਂਡ ਤੱਕ 200 ਕਰੋੜ ਦਾ ਜਾਦੂਈ ਅੰਕੜਾ ਪਾਰ ਕਰ ਲਵੇਗੀ। ਅਜਿਹਾ ਹੀ ਕੁਝ ਹੋਇਆ ਹੈ, ਵੀਕੈਂਡ ਤੋਂ ਠੀਕ ਇੱਕ ਦਿਨ ਪਹਿਲਾਂ 'ਪਠਾਨ' ਨੇ ਬਾਕਸ ਆਫਿਸ 'ਤੇ ਡਬਲ ਸੈਂਚੁਰੀ ਲੱਗਾ ਦਿੱਤੀ ਹੈ। 

ਬਾਕਸ ਆਫਿਸ ਇੰਡੀਆ ਦੀ ਰਿਪੋਰਟ ਮੁਤਾਬਕ 'ਪਠਾਨ' ਨੇ ਰਿਲੀਜ਼ ਦੇ ਚੌਥੇ ਦਿਨ ਬਾਕਸ ਆਫਿਸ 'ਤੇ ਕਰੀਬ 50 ਕਰੋੜ ਦਾ ਕਾਰੋਬਾਰ ਕਰ ਲਿਆ ਹੈ, ਜਿਸ ਕਾਰਨ 'ਪਠਾਨ' ਦੀ ਕੁੱਲ ਕਮਾਈ 200 ਕਰੋੜ ਨੂੰ ਪਾਰ ਕਰ ਗਈ ਹੈ। ਅਜਿਹੇ 'ਚ ਇਹ ਸਾਫ ਹੈ ਕਿ ਕਿੰਗ ਖਾਨ ਦੀ ਜਨਮਦਿਨ 'ਤੇ ਵਾਪਸੀ ਕਾਫੀ ਜ਼ੋਰਦਾਰ ਰਹੀ ਹੈ। ਆਉਣ ਵਾਲੇ ਸਮੇਂ 'ਚ ਹੁਣ ਸਭ ਦੀਆਂ ਨਜ਼ਰਾਂ ਇਸ 'ਤੇ ਹੋਣਗੀਆਂ ਕਿ 'ਪਠਾਨ' ਕਿੰਨੀ ਜਲਦੀ 300 ਕਰੋੜ ਦਾ ਅੰਕੜਾ ਪਾਰ ਕਰਦੀ ਹੈ।

ਸੁਪਰਸਟਾਰ ਸ਼ਾਹਰੁਖ ਖਾਨ (Shah Rukh Khan) ਦੀ ਫਿਲਮ 'ਪਠਾਨ' ਨੇ ਨਵੇਂ ਸਾਲ 'ਚ ਕਮਾਈ ਦੇ ਨਵੇਂ ਰਿਕਾਰਡ ਬਣਾਏ ਹਨ। ਬਾਲੀਵੁੱਡ ਫਿਲਮਾਂ ਲਈ ਬੀਤਿਆ ਸਾਲ ਬਹੁਤਾ ਚੰਗਾ ਨਹੀਂ ਲੰਘਿਆ ਸੀ ਪਰ 'ਪਠਾਨ' ਨੇ ਨਵੇਂ ਸਾਲ ਦੀ ਸ਼ੁਰੂਆਤ 'ਚ ਹੀ ਸਾਰੇ ਰਿਕਾਰਡ ਤੋੜ ਦਿੱਤੇ ਹਨ।  'ਪਠਾਨ' ਦੇ ਕੁੱਲ ਬਾਕਸ ਆਫਿਸ ਕਲੈਕਸ਼ਨ ਦੀ ਗੱਲ ਕਰੀਏ ਤਾਂ 'ਪਠਾਨ' ਨੇ ਪਹਿਲੇ ਦਿਨ 55 ਕਰੋੜ, ਦੂਜੇ ਦਿਨ 68 ਕਰੋੜ, ਤੀਜੇ ਦਿਨ 38 ਕਰੋੜ ਅਤੇ ਹੁਣ ਚੌਥੇ ਦਿਨ 50 ਕਰੋੜ ਦਾ ਕਾਰੋਬਾਰ ਕਰ ਲਿਆ ਹੈ। ਹੁਣ ਤੱਕ ਪਠਾਨ ਦੀ ਕੁੱਲ ਬਾਕਸ ਆਫਿਸ ਕਲੈਕਸ਼ਨ 211 ਕਰੋੜ ਹੋ ਗਈ ਹੈ।