Gurnam Bhullar's Punjabi Action Film: ‘Khidari’ ਹੋਵੇਗੀ ਗੁਰਨਾਮ ਭੁੱਲਰ ਦੀ ਪਹਿਲੀ ਪੰਜਾਬੀ ਐਕਸ਼ਨ ਫਿਲਮ, ਜਾਣੋ ਵਧੇਰੇ ਜਾਣਕਾਰੀ
ਦੱਸ ਦਈਏ ਕਿ ਗੁਰਨਾਮ ਪੰਜਾਬੀ ਇੰਡਸਟਰੀ ਦੇ ਉੱਤਮ ਕਲਾਕਾਰਾਂ ਚੋਂ ਇੱਕ ਹਨ। ਅਦਾਕਾਰ ਨੇ ਜ਼ਿਆਦਾਤਰ ਫਿਲਮਾਂ 'ਚ ਆਪਣਾ ਰੋਮਾਂਟਿਕ ਅੰਦਾਜ਼ ਪੇਸ਼ ਕੀਤਾ ਹੈ ਅਤੇ ਹੁਣ ਉਹ ਆਪਣੇ ਕੰਫਰਟ ਜ਼ੋਨ ਤੋਂ ਹੱਟਕੇ ਭੂਮਿਕਾ ਨਿਭਾਉਣ ਲਈ ਤਿਆਰ ਹੈ।
ਮਨਵੀਰ ਕੌਰ ਰੰਧਾਵਾ ਦੀ ਰਿਪੋਰਟ
ਚੰਡੀਗੜ੍ਹ: ਅੱਜ ਦੇ ਸਮੇਂ 'ਚ ਪੰਜਾਬੀ ਸਿਨੇਮਾ ਸਿਖਰਾਂ 'ਤੇ ਹੈ, ਆਏ ਹਫ਼ਤੇ ਰਿਲੀਜ਼ ਹੋ ਰਹੀਆਂ ਫਿਲਮਾਂ ਫੈਨਸ ਨੂੰ ਆਪਣੇ ਵੱਲ ਖਿਚਣ 'ਚ ਕਾਮਯਾਬ ਹੋ ਰਹੀਆਂ ਹਨ। ਇਸ ਦੇ ਨਾਲ ਹੀ ਪੰਜਾਬੀ ਕਲਾਕਾਰ ਵੀ ਕਿਸੇ ਤੋਂ ਘੱਟ ਨਹੀਂ। ਪੰਜਾਬੀ ਫਿਲਮਾਂ ਜਿਵੇਂ ਬਾਕਸ ਆਫਿਸ 'ਤੇ ਬਾਲੀਵੁੱਡ ਨੂੰ ਟੱਕਰ ਦੇ ਰਹਿਆਂ ਹਨ ਉਸੇ ਤਰ੍ਹਾਂ ਪੰਜਾਬੀ ਕਲਾਕਾਰ ਵੀ ਲੋਕਾਂ ਦੇ ਦਿਲਾਂ 'ਚ ਛਾ ਰਹੇ ਹਨ। ਹਾਲ ਹੀ 'ਚ 20 ਮਈ ਨੂੰ ਪੰਜਾਬੀ ਐਕਟਰ ਗੁਰਨਾਮ ਭੁਲੱਰ ਦੀ ਫਿਲਮ 'ਕੋਕਾ' ਰਿਲੀਜ਼ ਹੋਈ ਜਿਸ 'ਚ ਨੀਰੂ ਬਾਜਵਾ ਲੀਡ ਰੋਲ ਪਲੇਅ ਕਰਦੀ ਨਜ਼ਰ ਆ ਰਹੀ ਹੈ।
ਦੱਸ ਦਈਏ ਕਿ ਗੁਰਨਾਮ ਪੰਜਾਬੀ ਇੰਡਸਟਰੀ ਦੇ ਉੱਤਮ ਕਲਾਕਾਰਾਂ ਚੋਂ ਇੱਕ ਹਨ। ਅਦਾਕਾਰ ਨੇ ਜ਼ਿਆਦਾਤਰ ਫਿਲਮਾਂ 'ਚ ਆਪਣਾ ਰੋਮਾਂਟਿਕ ਅੰਦਾਜ਼ ਪੇਸ਼ ਕੀਤਾ ਹੈ ਅਤੇ ਹੁਣ ਉਹ ਆਪਣੇ ਕੰਫਰਟ ਜ਼ੋਨ ਤੋਂ ਹੱਟਕੇ ਭੂਮਿਕਾ ਨਿਭਾਉਣ ਲਈ ਤਿਆਰ ਹੈ। ਜਿਸ ਦੇ ਲਈ ਗੁਰਨਾਮ ਭੁੱਲਰ ਜਲਦੀ ਹੀ ਇੱਕ ਪੰਜਾਬੀ ਐਕਸ਼ਨ ਫਿਲਮ ਖਿਡਾਰੀ ਵਿੱਚ ਨਜ਼ਰ ਆਉਣਗੇ।
