Kiara Advani: ਕਿਆਰਾ ਅਡਵਾਨੀ ਦੀ ਫ਼ੋਟੋ ਲੈ ਰਹੇ ਪੱਤਰਕਾਰ ਨੇ ਬਜ਼ੁਰਗ ਨੂੰ ਮਾਰਿਆ ਧੱਕਾ, ਅਦਾਕਾਰਾ ਨੇ ਖਿਜ ਕੇ ਕਹੀ ਇਹ ਗੱਲ
Kiara Advani Angry On Paparazzi: ਕਿਆਰਾ ਅਡਵਾਨੀ ਦਾ ਇੱਕ ਵੀਡੀਓ ਵਾਇਰਲ ਹੋ ਰਿਹਾ ਹੈ ਜਿਸ ਵਿੱਚ ਉਹ ਪਾਪਰਾਜ਼ੀ (ਪੱਤਰਕਾਰ) 'ਤੇ ਗੁੱਸੇ ਵਿੱਚ ਨਜ਼ਰ ਆ ਰਹੀ ਹੈ। ਅਦਾਕਾਰਾ ਜਲਦ ਹੀ ਫਿਲਮ 'ਸੱਤਿਆਪ੍ਰੇਮ ਕੀ ਕਥਾ' 'ਚ ਨਜ਼ਰ ਆਵੇਗੀ।
Kiara Advani Lashes Out At Paparazzi: ਕਿਆਰਾ ਅਡਵਾਨੀ ਬਾਲੀਵੁੱਡ ਦੀਆਂ ਖੂਬਸੂਰਤ ਅਤੇ ਪ੍ਰਤਿਭਾਸ਼ਾਲੀ ਅਭਿਨੇਤਰੀਆਂ ਵਿੱਚੋਂ ਇੱਕ ਹੈ। ਸਿਧਾਰਥ ਮਲਹੋਤਰਾ ਨਾਲ ਉਸ ਦੇ ਰਿਸ਼ਤੇ ਦੀਆਂ ਖਬਰਾਂ ਵੀ ਕਾਫੀ ਚਰਚਾ 'ਚ ਹਨ। ਇਸ ਸਮੇਂ ਅਭਿਨੇਤਰੀ ਦਾ ਇੱਕ ਵੀਡੀਓ ਵਾਇਰਲ ਹੋ ਰਿਹਾ ਹੈ ਜਿਸ ਵਿੱਚ ਉਹ ਪਾਪਰਾਜ਼ੀ 'ਤੇ ਗੁੱਸੇ 'ਚ ਨਜ਼ਰ ਆ ਰਹੀ ਹੈ। ਦਰਅਸਲ ਕਿਆਰਾ ਨੇ ਵੀਰਵਾਰ ਨੂੰ ਮੁੰਬਈ ਦੇ ਜੁਹੂ 'ਚ ਭਾਰਤ ਦੀ ਆਸਕਰ ਐਂਟਰੀ 'ਛੇਲੋ ਸ਼ੋਅ' ਦੀ ਸਕ੍ਰੀਨਿੰਗ 'ਚ ਸ਼ਿਰਕਤ ਕੀਤੀ ਸੀ, ਜਿੱਥੋਂ ਨਿਕਲਦੇ ਸਮੇਂ ਕੁਝ ਕੈਮਰਾਮੈਨ ਬਜ਼ੁਰਗਾਂ ਨੂੰ ਉਨ੍ਹਾਂ ਦੀਆਂ ਫੋਟੋਆਂ ਖਿੱਚਣ ਲਈ ਧੱਕਾ ਦੇਣ ਲੱਗੇ, ਜਿਸ ਨਾਲ ਕਿਆਰਾ ਦਾ ਗੁੱਸਾ ਭੜਕ ਗਿਆ।
ਪੱਤਰਕਾਰ ਤੇ ਭੜਕੀ ਕਿਆਰਾ
ਜਦੋਂ ਕਿਆਰਾ ਅਡਵਾਨੀ ਇੱਥੋਂ ਬਾਹਰ ਆ ਰਹੀ ਸੀ ਤਾਂ ਪੌੜੀਆਂ ਕੋਲ ਖੜ੍ਹੇ ਪਾਪਰਾਜ਼ੀ ਨੇ ਉਸ ਨੂੰ ਹੌਲੀ-ਹੌਲੀ ਚੱਲਣ ਲਈ ਕਿਹਾ। ਉਸ ਨਾਲ ਗੱਲ ਕਰਦੇ ਹੋਏ ਕਿਆਰਾ ਨੇ ਕਿਹਾ, 'ਤੁਸੀਂ ਧਿਆਨ ਨਾਲ ਦੇਖੋ ਨਾ, ਥੋੜ੍ਹਾ ਧਿਆਨ ਰੱਖੋ। ਕੁੱਝ ਲੋਕਾਂ ਨੇ ਕਿਆਰਾ ਨੂੰ ਕਿਹਾ, ਕਿਰਪਾ ਕਰਕੇ ਅੱਗੇ ਵਧੋ। ਇਸ ਤੇ ਅਦਾਕਾਰਾ ਨੇ ਕਿਹਾ, "ਮੈਨੂੰ ਦੁਖ ਹੋ ਰਿਹਾ ਹੈ, ਜਿਸ ਤਰ੍ਹਾਂ ਤੁਸੀਂ ਵਿਵਹਾਰ ਕਰ ਰਹੇ ਹੋ। ਅੱਗੇ ਪਿੱਛੇ ਵੀ ਧਿਆਨ ਰੱਖੋ ਕਿ ਕੌਣ ਖੜਾ ਹੈ। ਤੁਸੀਂ ਐਵੇਂ ਕਿਉਂ ਕਰਦੇ ਹੋ?" ਕਿਆਰਾ ਦਾ ਇਹ ਵੀਡੀਓ ਸੋਸ਼ਲ ਮੀਡੀਆ ਤੇ ਕਾਫ਼ੀ ਪਸੰਦ ਕੀਤਾ ਜਾ ਰਿਹਾ ਹੈ।
View this post on Instagram
ਕਿਆਰਾ ਅਡਵਾਨੀ ਦੀਆਂ ਆਉਣ ਵਾਲੀਆਂ ਫਿਲਮਾਂ
ਤੁਹਾਨੂੰ ਦੱਸ ਦੇਈਏ ਕਿ ਕਿਆਰਾ ਅਡਵਾਨੀ ਜਲਦ ਹੀ ਕਾਰਤਿਕ ਆਰੀਅਨ ਨਾਲ ਫਿਲਮ 'ਸੱਤਿਆਪ੍ਰੇਮ ਕੀ ਕਥਾ' 'ਚ ਨਜ਼ਰ ਆਵੇਗੀ। ਇਹ ਫਿਲਮ 29 ਜੂਨ, 2023 ਨੂੰ ਰਿਲੀਜ਼ ਹੋਵੇਗੀ। ਇਸ ਤੋਂ ਪਹਿਲਾਂ ਦੋਵਾਂ ਦੀ ਜੋੜੀ 'ਭੂਲ ਭੁਲਾਇਆ 2' 'ਚ ਨਜ਼ਰ ਆਈ ਸੀ। ਅਭਿਨੇਤਰੀ ਦੀ ਫਿਲਮ 'ਗੋਵਿੰਦਾ ਨਾਮ ਮੇਰਾ' ਵੀ ਪਾਈਪਲਾਈਨ 'ਚ ਹੈ। ਇਸ ਫਿਲਮ 'ਚ ਕਿਆਰਾ ਤੋਂ ਇਲਾਵਾ ਵਿੱਕੀ ਕੌਸ਼ਲ ਅਤੇ ਭੂਮੀ ਪੇਡਨੇਕਰ ਵੀ ਨਜ਼ਰ ਆਉਣਗੇ।
ਕਿਆਰਾ ਅਡਵਾਨੀ ਇਨ੍ਹੀਂ ਦਿਨੀਂ ਆਪਣੀਆਂ ਫਿਲਮਾਂ ਤੋਂ ਜ਼ਿਆਦਾ ਸਿਧਾਰਥ ਮਲਹੋਤਰਾ ਨਾਲ ਰਿਲੇਸ਼ਨਸ਼ਿਪ ਦੀਆਂ ਖਬਰਾਂ ਨੂੰ ਲੈ ਕੇ ਚਰਚਾ 'ਚ ਹੈ। ਦੋਵੇਂ ਫਿਲਮ 'ਸ਼ੇਰ ਸ਼ਾਹ' 'ਚ ਨਜ਼ਰ ਆਏ ਸਨ। ਰਿਪੋਰਟ ਮੁਤਾਬਕ ਇਹ ਜੋੜਾ ਜਲਦ ਹੀ ਵਿਆਹ ਕਰਨ ਦੀ ਵੀ ਯੋਜਨਾ ਬਣਾ ਰਿਹਾ ਹੈ, ਹਾਲਾਂਕਿ ਉਨ੍ਹਾਂ ਵੱਲੋਂ ਕੋਈ ਅਧਿਕਾਰਤ ਬਿਆਨ ਸਾਹਮਣੇ ਨਹੀਂ ਆਇਆ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
