Diljit Dosanjh: ਦਿਲਜੀਤ ਦੋਸਾਂਝ ਨੇ 'ਇਲੂਮਿਨਾਟੀ' ਨਾਲ ਜੁੜਨ ਨੂੰ ਲੈ ਖੋਲ੍ਹਿਆ ਡੂੰਘਾ ਰਾਜ਼, ਆਪਣੇ ਟੂਰ ਦਾ ਨਾਮ ਕਿਉਂ ਰੱਖਿਆ ਦਿਲ-ਲੂਮਿਨਾਟੀ? ਖੁਲਾਸਾ ਕਰ ਦੱਸਿਆ...
Diljit Dosanjh On Illuminati: ਬਾਲੀਵੁੱਡ ਅਦਾਕਾਰ ਅਤੇ ਪੰਜਾਬੀ ਗਾਇਕ ਦਿਲਜੀਤ ਦੋਸਾਂਝ ਦੇ ਇਲੂਮਿਨਾਟੀ ਨਾਲ ਸਬੰਧਾਂ ਬਾਰੇ ਪੂਰੀ ਕਹਾਣੀ ਦੱਸੀ ਹੈ। ਦੱਸ ਦੇਈਏ ਕਿ ਪਿਛਲੇ ਸਾਲ ਪੰਜਾਬੀ ਗਾਇਕ ਦਿਲਜੀਤ ਦੇ ਨਿਊਜ਼ੀਲੈਂਡ...
Diljit Dosanjh On Illuminati: ਬਾਲੀਵੁੱਡ ਅਦਾਕਾਰ ਅਤੇ ਪੰਜਾਬੀ ਗਾਇਕ ਦਿਲਜੀਤ ਦੋਸਾਂਝ ਦੇ ਇਲੂਮਿਨਾਟੀ ਨਾਲ ਸਬੰਧਾਂ ਬਾਰੇ ਪੂਰੀ ਕਹਾਣੀ ਦੱਸੀ ਹੈ। ਦੱਸ ਦੇਈਏ ਕਿ ਪਿਛਲੇ ਸਾਲ ਪੰਜਾਬੀ ਗਾਇਕ ਦਿਲਜੀਤ ਦੇ ਨਿਊਜ਼ੀਲੈਂਡ ਸ਼ੋਅ ਦੌਰਾਨ ਦਿਲਜੀਤ ਦੇ ਇੱਕ ਸਾਈਨ ਕਾਰਨ ਕੁਝ ਸੋਸ਼ਲ ਮੀਡੀਆ ਪੇਜ ਯੂਜ਼ਰਸ ਨੇ ਇੱਕ ਚਰਚਾ ਸ਼ੁਰੂ ਕਰ ਦਿੱਤੀ ਸੀ ਕਿ ਗਾਇਕ ਇਲੂਮਿਨਾਟੀ ਨਾਲ ਜੁੜ ਗਏ ਹਨ।
ਇਸ ਬਾਰੇ, ਦਿਲਜੀਤ ਨੇ ਬੀਤੇ ਦਿਨੀਂ ਅਮਰੀਕਾ ਦੇ ਲਾਸ ਏਂਜਲਸ ਵਿੱਚ ਐਪਲ ਮਿਊਜ਼ਿਕ ਸਟੂਡੀਓ ਵਿੱਚ ਦਿੱਤੇ ਇੱਕ ਇੰਟਰਵਿਊ ਵਿੱਚ ਪੂਰੀ ਕਹਾਣੀ ਦੱਸੀ। ਇਸ ਦੇ ਨਾਲ ਹੀ, ਦਿਲਜੀਤ ਨੇ ਦੱਸਿਆ ਕਿ ਉਸਦੇ ਆਖਰੀ ਵਰਲਡ ਟੂਰ ਦਿਲ-ਲੁਮਿਨਾਟੀ ਦੇ ਨਾਮ ਪਿੱਛੇ ਦੀ ਕਹਾਣੀ ਕੀ ਹੈ ਅਤੇ ਇਹ ਕਹਾਣੀ ਉਨੀ ਹੀ ਮਜ਼ੇਦਾਰ ਹੈ ਜਿੰਨਾ ਉਨ੍ਹਾਂ ਦਾ ਸਫਰ।
ਇਲੂਮਿਨਾਟੀ ਦੀਆਂ ਚਰਚਾਵਾਂ ਕਾਰਨ ਦਿਲ-ਲੁਮਿਨਾਟੀ ਟੂਰ ਦਾ ਨਾਮ ਪਿਆ
