ਰੀਆ ਦੀ ਵ੍ਹੱਟਸਐਪ ਚੈਟ ਵਾਇਰਲ, ਕਈ ਰਾਜ਼ਾਂ ਤੋਂ ਉੱਠਿਆ ਪਰਦਾ

Rhea Chakraborty Whatsapp Messages: ਰੀਆ ਚੱਕਰਵਰਤੀ ਤੇ ਮਹੇਸ਼ ਭੱਟ ਦੀ ਵ੍ਹੱਟਸਐਪ ਚੈਟ ਤੋਂ ਸਾਫ਼ ਨਜ਼ਰ ਆ ਰਿਹਾ ਹੈ ਕਿ ਉਹ ਸੁਸ਼ਾਂਤ ਸਿੰਘ ਰਾਜਪੂਤ ਨਾਲ ਖੁਸ਼ ਨਹੀਂ ਸੀ ਤੇ ਉਸ ਨੇ ਮਹੇਸ਼ ਭੱਟ ਦੇ ਕਹਿਣ ‘ਤੇ ਹੀ ਰਿਸ਼ਤੇ ਨੂੰ ਖ਼ਤਮ ਕੀਤਾ ਸੀ।

ਮੁੰਬਈ: ਐਕਟਰ ਸੁਸ਼ਾਂਤ ਸਿੰਘ ਰਾਜਪੂਤ 14 ਜੂਨ ਨੂੰ ਆਪਣੇ ਫਲੈਟ ਵਿੱਚ ਮ੍ਰਿਤਕ ਪਾਇਆ ਗਿਆ। ਇਸ ਤੋਂ ਪਹਿਲਾਂ 8 ਜੂਨ ਨੂੰ ਰੀਆ ਚੱਕਰਵਰਤੀ ਉਸ ਦਾ ਘਰ ਛੱਡ ਗਈ ਸੀ ਪਰ ਹੁਣ ਰੀਆ ਚੱਕਰਵਰਤੀ ਤੇ ਮਹੇਸ਼ ਭੱਟ ਦੀ ਵ੍ਹੱਟਸਐਪ ਚੈਟ ਵਾਇਰਲ ਹੋ ਰਿਹਾ ਹੈ ਜੋ ਵੱਖਰੀ ਹੀ ਕਹਾਣੀ ਬਿਆਨ ਕਰ ਰਹੀ ਹੈ। ਇਹ ਚੈਟ 8 ਜੂਨ ਦੀ ਹੈ। ਚੈਟ ਤੋਂ ਅਜਿਹੀਆਂ ਅਟਕਲਾਂ ਹਨ ਕਿ ਰੀਆ ਖ਼ੁਦ ਸੁਸ਼ਾਂਤ ਤੋਂ ਵੱਖ ਹੋ ਗਈ ਸੀ।

ਦੋਵਾਂ ਦੀ ਚੈਟ ‘ਚ ਰੀਆ ਨੇ ਮਹੇਸ਼ ਭੱਟ ਨੂੰ ਕਿਹਾ, 'ਆਇਸ਼ਾ ਹੁਣ ਭਾਰੀ ਦਿਲ ਤੇ ਰਾਹਤ ਦੀ ਸਾਹ ਨਾਲ ਅੱਗੇ ਵਧ ਰਹੀ ਹੈ। ਸਾਡੀ ਆਖ਼ਰੀ ਕਾਲ ਅੱਖਾਂ ਖੋਲ੍ਹਣ ਵਾਲੀ ਸੀ। ਤੁਸੀਂ ਮੇਰੇ ਫਰਿਸ਼ਤਾ ਹੋ ਤੁਸੀਂ ਉਦੋਂ ਵੀ ਮੇਰੇ ਨਾਲ ਸੀ। ਅੱਜ ਵੀ ਮੇਰੇ ਨਾਲ ਹੋ।“

ਇਸ ‘ਤੇ ਮਹੇਸ਼ ਭੱਟ ਨੇ ਰੀਆ ਨੂੰ ਜਵਾਬ ਦਿੰਦੇ ਹੋਏ ਲਿਖਿਆ, 'ਹੁਣ ਪਿੱਛੇ ਮੁੜ ਕੇ ਨਾ ਦੇਖਣਾ। ਆਪਣੇ ਪਿਤਾ ਨੂੰ ਮੇਰਾ ਪਿਆਰ ਦਿਓ। ਹੁਣ ਉਹ ਬਹੁਤ ਖੁਸ਼ ਹੋਣਗੇ।“ ਮਹੇਸ਼ ਭੱਟ ਵੱਲੋਂ ਰੀਆ ਦੇ ਪਿਤਾ ਦੀ ਗੱਲ ਕਰਨ ਤੋਂ ਪਤਾ ਲੱਗਦਾ ਹੈ ਕਿ ਉਸ ਦੇ ਪਿਤਾ ਇਸ ਰਿਸ਼ਤੇ ਤੋਂ ਖੁਸ਼ ਨਹੀਂ ਸੀ।

ਇੱਕ ਮੈਸੇਜ ਵਿੱਚ ਰੀਆ ਨੇ ਮਹੇਸ਼ ਭੱਟ ਨੂੰ ਲਿਖਿਆ, "ਤੁਸੀਂ ਮੈਨੂੰ ਫਿਰ ਆਜ਼ਾਦ ਕਰ ਦਿੱਤਾ ਹੈ, ਤੁਸੀਂ ਮੇਰੇ ਜੀਵਨ ਦੇ ਰੱਬ ਵਰਗੇ ਹੋ।" ਇਸ ਦੇ ਨਾਲ ਹੀ ਮਹੇਸ਼ ਭੱਟ ਵੀ ਰੀਆ ਨੂੰ ਆਪਣੀ ਧੀ ਵਾਂਗ ਦੱਸ ਰਿਹਾ ਹੈ ਤੇ ਸ਼ਲਾਘਾ ਕਰ ਰਿਹਾ ਹੈ ਕਿ ਉਸ ਨੇ ਇੰਨੀ ਹਿੰਮਤ ਦਿਖਾਈ।

ਵੇਖੋ ਦੋਵਾਂ ਦੀ ਵਾਇਰਲ ਚੈਟ- ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ: https://play.google.com/store/apps/details?id=com.winit.starnews.hin https://apps.apple.com/in/app/abp-live-news/id811114904