Leo: ਸਾਊਥ ਸਟਾਰ ਥਲਪਤੀ ਵਿਜੇ ਦੀ ਬਾਕਸ ਆਫਿਸ 'ਤੇ ਚੱਲੀ ਹਨੇਰੀ, 'ਲੀਓ' ਨੇ ਪਹਿਲੇ ਦਿਨ ਕੀਤੀ ਜ਼ਬਰਦਸਤ ਕਮਾਈ, ਸ਼ਾਹਰੁਖ ਨੂੰ ਦਿੱਤੀ ਟੱਕਰ
Leo Box Office Collection Day 1: ਥਲਪਤੀ ਵਿਜੇ ਦੀ ਫਿਲਮ ਲੀਓ ਨੇ ਪਹਿਲੇ ਹੀ ਦਿਨ ਬਾਕਸ ਆਫਿਸ 'ਤੇ ਧਮਾਲ ਮਚਾ ਦਿੱਤੀ ਹੈ। ਫਿਲਮ ਦੇ ਪਹਿਲੇ ਦਿਨ ਦਾ ਕਲੈਕਸ਼ਨ ਸਾਹਮਣੇ ਆਇਆ ਹੈ।
Leo Box Office Collection Day 1: ਥਲਪਤੀ ਵਿਜੇ ਦੀ ਫਿਲਮ 'ਲੀਓ' 19 ਅਕਤੂਬਰ ਨੂੰ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋਈ ਹੈ। ਪ੍ਰਸ਼ੰਸਕ ਇਸ ਫਿਲਮ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਸਨ। ਇਹ ਇੰਤਜ਼ਾਰ ਖਤਮ ਹੋ ਗਿਆ ਹੈ ਅਤੇ ਵਿਜੇ ਦੇ ਪ੍ਰਸ਼ੰਸਕਾਂ ਨੇ ਉਨ੍ਹਾਂ ਨੂੰ ਪਹਿਲੇ ਦਿਨ ਹੀ ਢੇਰ ਸਾਰਾ ਪਿਆਰ ਦਿੱਤਾ ਹੈ। ਫਿਲਮ ਨੇ ਬੰਪਰ ਕਮਾਈ ਕੀਤੀ ਹੈ। 'ਲਿਓ' ਇਸ ਸਾਲ ਹੁਣ ਤੱਕ ਓਪਨਿੰਗ ਡੇ 'ਤੇ ਸਾਊਥ ਇੰਡਸਟਰੀ ਦੀ ਸਭ ਤੋਂ ਵੱਧ ਕਮਾਈ ਕਰਨ ਵਾਲੀ ਫਿਲਮ ਬਣ ਗਈ ਹੈ। 'ਲੀਓ' ਨੇ ਵੀ ਦੁਨੀਆ ਭਰ ਵਿੱਚ ਸ਼ਾਨਦਾਰ ਕਲੈਕਸ਼ਨ ਕੀਤੇ ਹਨ। ਪਹਿਲੇ ਦਿਨ ਦਾ ਕਲੈਕਸ਼ਨ ਵੀ ਸਾਹਮਣੇ ਆਇਆ ਹੈ। ਆਓ ਤੁਹਾਨੂੰ ਲੀਓ ਦੇ ਪਹਿਲੇ ਦਿਨ ਦੀ ਕਲੈਕਸ਼ਨ ਬਾਰੇ ਦੱਸਦੇ ਹਾਂ।
ਇਹ ਵੀ ਪੜ੍ਹੋ; ਸਲਮਾਨ ਖਾਨ ਨੇ ਅਰਿਜੀਤ ਸਿੰਘ ਨਾਲ ਖਤਮ ਕੀਤਾ 9 ਸਾਲ ਪੁਰਾਣਾ ਝਗੜਾ, ਅਰਿਜੀਤ ਨਾਲ ਕੀਤਾ ਗਾਣੇ ਦਾ ਐਲਾਨ
ਥਲਪਥੀ ਵਿਜੇ ਦੀ 'ਲਿਓ' ਟੋਟਲ ਪੰਜ ਭਾਸ਼ਾਵਾਂ ਵਿੱਚ ਰਿਲੀਜ਼ ਹੋ ਚੁੱਕੀ ਹੈ। ਫਿਲਮ ਨੂੰ ਤਾਮਿਲ, ਤੇਲਗੂ, ਕੰਨੜ, ਮਲਿਆਲਮ ਅਤੇ ਹਿੰਦੀ ਵਿੱਚ ਰਿਲੀਜ਼ ਕੀਤਾ ਗਿਆ ਹੈ। ਵਿਜੇ ਹਮੇਸ਼ਾ ਹੀ ਦੱਖਣ 'ਚ ਕਾਫੀ ਲੋਕਪ੍ਰਿਅ ਰਹੇ ਹਨ, ਜਿਸ ਕਾਰਨ ਇਹ ਫਿਲਮ ਉੱਥੇ ਕਾਫੀ ਵਧੀਆ ਕਲੈਕਸ਼ਨ ਕਰ ਰਹੀ ਹੈ।