ਉਨ੍ਹਾਂ ਨੇ ਦੱਸਿਆ ਕਿ ਪਿਛਲੇ ਸਾਲ ਨਿਊਜ਼ੀਲੈਂਡ ਵਿੱਚ ਇੱਕ ਸ਼ੋਅ ਦੌਰਾਨ, ਉਨ੍ਹਾਂ ਨੇ ਆਪਣੇ ਪ੍ਰਦਰਸ਼ਨ ਵਿੱਚ ਇੱਕ ਸਾਈਨ ਦਿਖਾਇਆ ਸੀ। ਜਿਸਨੂੰ ਉਹ 'ਚੱਕਰ' ਕਹਿੰਦੇ ਹਨ। ਉਕਤ ਸਾਈਨ ਨੇ ਇੱਕ ਚਰਚਾ ਸ਼ੁਰੂ ਕਰ ਦਿੱਤੀ ਸੀ ਕਿ ਦਿਲਜੀਤ ਦੋਸਾਂਝ ਇਲੂਮਿਨਾਟੀ ਨਾਲ ਜੁੜ ਗਏ ਹਨ। ਦਿਲਜੀਤ ਨੇ ਸਪੱਸ਼ਟ ਕੀਤਾ ਕਿ ਉਨ੍ਹਾਂ ਨੂੰ ਇਹ ਵੀ ਨਹੀਂ ਪਤਾ ਕਿ ਇਹ ਕੀ ਹੈ।
ਦਿਲਜੀਤ ਨੇ ਹੱਸਦੇ ਹੋਏ ਅੱਗੇ ਕਿਹਾ- ਮੈਨੂੰ ਉਸ ਸਮੇਂ ਪਤਾ ਵੀ ਨਹੀਂ ਸੀ ਕਿ ਇਲੂਮਿਨਾਟੀ ਕੀ ਹੈ। ਕਿਸੇ ਨੇ ਮੈਨੂੰ ਛੇੜਿਆ, ਇਸ ਲਈ ਮੈਂ ਕਿਹਾ ਕਿ ਜੇ ਤੁਸੀਂ ਇਸ ਤਰ੍ਹਾਂ ਮਜ਼ਾਕ ਕਰਨਾ ਚਾਹੁੰਦੇ ਹੋ ਤਾਂ ਚਲੋਂ ਇਸਨੂੰ ਹੀ ਨਾਮ ਬਣਾ ਦਿੰਦੇ ਹਾਂ। ਮੈਂ ਆਪਣੇ ਟੂਰ ਦਾ ਨਾਮ ਦਿਲ-ਲੁਮਿਨਾਟੀ ਰੱਖਿਆ ਅਤੇ ਫਿਰ ਮੈਨੂੰ ਇਹ ਇੰਨਾ ਪਸੰਦ ਆਇਆ ਕਿ ਮੈਂ ਇਸਨੂੰ ਰੱਖ ਹੀ ਲਿਆ।
ਸਰ੍ਹੋਂ ਦੇ ਤੇਲ ਨਾਲ ਸਵਾਗਤ ਕੀਤਾ ਗਿਆ
ਮੰਗਲਵਾਰ ਨੂੰ, ਦਿਲਜੀਤ ਐਪਲ ਸਟੂਡੀਓ ਪਹੁੰਚੇ, ਜਿੱਥੇ ਉਨ੍ਹਾਂ ਦਾ ਇੱਕ ਵਿਲੱਖਣ ਤਰੀਕੇ ਨਾਲ ਸਵਾਗਤ ਕੀਤਾ ਗਿਆ। ਜਿਵੇਂ ਹੀ ਉਹ ਸਟੂਡੀਓ ਦੇ ਅੰਦਰ ਆਏ, ਮੇਜ਼ਬਾਨਾਂ ਨੇ ਉਨ੍ਹਾਂ ਦੇ ਸਾਹਮਣੇ ਜ਼ਮੀਨ 'ਤੇ ਸਰ੍ਹੋਂ ਦਾ ਤੇਲ ਛਿੜਕ ਕੇ ਰਵਾਇਤੀ ਪੰਜਾਬੀ ਸ਼ੈਲੀ ਵਿੱਚ ਉਸਦਾ ਸਵਾਗਤ ਕੀਤਾ। ਇਸ ਦੌਰਾਨ, ਹਾਸੇ ਅਤੇ ਪੰਜਾਬੀ ਸੱਭਿਆਚਾਰ ਦੀ ਝਲਕ ਨੇ ਮਾਹੌਲ ਨੂੰ ਬਹੁਤ ਖਾਸ ਬਣਾ ਦਿੱਤਾ। ਇਸ ਸੰਬੰਧੀ ਦਿਲਜੀਤ ਦੋਸਾਂਝ ਦੀ ਟੀਮ ਵੱਲੋਂ ਇੱਕ ਵੀਡੀਓ ਸਾਂਝੀ ਕੀਤੀ ਗਈ। ਜਿਸ ਵਿੱਚ ਉਨ੍ਹਾਂ ਨੇ ਕਿਹਾ ਕਿ ਮੇਰਾ ਇੱਥੇ ਸਰ੍ਹੋਂ ਦਾ ਤੇਲ ਛਿੜਕ ਕੇ ਸਵਾਗਤ ਕੀਤਾ ਗਿਆ।
ਪੰਜਾਬੀ ਕਲਾਕਾਰ ਦਾ ਸਭ ਤੋਂ ਸਫਲ ਟੂਰ
