ਰਾਧੇ ਮਾਂ ਨੇ ਐਕਟਿੰਗ ਤੇ ਡੈਬਿਊ ਬਾਰੇ ਖੋਲ੍ਹੇ ਕਈ ਰਾਜ਼

ਮੁੰਬਈ: ਵਿਵਾਦਤ ਧਰਮ ਗੁਰੂ ਰਾਧੇ ਮਾਂ ਛੋਟੇ ਪਰਦੇ ‘ਤੇ ਜਲਦੀ ਹੀ ਡੈਬਿਊ ਕਰਦੀ ਨਜ਼ਰ ਆਵੇਗੀ। ਰਾਧੇ ਮਾਂ ਦੀ ਵੈੱਬ ਸੀਰੀਜ਼ ਦਾ ਟ੍ਰੇਲਰ ਰਿਲੀਜ਼ ਹੋ ਚੁੱਕਿਆ ਹੈ ਜਿਸ ‘ਚ ਬੇਹੱਦ ਬੋਲਡ ਸੀਨ ਵੀ ਹਨ। ਟ੍ਰੇਲਰ ਲਾਂਚ ਇਵੈਂਟ ‘ਤੇ ਰਾਧੇ ਮਾਂ ਨੇ ਆਪਣੇ ਡੈਬਿਊ ਨੂੰ ਲੈ ਕੇ ਕਈ ਰਾਜ ਖੋਲ੍ਹੇ ਹਨ। ਇਸ ਡੈਬਿਊ ਤੋਂ ਪਹਿਲਾਂ ਹੀ ਰਾਧੇ ਮਾਂ ਦੀ ਫੈਨ ਫੌਲੋਇੰਗ ਕਾਫੀ ਸੀ। ਸਿਰਫ ਆਮ ਲੋਕ ਹੀ ਨਹੀਂ ਟੀਵੀ ਤੇ ਬੀ ਟਾਉਨ ਦੇ ਵੀ ਕਈ ਸੈਲੇਬਸ ਰਾਧੇ ਮਾਂ ਦੇ ਫੌਲੋਅਰਸ ਹਨ। ਵੈੱਬ ਸੀਰੀਜ਼ ‘ਰਾਹ ਦੇ ਮਾਂ’ ਦੇ ਟ੍ਰੇਲਰ ਲਾਂਚ ਇਵੈਂਟ ‘ਤੇ ਰਾਧੇ ਮਾਂ ਨੇ ਕਿਹਾ, "ਕੁਝ ਲੋਕਾਂ ਨੇ ਮੈਨੂੰ ਮਨਾ ਕੀਤਾ ਕਿ ਪ੍ਰੋਡਿਊਸਰ ਰਮਨ ਹਾਂਡਾ ਦੇ ਪ੍ਰੋਗ੍ਰਾਮ ‘ਚ ਨਾ ਜਾਵਾਂ, ਲੋਕ ਕੀ ਕਹਿਣਗੇ ਪਰ ਮੈਂ ਕਿਹਾ ਕਿ ਲੋਕ ਕੁਝ ਵੀ ਕਹਿਣ, ਹੁਣ ਜੇਕਰ ਰਮਨ ਮੈਨੂੰ ਮਾਂ ਮੰਨਦੇ ਹਨ ਤਾਂ ਹੁਣ ਜੋ ਵੀ ਮੇਰੇ ਨਾਲ ਹੋਵੇਗਾ ਨੋ ਪ੍ਰੋਬਲਮ।" ਇਸ ਦੇ ਨਾਲ ਹੀ ਰਾਧੇ ਮਾਂ ਨੇ ਆਪਣੀ ਵੈੱਬ ਸੀਰੀਜ਼ ‘ਚ ਐਕਟਿੰਗ ਨੂੰ ਲੈ ਕੇ ਵੀ ਖੁੱਲ੍ਹ ਕੇ ਗੱਲ ਕੀਤੀ। ਇਸ ਫ਼ਿਲਮ ‘ਚ ਰਾਧੇ ਮਾਂ ਖੁਦ ਦਾ ਕਿਰਦਾਰ ਨਿਭਾਅ ਰਹੀ ਹੈ। ਉਸ ਨੇ ਕਿਹਾ, "ਮੈਂ ਜਿੰਦਗੀ ‘ਚ ਕਦੇ ਵੀ ਐਕਟਿੰਗ ਨਹੀਂ ਕਰਦੀ, ਮੈਂ ਜਿਵੇਂ ਦੀ ਵੀ ਹਾਂ ਓਦਾਂ ਹੀ ਰਹਿੰਦੀ ਹਾਂ। ਇਸ ਵੈੱਬ ਸੀਰੀਜ਼ ‘ਚ ਵੀ ਮੈਂ ਰਾਧੇ ਮਾਂ ਦੇ ਅੰਦਾਜ਼ ‘ਚ ਹੀ ਹਾਂ। ਮੈਂ ਮਾਂ ਹਾਂ ਤੇ ਮਾਂ ਦਾ ਕਿਰਦਾਰ ਨਿਭਾਵਾਂਗੀ, ਸਾਹਮਣੇ ਵਾਲਾ ਕੁਝ ਵੀ ਸੋਚੇ। ਮੈਂ ਨੇਚੂਰਲ ਰਹਿੰਦੀ ਹਾਂ, ਲਾਈਫ ‘ਚ ਐਕਟਿੰਗ ਨਹੀਂ ਕਰਦੀ ਤੇ ਮੈਂ ਮਾਡਰਨ ਹਾਂ ਕਿਉਂਕਿ ਨਾ ਮੈਂ ਸੰਤ ਹਾਂ ਤੇ ਨਾ ਗੁਰੂ ਤੇ ਹੀ ਸਾਧੂ। ਮੈਨੂੰ ਬਚਪਨ ਤੋਂ ਹੀ ਰੈੱਡ ਕਲਰ ਪਸੰਦ ਹੈ। ਮੈਂ ਕਿਸੇ ਦਾ ਦਿਲ ਨਹੀਂ ਦੁਖਾਉਂਦੀ।" ਟ੍ਰੇਲਰ ਦੇਖਣ ਤੋਂ ਬਾਅਦ ਸਾਫ ਹੋ ਗਿਆ ਹੈ ਕਿ ‘ਰਾਹ ਦੇ ਮਾਂ’ ਵੈਬ ਸੀਰੀਜ਼ ਅਜਿਹੇ ਪਰਿਵਾਰ ਦੀ ਕਹਾਣੀ ਹੈ ਜਿੱਥੇ ਆਪਣੇ ਇਕਲੌਤੇ ਬੇਟੇ ਨੂੰ ਐਕਟਰ ਬਣਾਉਣਾ ਚਾਹੁੰਦੇ ਹਨ। ਇਸ ਲਈ ਉਹ ਆਪਣੇ ਬੇਟੇ ਨੂੰ ਆਸ਼ਰੀਵਾਦ ਲਈ ਰਾਧੇ ਮਾਂ ਕੋਲ ਲੈ ਕੇ ਆਉਂਦੇ ਹਨ। ਇਸ ਤੋਂ ਬਾਅਦ ਮੁੰਡੇ ਨੂੰ ਫ਼ਿਲਮ ਵੀ ਮਿਲ ਜਾਂਦੀ ਹੈ, ਪਰ ਫ਼ਿਲਮ ‘ਚ ਦਿਲਚਸਪ ਮੋੜ ਉਦੋਂ ਆਉਂਦਾ ਹੈ ਜਦੋਂ ਮੁੰਡਾ ਸਮਲੈਂਗਿਕਤਾ ‘ਚ ਦਿਲਚਸਪੀ ਲੈਣ ਲੱਗ ਜਾਂਦਾ ਹੈ। ਇਹ ਵੈਬ ਸੀਰੀਜ਼ 21 ਅਗਸਤ ਨੂੰ ਰਿਲੀਜ਼ ਹੋ ਰਹੀ ਹੈ।