Ranjit Bawa: ਰਣਜੀਤ ਬਾਵਾ ਵੱਲੋਂ ਨਵੇਂ ਗੀਤ `ਮਿੱਠੀਆਂ ਜੇਲ੍ਹਾਂ` ਦਾ ਐਲਾਨ, ਸ਼ੇਅਰ ਕੀਤਾ ਪੋਸਟਰ
Ranjit Bawa Mithiyan Jailan: ਰਣਜੀਤ ਬਾਵਾ ਦੇ ਨਵੇਂ ਗੀਤ ਦਾ ਪੋਸਟਰ ਦੇਖ ਇਹ ਤਾਂ ਸਮਝ ਆ ਰਿਹਾ ਹੈ ਕਿ ਇਹ ਗੀਤ ਉਨ੍ਹਾਂ ਲੋਕਾਂ ਦੇ ਲਈ ਹੈ ਜਿਨ੍ਹਾਂ ਵਿੱਚ ਵਿਦੇਸ਼ ਜਾ ਕੇ ਪੈਸੇ ਕਮਾਉਣ ਦਾ ਕ੍ਰੇਜ਼ ਹੈ।
Ranjit Bawa New Song: ਪੰਜਾਬੀ ਗਾਇਕ ਰਣਜੀਤ ਬਾਵਾ ਨੇ ਆਪਣੇ ਅਗਲੇ ਪ੍ਰਾਜੈਕਟ ਦਾ ਐਲਾਨ ਕਰ ਦਿੱਤਾ ਹੈ। ਗਾਇਕ ਨੇ ਆਪਣੇ ਨਵੇਂ ਗੀਤ `ਮਿੱਠੀਆਂ ਜੇਲ੍ਹਾਂ` ਦਾ ਪੋਸਟਰ ਸੋਸ਼ਲ ਮੀਡੀਆ ਤੇ ਸ਼ੇਅਰ ਕੀਤਾ ਹੈ। ਗੀਤ ਦੇ ਪੋਸਟਰ `ਚ ਪਾਸਪੋਰਟ ਦੀ ਫ਼ੋਟੋ ਨਜ਼ਰ ਆ ਰਹੀ ਹੈ। ਗਾਇਕ ਨੇ ਪੋਸਟਰ ਸ਼ੇਅਰ ਕਰ ਕੈਪਸ਼ਨ `ਚ ਲਿਖਿਆ, "ਦੋ ਬੈਗਾਂ `ਚ ਜ਼ਿੰਦਗੀ ਭਰ ਦੇ ਸੁਪਨੇ ਰੱਖੇ ਨੇ।" ਰਣਜੀਤ ਬਾਵਾ ਦੇ ਨਵੇਂ ਗੀਤ ਦਾ ਪੋਸਟਰ ਦੇਖ ਇਹ ਤਾਂ ਸਮਝ ਆ ਰਿਹਾ ਹੈ ਕਿ ਇਹ ਗੀਤ ਉਨ੍ਹਾਂ ਲੋਕਾਂ ਦੇ ਲਈ ਹੈ ਜਿਨ੍ਹਾਂ ਵਿੱਚ ਵਿਦੇਸ਼ ਜਾ ਕੇ ਪੈਸੇ ਕਮਾਉਣ ਦਾ ਕ੍ਰੇਜ਼ ਹੈ। ਇਸ ਤੋਂ ਬਾਅਦ ਕਈ ਵਾਰ ਉਹ ਵਿਦੇਸ਼ ਜਾ ਕੇ ਆਪਣੇ ਮੁਲਕ ਨੂੰ ਭੁੱਲ ਜਾਂਦੇ ਹਨ। ਸ਼ਾਇਦ ਇਹੀ ਅਸਲੀਅਤ ਬਿਆਨ ਕਰਨ ਵਾਲਾ ਹੈ ਰਣਜੀਤ ਬਾਵਾ ਦਾ ਨਵਾਂ ਗੀਤ।
View this post on Instagram
ਇਸ ਦਿਨ ਹੋਵੇਗਾ ਰਿਲੀਜ਼ਰਣਜੀਤ ਬਾਵਾ ਦਾ ਇਹ ਨਵਾਂ ਗੀਤ 2 ਨਵੰਬਰ ਨੂੰ ਸਵੇਰੇ 10 ਵਜੇ ਯੂਟਿਊਬ ਤੇ ਰਿਲੀਜ਼ ਹੋਵੇਗਾ। ਦਸ ਦਈਏ ਕਿ ਇਸ ਗਾਣੇ ਨੂੰ ਰਣਜੀਤ ਬਾਵਾ ਦੇ ਮਿਊਜ਼ਿਕ ਲੇਬਲ ਹੇਠ ਰਿਲੀਜ਼ ਕੀਤਾ ਜਾਣਾ ਹੈ। ਇਸ ਗੀਤ ਦੇ ਬੋਲ ਸੁਖਚੈਨ ਸੰਧੂ ਨੇ ਲਿਖੇ ਹਨ। ਗੀਤ ਨੂੰ ਮਿਊਜ਼ਿਕ ਦਿੱਤਾ ਹੈ ਮੋਹਿਤ ਕਸ਼ੱਯਪ ਨੇ।
ਦਸ ਦਈਏ ਕਿ ਰਣਜੀਤ ਬਾਵਾ ਸਾਫ਼ ਸੁਥਰੀ ਤੇ ਅਰਥ ਭਰਪੂਰ ਗਾਇਕੀ ਲਈ ਜਾਣਿਆ ਜਾਂਦਾ ਹੈ। ਹਾਲ ਹੀ `ਚ ਗਾਇਕ ਦਾ ਰਿਲੀਜ਼ ਹੋਇਆ ਗੀਤ `ਇਮੋਸ਼ਨਲ ਬੰਦਾ` ਸੁਪਰਹਿੱਟ ਰਿਹਾ ਸੀ। ਇਸ ਗੀਤ ਨੂੰ ਸਰੋਤਿਆਂ ਦਾ ਖੂਬ ਪਿਆਰ ਮਿਲਿਆ ਸੀ। ਹੁਣ ਦੇਖਣਾ ਇਹ ਹੈ ਕਿ ਬਾਵਾ ਦਾ ਇਹ ਨਵਾਂ ਗੀਤ ਲੋਕਾਂ ਨੂੰ ਕਿੰਨਾ ਪਸੰਦ ਆਉਂਦਾ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