ਦਿਲ-ਲੁਮਿਨਾਟੀ ਟੂਰ ਪੰਜਾਬੀ ਸੰਗੀਤ ਦੇ ਇਤਿਹਾਸ ਦਾ ਸਭ ਤੋਂ ਸਫਲ ਟੂਰ ਸਾਬਤ ਹੋਇਆ। ਅਪ੍ਰੈਲ 2024 ਵਿੱਚ ਸ਼ੁਰੂ ਹੋਏ ਇਸ ਸਫ਼ਰ ਵਿੱਚ, ਦਿਲਜੀਤ ਨੇ ਭਾਰਤ, ਉੱਤਰੀ ਅਮਰੀਕਾ, ਯੂਰਪ ਅਤੇ ਮੱਧ ਪੂਰਬ ਦੇ ਕਈ ਸ਼ਹਿਰਾਂ ਵਿੱਚ ਸ਼ੋਅ ਕੀਤੇ। ਲੱਖਾਂ ਪ੍ਰਸ਼ੰਸਕਾਂ ਨੂੰ ਆਕਰਸ਼ਿਤ ਕਰਨ ਵਾਲੇ ਇਸ ਦੌਰੇ ਨੇ ਉੱਤਰੀ ਅਮਰੀਕਾ ਵਿੱਚ $38 ਮਿਲੀਅਨ, ਭਾਰਤ ਵਿੱਚ $34.6 ਮਿਲੀਅਨ ਅਤੇ ਕੁੱਲ ਮਿਲਾ ਕੇ ਲਗਭਗ $137 ਮਿਲੀਅਨ ਦੀ ਕਮਾਈ ਕੀਤੀ। ਇਹ ਕਿਸੇ ਵੀ ਪੰਜਾਬੀ ਕਲਾਕਾਰ ਲਈ ਇੱਕ ਬੇਮਿਸਾਲ ਪ੍ਰਾਪਤੀ ਹੈ।
ਹੁਣ ਦਿਲਜੀਤ ਆਪਣੇ ਅਗਲੇ ਸੰਗੀਤਕ ਅਧਿਆਇ ਦੀ ਤਿਆਰੀ ਵਿੱਚ ਰੁੱਝਿਆ ਹੋਏ ਹਨ। ਉਨ੍ਹਾਂ ਖੁਲਾਸਾ ਕੀਤਾ ਕਿ ਉਸਦਾ ਨਵਾਂ ਐਲਬਮ ਔਰਾ 24 ਸਤੰਬਰ ਨੂੰ ਰਿਲੀਜ਼ ਹੋਵੇਗਾ। ਇਸ ਦੇ ਨਾਲ, ਉਹ ਇੱਕ ਬਿਲਕੁਲ ਨਵੇਂ ਅਤੇ ਵੱਡੇ ਪੱਧਰ ਦੇ ਦੌਰੇ 'ਤੇ ਕੰਮ ਕਰ ਰਿਹਾ ਹੈ। ਇਸ ਵਾਰ ਉਹ ਆਪਣੀ ਪੂਰੀ ਟੂਰ ਕਮਾਈ ਨੂੰ ਪ੍ਰੋਡਕਸ਼ਨ ਵਿੱਚ ਨਿਵੇਸ਼ ਕਰਨ ਜਾ ਰਿਹਾ ਹੈ ਤਾਂ ਜੋ ਸ਼ੋਅ ਦਾ ਪੱਧਰ ਇੱਕ ਮੁੱਖ ਧਾਰਾ ਦੇ ਪੌਪ ਕੰਸਰਟ ਵਰਗਾ ਹੋ ਸਕੇ।
ਦੱਸ ਦੇਈਏ ਕਿ ਇਸ ਸਾਲ ਦੇ ਸ਼ੁਰੂ ਵਿੱਚ ਬਿਲਬੋਰਡ ਸੰਮੇਲਨ ਵਿੱਚ, ਟੋਰਾਂਟੋ ਮੈਟਰੋਪੋਲੀਟਨ ਯੂਨੀਵਰਸਿਟੀ (TMU) ਨੇ ਐਲਾਨ ਕੀਤਾ ਸੀ ਕਿ 2026 ਤੋਂ ਇੱਕ ਨਵਾਂ ਕੋਰਸ ਸ਼ੁਰੂ ਹੋਵੇਗਾ, ਜਿਸ ਵਿੱਚ ਦਿਲਜੀਤ ਦੋਸਾਂਝ ਦੇ ਕਰੀਅਰ, ਪੰਜਾਬੀ ਸੰਗੀਤ ਡਾਇਸਪੋਰਾ ਅਤੇ ਗਲੋਬਲ ਮਨੋਰੰਜਨ ਵਿੱਚ ਦੱਖਣੀ ਏਸ਼ੀਆਈ ਪ੍ਰਤੀਨਿਧਤਾ ਬਾਰੇ ਪੜ੍ਹਾਇਆ ਜਾਵੇਗਾ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
