Mankirt Aulakh New Song: ਮਨਕੀਰਤ ਔਲਖ ਜਲਦ ਲੈਕੇ ਆ ਰਹੇ ਨਵਾਂ ਗੀਤ, ਇੰਸਟਾਗ੍ਰਾਮ `ਤੇ ਸ਼ੇਅਰ ਕੀਤਾ ਸ਼ੂਟਿੰਗ ਦਾ ਵੀਡੀਓ
Mankirt Aulakh New Track: ਮਨਕੀਰਤ ਔਲਖ ਨੇ ਆਪਣੇ ਅਧਿਕਾਰਤ ਇੰਸਟਾਗ੍ਰਾਮ ਅਕਾਊਂਟ `ਤੇ ਇੱਕ ਵੀਡੀਓ ਸ਼ੇਅਰ ਕੀਤੀ ਹੈ, ਜਿਸ ਵਿੱਚ ਉਹ ਆਪਣੇ ਅਗਲੇ ਗੀਤ ਦੀ ਸ਼ੂਟਿੰਗ ਕਰਦੇ ਨਜ਼ਰ ਆ ਰਹੇ ਹਨ।
Mankirt Aulakh New Track: ਪੰਜਾਬੀ ਸਿੰਗਰ ਮਨਕੀਰਤ ਔਲਖ ਇੰਨੀਂ ਦਿਨੀਂ ਖੂਬ ਸੁਰਖੀਆਂ ਬਟੋਰ ਰਹੇ ਹਨ। ਪਹਿਲਾਂ ਉਹ ਸਿੱਧੂ ਮੂਸੇਵਾਲਾ ਦੇ ਕਤਲ ਕੇਸ ਨੂੰ ਲੈਕੇ ਕਾਫ਼ੀ ਸਮਾਂ ਸੁਰਖੀਆਂ `ਚ ਰਹੇ। ਇਸ ਤੋਂ ਬਾਅਦ ਉਹ ਵਿਦੇਸ਼ ਚਲੇ ਗਏ। ਹੁਣ ਔਲਖ ਮੁੜ ਤੋਂ ਲਾਈਮਲਾਈਟ `ਚ ਆ ਗਏ ਹਨ। ਦਰਅਸਲ, ਪੰਜਾਬੀ ਸਿੰਗਰ ਨੇ ਆਪਣੇ ਅਗਲੇ ਗੀਤ ਦਾ ਐਲਾਨ ਕੀਤਾ ਹੈ।
ਮਨਕੀਰਤ ਔਲਖ ਨੇ ਆਪਣੇ ਅਧਿਕਾਰਤ ਇੰਸਟਾਗ੍ਰਾਮ ਅਕਾਊਂਟ `ਤੇ ਇੱਕ ਵੀਡੀਓ ਸ਼ੇਅਰ ਕੀਤੀ ਹੈ, ਜਿਸ ਵਿੱਚ ਉਹ ਆਪਣੇ ਅਗਲੇ ਗੀਤ ਦੀ ਸ਼ੂਟਿੰਗ ਕਰਦੇ ਨਜ਼ਰ ਆ ਰਹੇ ਹਨ । ਔਲਖ ਨੇ ਵੀਡੀਓ ਸ਼ੇਅਰ ਕਰ ਕੈਪਸ਼ਨ ਦਿੱਤੀ, "ਨੈਕਸਟ ਟਰੈਕ (ਅਗਲਾ ਗੀਤ), ਸਟੇ ਟਿਊਨਡ (ਜੁੜੇ ਰਹੋ ਮੇਰੇ ਨਾਲ), ਵਾਹਿਗੁਰੂ ਮੇਹਰ ਕਰਿਓ ।"
View this post on Instagram
ਦੱਸ ਦਈਏ ਕਿ ਔਲਖ ਨੇ ਪਿਛਲੇ ਮਹੀਨੇ ਆਪਣੇ ਨਵੇਂ ਗੀਤ ਦਾ ਐਲਾਨ ਕੀਤਾ ਸੀ । ਉਸ ਤੋਂ ਬਾਅਦ ਹੁਣ ਇਸ ਗੀਤ ਦੀ ਸ਼ੂਟਿੰਗ ਹੋ ਰਹੀ ਹੈ। ਹੋ ਸਕਦਾ ਹੈ ਕਿ ਅਗਸਤ ਵਿੱਚ ਹੀ ਔਲਖ ਆਪਣੇ ਫ਼ੈਨਜ਼ ਨੂੰ ਨਵੇਂ ਗੀਤ ਦਾ ਤੋਹਫ਼ਾ ਦੇਣ ।
ਕਾਬਿਲੇਗ਼ੌਰ ਹੈ ਕਿ ਔਲਖ ਦੀ ਸੋਸ਼ਲ ਮੀਡੀਆ `ਤੇ ਜ਼ਬਰਦਸਤ ਫ਼ੈਨ ਫ਼ਾਲੋਇੰਗ ਹੈ । ਉਨ੍ਹਾਂ ਦੇ ਇਕੱਲੇ ਇੰਸਟਾਗ੍ਰਾਮ `ਤੇ ਹੀ 6.1 ਮਿਲੀਅਨ ਯਾਨਿ 61 ਲੱਖ ਫ਼ਾਲੋਅਰਜ਼ ਹਨ । ਉਹ ਬੇਸ਼ੱਕ ਸੋਸ਼ਲ ਮੀਡੀਆ `ਤੇ ਅੱਜ ਕੱਲ ਜ਼ਿਆਦਾ ਐਕਟਿਵ ਨਹੀਂ ਹਨ, ਪਰ ਇਸ ਦਰਮਿਆਨ ਉਹ ਆਪਣੇ ਫ਼ੈਨਜ਼ ਨਾਲ ਹਰ ਛੋਟੀ ਵੱਡੀ ਅਪਡੇਟ ਸ਼ੇਅਰ ਕਰਦੇ ਰਹਿੰਦੇ ਹਨ ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
