ਸਰਗੁਣ ਮਹਿਤਾ ਨੇ ਟੀਵੀ ਸੀਰੀਅਲ 12/24 ਕਰੋਲ ਬਾਗ਼ ਤੋਂ ਸ਼ੁਰੂ ਕੀਤਾ ਸੀ ਐਕਟਿੰਗ ਕਰੀਅਰ, ਅਦਾਕਾਰਾ ਨੇ ਸ਼ੇਅਰ ਕੀਤੀ PIC
Sargun Mehta Karol Bagh Serial: ਸਰਗੁਣ ਮਹਿਤਾ ਨੇ ਇਸ ਸੀਰੀਅਲ ਦੀ ਤਸਵੀਰ ਆਪਣੇ ਇੰਸਟਾਗ੍ਰਾਮ ਦੀ ਸਟੋਰੀ `ਤੇ ਸ਼ੇਅਰ ਕੀਤੀ ਹੈ। ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਕੈਪਸ਼ਨ `ਚ ਲਿਖਿਆ, "12/24 ਕਰੋਲ ਬਾਗ਼ ਸੀਰੀਅਲ ਦੇ 13 ਸਾਲ ਪੂਰੇ।
Sargun Mehta: ਸਰਗੁਣ ਮਹਿਤਾ ਅੱਜ ਪਾਲੀਵੁੱਡ ਦੀ ਟੌਪ ਅਦਾਕਾਰਾ ਹੈ। ਉਨ੍ਹਾਂ ਨੇ ਆਂਪਣੀ ਖੂਬਸੂਰਤੀ ਤੇ ਅਦਾਕਾਰੀ ਦੇ ਟੈਲੇਂਟ ਨਾਲ ਪੰਜਾਬੀ ਇੰਡਸਟਰੀ `ਚ ਪੈਰ ਜਮਾ ਲਏ ਹਨ। ਪਰ ਕੀ ਤੁਹਾਨੂੰ ਪਤਾ ਹੈ ਕਿ ਪੰਜਾਬੀ ਫ਼ਿਲਮਾਂ `ਚ ਆਉਣ ਤੋਂ ਪਹਿਲਾਂ ਸਰਗੁਣ ਟੀਵੀ ਅਦਾਕਾਰਾ ਸੀ। ਜੀ ਹਾਂ, ਸਰਗੁਣ ਟੀਵੀ ਦੀ ਸਫ਼ਲ ਅਦਾਕਾਰਾ ਮੰਨੀ ਜਾਂਦੀ ਹੈ। ਉਨ੍ਹਾਂ ਨੇ ਆਪਣੇ ਕਰੀਅਰ ਦੀ ਸ਼ੁਰੂਆਤ ਜ਼ੀ ਟੀਵੀ ਦੇ ਸੀਰੀਅਲ 12/24 ਕਰੋਲ ਬਾਗ਼ ਤੋਂ ਕੀਤੀ ਸੀ। ਉਸ ਸਮੇਂ ਸਰਗੁਣ ਦੀ ਉਮਰ ਮਹਿਜ਼ 19 ਸਾਲ ਦੀ ਸੀ।
ਸਰਗੁਣ ਮਹਿਤਾ ਨੇ ਇਸ ਸੀਰੀਅਲ ਦੀ ਤਸਵੀਰ ਆਪਣੇ ਇੰਸਟਾਗ੍ਰਾਮ ਦੀ ਸਟੋਰੀ `ਤੇ ਸ਼ੇਅਰ ਕੀਤੀ ਹੈ। ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਕੈਪਸ਼ਨ `ਚ ਲਿਖਿਆ, "12/24 ਕਰੋਲ ਬਾਗ਼ ਸੀਰੀਅਲ ਦੇ 13 ਸਾਲ ਪੂਰੇ। ਓਮੀ ਤੇ ਨੀਤੂ ਦੇ 13 ਸਾਲ ਪੂਰੇ। ਸਾਰਵੀ ਦੇ 13 ਸਾਲ ਪੂਰੇ। ਸਰਗੁਣ ਮਹਿਤਾ ਦੇ 13 ਸਾਲ ਪੂਰੇ। ਦੇਖੋ ਸਰਗੁਣ ਦੀ ਪੋਸਟ:
ਰੀਅਲ ਲਾਈਫ਼ ਪਤੀ ਰਵੀ ਦੂਬੇ ਨਾਲ ਸੀਰੀਅਲ `ਚ ਰੋਮਾਂਸ ਕਰਦੀ ਆਈ ਸੀ ਨਜ਼ਰ
ਸਰਗੁਣ ਮਹਿਤਾ ਨੇ ਇਸ ਸੀਰੀਅਲ `ਚ ਨੀਤੂ ਸੇਠੀ ਡਾਗਰ ਦਾ ਕਿਰਦਾਰ ਨਿਭਾਇਆ ਸੀ। ਸੀਰੀਅਲ `ਚ ਉਹ ਰਵੀ ਦੂਬੇ ਦੇ ਨਾਲ ਰੋਮਾਂਸ ਕਰਦੀ ਨਜ਼ਰ ਆਈ ਸੀ। ਰਵੀ ਦੂਬੇ ਨੇ ਸੀਰੀਅਲ `ਚ ਓਮੀ ਡਾਗਰ ਨਾਂ ਦੇ ਸ਼ਖਸ ਦਾ ਕਿਰਦਾਰ ਨਿਭਾਇਆ ਸੀ। ਓਮੀ ਡਾਗਰ ਸੀਰੀਅਲ `ਚ ਨੀਤੂ ਸੇਠੀ ਯਾਨਿ ਸਰਗੁਣ ਦਾ ਪਤੀ ਸੀ।
ਇੱਥੋਂ ਹੀ ਸ਼ੁਰੂ ਹੋਈ ਸੀ ਸਰਗੁਣ ਰਵੀ ਦੀ ਲਵ ਸਟੋਰੀ
ਹਾਲਾਂਕਿ ਕਰੋਲ ਬਾਗ਼ ਸਰਗੁਣ ਦਾ ਪਹਿਲਾ ਟੀਵੀ ਸੀਰੀਅਲ ਸੀ। ਇਹ ਸੀਰੀਅਲ 2009 `ਚ ਆਨ ਏਅਰ ਹੋਇਆ ਸੀ। ਜ਼ਾਹਰ ਹੈ ਕਿ ਸਰਗੁਣ ਲਈ ਇਹ ਸੀਰੀਅਲ ਬਹੁਤ ਸਪੈਸ਼ਲ ਹੋਵੇਗਾ। ਪਰ ਇੱਕ ਹੋਰ ਗੱਲ ਹੈ ਜਿਸ ਕਰਕੇ ਸਰਗੁਣ ਕਰੋਬ ਬਾਗ਼ ਸੀਰੀਅਲ ਨੂੰ ਆਪਣੇ ਦਿਲ ਦੇ ਨੇੜੇ ਮੰਨਦੀ ਹੈ। ਉਹ ਗੱਲ ਇਹ ਹੈ ਕਿ ਇਸੇ ਸੀਰੀਅਲ ਦੇ ਸੈੱਟ ਤੇ ਉਹ ਆਪਣੇ ਸੁਪਨਿਆਂ ਦੇ ਰਾਜਕੁਮਾਰ ਯਾਨਿ ਰਵੀ ਦੂਬੇ ਨੂੰ ਮਿਲੀ। ਇਹ ਸੀਰੀਅਲ ਹੀ ਦੋਵਾਂ ਦੇ ਪਿਆਰ ਦਾ ਨੀਂਹ ਪੱਥਰ ਸੀ। ਦੋਵਾਂ ਦਾ ਪਿਆਰ ਇਸੇ ਸੀਰੀਅਲ ਦੀ ਸ਼ੂਟਿੰਗ ਕਰਦਿਆਂ ਪਰਵਾਨ ਚੜ੍ਹਿਆ। 4 ਸਾਲਾਂ ਤੱਕ ਇੱਕ ਦੂਜੇ ਨੂੰ ਡੇਟ ਕਰਨ ਤੋਂ ਬਾਅਦ ਦੋਵਾਂ ਨੇ 2009 `ਚ ਵਿਆਹ ਕਰ ਲਿਆ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