ਗੁਰਨਾਮ ਭੁੱਲਰ ਨੇ ਹਾਲ ਹੀ 'ਚ ਇੱਕ ਇੰਟਰਵਿਊ ਵਿੱਚ ਖੁਲਾਸਾ ਕੀਤਾ ਸੀ ਕਿ ਉਹ ਇੱਕ ਐਕਸ਼ਨ ਫਿਲਮ ਲਈ ਪਲਾਨਿੰਗ ਕਰ ਰਿਹਾ ਸੀ। ਹਾਲਾਂਕਿ, ਉਸਨੇ ਫਿਲਮ ਦਾ ਟਾਈਟਲ ਰੀਵੀਲ ਨਹੀਂ ਕੀਤਾ ਸੀ। ਪਰ ਇੱਕ ਹੋਰ ਇੰਟਰਵਿਊ ਵਿੱਚ ਗੁਰਨਾਮ ਭੁੱਲਰ ਨੇ ਖੁਲਾਸਾ ਕੀਤਾ ਕਿ ਫਿਲਮ ਦਾ ਨਾਂ 'ਖਿਡਾਰੀ' ਹੋਵੇਗਾ।
ਅਸੀਂ ਪੰਜਾਬੀ ਫਿਲਮ ਇੰਡਸਟਰੀ ਵਿੱਚ ਗੁਰਨਾਮ ਭੁੱਲਰ ਨੂੰ ਕਈ ਰੋਮੀਓ ਰੋਲ ਵਿੱਚ ਦੇਖਿਆ ਹੈ। ਗੁੱਡੀਆਂ ਪਟੋਲੇ, ਨੀ ਮੈਂ ਵਿਆਹ ਨੀ ਕਰੋਨਾ ਤੇਰੇ ਨਾਲ, ਲੇਖ, ਸੁਰਖੀ ਬਿੰਦੀ ਅਤੇ ਹਾਲੀਆ ਕੋਕਾ 'ਚ ਗੁਰਨਾਮ ਨੂੰ ਪ੍ਰੇਮੀ ਜਾਂ ਪਤੀ ਦੀ ਭੂਮਿਕਾ ਵਿੱਚ ਦੇਖਿਆ ਹੈ। ਹਾਲਾਂਕਿ ਭੁਲੱਰ ਨੇ ਹਰ ਫਿਲਮ 'ਚ ਆਪਣੇ ਰੋਲ ਨਾਲ ਲੋਕਾਂ ਨੂੰ ਦੀਵਾਨਾ ਬਣਾਇਆ ਹੈ ਇਸ ਦੇ ਨਾਲ ਹੀ ਕਿਹਾ ਜਾਂਦਾ ਹੈ ਕਿ ਇੱਕ ਸੱਚਾ ਅਭਿਨੇਤਾ ਉਹ ਹੁੰਦਾ ਹੈ ਜੋ ਨਵੀਆਂ ਚੀਜ਼ਾਂ ਅਜ਼ਮਾਉਣ ਲਈ ਤਿਆਰ ਹੋਵੇ। ਗੁਰਨਾਮ ਭੁੱਲਰ ਆਖਰਕਾਰ ਇੱਕ ਨਵੇਂ ਅਵਤਾਰ ਨਾਲ ਨਵੀਆਂ ਚੀਜ਼ਾਂ ਅਜ਼ਮਾਉਣ ਅਤੇ ਦਰਸ਼ਕਾਂ ਦਾ ਦਿਲ ਜਿੱਤਣ ਦੇ ਰਾਹ 'ਤੇ ਹੈ।
ਸਾਨੂੰ ਉਮੀਦ ਹੈ ਕਿ ਫਿਲਮ ਖਿਡਾਰੀ ਦੇ ਵੇਰਵੇ ਜਲਦੀ ਤੋਂ ਜਲਦੀ ਜਾਰੀ ਕੀਤੇ ਜਾਣਗੇ। ਹੁਣ ਫੈਨਸ ਗੁਰਨਾਮ ਨੂੰ ਇਸ ਨਵੇਂ ਅਵਤਾਰ ਵਿੱਚ ਦੇਖਣ ਲਈ ਇੰਤਜ਼ਾਰ ਨਹੀਂ ਕਰ ਸਕਦੇ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
