Karan Aujla: 100 ਕਰੋੜ ਜਾਇਦਾਦ, ਦੁਬਈ ਤੇ ਕੈਨੇਡਾ 'ਚ ਘਰ, ਰੋਲਜ਼ ਰਾਇਸ ਕਾਰਾਂ, ਸ਼ਾਨੋ ਸ਼ੌਕਤ ਵਾਲੀ ਜ਼ਿੰਦਗੀ ਜਿਉਂਦਾ ਹੈ ਕਰਨ ਔਜਲਾ
Karan Aujla Birthday: ਕਰਨ ਔਜਲਾ ਅੱਜ ਯਾਨਿ 18 ਜਨਵਰੀ ਨੂੰ ਆਪਣਾ 27ਵਾਂ ਜਨਮਦਿਨ ਮਨਾ ਰਿਹਾ ਹੈ। ਕਰਨ ਨੇ ਆਪਣਾ 27ਵਾਂ ਜਨਮਦਿਨ ਬੜੀ ਹੀ ਸਾਦਗੀ ਨਾਲ ਸੈਲੀਬ੍ਰੇਟ ਕੀਤਾ।
ਅਮੈਲੀਆ ਪੰਜਾਬੀ ਦੀ ਰਿਪੋਰਟ
Karan Aujla Birthday Special: ਕਰਨ ਔਜਲਾ ਅੱਜ ਦੀ ਡੇਟ 'ਚ ਪੰਜਾਬੀ ਇੰਡਸਟਰੀ ਦਾ ਟੌਪ ਗਾਇਕ ਹੈ। ਉਹ ਅੱਜ ਯਾਨਿ 18 ਜਨਵਰੀ ਨੂੰ ਆਪਣਾ 27ਵਾਂ ਜਨਮਦਿਨ ਮਨਾ ਰਿਹਾ ਹੈ। ਕਰਨ ਨੇ ਆਪਣਾ 27ਵਾਂ ਜਨਮਦਿਨ ਬੜੀ ਹੀ ਸਾਦਗੀ ਨਾਲ ਸੈਲੀਬ੍ਰੇਟ ਕੀਤਾ। ਉਸ ਨੇ ਆਪਣੇ ਇੰਸਟਾਗ੍ਰਾਮ ਦੀ ਸਟੋਰੀ 'ਤੇ ਜਨਮਦਿਨ ਸੈਲੈਬ੍ਰੇਸ਼ਨ ਦੀਆਂ ਤਸਵੀਰਾਂ ਸ਼ੇਅਰ ਕੀਤੀਆਂ। ਉਸ ਨੇ ਕੇਕ ਦੀ ਫੋਟੋ ਸ਼ੇਅਰ ਕੀਤੀ, ਜਿਸ 'ਤੇ ਹੈੱਪੀ ਬਰਥਡੇ ਜਸਕਰਨ ਲਿਖਿਆ ਹੋਇਆ ਹੈ।
ਇਸ ਦੇ ਨਾਲ ਨਾਲ ਉਸ ਨੇ ਆਪਣੇ ਬਚਪਨ ਦੀ ਫੋਟੋ ਸ਼ੇਅਰ ਕੀਤੀ ਹੈ, ਜਿਸ ਵਿੱਚ ਉਹ ਆਪਣੀਆਂ ਭੈਣਾਂ ਤੇ ਦਾਦੀ ਦੇ ਨਾਲ ਨਜ਼ਰ ਆ ਰਿਹਾ ਹੈ। ਇਸ ਤਸਵੀਰ 'ਚ ਗਾਇਕ ਕਾਫੀ ਛੋਟਾ ਹੈ।
ਹੁਣ ਤੁਹਾਨੂੰ ਦੱਸਦੇ ਹਾਂ ਕਰਨ ਔਜਲਾ ਦੇ ਸ਼ਾਹੀ ਲਾਈਫਸਟਾਇਲ ਬਾਰੇ। ਕਰਨ ਔਜਲਾ ਪੰਜਾਬੀ ਇੰਡਸਟਰੀ ਦਾ ਟੌਪ ਗਾਇਕ ਹੈ। ਉਸ ਨੇ ਪੂਰੀ ਦੁਨੀਆ 'ਚ ਜ਼ਬਰਦਸਤ ਨਾਮ, ਸ਼ੋਹਰਤ ਤੇ ਨਾਲ ਹੀ ਬੇਸ਼ੁਮਾਰ ਦੌਲਤ ਵੀ ਕਮਾਈ ਹੈ।
