‘ਸੂਰਮਾ' ਲਈ ਸੰਦੀਪ ਨੇ ਕੀਤਾ ਟੀਮ ਦਾ ਧੰਨਵਾਦ

ਚੰਡੀਗੜ੍ਹ: ਪਾਲੀਵੁੱਡ ਵਿੱਚ ਆਏ ਦਿਨ ਵੱਖ-ਵੱਖ ਮੁੱਦਿਆਂ ‘ਤੇ ਫ਼ਿਲਮਾਂ ਬਣ ਰਹੀਆਂ ਹਨ। ਹੁਣ ਜਿਸ ਮੂਵੀ ਦੀ ਗੱਲ ਕਰ ਰਹੇ ਹਾਂ ਉਹ ਸੁਰਖੀਆਂ ‘ਚ ਕਾਫੀ ਪਹਿਲਾਂ ਤੋਂ ਹੈ। ਉਹ ਫ਼ਿਲਮ ਹੈ ‘ਸੂਰਮਾ’ ਜੋ ਹਾਕੀ ਦੇ ਖਿਡਾਰੀ ਸੰਦੀਪ ਸਿੰਘ ਦੀ ਜਿੰਦਗੀ ‘ਤੇ ਬਣੀ ਹੈ। ਸੰਦੀਪ ਨੇ ਕਈ ਵਾਰ ਇੰਡੀਆ ਦਾ ਨਾਂ ਉੱਚਾ ਕੀਤਾ ਹੈ। ਹਾਲ ਹੀ ‘ਚ ਸੰਦੀਪ ਲੰਡਨ ਗਏ ਜਿੱਥੇ ਉਨ੍ਹਾਂ ਨੇ ਸੋਨੀ ਪਿਕਚਰਜ਼, ਚਿੱਤਰਾਂਗਧਾ ਸਿੰਘ, ਦਿਲਜੀਤ ਦੋਸਾਂਝ ਤੇ ਤਾਪਸੀ ਪਨੂੰ ਦਾ ਧੰਨਵਾਦ ਕੀਤਾ। 'ਸੂਰਮਾ' ਬਾਈਓਪਿਕ ਫ਼ਿਲਮ ਹੈ ਜਿਸ ‘ਚ ਸੰਦੀਪ ਦਾ ਰੋਲ ਦਿਲਜੀਤ ਨੇ ਨਿਭਾਇਆ ਹੈ। ਇਸ ਮੂਵੀ ਨੂੰ ਡਾਇਰੈਕਟ ਕੀਤਾ ਹੈ ਸਾਧ ਅਲੀ ਨੇ। ਸੰਦੀਪ ਹਾਕੀ ਟੀਮ ਦਾ ਮਹਾਨ ਖਿੜਾਰੀ ਤੇ ਟੀਮ ਦਾ ਸਾਬਕਾ ਕਪਤਾਨ ਹੈ ਜਿਸ ਦੀ ਕਹਾਣੀ ਅੱਜ ਵੀ ਖਿਡਾਰੀਆਂ ਨੂੰ ਪ੍ਰੋਤਸਾਹਿਤ ਕਰਦੀ ਹੈ। ਆਪਣੇ ਜਿੰਦਗੀ ਨੂੰ ਸਿਲਵਰ ਸਕਰੀਨ ‘ਤੇ ਦਿਖਾਉਣ ਲਈ ਸੰਦੀਪ ਨੇ ਸੋਸ਼ਲ ਮੀਡੀਆ ਰਾਹੀਂ ਟੀਮ ਦਾ ਧੰਨਵਾਦ ਕੀਤਾ ਤੇ ਪੋਸਟ ਨੂੰ ਸ਼ੇਅਰ ਕੀਤਾ। ਸੰਦੀਪ ਸਿੰਘ ਟੀਮ ਦਾ ਸਭ ਤੋਂ ਖਤਰਨਾਕ ਡ੍ਰੈਗ-ਫਲਿਕਰ ਸੀ, ਉਸ ਦੀ ਡ੍ਰੈਗ ਦੀ ਸਪੀਡ 145 Km/Hr ਸੀ। ਇਸ ਕਰਕੇ ਉਸ ਨੂੰ ‘ਫਲਿਕਰ ਸਿੰਘ’ ਵੀ ਕਿਹਾ ਜਾਂਦਾ ਹੈ। ਸੰਦੀਪ ਨੇ ਭਾਰਤ ਦੀ 2012 ਲੰਦਨ ਓਲੰਪਿਕ ‘ਚ ਅਗਵਾਈ ਕੀਤੀ ਤੇ ਸਭ ਤੋਂ ਵੱਧ ਗੋਲ ਕਰਨ ਵਾਲਾ ਖਿਡਾਰੀ ਬਣਿਆ। [embed] ਫ਼ਿਲਮ 29 ਜੂਨ ਨੂੰ ਰਿਲੀਜ਼ ਹੋਵੇਗੀ ਤੇ ਉਮੀਦ ਹੈ ਕਿ ਦਿਲਜੀਤ ਦੀ ਕੀਤੀ ਮਿਹਨਤ ਤੇ ਸੰਦੀਪ ਦੀ ਕਹਾਣੀ ਲੋਕਾਂ ਨੂੰ ਪਸੰਦ ਆਵੇ ਤੇ ਫ਼ਿਲਮ ਬਲਾਕਬਸਟਰ ਸਾਬਤ ਹੋਵੇ।