ਪੰਜਾਬੀ ਗਾਇਕ Amrit Maan ਨੇ ਕੈਲੀਫੋਰਨੀਆ 'ਚ ਖੋਲ੍ਹਿਆ ਆਪਣਾ ਹੋਟਲ 'Marriott'
ਪੰਜਾਬੀ ਗਾਇਕ ਅੰਮ੍ਰਿਤ ਮਾਨ ਨੇ ਆਪਣੇ ਨਵੇਂ ਵਪਾਰ ਦੀ ਸ਼ੁਰੂਆਤ ਕੀਤੀ ਹੈ। ਉਂਝ ਤਾਂ ਗਾਇਕ ਦਾ ਆਪਣਾ ਖੁਦ ਦਾ ਮਿਊਜ਼ਿਕ ਲੇਬਲ ਵੀ ਹੈ ਪਰ ਇਹ ਮਾਨ ਦਾ ਹੁਣ ਸ਼ੁਰੂ ਕੀਤਾ ਨਵਾਂ ਬਿਜ਼ਨੈੱਸ ਉਸ ਦੇ ਬਾਕੀ ਕੰਮਾਂ ਤੋਂ ਕਾਫੀ ਵੱਖਰਾ ਹੈ।
ਚੰਡੀਗੜ੍ਹ: ਪੰਜਾਬੀ ਗਾਇਕ ਅੰਮ੍ਰਿਤ ਮਾਨ (Singer Amrit Maan) ਨੇ ਆਪਣੇ ਨਵੇਂ ਵਪਾਰ ਦੀ ਸ਼ੁਰੂਆਤ ਕੀਤੀ ਹੈ। ਉਂਝ ਤਾਂ ਗਾਇਕ ਦਾ ਆਪਣਾ ਖੁਦ ਦਾ ਮਿਊਜ਼ਿਕ ਲੇਬਲ ਵੀ ਹੈ ਪਰ ਇਹ ਮਾਨ ਦਾ ਹੁਣ ਸ਼ੁਰੂ ਕੀਤਾ ਨਵਾਂ ਬਿਜ਼ਨੈੱਸ ਉਸ ਦੇ ਬਾਕੀ ਕੰਮਾਂ ਤੋਂ ਕਾਫੀ ਵੱਖਰਾ ਹੈ। ਦਰਅਸਲ ਅੰਮ੍ਰਿਤ ਮਾਨ ਨੇ ਅਮਰੀਕਾ ਦੇ ਕੈਲੀਫੋਰਨੀਆ ਵਿਚ ਆਪਣੇ ਹੋਟਲ Marriott ਦੀ ਸ਼ੁਰੂਆਤ ਕੀਤੀ ਹੈ।
ਅੰਮ੍ਰਿਤ ਮਾਨ ਨੇ ਇਸ ਬਾਰੇ ਜਾਣਕਾਰੀ ਖੁਦ ਸੋਸ਼ਲ ਮੀਡੀਆ 'ਤੇ ਦਿੱਤੀ। ਇਸ ਬਾਰੇ ਉਸ ਨੇ ਲਿਖਿਆ," ਵਾਹਿਗੁਰੂ ਜੀ ਦੀ ਮਿਹਰ ਨਾਲ,"ਮੈਂ ਇਹ ਗੱਲ ਸ਼ੇਅਰ ਕਰਦੇ ਹੋਏ ਕਾਫੀ ਉਤਸੁਕਤ ਹਾਂ ਕਿ ਮੇਰੀ ਖੁਦ ਦੀ ਫ੍ਰੈਂਚਾਇਜ਼ੀ ਦਾ ਕੈਲੀਫੋਰਨੀਆ 'ਚ ਪਹਿਲਾ ਹੋਟਲ ਹੈ।"
ਵੇਖੋ ਪੋਸਟ:
View this post on Instagram
ਇਸ ਕਾਰੋਬਾਰ 'ਚ ਉਹ ਇਕੱਲਾ ਨਹੀਂ ਸਗੋਂ ਉਸ ਦੇ ਦੋ ਦੋਸਤਾਂ ਜੱਗ ਸਿੱਧੂ ਤੇ ਮਨੀ ਗਰੇਵਾਲ ਨੇ ਵੀ ਉਸ ਦਾ ਸਾਥ ਦਿੱਤਾ ਹੈ। ਇਸ ਖੁਸ਼ੀ ਦਾ ਜਸ਼ਨ ਮਨਾਉਣ ਲਈ, ਉਸ ਨੇ ਇਹ ਖ਼ਬਰ ਆਪਣੇ ਅਧਿਕਾਰਤ ਇੰਸਟਾਗ੍ਰਾਮ 'ਤੇ ਸਾਂਝੀ ਕੀਤੀ।
ਅੰਮ੍ਰਿਤ ਮਾਨ ਨੂੰ ਫੈਨਜ਼ ਦੇ ਨਾਲ-ਨਾਲ ਪੰਜਾਬੀ ਇੰਡਸਟਰੀ ਵੱਲੋਂ ਕਾਫੀ ਵਧਾਈ ਮਿਲ ਰਹੀਆਂ ਹਨ। ਅੰਮ੍ਰਿਤ ਮਾਨ ਤੋਂ ਇਲਾਵਾ ਬਹੁਤ ਸਾਰੇ ਕਲਾਕਾਰਾਂ ਦੇ ਵਿਦੇਸ਼ ਵਿੱਚ ਆਪਣੇ ਵਪਾਰ ਹਨ। ਦੱਸ ਦਈਏ ਕਿ ਕੁਝ ਸਮਾਂ ਪਹਿਲਾ ਪ੍ਰਿਯੰਕਾ ਚੋਪੜਾ ਨੇ ਆਪਣੇ Restaurant ਦੀ ਸ਼ੁਰੂਆਤ ਅਮਰੀਕਾ 'ਚ ਕੀਤੀ ਸੀ।
ਅੰਮ੍ਰਿਤ ਮਾਨ ਦੇ ਵੀ ਦੁਨੀਆ ਭਰ 'ਚ ਪੰਜਾਬੀ ਫ਼ੈਨ ਰਿਹਾ ਰਹੇ ਹਨ। ਇਸ ਕਲਾਕਾਰ ਨੇ ਆਪਣੀ ਕਲਮ ਤੇ ਗਾਇਕੀ ਦੇ ਨਾਲ ਆਪਣੀ ਅਲੱਗ ਪਛਾਣ ਬਣਾਈ ਹੈ। ਅੰਮ੍ਰਿਤ ਮਾਨ ਇਸ ਤੋਂ ਇਲਾਵਾ ਆਪਣੀ ਐਲਬਮ ਵੀ ਲੈ ਕੇ ਆਉਣ ਵਾਲੇ ਹਨ।
ਇਹ ਵੀ ਪੜ੍ਹੋ: Karan Aujla ਅਮਰੀਕਨ ਰੈਪਰ ਨਾਲ ਕਰੇਗਾ ਕੋਲੇਬੋਰੇਸ਼ਨ
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
https://play.google.com/store/apps/details?id=com.winit.starnews.hin
https://apps.apple.com/in/app/abp-live-news/id811114904
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