ਲੀਓ ਦਾ ਪਹਿਲੇ ਦਿਨ ਦਾ ਬਾਕਸ ਆਫਿਸ ਕਲੈਕਸ਼ਨ
ਵਿਜੇ ਦੀ 'ਲਿਓ' ਨੇ ਪਹਿਲੇ ਦਿਨ ਬਾਕਸ ਆਫਿਸ 'ਤੇ ਕਾਫੀ ਚੰਗਾ ਪ੍ਰਦਰਸ਼ਨ ਕੀਤਾ ਹੈ। ਸਕਨੀਲਕ ਦੀ ਰਿਪੋਰਟ ਦੇ ਮੁਤਾਬਕ 'ਲੀਓ' ਨੇ ਪਹਿਲੇ ਦਿਨ ਸਾਰੀਆਂ ਭਾਸ਼ਾਵਾਂ 'ਚ 63 ਕਰੋੜ ਰੁਪਏ ਦੀ ਕਮਾਈ ਕੀਤੀ ਹੈ। ਵੀਕੈਂਡ 'ਤੇ ਇਹ ਕਲੈਕਸ਼ਨ ਹੋਰ ਵਧਣ ਵਾਲਾ ਹੈ।
ਜੇਕਰ ਅਸੀਂ ਤਾਮਿਲਨਾਡੂ ਵਿੱਚ ਕੁੱਲ ਕਲੈਕਸ਼ਨ ਦੀ ਗੱਲ ਕਰੀਏ ਤਾਂ ਇਹ ਲਗਭਗ 30 ਕਰੋੜ ਰੁਪਏ ਹੈ, ਕੇਰਲ ਵਿੱਚ ਇਹ 11 ਕਰੋੜ ਰੁਪਏ ਅਤੇ ਕਰਨਾਟਕ ਵਿੱਚ ਇਹ 14 ਕਰੋੜ ਰੁਪਏ ਹੈ।
ਰਿਪੋਰਟ ਮੁਤਾਬਕ ਲਿਓ ਨੇ ਵਿਦੇਸ਼ 'ਚ ਕਰੀਬ 66 ਕਰੋੜ ਰੁਪਏ ਇਕੱਠੇ ਕੀਤੇ ਹਨ। ਜਿਸ ਤੋਂ ਬਾਅਦ ਕੁਲ ਕੁਲੈਕਸ਼ਨ ਕਰੀਬ 130-140 ਕਰੋੜ ਹੋ ਜਾਵੇਗੀ।
ਰਜਨੀਕਾਂਤ ਦਾ ਰਿਕਾਰਡ ਟੁੱਟਿਆ
ਸਾਊਥ ਦੇ ਸੁਪਰਸਟਾਰ ਰਜਨੀਕਾਂਤ ਦੀ ਫਿਲਮ 'ਜੇਲਰ' ਇਸ ਸਾਲ ਅਗਸਤ 'ਚ ਸਿਨੇਮਾਘਰਾਂ 'ਚ ਰਿਲੀਜ਼ ਹੋਈ ਸੀ। ਇਸ ਫਿਲਮ ਨੇ ਪਹਿਲੇ ਦਿਨ ਕਰੀਬ 44 ਕਰੋੜ ਰੁਪਏ ਦੀ ਕਮਾਈ ਕੀਤੀ ਸੀ। ਲਿਓ ਨੇ ਪਹਿਲੇ ਦਿਨ 63 ਕਰੋੜ ਦੀ ਕਮਾਈ ਕਰਕੇ ਰਜਨੀਕਾਂਤ ਦਾ ਰਿਕਾਰਡ ਵੀ ਤੋੜ ਦਿੱਤਾ ਹੈ।
'ਲਿਓ' ਦੀ ਗੱਲ ਕਰੀਏ ਤਾਂ ਵਿਜੇ ਦੇ ਨਾਲ ਤ੍ਰਿਸ਼ਾ ਕ੍ਰਿਸ਼ਨਨ ਅਤੇ ਸੰਜੇ ਦੱਤ ਅਹਿਮ ਭੂਮਿਕਾਵਾਂ ਨਿਭਾਉਂਦੇ ਨਜ਼ਰ ਆ ਰਹੇ ਹਨ। ਫਿਲਮ 'ਚ ਸੰਜੇ ਦੱਤ ਨੇ ਨਕਾਰਾਤਮਕ ਭੂਮਿਕਾ ਨਿਭਾਈ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
