Gadar 2: ਨਫਰਤ ਕਰਨ ਵਾਲੇ ਵੀ ਨਹੀਂ ਘਟਾ ਸਕੇ 'ਗਦਰ 2' ਦਾ ਕ੍ਰੇਜ਼, ਸੰਨੀ ਦਿਓਲ ਨੇ ਫਿਲਮ ਦੀ ਸਫਲਤਾ 'ਤੇ ਦਿੱਤਾ ਰਿਐਕਸ਼ਨ
Sunny Deol On Gadar 2: ਬਾਲੀਵੁੱਡ ਅਦਾਕਾਰ ਸੰਨੀ ਦਿਓਲ ਇਨ੍ਹੀਂ ਦਿਨੀਂ 'ਗਦਰ 2' ਦੀ ਸਫਲਤਾ ਦਾ ਆਨੰਦ ਮਾਣ ਰਹੇ ਹਨ। ਇਸ ਵਾਰ ਫਿਰ ਤਾਰਾ ਸਿੰਘ ਦੇ ਰੂਪ 'ਚ ਵਾਪਸੀ ਕਰਨ ਵਾਲੇ ਸੰਨੀ ਦਿਓਲ ਆਪਣੇ ਦਮਦਾਰ ਐਕਸ਼ਨ ਸੀਨਜ਼ ਨਾਲ
Sunny Deol On Gadar 2: ਬਾਲੀਵੁੱਡ ਅਦਾਕਾਰ ਸੰਨੀ ਦਿਓਲ ਇਨ੍ਹੀਂ ਦਿਨੀਂ 'ਗਦਰ 2' ਦੀ ਸਫਲਤਾ ਦਾ ਆਨੰਦ ਮਾਣ ਰਹੇ ਹਨ। ਇਸ ਵਾਰ ਫਿਰ ਤਾਰਾ ਸਿੰਘ ਦੇ ਰੂਪ 'ਚ ਵਾਪਸੀ ਕਰਨ ਵਾਲੇ ਸੰਨੀ ਦਿਓਲ ਆਪਣੇ ਦਮਦਾਰ ਐਕਸ਼ਨ ਸੀਨਜ਼ ਨਾਲ ਦਰਸ਼ਕਾਂ ਦਾ ਦਿਲ ਜਿੱਤ ਰਹੇ ਹਨ। ਇਸ ਫਿਲਮ ਨੂੰ ਲੈ ਕੇ ਪ੍ਰਸ਼ੰਸਕਾਂ 'ਚ ਇੰਨਾ ਜ਼ਿਆਦਾ ਕ੍ਰੇਜ਼ ਹੈ ਕਿ ਸਿਰਫ ਦੋ ਦਿਨਾਂ 'ਚ 83 ਕਰੋੜ ਦੀ ਕਮਾਈ ਕਰਕੇ ਇਹ ਫਿਲਮ ਸੰਨੀ ਦਿਓਲ ਦੇ ਕਰੀਅਰ ਦੀ ਸਭ ਤੋਂ ਜ਼ਿਆਦਾ ਕਮਾਈ ਕਰਨ ਵਾਲੀ ਫਿਲਮ ਬਣ ਗਈ ਹੈ। ਹੁਣ ਇਸ ਫਿਲਮ ਨੂੰ ਲੈ ਕੇ ਸੰਨੀ ਦਿਓਲ ਦੀ ਪਹਿਲੀ ਪ੍ਰਤੀਕਿਰਿਆ ਸਾਹਮਣੇ ਆਈ ਹੈ। ਜਿਸ 'ਚ ਉਨ੍ਹਾਂ ਦੱਸਿਆ ਕਿ ਉਨ੍ਹਾਂ ਨੂੰ ਇਸ ਫਿਲਮ ਤੋਂ ਬਹੁਤੀਆਂ ਉਮੀਦਾਂ ਨਹੀਂ ਸੀ।
'ਕਦੇ ਨਹੀਂ ਸੋਚਿਆ ਸੀ ਕਿ ਮੈਨੂੰ ਇੰਨਾ ਪਿਆਰ ਮਿਲੇਗਾ'
