Sargun Mehta: ਜਦੋਂ ਸਰਗੁਣ ਮਹਿਤਾ ਨੂੰ ਧੋਖੇ ਨਾਲ ਸਸਤੇ 'ਚ ਦਿੱਤਾ ਗਿਆ ਭੂਤੀਆ ਘਰ, ਅਦਾਕਾਰਾ ਬੋਲੀ- 'ਮੇਰੀ ਰਾਤਾਂ ਦੀ ਨੀਂਦ ਉੱਡ ਗਈ ਸੀ...'
Sargun Mehta Spooky Experience: ਸਰਗੁਣ ਵੀ ਆਪਣੀ ਜ਼ਿੰਦਗੀ 'ਚ ਅਸਲ ਭੂਤ ਨਾਲ ਸਾਹਮਣਾ ਕਰ ਚੁੱਕੀ ਹੈ। ਉੇਸ ਨੇ ਦੱਸਿਆ, 'ਮੈਂ ਮੁੰਬਈ ਦੇ ਮਲਾਡ 'ਚ ਰਹਿੰਦੀ ਸੀ। ਉੱਥੇ ਮੈਨੂੰ ਇੱਕ ਬੈੱਡਰੂਮ ਦੀ ਕੀਮਤ 'ਚ ਦੋ ਕਮਰਿਆਂ ਵਾਲਾ ਘਰ ਮਿਲ ਗਿਆ ਸੀ।
Sargun Mehta Spooky Experience: ਪੰਜਾਬੀ ਅਦਾਕਾਰਾ ਸਰਗੁਣ ਮਹਿਤਾ ਅਕਸਰ ਹੀ ਕਿਸੇ ਨਾ ਕਿਸੇ ਵਜ੍ਹਾ ਕਰਕੇ ਸੁਰਖੀਆਂ 'ਚ ਬਣੀ ਰਹਿੰਦੀ ਹੈ। ਹਾਲ ਹੀ 'ਚ ਅਦਾਕਾਰਾ ਫਿਲਮ 'ਜੱਟ ਨੂੰ ਚੁੜੈਲ ਟੱਕਰੀ' 'ਚ ਨਜ਼ਰ ਆਈ ਸੀ। ਇਸ ਫਿਲਮ 'ਚ ਉਸ ਨੇ ਚੁੜੈਲ ਬਣ ਕੇ ਸਭ ਦਾ ਦਿਲ ਜਿੱਤ ਲਿਆ ਸੀ। ਇਸ ਦੇ ਨਾਲ ਹੀ ਸਰਗੁਣ ਦਾ ਇੱਕ ਵੀਡੀਓ ਸੋਸ਼ਲ ਮੀਡੀਆ 'ਤੇ ਕਾਫੀ ਵਾਇਰਲ ਹੋ ਰਿਹਾ ਹੈ, ਜਿਸ ਵਿੱਚ ਉਸ ਨੇ ਆਪਣੇ ਅਸਲ ਭੂਤੀਆ ਤਜਰਬੇ ਬਾਰੇ ਦੱਸਿਆ ਹੈ।
ਜੀ ਹਾਂ, ਸਰਗੁਣ ਵੀ ਆਪਣੀ ਜ਼ਿੰਦਗੀ 'ਚ ਅਸਲ ਭੂਤ ਨਾਲ ਸਾਹਮਣਾ ਕਰ ਚੁੱਕੀ ਹੈ। ਉੇਸ ਨੇ ਦੱਸਿਆ, 'ਮੈਂ ਮੁੰਬਈ ਦੇ ਮਲਾਡ 'ਚ ਰਹਿੰਦੀ ਸੀ। ਉੱਥੇ ਮੈਨੂੰ ਇੱਕ ਬੈੱਡਰੂਮ ਦੀ ਕੀਮਤ 'ਚ ਦੋ ਕਮਰਿਆਂ ਵਾਲਾ ਘਰ ਮਿਲ ਗਿਆ ਸੀ। ਇਸ 'ਤੇ ਮੈਂ ਮਕਾਨ ਮਾਲਕ ਨੂੰ ਪੁੱਛਿਆ ਕਿ ਮੈਨੂੰ ਇਨ੍ਹਾਂ ਸਸਤਾ ਕਿਉਂ ਦੇ ਰਹੇ, ਤਾਂ ਉਸ ਨੇ ਅੱਗੋਂ ਕਿਹਾ ਕਿ ਇੱਕ ਕਮਰੇ 'ਚ ਮੈਂ ਆਪਣਾ ਸਮਾਨ ਰੱਖਣਾ ਹੈ, ਤੇ ਦੂਜਾ ਤੁਸੀਂ ਇਸਤੇਮਾਲ ਕਰ ਲਓ। ਨਾਲ ਹੀ ਤੁਹਾਨੂੰ ਵੱਡਾ ਘਰ ਵੀ ਮਿਲ ਜਾਵੇਗਾ। ਇਸ 'ਤੇ ਮੈਂ ਸੋਚਿਆ ਕਿ ਇਹ ਤਾਂ ਵਧੀਆ ਹੈ ਮੈਂ ਤਾਂ ਵੱਡਾ ਘਰ ਹੀ ਚਾਹੁੰਦੀ ਸੀ। ਉਦੋਂ ਮੇਰਾ ਇੱਕ ਨਵਾਂ ਸ਼ੋਅ ਵੀ ਸ਼ੁਰੂ ਹੋਇਆ ਸੀ। ਇਹ ਉਹ ਸਮਾਂ ਸੀ, ਜਦੋਂ ਮਾਰਕਿਟ ;ਚ ਨਵੇਂ ਨਵੇਂ ਮਸਾਜਰ ਆਏ ਸੀ। ਮੈਂ ਆਪਣੇ ਲਈ ਇੱਕ ਖਰੀਦ ਲਿਆ ਤੇ ਉਸ ਨੂੰ ਘਰ ਲੈ ਆਈ।' ਅੱਗੇ ਸਰਗੁਣ ਨਾਲ ਜੋ ਹੋਇਆ ਦੇਖੋ ਇਸ ਵੀਡੀਓ 'ਚ:
View this post on Instagram
ਕਾਬਿਲੇਗ਼ੌਰ ਹੈ ਕਿ ਸਰਗੁਣ ਮਹਿਤਾ ਪੰਜਾਬੀ ਇੰਡਸਟਰੀ ਦੀਆਂ ਟੌਪ ਅਭਿਨੇਤਰੀਆਂ ਵਿੱਚੋਂ ਇੱਕ ਹੈ। ਉਸ ਨੇ ਆਪਣੇ ਕਰੀਅਰ 'ਚ ਇੰਡਸਟਰੀ ਨੂੰ ਬੇਸ਼ੁਮਾਰ ਹਿੱਟ ਫਿਲਮਾਂ ਦਿੱਤੀਆਂ ਹਨ। ਹਾਲ ਹੀ 'ਚ ਸਰਗੁਣ ਮਹਿਤਾ 'ਜੱਟ ਨੂੰ ਚੁੜੈਲ ਟੱਕਰੀ' 'ਚ ਨਜ਼ਰ ਆਈ ਸੀ। ਇਸ ਫਿਲਮ 'ਚ ਉਸ ਨੇ ਗਿੱਪੀ ਗਰੇਵਾਲ ਦੇ ਨਾਲ ਰੋਮਾਂਸ ਕੀਤਾ ਸੀ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
