Raaj Kumar: ਬਾਲੀਵੁੱਡ ਦਾ ਸਭ ਤੋਂ ਘਮੰਡੀ ਐਕਟਰ ਰਾਜ ਕੁਮਾਰ, ਡਾਇਰੈਕਟਰ ਦੀ ਸ਼ਕਲ ਪਸੰਦ ਨਾ ਹੋਣ ਕਰਕੇ ਫਿਲਮ ਕਰਨ ਤੋਂ ਕੀਤਾ ਸੀ ਇਨਕਾਰ

ਅਭਿਨੇਤਾ ਰਾਜ ਕੁਮਾਰ, ਜੋ ਆਪਣੇ ਸਮੇਂ ਦੇ ਸੁਪਰਸਟਾਰ ਸਨ, ਇੰਡਸਟਰੀ ਤੇ ਪ੍ਰਸ਼ੰਸਕਾਂ ਚ ਆਪਣੇ ਵੱਖਰੇ ਅੰਦਾਜ਼ ਲਈ ਮਸ਼ਹੂਰ ਸਨ। ਇਕ ਵਾਰ ਅਭਿਨੇਤਾ ਨੇ ਫਿਲਮ ਨੂੰ ਸਿਰਫ ਇਸ ਲਈ ਠੁਕਰਾ ਦਿੱਤਾ ਸੀ ਕਿਉਂਕਿ ਉਸਨੂੰ ਡਾਇਰੈਕਟਰ ਦਾ ਚਿਹਰਾ ਪਸੰਦ ਨਹੀਂ ਸੀ

ਰਾਜ ਕੁਮਾਰ

Raaj Kumar Rejected Films: ਪੁਰਾਣੇ ਜ਼ਮਾਨੇ ਦੇ ਸੁਪਰਸਟਾਰ ਰਾਜ ਕੁਮਾਰ ਫਿਲਮ ਇੰਡਸਟਰੀ ਵਿੱਚ ਆਪਣੀ ਬੇਬਾਕੀ ਲਈ ਜਾਣੇ ਜਾਂਦੇ ਸਨ, ਫਿਲਮਾਂ ਵਿੱਚ ਆਉਣ ਤੋਂ ਪਹਿਲਾਂ ਰਾਜ ਕੁਮਾਰ ਨੇ ਮੁੰਬਈ ਪੁਲਿਸ ਵਿੱਚ ਕੰਮ ਕੀਤਾ ਸੀ, ਇਸ ਦਾ ਅਸਰ ਉਨ੍ਹਾਂ ਦੇ ਮਿਜ਼ਾਜ 'ਚ ਵੀ ਦੇਖਣ ਨੂੰ ਮਿਲਦਾ ਸੀ। ਉਨ੍ਹਾਂ ਨੂੰ ਹਮੇਸ਼ਾ ਆਪਣੇ ਚੰਗੇ ਲੁੱਕ ਲਈ ਤਾਰੀਫਾਂ ਮਿਲਦੀਆਂ ਸੀ। ਬਹੁਤ ਸਾਰੇ ਲੋਕਾਂ ਨੇ ਉਨ੍ਹਾਂ ਨੂੰ ਆਪਣੀ ਵਿਲੱਖਣ ਆਵਾਜ਼ ਅਤੇ ਸ਼ਖਸੀਅਤ ਦੇ ਕਾਰਨ ਅਦਾਕਾਰੀ ਵਿੱਚ ਹੱਥ ਅਜ਼ਮਾਉਣ ਲਈ ਵੀ ਕਿਹਾ। ਰਾਜ ਕੁਮਾਰ ਹਮੇਸ਼ਾ ਵੱਡੇ ਪਰਦੇ 'ਤੇ ਦਿਖਾਈ ਦੇਣਾ ਚਾਹੁੰਦੇ ਸਨ ਅਤੇ ਇਸ ਲਈ ਆਪਣੀ ਕਿਸਮਤ ਅਜ਼ਮਾਉਣ ਦਾ ਫੈਸਲਾ ਕੀਤਾ।

'ਜ਼ੰਜੀਰ' ਫਿਲਮ ਨੂੰ ਮਾਰੀ ਠੋਕਰ, ਇਸੇ ਫਿਲਮ ਨੇ ਅਮਿਤਾਭ ਨੂੰ ਬਣਾਇਆ ਸੁਪਰਸਟਾਰ
ਰਾਜ ਕੁਮਾਰ ਨੇ ਆਪਣੇ ਫਿਲਮੀ ਕਰੀਅਰ ਦੀ ਸ਼ੁਰੂਆਤ 1952 'ਚ ਫਿਲਮ 'ਰੰਗੀਲੀ' ਨਾਲ ਕੀਤੀ ਸੀ। ਇਸ ਦੇ ਨਾਲ ਨਾਲ ਰਾਜ ਕੁਮਾਰ ਨੂੰ ਆਪਣੀ ਹਾਜ਼ਰ ਜਵਾਬੀ ਲਈ ਵੀ ਜਾਣਿਆ ਜਾਂਦਾ ਸੀ। ਇੱਕ ਵਾਰ ਨਿਰਦੇਸ਼ਕ ਪ੍ਰਕਾਸ਼ ਮਹਿਰਾ ਨੇ ਆਪਣੀ ਫ਼ਿਲਮ 'ਜ਼ੰਜੀਰ' ਨੂੰ ਲੈ ਕੇ ਉਸ ਨਾਲ ਸੰਪਰਕ ਕੀਤਾ, ਹਾਲਾਂਕਿ ਰਾਜ ਨੂੰ ਸਕ੍ਰਿਪਟ ਪਸੰਦ ਆਈ, ਪਰ ਉਸ ਨੇ ਇਹ ਕਹਿ ਕੇ ਫ਼ਿਲਮ ਤੋਂ ਇਨਕਾਰ ਕਰ ਦਿੱਤਾ ਕਿ ਉਨ੍ਹਾਂ ਨੂੰ 'ਨਿਰਦੇਸ਼ਕ ਦੀ ਸ਼ਕਲ' ਪਸੰਦ ਨਹੀਂ ਹੈ।

ਬੱਪੀ ਲਹਿਰੀ ਦਾ ਉਡਾਇਆ ਮਜ਼ਾਕ
ਇਹ ਫਿਲਮ ਆਖਰਕਾਰ ਅਮਿਤਾਭ ਬੱਚਨ ਕੋਲ ਗਈ ਅਤੇ ਫਿਲਮ ਨੇ ਉਨ੍ਹਾਂ ਨੂੰ ਰਾਤੋ-ਰਾਤ ਸਟਾਰ ਬਣਾ ਦਿੱਤਾ। ਇੰਨਾ ਹੀ ਨਹੀਂ, ਇੱਕ ਵਾਰ ਇੱਕ ਪਾਰਟੀ ਵਿੱਚ, ਰਾਜ ਮਸ਼ਹੂਰ ਗਾਇਕ ਅਤੇ ਸੰਗੀਤਕਾਰ, ਬੱਪੀ ਲਹਿਰੀ ਨੂੰ ਮਿਲੇ। ਬੱਪੀ ਲਹਿਰੀ ਨੇ ਉਸ ਸਮੇਂ ਬਹੁਤ ਸਾਰੇ ਗਹਿਣੇ ਪਹਿਨੇ ਹੋਏ ਸੀ। ਰਾਜ ਨੇ ਬੱਪੀ ਨੂੰ ਦੇਖਿਆ ਅਤੇ ਕਿਹਾ, "ਇੱਕ ਤੋਂ ਇੱਕ ਸ਼ਾਨਦਾਰ ਗਹਿਣੇ, ਸਿਰਫ ਮੰਗਲਸੂਤਰ ਦੀ ਕਮੀ ਹੈ।"

ਕੁਝ ਸਮਾਂ ਪਹਿਲਾਂ ਰਾਜ ਕੁਮਾਰ ਦੇ ਪੁੱਤਰ ਪੁਰੂ ਰਾਜ ਕੁਮਾਰ ਨੇ ਆਪਣੇ ਪਿਤਾ ਦੇ ਇਸ ਬੇਬਾਕ ਅੰਦਾਜ਼ ਬਾਰੇ ਗੱਲ ਕੀਤੀ ਸੀ। iDiva ਨਾਲ ਗੱਲ ਕਰਦੇ ਹੋਏ, ਪੁਰੂ ਨੇ ਕਿਹਾ, "ਮੇਰੇ ਪਿਤਾ ਇੱਕ ਮੂਹ ਫੱਟ (ਬਿਨਾਂ ਸੋਚੇ ਬੋਲਣ ਵਾਲੇ) ਇਨਸਾਨ ਸਨ, ਹਾਲਾਂਕਿ ਮੈਨੂੰ ਪ੍ਰਕਾਸ਼ ਜੀ ਨਾਲ ਇਸ ਘਟਨਾ ਬਾਰੇ ਕੋਈ ਜਾਣਕਾਰੀ ਨਹੀਂ ਹੈ। ਪਰ ਸੰਭਵ ਹੈ ਕਿ ਅਜਿਹਾ ਕੁਝ ਹੋਇਆ ਹੋਵੇ। ਪਾਪਾ ਦੀ ਸੈਂਸ ਆਫ ਹਿਊਮਰ ਬਹੁਤ ਖਰਾਬ ਸੀ। ਪਰ ਉਹ ਦਿਲ ਦੇ ਮਾੜੇ ਨਹੀਂ ਸਨ। ਮੇਰੇ ਪਿਤਾ ਜੀ ਸ਼ਾਇਦ ਅਜੀਬ ਸਨ, ਪਰ ਉਹ ਕਦੇ ਬੋਰਿੰਗ ਨਹੀਂ ਸਨ। ਰੱਬ ਹੁਣ ਉਨ੍ਹਾਂ ਵਰਗੀਆਂ ਸ਼ਖਸੀਅਤਾਂ ਨਹੀਂ ਬਣਾਉਂਦਾ।