ਇੱਕ ਰਿਪੋਰਟ ਦੇ ਮੁਤਾਬਕ ਸਾਲ 2023 'ਚ ਕਰਨ ਔਜਲਾ ਦੀ ਜਾਇਦਾਦ 13 ਮਿਲੀਅਨ ਡੌਲਰ ਯਾਨਿ 108 ਕਰੋੜ ਰੁਪਏ ਆਂਕੀ ਗਈ ਹੈ। ਇਸ ਦੇ ਨਾਲ ਹੀ ਕਰਨ ਔਜਲਾ ਕੋਲ ਪੰਜਾਬ, ਕੈਨੇਡਾ ਤੇ ਦੁਬਈ 'ਚ ਆਲੀਸ਼ਾਨ ਘਰ ਵੀ ਹਨ। ਔਜਲਾ ਨੇ ਪਿਛਲੇ ਸਾਲ ਹੀ ਦੁਬਈ 'ਚ ਨਵਾਂ ਖਰੀਦਿਆ ਸੀ ਅਤੇ ਆਪਣੀ ਪੂਰੀ ਫੈਮਿਲੀ ਦੇ ਨਾਲ ਦੁਬਈ ਹੀ ਸ਼ਿਫਟ ਹੋ ਗਿਆ।
ਲਗਜ਼ਰੀ ਕਾਰਾਂ ਦਾ ਸ਼ੌਕੀਨ
ਕਰਨ ਔਜਲਾ ਦੇ ਕਾਰ ਕਲੈਕਸ਼ਨ 'ਤੇ ਨਜ਼ਰ ਮਾਰੀਏ ਤਾਂ ਉਹ ਮਰਸਡੀਜ਼ ਬੈਂਜ਼, ਜੀ ਵੇਗਨ, ਲੈਂਬੋਰਗਿਨੀ ਵਰਗੀਆਂ ਕਾਰਾਂ ਦਾ ਮਾਲਕ ਹੈ। ਇਸ ਦੇ ਨਾਲ ਨਾਲ ਉਸ ਦੇ ਕੋਲ ਇੱਕ ਨਹੀਂ 2 ਰੋਲਜ਼ ਰਾਇਸ ਕਾਰਾਂ ਵੀ ਹਨ।
ਇੱਕ ਗਾਣੇ ਲਈ ਲੈਂਦਾ ਹੈ ਲੱਖਾਂ
ਦੱਸ ਦਈਏ ਕਿ ਕਰਨ ਔਜਲਾ ਇੱਕ ਗਾਣਾ ਕਰਨ ਲਈ 8-10 ਲੱਖ ਰੁਪਏ ਲੈਂਦਾ ਹੈ। ਉਸ ਦੀ ਸਾਲਾਨਾ ਆਮਦਨ ਦੀ ਗੱਲ ਕਰੀਏ ਤਾਂ ਉਹ ਸਾਲਾਨਾ ਸਾਢੇ 8 ਕਰੋੜ ਦੀ ਕਮਾਈ ਕਰਦਾ ਹੈ। ਇੱਕ ਮਹੀਨੇ 'ਚ ਔਜਲਾ 83 ਲੱਖ ਦੀ ਕਮਾਈ ਕਰਦਾ ਹੈ, ਜਦਕਿ ਇੱਕ ਦਿਨ 'ਚ ਢਾਈ ਲੱਖ ਤੋਂ ਜ਼ਿਆਦਾ ਪੈਸੇ ਕਮਾਉਂਦਾ ਹੈ।
ਕਰਨ ਔਜਲਾ ਵਰਕਫਰੰਟ
ਕਰਨ ਔਜਲਾ ਦੇ ਵਰਕਫਰੰਟ ਦੀ ਗੱਲ ਕਰੀਏ ਤਾਂ ਗਾਇਕ ਦੀ ਐਲਬਮ 'ਮੇਕਿੰਗ ਮੈਮੋਰੀਜ਼' ਨੇ ਸਾਲ 2023 'ਚ ਖੂਬ ਧਮਾਲਾਂ ਪਾਈਆਂ ਸੀ। ਇਸ ਦੇ ਨਾਲ ਨਾਲ ਕਰਨ ਔਜਲਾ ਨੇ ਆਪਣੇ ਜਨਮਦਿਨ ਮੌਕੇ ਗਾਣਾ '100 ਮਿਲੀਅਨ' ਵੀ ਰਿਲੀਜ਼ ਕੀਤਾ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