ਗਦਰ 2 ਦੀ ਸਫਲਤਾ ਤੋਂ ਸੰਨੀ ਦਿਓਲ ਬੇਹੱਦ ਖੁਸ਼ ਹਨ। ਅਭਿਨੇਤਾ ਨੇ ਇਸ ਫਿਲਮ ਦੀ ਸਫਲਤਾ ਦਾ ਅੰਦਾਜ਼ਾ ਵੀ ਨਹੀਂ ਲਗਾਇਆ ਸੀ। ਹਾਲ ਹੀ 'ਚ ਟਾਈਮਜ਼ ਨਾਓ ਨਾਲ ਗੱਲਬਾਤ ਦੌਰਾਨ ਆਪਣਾ ਅਨੁਭਵ ਸਾਂਝਾ ਕਰਦੇ ਹੋਏ ਉਨ੍ਹਾਂ ਨੇ ਕਿਹਾ, 'ਮੈਂ ਸੱਚਮੁੱਚ ਬਹੁਤ ਖੁਸ਼ ਹਾਂ। ਜਦੋਂ ਅਸੀਂ ਗਦਰ ਦਾ ਦੂਜਾ ਭਾਗ ਬਣਾਇਆ ਸੀ ਤਾਂ ਅਸੀਂ ਕਦੇ ਨਹੀਂ ਸੋਚਿਆ ਸੀ ਕਿ ਇਸ ਨੂੰ ਦਰਸ਼ਕਾਂ ਦਾ ਇੰਨਾ ਪਿਆਰ ਮਿਲੇਗਾ। 'ਗਦਰ' ਤੋਂ ਬਾਅਦ ਦੋ ਪੀੜ੍ਹੀਆਂ ਬੀਤ ਗਈਆਂ ਹਨ ਅਤੇ ਲੋਕ ਅਜੇ ਵੀ ਓਨੇ ਹੀ ਉਤਸ਼ਾਹਿਤ ਹਨ। ਜਿੰਨੇ ਪਹਿਲੀ ਫਿਲਮ ਲਈ ਸਨ। ਮੈਂ ਬਹੁਤ ਹੈਰਾਨ ਵੀ ਹਾਂ ਅਤੇ ਖੁਸ਼ ਵੀ। ਫਿਲਮ ਇੰਡਸਟਰੀ ਨੂੰ ਕਾਇਮ ਰੱਖਣ ਲਈ ਸਾਨੂੰ ਕੁਝ ਹਿੱਟ ਫਿਲਮਾਂ ਦੀ ਲੋੜ ਹੈ।''
'ਮੈਂ ਨਹੀਂ ਸੋਚਦਾ ਕਿ ਮੇਰੀ ਉਮਰ ਕਿੰਨੀ ਹੈ'
ਜਦੋਂ ਸੰਨੀ ਦਿਓਲ ਨੂੰ ਉਨ੍ਹਾਂ ਦੀ ਉਮਰ ਬਾਰੇ ਪੁੱਛਿਆ ਗਿਆ ਤਾਂ ਉਨ੍ਹਾਂ ਕਿਹਾ, 'ਮੈਨੂੰ ਨਹੀਂ ਪਤਾ। ਮੈਂ ਇਸ ਬਾਰੇ ਨਹੀਂ ਸੋਚਦਾ ਕਿ ਮੇਰੀ ਉਮਰ ਕਿੰਨੀ ਹੈ। ਮੈਂ ਇਹ ਕਦੇ ਨਹੀਂ ਕੀਤਾ। ਮੈਂ ਆਪਣੀ ਉਮਰ ਦੀ ਪਰਵਾਹ ਕੀਤੇ ਬਿਨਾਂ ਹਮੇਸ਼ਾ ਆਪਣੀ ਪੂਰੀ ਤਾਕਤ ਨਾਲ ਕੰਮ ਕੀਤਾ ਹੈ।
ਦੱਸ ਦੇਈਏ ਕਿ ਗਦਰ 2 ਨੇ ਸਿਰਫ 2 ਦਿਨਾਂ ਵਿੱਚ 83 ਕਰੋੜ ਦੀ ਕਮਾਈ ਕਰ ਲਈ ਹੈ। ਫਿਲਮ ਨੇ ਜਿੱਥੇ ਪਹਿਲੇ ਦਿਨ ਹੀ 40 ਕਰੋੜ ਰੁਪਏ ਦਾ ਅੰਕੜਾ ਪਾਰ ਕਰ ਲਿਆ ਸੀ, ਉਥੇ ਹੀ ਦੂਜੇ ਦਿਨ ਫਿਲਮ ਨੇ 43 ਕਰੋੜ ਰੁਪਏ ਦਾ ਅੰਕੜਾ ਪਾਰ ਕਰ ਲਿਆ ਅਤੇ ਸੰਨੀ ਦਿਓਲ ਦੇ ਕਰੀਅਰ ਦੀ ਸਭ ਤੋਂ ਵੱਧ ਕਮਾਈ ਕਰਨ ਵਾਲੀ ਫਿਲਮ ਬਣ ਗਈ। ਇਸ ਦੇ ਨਾਲ ਹੀ ਫਿਲਮ ਨੂੰ ਇਸ ਲੰਬੇ ਵੀਕੈਂਡ ਤੋਂ ਵੀ ਕਾਫੀ ਉਮੀਦਾਂ ਹਨ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
